CU CAMPA PAGA
Commedia in due atti di
Rocco Chinnici
(Scena unica, composta di umili cose)
E’ una commedia ricca di espedienti di vita; Il non sapere come fare a quadrare
i conti quando le entrate sono ancora meno delle uscite; ma il personaggio di
Peppi, riesce con delle beffarde trovate, non solo a far quadrare i conti ma a
trovare quelli per andare persino a teatro; ma….
PERSONAGGI
Peppi
Mpillonia (moglie)
Luigi |
Lion | figli
Lorio |
Filippo
Ernesto
Isabella
Antrìa
Carlo (fidanzato di Lion)
Vicina
Stefanu
Mastru Giuseppi
Merciaio
Carabinieri (2)
PRIMO ATTO
(Mpillonia intenta a stirare. Stira e spruzza dell’acqua sugli indumenti. Seduto
per terra Luigi suo figlio. Ha circa dieci anni).
LUIGI
Mà, oh mà!
MPILLONIA
Chi c’è? Chi hai?
LUIGI
E tu mi senti?
MPILLONIA
(Ironica) Si ‘un ti sintissi, t’arrispunnissi?
LUIGI
(Pensieroso e serio) Pi fari u Papa, s’havi a ghiri a mastru a parrinu o a
monacu?
MPILLONIA
(Meravigliata) Chi cosa?
LUIGI
U papà, u papa!
MPILLONIA
U papa? Chi fici u Papa, a matri?
LUIGI
(Spazientito) Mà, u Papa ‘un ha fattu nenti! Sugnu iu ca vogghiu fari… u viri ca
‘un mi senti!
MPILLONIA
(Smette di stirare) Sugnu tutta aricchi, parra ca ti sentu! ‘Nzoccu stavi
dicennu ca vo fari?
LUIGI
U Papa!
MPILLONIA
(Meravigliata) Chi cosa, u papa?
LUIGI
(Imbronciato) U sapìa!
MPILLONIA
Ma u sapìa chi?
PEPPI
( Fuori scena, dalla stanza da letto) Mpilla! Mpilla!
MPILLONIA
Si è svegliato il monsignore! Sintemu; chi c’è?
PEPPI
(Sempre fuori scena) Senti meco quisto verso: tanti sunnu li debiti e li
pinseri, menu mali ca avemu li peri, chi ci trasi, dici tu stu discursu? Li
pistamu tutti e nni stuiamu lu mussu.
MPILLONIA
(A Luigi che stava a guardare) U sintisti a matri? E già pagamu a tutti.
PEPPI
Senti quist’altra rima. Lu pitittu veni manciannu e…
MPILLONIA
E la putrunarìa veni durmennu! Susiti, susiti! E va ritiri ddi quattru sordi a
posta, ca oggi sicuramenti nni videmu arricogghiri a mastru Giuseppi; ottu misi
havi chi avemu a pagari li petti di quattru para di scarpi. Poi c’è…
PEPPI
Facemunni la cruci cu la santa matinata!
MPILLONIA
Santa matinata, a menziornu!
PEPPI
(Entrando in scena) Ogni ghiornu e ‘na storia; anticchia u salumeri…
MPILLONIA
(Con la monotonia di chi ripete un rosario) Du misi di spisa…
PEPPI
Nautr’anticchia u panitteri…
MPILLONIA
Tri misi di pani…
PEPPI
‘Nautra vota lu carnizzeri…
MPILLONIA
Se misi di carni…
LUIGI
Mà, ma quali carni? Attaccagghieddi e tutta ossa ca mancu lu cani a voli!
PEPPI
Anticchia lu scarparu…
MPILLONIA
Quattru para di petti! (A Luigi) Lu criaturi nn’havi tortu, si dici ca voli fari
u Papa? Cu tutti sti rusarii!
PEPPI
‘Nca va ca fussi cosa di fari veramenti tredici e livarisi a tutti sti
limusinanti di ‘mmenzu li peri. (Facendo il verso dei creditori) Peppi, comu
finiu cu li picciuli? Peppi, quel tappo lo togliamo? Peppi accora ca pani non ti
nni dogno cchioni! Cchioni! U capisti? Pizzenti! Gnuranti! Cchioni! Armeno si
accorturassero ‘nanticchia; no! A iddi ‘nteressanu li picciuli!
MPILLONIA
E la cridenza cu nni l’ha fattu, me soru? Scusa! A diri sti quattru sordi di
pinsioni ca ti dunanu abbastanu schittu, schittu a copriri l’odinariu. Cu lu
statu ti l’avissi a pigghiari, quantu ti aumintassinu la pinsioni.
PEPPI
Vuautri ringraziannu a san Caloriu, supirati sempri le ore lavorative! La vesta
nova ‘nta lu sartu, lu parrucchieri tutti li simani…
MPILLONIA
Ma si ‘nta li capiddi ci haiu macari li filinii! E li vesti? Li vesti pi pariri
novi, mi l’haiu a vutari sempri di dintra e di fora.
PEPPI
Tu! E to figghia? E Ddavutru filosofu? Ca quannu parra e ghiri circannu cu lu
vocabolariu ‘n manu pi capiri chiddu ca voli diri.
MPILLONIA
‘Un ‘ncuminciamu, ah! Li vosimu li figghi allittrati? E allura? Li criaturi, a
scola, hannu a fari fiura cu li cumpagni, o li vo fari iri cu lu culu di fora?
PEPPI
(A Luigi che stava con le mani giunte in segno di preghiera) E tu, chi fai?
Prei, u papà?
MPILLONIA
No, sta sturiannu ca havi a fari u Papa, dici.
LORIO
(Entra ripassandosi la lezione) L’uomo, per Dio! Ha bisogno di un capo che lo
istruisca col suo esempio; ma non può un capo, per esempio, insegnare alla gente
a smettere di fumare, se egli stesso fuma.
PEPPI
‘Nca va ca chistu mi fa veniri… diciamo… una ispirazione di allisciarici lu pilu
cu un beddu marruggiu.
LION
(Da poco entrata) Ma papy! Lorio sta solo ripassandosi, ad alta voce, la
materia: l’uomo e la tecnica comunicativa. Ha gli esami in breve!
LORIO
Non deve, il saggio, turbare la mente degli ignoranti attaccati alle sciocche
abitudini. E’ l’ignoranza, la mancanza di conoscenza che riesce a legarlo
completamente nelle attività materiali rimanendovi attaccato per tutta la vita.
(Esce per una delle due stanze, ripassandosi la materia, mentre Peppi e Mpilla
si guardano sbalorditi).
LION
(Ai due) Eh! Che ve ne pare? (Ed esce dietro a Lorio).
PEPPI
Talè, talè arrivu a posta quantu sbariu ‘n’anticchia!
MPILLONIA
Aspetta, unni sta jennu? Veni ccà, prima ca fora ti ‘ncoccianu chiddi ca
avanzanu li picciuli. U sai a cu l’avemu a dari sta vota?
PEPPI
Veru è! Mi l’avia scurdatu! Luigi pigghia u cappeddu.
LUIGI
E tu li fa tirari a mia li pizzina?
PEPPI
Ca tirarri tu, ca ancora si nica!
MPILLONIA
Faccilli pigghiari, servi ca si ‘nsigna.
PEPPI
E moviti, si!
LUIGI
(Prende il cappello) Sta vota è fari nesciri u carnizzeri.
MPILLONIA
Ma mastru Giuseppi havi assai ca avanza li picciuli.
LUIGI
Mà! A figghia du carnizzeri veni a scola cu mia, e già ‘nfittà ‘na classi ca
semu tappisti.
MPILLONIA
(Va ad aprire un cassetto e prende dei bigliettini, li apre e li va leggendo)
Carnizzeri Stefanu lire centosettantamila, Vulcano del pane lire duecentomila,
Cipudda la sarta duecentotrentamila, mastro Giuseppe scarparo centoquarantamila…
spiramu ca niscissi sta vota, havi ottu misi c’aspetta. Gianni Antoniu
parrucchieri, libreria Casella…
PEPPI
Libreria! Signuri me, pagu i libra pi fari studiari a chiddi dui pi poi nun
capiri cchiù chiddu ca dicinu, e cchiù pagu e cchiù difficili mi veni affirrari
il loro concetto. E nn’haju di tirari pizzinedda! U sai chi ti dicu? Chi nun
fazzu cchiù nenti e voli diri chi… “Cu campa paga!”
MPILLONIA
Sempri chi si lamenta è! Chi c’entra ora cu campa paga?
PEPPI
C’entra picchì sugnu stufu di truvari comu fari pi ghiri avanti!
MPILLONIA
Ehi, ehi! Comu, u primu fusti tu a diri: “li me figghi nun hannu ad essiri
scimuniti comu a mia…”
PEPPI
Scimunita to soru c’è! E circamu di nun ‘ncuminciari a tirari puru li nummmari
ora! E dunami ssu cappeddu tu navutru! Quantu nni spirugghiuamu.
LUIGI
Te; io però le tirari!
PEPPI
E si, si, dunami ccà! (prende il cappello)
MPILLONIA
Teni, teni (gli porge i bigliettini). Otto pizzina. Lu carnizzeri, lu…
PEPPI
Lu custureri! Chi vo ca ma ricurdari; nun lu sacciu, ju, cu sunnu? (Li piegano e
li mettono dentro il cappello).
LUIGI
Io, io, io!
PEPPI
E si, si! Arrimina bonu.
LUIGI
(Si chiude gli occhi, infila la mano dentro il cappello e rimescola) Spiramu, lu
carnizzeri!
MPILLONIA
San Giusippuzzu, fa ca nesci mastru Giuseppi!
PEPPI
(A Luigi) Mi raccumannu, dui; u capisti? (Fa segno con le dita) dui!
LUIGI
(Con gli occhi chiusi e la mano ancora nel cappello) Ccà è, u sentu! (lo esce).
MPILLONIA
(Lo apre) Milici, salumeri! E cu cciù porta a chistu? Arrimina, arrimina bonu, a
matri.
LUIGI
(Mescola) Accussì è bonu? (Prende l’altro bigliettino).
MPILLONIA
(Lo apre. Dispiaciuta) lu custureri! Lire duecentomila. E puru sta vota… (con la
mano fa segno di pulirsi il muso) addiu mastru Giuseppi! (A Peppi) Ma ‘navutru
pizzinu nun lu putemu tirari? Semu arrivati a… centutrenta più duecentu…
PEPPI
Tricentutrentamila, iu nni pigghiu di pinsioni quasi cinqucentu, avemu un misi
ancora davanti l’occhi… anzi trenta jorna, po’ essiri ca dicennuti trenta u
capisci megghiu quantu è longu un misi. Mi lu voi diri, tirannuni nautru, chiddu
ca nni resta? (Le da il cappello) Teni, teni ccà! Va posalu pi u prossimu misi,
cu l’auguriu ca nun ci juncemu avutri crienti novi (bussano).
LUIGI
Mà, tuppulianu,
MPILLONIA
A chiddu di ligna è sicuru ca ci lu calamu, sta arrivannu lu ‘nvernu e fa friddu
(bussano ancora).
LUIGI
Mà, tuppulianu!
PEPPI
Emu avanti! Trasiti, mancu? (Entrano mastro Giuseppe, vestito da lavoro e con
degli attrezzi in mano; assieme un altro creditore).
MASTRO GIUSEPPE
(Un po’ adirato) Salutamu!
PEPPI
Mpilla, pigghia du seggi…
MASTRO GIUSEPPE
‘Un c’è di bisognu! Chiddu ca avemu di diri lu putemu fari macari a dritta.
Allura, comu finiu cu li grana?
MPILLONIA
(Non capisce) Cu… li… chi?
MERCIAIO
Li picciuli, li sordi! Chi è ‘un capiti?
PEPPI
Nenti, ‘un ci faciti casu signor mirciaio, mia mugghieri si lu scurdau ca mastru
Giuseppi è nasciutu di Cartanissetta, quindi…
MASTRO GIUSEPPE
Jamu a li curti, Peppi! Vinni, pi comu aviamu rimastu lu misi passatu e l’autru
ancora, e spiramu ca sta vota nun ci sunnu scusi, pi li grana (facendo segno con
le mani).
PEPPI
Mastru Giuseppi, putroppu vaju a diri ca siti sfurtunatu… (alla moglie) ciù vo
spiegari tu?
MASTRO GIUSEPPE
(Guardando il compagno) Chi veni a diri ca sugnu sfurtunatu? Scusati, fatimi
capiri megghiu.
PEPPI
E… comu vi lu pozzu spiegari…
MPILLONIA
Nenti, me maritu voli diri…, ca…
MASTRO GIUSEPPE
Ca, ca! Ca parrati!
MPILLONIA
‘Nzumma, ca vui nun niscistivu di lu cappeddu, eccu! E quindi…
MASTRO GIUSEPPE
Quindi… (guarda meravigliato il compagno) Tu, nn’hai caputu quarchi cosa? Ma,
scusati, vi vuliti spiegari megghiu?
MERCIAIO
(A mastro Giuseppe in disparte) Chista è a scusa sempri di lu mali pagaturi. E…
scusati, macari iu… nun niscivu ddocu du…
PEPPI
A vui, veramenti, ancora vi ci avemu di trasiri.
MASTRO GIUSEPPE
(Spazientito) Trasutu, nisciutu! Ma dicu, vuliti spiegarivi bonu?
MPILLONIA
Lu sapiti ‘nzoccu è, mastru Giuseppi? Ca arrivati a ogni fini di misi vi facemu
participari alla estrazioni da lu cappeddu. (I due si guardano ancora
meravigliati) Facemu li pizzinedda, li bigliettini va, cu li nomi di chiddi ca
avanzanu li grana comu diciti vui, li mittemu dintra lu cappeddu e tiramu; a cu
nesci havi li so…
MASTRO GIUSEPPE
(Esplodendo) Chi cosa?! Ju… ‘ntra li bigliettini… lu cappeddu…! Oh, ma unni semu
arrivati cu lu sceccu! Talè! Havi ottu misi ca avanzu centuquarantamilaliri, e
ora mi sentu diri puru… oooh!!!
PEPPI
(Alzando anche lui di voce) Oéh! Mastru Giuseppi! Circamu d’abbassari lu tonu
del linguaggio , picchì… finu a quannu… (facendo il verso di tirare i numeri dal
cappello) vi tiru cu li bigliettini a spiranza l’aviti, ma si vi escludo, si vi
estraniu di lu sorteggiu… (fa come per pulirsi il muso) Mi capistivu? Oh, e chi
maneri! Ma comu unu ci metti tutta la so bona volontà, e iddi…
MASTRO GIUSEPPE
Ju, di la to bona volontà… (fa il gesto come per volersi pulire il di dietro) u
capisti?
MERCIAIO
Ju (fa anch’egli il gesto) macari. Vastasu!!!
LUIGI
Pà, va sciogghiu u cani?
MASTRO GIUSEPPE
Talè a st’avutru! (Ironico) E picchù ‘un lu va sciogghi, a cu aspetti?
LUIGI
(Esce di corsa) Ccà, ccà Piriddu! (Entra con un piccolissimo cagnolino, mentre i
due, impauriti, salgono sul comò).
MERCIAIO
(A mastro Giuseppe, ironico) Jamu a pigghiari li grana, jamu a pigghiari li
grana! Mi lu putiva diri ca c’era a sorpresa!
LUIGI
(Il cagnolino è appoggiato con le due zampe al comò) Pà, chi dici, ci fazzu
manciari?
MPILLONIA
Ma va ‘nchiudi ssu cani dda ddintra, va ‘nchiudi”
LUIGI
(Non si muove, anzi incita il cane) Usck, sck, sck…
MPILLONIA
Ancora! A cu aspetti? (Luigi esce col cagnolino).
MERCIAIO (Appena vede uscire il cane) Pozzu scinniri? (Stava scendendo, sente
abbaiare il cane e cerca di risalire). Corpu ri sangu, un motu mi sta facennu
pigghiari! MPILLONIA Arreri sta cchiananu! ma chi addivintò 'na ijttena du comò?
Vossa scinni, un picciriddu pari! A cu aspetta? Viriti, signuri mè
MASTRO GIUSEPPE Nuautri ni nni ijamu, ma nun pinsari ca finisci raccussì!
(Escono borbottando ingiurie a Peppi) PEPPI Ma raccussì, comu? Nni capisti
nenti? MPILLONIA Io capivu sulu, ca, d'ora 'n poi, comu si sfurnanu li scarpi,
putemu caminari a peri scausi. PEPPI Talè, quantu arrivu a posta. (Si avvia)
MPILLONIA Viri ca pi manciari nun c'è nenti!
PEPPI (Che sta per uscire) Locca! nun è megghiu, servi ca sparagnamu. LION
(Entrando) Gradirei, mamma, un sempre fresco con una sottile fettina di spek con
Ketchup MPILLONIA (Che non ha capito) Mettil 'ncapu ca i frijemu. E nn'avi tò
patri ri tirari pizzina! Ma comu schifia parrati, tu e tò frati? ...Sprecu,
...cipuddi! LION Spek, mamma! Ketchup MPILLONIA Eh, figghia mia, quantu era
bellu lu tempu ru pani cu l'ogghiu, armenu nni capivamu tutti. ORIO (Entra con
Luigi spiegandogli qualcosa) Ite è latino; vuol dire andate. LUIGI Mà, iti, 'n
sicilianu è, o latinu? MPILLONIA (Come se ripassasse cercando di capire) Iti...
agghjiri dda; iti a dda bbanna..., 'nca certu ca è sicilianu! LION Ma che
c'entra questo mamma! Quando finisce la messa, come dice il parroco in latino?
Ite, missa est, che significa: andate, la messa è finita. MPILLONIA Gna veru è!
Allura u latinu è miscatu cu sicilianu? LION Ma che siciliano e siciliano, è
solo che vi sono parole che, pur essendo uguali, sono di significato diverso.
MPILLONIA A diri la virità, a matri, stu latinu mi pari ca sapi cchiù ri
sicilianu ca ri latinu; iti, è parola siciliana, missa puru, ristau sulu est, ca
vorrebbe a diri... LUIGI Allura u Papa parra puru 'n sicilianu? Mà, u viri ca u
pozzu fari puru io? (Si ripassa le parole) Iti, missa est; iti agghjiri llà;
iti... (Esce per la comune) MPILLONIA Veni ccà, unni sta ennu? Haiu la
'mprissioni ca chistu..., avutru chi scola! ORIO E pensare che vuole fare il
Papa! (Ride) LION Il Papa! (Ride) MPILLONIA Anchi siddu, criritimi, 'un capisciu
picchì u Papa nun lu pò fari unu ca nun avi scola. Chi forsi Gesù Cristu era
lauriatu? ORIO Ah, guarda su questo hai proprio ragione! MPILLONIA Talè figghi
mè 'un trasimu nna sti discursa ca trasemu 'mpiccatu. LION Ma perchè in peccato,
mamma? Che forse il grande Pietro era ingegnere? Dottore, o professore? Eppure è
al di sopra di tutta la chiesa!
MPILLONIA Finemula ora cu sti riscursa. ORIO Vedi, mamma! Quando a certe cose
non si va alla soluzione, ci si arrende, si entra nel peccato; è paura, la paura
del niente! (Bussano) MPILLONIA Cu è? PEPPI Io sugnu! Cu voi ca avi a essiri?
MPILLONIA Ca rapi a tò patri! PEPPI (Entra con compare Filippo, occhiali spessi,
balbuziente) Chi taliati? Pigghiati 'na seggia a cumpari fulippu. (Si premurano
tutti) MPILLONIA Cumpari Fulippu, vi finiu comu a vostra mugghieri; nun ci
viditi cchiù? LION Si sieda zio Filippo. FILIPPO Cu-cu è? mè-mè niputi?
MPILLONIA Gna no assittativi, mè figghia è. FILIPPO Si-si si-siccomu 'nti-ntisi
zi-ziu! ORIO (Che era distratto) C'è un topo? PEPPI Se, u attu c'è! MPILLONIA
(Fra se) Ogni bota ca veni stu mè cumpari, 'un si capisci picchì, ma ognunu, va
pi li fatti so cu li riscursa. PEPPI Mpillonia, ma parri sula? MPILLONIA U dicia
iu! (A Peppi) E' ca, quannu veni u cumpari, li riscursa, sapiddu picchì, si
miscanu tutti. FILIPPO (Parlando con Lion) Chi chi diciti, cu-cu-mmari?
MPILLONIA Se cucummari, scitrola! Cca sugnu! Chidda mè figghia è. (A Orio e
Lion) Itivinni a sturiari vuavutri. (Se ne vanno e Filippo gli va dietro) Ferma
a chissu! PEPPI Ma unni stati ennu? Assittativi. MPILLONIA Ricu 'un l'avi reci
minuti ca arrivastivu? PEPPI Certu! E chi è? MPILLONIA E chi è! Comu e chi è? Ca
doppu deci minuti 'un si avissi a capiri chiddu ca stamu riscurrenu? PEPPI
Circamu di spiegarinni megghiu mpari Fulippu, ca la cira scuagghjia. FILIPPO
Ne-nenti, ri-ri ci-cia a cumpa-mpari Pe-peppi, ca-ca, cu-cu stu ri-ri-riscursu
(Peppe come se avesse preso uno sputo in faccia si pulisce lamentandosi) ra-ra
vi-vista se-semu appo-postu. (Peppe si ripulisce con un fazzoletto e si va a
mettere dietro la moglie per ripararsi) MPILLONIA Ma scusati, appostu... ri chi?
FILIPPO (Adirato) Ca-ca ca-ca 'uuuun lu-lu lu-lu... MPILLONIA (A Peppi in
disparte) Comu si chiffari, io, oggi, 'un 'nn'avia! FILIPPO Lu-lu vi-viriti,
ca-ca -ca-ca su-sugnu o-o-o-orbu? Cri-Cri Cri- (Mpilla, intuendo d'esser presa
da uno sputo, si abbassa e prende Peppi) Cri-stu! PEPPI Corpu ri sangu, a doccia
mi sta facennu! MPILLONIA E ora, comu finisci cu la pinsioni d'accumpagnamentu?
FILIPPO Co-comu? MPILLONIA Cu la pinsioni, cu la pinsioni! (A Peppi) E chi è
puru surdu ora? (A Filippo) Nun pigghiavavu la pinsioni comu accumpagnatori di
vostra mugghieri ca è orva? FILIPPO (Non capisce bene) Umh!? MPILLONIA (Più
forte quanto senta) Va levanu? FILIPPO (Fraintendendo) Chi-chi schi fi-fia
ri-riciti! MPILLONIA Iu, 'ntennu diri a pinsioni. FILIPPO Aaaah! MPILLONIA
Quantu è schirzusu, ma comu ci spercia. PEPPI E vui fati finta di viriricci.
FILIPPO (Guardando Mpillonia) Io ci-ci pro-provu cu-cumpari. PEPPI Ccà sugnu!
FILIPPO (Guardando nel vuoto) Ne-nenti. Scu-scusati cum-m-m-pari, pi-pinsava
ca-ca eravu dda! (Indica un nuovo posto) e e e cri-cri... (Peppe si abbassa,
poi, pensando che ha finito di parlare si alza e viene preso in pieno) cri-stu!
PEPPI (A Mpillonia) Haju a 'mprissioni ca chistu, ci viri megghiu ri mia; tri
corpa, tutti tri voti 'n chinu. MPILLONIA E a cummari, ora, cu l'accumpagna?
PEPPI L'accumpagnerà sicuramenti (ironico) Cola u murrialisi. (Filippo scatta
nervoso) MPILLONIA Zittuti! Vucca di cascetta, cu ti ci porta? PEPPI (Guardando
prima Filippo) Ma si lu sannu macari li atti. MPILLONIA Poviru 'mpari Fulippu,
si ci avia a mettiri accura; certu ca si li piscava a tozzulu finia; 'n veci lu
signuri ci detti, a iddu, la disgrazia e a idda ci fici 'na bedda grazia. Talè,
quantu mi vaju a lavu li robi. (Si avvia) PEPPI Ah, senti! Viri ca sta vinennu
lu patri di tò jienniru. MPILLONIA Lu patri... di cu? PEPPI Lu patri di cu? Ri
mè soru! Idda mai nenti sapi. MPILLONIA Iu! E che sapiri, iu? PEPPI Nun ti dici
nenti... Carlo? MPILLONIA Ah, lu cumpagnu di scola di Lion! U figghiu di don
Ernestu? PEPPI (Ironico) Lu cumpagnu di scola di Lion! Cumpagnu di scola. Oh, ma
chi ti pari ca addivintaru (guardando Filippo) tutti orbi li cristiani?
MPILLONIA Ma li picciutteddi sgrezzano... e... un facemu ca ora veni pi... PEPPI
'Un facemu, nenti. Si sta maritannu Mariuzza la figghia, e... siccomu... tò
figghia cu Carluzzu... mi capisti? Nni sta vinennu a dumannari lu purmissu
d'invitari a tò figghia; oh! U capisti ora? MPILLONIA E chi mi mettu io? PEPPI
Chi ti metti? Ma di 'nzoccu?
MPILLONIA Ma pi andare a compagnari! PEPPI Ma quali accumpagnari e accumpagnari!
Oh, già pronta era! A tò figghia, a tò figghia veni a 'nvitari; 'ncaso mai ci
accoppiamo a Luigi, eh, scusa! Nun è ca ci pò andari sola. (Mpiloonia ci rimane
male) Eh, o no? MPILLONIA Io... pinsava... PEPPI Va levati ssu falari e
azzizzati 'n'anticchia! Io pinsava; a pinsari cchiù picca. MPILLONIA E chi ci
uffremu? (Stava per uscire) PEPPI Pigghia ddi ru cannulicchia ca purtavu antura,
e fai 'n 'anticchia di cafè. MPILLONIA Avemu a scriviri (alludendo ai creditori)
'nta lu pizzinu a chiddu du barru? O... PEPPI Ci ammancava puru lu barrista a lu
cuntu; ci li ho pagato. MPILLONIA E... a cumpari Fulippu, unni lu mittemu? PEPPI
Unni voi ca lu mittemu! Si lu fazzu iri sulu, si va 'nfila sutta 'corchi
machina; lassalu iri ca dopu l'accumpagnu, fa cuntu ca sta rivannu don Ernestu.
MPILLONIA Aspetta, ca priparu la cafittera. Tu pigghia ddi ru dorcini (Escono.
Rientra Peppi con i dolci, li posa sul tavolo e riesce di nuovo) FILIPPO (Che
aveva visto tutto, si avvicina al tavolo, apre la confezione e in quattro e
quattr'otto si mangia i dolci e risistema la confezione) . A la facciazza di
cumpari Peppi e a la saluti di mè cummari Mpillonia. (Bussano, va a sedersi di
corsa) MPILLONIA (Fuori scena) Vegno, vegno! PEPPI (Fuori scena) Va rapi!
MPILLONIA (Va ad aprire la porta) Si accommirassi, trasissi mancu? Peppi! S'è
arricugghiuto Ernesto! (Entra Ernesto, persona molto elegante, osserva in giro.
Si accorge di Filippo e lo guarda) No nenti, non si ci si appreca, antoritta
parravamo di... di... ERNESTO Di... me! MPILLONIA Di sua, si, ci azziccao!
Aspettassi ca vajo a vijo pi la cafittera, picchì sento tanfo di 'ngranciato.
(Indica i dolci) Ma... favorisce mentrettanto. (Esce, dopo un pò, ritorna col
caffè, lo posa sul tavolo, sta per ritornare in cucina e, accorgendosi che non
ci sono più dolci ritorna a guardare per rendersi veramente conto e guarda
Ernesto che era girato a guardare un quadro alla parete. Fra se) Buttana ri sò
matri! E chi fici si li vippi? E pari finu! (Entra Peppi) PEPPI Eccomi ccà, ron
Ernesto. A li comanni! Ma, s'assittassi; vuliti... (Guarda la guantiera già
vuota) ma viju ca già aviti... ERNESTO Io, veramente... PEPPI Oh, ma... nun vi
prioccupati! Cu nuautri nun ci hannu a essiri cirimoni, è megghiu essiri
accussì, senza complimenti. (Ernesto non capisce) Ma ijamu a nuautri; antura 'a
la chiazza mi stavavu dicennu... ah, aspittati ca chiamu a la mè signura.
Mpilla, Mpilla! MPILLONIA Vegno, vegno! PEPPI Arricoghijti! (Entra Mpillonia
portando le tazzine col caffè) MPILLONIA Prego. (Gli offre il caffè) Vole pi
prima un bocale d'acqua quantu... (Guardando la guantiera vuota) ammotta?
(Ernesto non capisce) No!? Comu voli. ERNESTO (Confuso) Oh, grazie! (Cerca di
offrire la prima tazzina a Mpillonia) E lei? (Riferendosi allo zucchero da
mettere)
MPILLONIA Una larmidda, grazii.
ERNESTO E tu? Possiamo darci del tu? PEPPI Possiamo darici 'nzocco egliè. Ru
cucchiareddi, grazie, ora se vole pò accominciare. ERNESTO (Guardando Filippo)
Ah, ma non è don Filippo? Io, poc'anzi lo guardavo; non l'avevo proprio
riconosciuto. Dorme? MPILLONIA Eh, mischinu, è abbattutu; unni arriva s’accascia
e s'addummisci. Doppu chiddu ca ci cumminau dda tappinara di sò mugghieri.
S'avia misu pi scuprilli 'nzemmula, ma ora, c'avi a scopriri cchiù, 'un viri
mancu unni metti li peri. ERNESTO Quindi già... sapete? Chissà se lo preferisce
un pò di caffè. (Si alza per portarglielo) PEPPI Forsi è megghiu di no, è...
Dispiaciutu. ERNESTO Della vista? PEPPI No, di l'accumpagnaturi! ERNESTO
Accompagna... che? PEPPI No, che; Cola. (Mpillonia lo tira) Ma... (Ernesto è
confuso) emu a nuautri; mi stava dicennu...? ERNESTO Tu! Tu! MPILLONIA (Al
marito) Comu tu? PEPPI Iu! Iu chi? 'Un nni staiju capennu cchiù nenti! ERNESTO
Dicevo... tu, nel senso di darci del tu! Hai dimenticato? PEPPI Ah, già! Lei,
tu, viriti chi gran sorti ri cunfusioni ca si stava vinennu a criari. Ti stava
dicennu, ca nni stavi dicennu... ERNESTO Si, insomma, il fatto che si sposa
Marietta. Eh, amo tanto la mia famiglia; cosa non farei per vederli tutti
allegri, cosa. PEPPI (Alla moglie) Cosa? (La moglie alza le spalle) ERNESTO Ho
saputo..., il paese è piccolo, e poi, conosco bene il mio Carlo; ho saputo che
egli è... come si dice... PEPPI Fa u scimunitu cu Lion... MPILLONIA 'Ngrizzato,
ricemo, 'ngrizzato. ERNESTO Beh, si! Diciamo... così; ed io, visto che i ragazzi
studiano assieme, ho pensato: perchè non vederli assieme anche in un giorno di
così tanta gioia? PEPPI (Alla moglie) ...Tanta gioia? ERNESTO Quindi, se mi
permettono, vorrei chiedere... PEPPI 'Nzomma, accorzando, con la mia mogliere
aviamo prospittato di fari veniri, pi cumpagnia alla nostra figliola...
MPILLONIA Sulu pi occhi di la genti! Lu paisi... è ciuciuleri... (Ernesto non
capisce) sparritteri, mancu? PEPPI A mio figlio Luigino, lei lo ha a piacere?
ERNESTO Ma quando mai! Non se ne deve discutere proprio! (Peppi e Mpillonia si
guardano) Da noi non si usa così! PEPPI E allura, u sapi chi ci ricu, ca...
(Mpillonia lo trattiene) ERNESTO Io, sono venuto per invitare tutta la famiglia!
MPILLONIA (Fa un salto di gioia, tanto che Ernesto rimane meravigliato) Vai!!!
PEPPI No..., nenti, dici... va! Vai! Vai a diricillu a Lion! Eh, mè mugghieri...
pi li figghi... ERNESTO Allora? Cosa mi rispondete? PEPPI E c'avemu di diri.
MPILLONIA (Guarda il marito) Lu ringraziamu veramenti... ERNESTO Non potete
venire? MPILLONIA No, no! Ricu lu ringraziu veramenti e venemu tutti. ERNESTO
Allora vi saluto e..., a ben rivederci! (Sta per uscire e si incontra con Luigi
che sta rincasando) Ciao Luigi. (Ed esce) LUIGI Iuùh! Era arreri a porta a
sentiri! PEPPI A ben rivederci? A non rivederci! UIGI Pàaaa!
MPILLONIA Picchì nun ci emu cchiuni? PEPPI E quasi chianci! Ma comu, nun avemu
mancu u sordu pi fari 'na lira e già parti? (Bussano. Si sentono dei bambini che
sfottono una donna. A luigi.) Va viri cu è. Ma chi sunnu tutti sti picciotti?
LUIGI E nuatri ci emu? Si prima 'un mi dici ca ci emu pi mia ponnu ijttari a
porta 'n terra. PEPPI (Bussano di nuovo) Va rapi a porta! Ti fazzu vidiri ponnu
ijttari a porta nterra. (Luigi apre ed entra comare Isabella) Oh, la cummari
Sabbedda! (Si sente sempre il vociare di bimbi; Peppi affaccia e li sgrida) E
ghijtivinni a casa! Maniata ri Cagnulazza! (Rientra) ISABELLA (Come se non
vedesse proprio, si avvicina ad una sedia) Salutamu cumpari Peppi, lu viriti chi
ducazioni chi c'è ora? (Parlando sempre con la sedia) Nun è ca pi tutti li
cumminazioni sà vistu me maritu? Lu vittiru cu vui antura... PEPPI Cummari,
stati parrannu cu 'na seggia mpagghijata, io sugnu cchiù a sinistra di la
seggia. (Isabella si gira a destra verso Mpillonia che la guardava)
ISABELLA
Veru è! M'aviti a scusari, chi buliti... E la cummari? Chi dici? Chi ciavuru ri
cafè. MPILLONIA Eh, cummari! Pi cchissu lu nasu finu l'aviti, assittativi,
assittativi ca vi lu vahiju a fazzu. Tiniti. (Le porge la sedia ed esce) PEPPI
(Andando da compare Filippo che dormiva) Cumpari Fulippu? Viniti ccà; u viriti
ca la cummari ha statu 'mena pi vui, e va gghijutu circannu? ISABELLA Fulì,
Fulì! Unni sì mariteddu miu? FILIPPO (Fra se) Qua-quantu è fa-favusa, ma ma comu
sa-sapi ri-ri-ricitari! Su-sugnu se-sempri c-c-chiù pirsuasu, ca-ca lu
marru-rruggiu ci-ci v-ovoli; l'a-lavi a sa-sa-sagiari, ca la-la-lavi a ssagiari!
PEPPI Ma chi parrati sulu? FILIPPO O-o-ogni te-tempu a so-so te-tempu. ISABELLA
Ognitempu a sò tempu; ma chi duni nummari, mariteddu miu? FILIPPO Li li
nu-nummari si-si! (Adirato) Pa-pazzu, pazzu vo-vo-vogghiju addi-divinttari!
PEPPI Cumpari Fulippu, oh, ma chi diciti! Carmativi. Viriti ca raccussì, la
prissioni a li stiddi si nni acchiana. (A Isabella) Assittativi. Aspittati,
aspittati cumpari ca vi pigghiu 'na seggia. (Ed esce) FILIPPO Do-do-donna! Si ti
viju pi-pi pi-piccomu nun ti-ti avi-vissi a vi-vidiri... (Come un pazzo) Fu!!!
(Lei si spaventa) Ti fu-furmino! Intesa? (Alza il bastone e lei si spaventa,
egli se ne accorge e lo rialza; niente, glielo avvicina al naso, niente)
Stra-stranu! Ma-mavia pa-pa-parsu... (Si, gira come avviarsi ad andare in
qualche posto, si rigira di scatto alzando il bastone, ma niente, lei seguiva
l'uscita di Peppi. Filippo, non contento, appena uscito Peppi ci riprova, prende
una banconota e, facendo finta, passando accanto alla moglie, la fa cadere per
terra e continua a camminare; Luigi, che stava entrando, vede quei soldi, si
abbassa per prenderli e prende anche un calcio di Peppi cadendo lungo per terra;
Luigi si gira e vede Filippo guardare in aria indifferente, si tocca il culo e
lo riguarda. Si conserva i soldi. Entra Peppe con la sedia). PEPPI Teni ccà
Luigi; chi fa 'nterra? Fa sittari o zziu Filuppu (Ed esce. Luigi gli posa la
sedia accanto e, non appena Filippo sta per sedersi, gliela sposta; Filippo
rimane seduto nel vuoto; Isabella ride, Filippo gli si avvicina e gli da un
calcio; lei vorrebbe rincorrerlo, si trattiene per non farsi scoprire e cerca di
sedersi, Luigi sposta la sedia anche a lei e rimane anch'essa seduta nel vuoto
come il marito, Luigi rimane appogiato al tavolo, con la faccia tra le mani, a
guardarla). ISABELLA (A Luigi) Curnutu!!! (Entrano Mpillonia e Peppi, mentre
Filippo, sempre in quella posizione si stava girando a guardare la moglie.
Mpillonia che aveva lla guantiera con le tazzine del caffè, vedendo quella scena
lascia cadere tutto e rimane aguardare il marito meravigliato; Luigi ride,
mentre si chiude il sipario.)
S I P A R I O
II° A T T O
(Scena medesima) MPILLONIA Sono appena ritornati dal matrimonio. Vestiti anni
cinquanta) Parìa ‘n ancileddu di cira..., quantu era bedda! Iddu ‘nveci... Ma
unni si lu iu a circari? ‘Na facci...! (A Peppi) U sintisti o zzu Pracitu? Lu
chiamava <<carduneddu ‘ncasciatu>>; e don Ernestu, a picca scoppiava, certu,
davanti a tutti li ‘nvitati! PEPPI Camina, locca, lu sannu tutti ca lu zzu
Nofriu è schirzusu e chiddu ca dici lu fa sempri ‘n forma benevula. MPILLONIA
Bella forma bonevula! Ma comu, a ddu picciottu a mumentu ci facia caririr la
facci ‘n terra, e la chiami benevula! Poi giustu lu ijornu di lu sò matrimoniu!
Io ricu ca si lu ricorderà pi tutta la vita; e sò ziu Pracitu a sò casa è sicuru
ca nun ci metterà cchiù peri. Ma poi ricu, Ernesto raccossì arucato, signorile;
e iddu... mancu parinu frati, è veru? PEPPI (Stanco di sentirla, risponde
disinteressato) Veru! MPILLONIA Secunnu mia, lu nomu ‘nfruisci anchi a
furmarinni lu carattiri; nun è veru? PEPPI
(Come sopra) Veru! MPILLONIA Nofriu; No... friu! Scusa chi veni a diri? Mentri
Er-ne-stu, pari un nomu di artu locàuto! PEPPI Locato! (Fra se) Locàuto.
MPILLONIA (Mentre va togliendosi i ninnoli) Senti, senti, (Ride) No... friu,
No-friu; ti dici nenti? PEPPI (Sempre disinteressato) Eh? MPILLONIA No-friu, No,
friu, cioeni che sarebbe a diri mancu è bonu pi la paredda! U capisti? Poi
c’era... a zzà Cunce... PEPPI Ma rimmi ‘na cosa, di lu matrimoniu..., ri la
cilibrazioni nzumma, nni sei arrivata a seguiri quarchi cosa? LUIGI (Che si era
tolto la giacca) Mà, unni a mettu? MPILLONIA Ma chi c’entra, ora, lu matrimoniu!
LUIGI Mà, oh mà!
MPILLONIA Chi voi tunavutru? LUIGI (Indicando la giacca) Unni a mettu? MPILLONIA
Mettila unni voi! LUIGI (Levandosela, la butta su diuna sedia) Ooopla! MPILLONIA
(La giacca cade a terra e Mpillonia si adira e gli molla un ceffone) E ooopla!
Va scancia! Ca chistu versu è! Li robi novi. (Mpillonia li raccoglie) Tale rammi
‘ssavutri causi, quantu li vaiju assarvu! (Se li toglie e di sotto ha un
pigiama) E chi è ssu cosa? LUIGI Comu e chi ssu cosa, Ma! u piggiama! PEPPI
(Alla moglie) Mi scummettu, ca puru tu ha corchi cammisa di notti ri sutta;
signuri mè parteru pi ghijri a scurari! LUIGI Ma quali scurari pà! Li robbi
sunnu chiddi ra stasciuni e lu friddu mi stava arrusicannu l’occhi! U capisti
ora? MPILLONIA Rammi, rammi ccà a matri; a scurari! (Ed esce)
LUIGI Pà, ti piacì u parrini: (Facendo il verso) Ecco vi unisco...
LORIO (Che si trovava ad entrare...) Ego, ego! PEPPI Cca è lu prufissuri! LORIO
Vuol dire, io! Latino! LUIGI Pà, mi rissi cretinu! LORIO Forse è meglio che vado
a studiare. Ma che cretino! LUIGI Pà, arreri, u sintisti? MPILLONIA (Entrando)
Ma quali cretinu! Dissi latinu, ca significa nautra lingua. PEPPI A sintisti
l’avvocatessa? LUIGI (Esce la lingua) Com'è chista? LORIO (Che stava per uscire,
lo guarda e fa una smorfia di disgusto) Brrrr! I brividi mi vengono! LUIGI (Che
fraintende) E tu picchì ‘un ti mitivi puru lu pigiama di sutta! LORIO Ma che
pigiama! Studia, asino! (Ed esce) LUIGI (Ci rimane male) Pà, u viri? Comu
accuminciu a fari u parrinu, a chissu, a chiesa, ‘un ci lu fazzu trasiri
propria! Ci fazzu viriri a cu buffunia! PEPPI Si tu camini cu ssù ciriveddu,
(Toccando e baciando a terra), è già bonu s'arrivi a fari lu saristanu. U Papa!
LUIGI Poi ti fazzu a vidiri! (Rivolgendosi poi alla madra) Mà, oh mà! MPILLONIA
Chi c’è a matri? LUIGI A viristi a figghija ru furnaru? Era ‘nna stissa fila
unni eramu nuautri! Mi chiamava (Imitandola) psss! Psss! E appena io a taliava,
mi faciva cu la manu accussì: (Come a fargli capire che non gli avrebbero
venduto più pane) chi veni a diri? E poi, ogni tantu, faciva raccussì: (Indica
con la mano, come per pulirsi il muso) MPILLONIA (Spiega una cosa per un’altra)
No... nenti a matri, sicuramenti vulia diri... (Guarda il marito) ca... a sala,
dopu ca manciava, si sarebbe stuiato il musso! U capisti? LUIGI No, no! Mi
faciva raccussì! (Rifacendo il verso) MPILLONIA E... allura... vulia diri... ca
ti l’avivi di stuiari tu, lu mussu, si eccu! PEPPI Tutti, vuliva diri tutti! Io,
tò matri, tu, e... LUIGI Lion e Oriu? Ma chiddi lu mussu si lu stuianu puru
mentri ca mancianu! Pà, ‘un lu sai quantu su fini? MPILLONIA Senti Luigi, sta
facennu un mari di cunfusioni. (Al marito) Comu ci lu pozzu fari capiri
megghiju? PEPPI ‘Ncuminciaci di lu cappeddu. (Facendo come per tirare il numero
dal cappello) LUIGI (Facendo il verso di tirare i numeri dal cappello) Aaah!
PEPPI (Ironico) Aaah!
LUIGI A si? Pà, e nuautri nun ci li facemu participari cchiù a lu sorteggiu!
(Bussano) PEPPI Avanti! Emu avanti! Trasiti, mancu? (A Luigi) Va viri cu è.
(Bussano ancora) Nca va rapi, a cu aspetti? LUIGI (Va ad aprire borbottando)
Sempri iu è ghijri a grapiri! (Apre e guarda Peppi facendo dei segni come per
volere indicare chi è all’uscio) PEPPI (Mima ripetendo i segni) Ca cu è? Parra!
MPILLONIA Sarà sicuramenti Nnirìa, u babbu. (Poi a Luigi ancora alla porta) E
veru a matri? LUIGI Uh! Uh! E che fari, le fari trasiri? MPILLONIA Ci ammancava
iddu ‘nmenzu i peri! LUIGI Pà si sta mittennu a chianciri! Che fari? PEPPI Ca
fallu trasiri! (Alla moglie) Ci facemu capiri ca stavamu niscennu. MPILLONIA A
chiddu! Ci facemu capiri... ca stavamu... talè talè! LUIGI E trasi, trasi!
ANTRIA (Entra. E’ uno scemo del vicinato; parla un po' a modo suo) Salutatimi!
(Ride) Ih! Ih! Ih! (A Peppe) Tu bravu ti? PEPPI (Alla moglie meravigliata)
Salutalu! Ih! Ih! Ih! MPILLONIA (Al marito) Ih! Ih! Ma ca riri? ANTRIA (A Peppi)
Quantu tu i tiddi? MPILLONIA (Guarda il marito imbarazzato) Comu ricisti? Ca ci
avii a fari capiri ca aviamu a nesciri? Ntantu ‘ncumincia a cuntari. ANTRIA
(Vedendo che non gli danno ascolto piange) I tiddi... Quantu tu...? Tu, ‘un ti
bravu! MPILLONIA Vistu ca nun è cosa di nesciri ora, iu mi vaiu a sistemu li
robi dda dintra. (Peppi la guarda meravigliato) A cu aspetti? Cunta, no! LUIGI
Pà, ma veru tutti l’ha cuntari? (Antrìa continua a piangere) PEPPI E zittuti
camurrìa, rammi tempu! ANTRIA No! Ca ti mantia u tuli! Pittiati. LUIGI (Va a
guardare dalla finestra) Stiddi ‘un si nni virinu, comu fa a cuntalli? ANTRIA
(Piangendo) U viri ca ti mantià tutti u tuli! PEPPI Ma quali suli e suli! E
chianci puru! Di jiornu li stiddi nun si virinu, u capisti? Avanti ‘un chianciri
ca sta sira, comu si nni va u suli, ‘nna ssittamu e cu santa pacenzia li cuntamu
tutti; va beni? ANTRIA (Piangendo) Ti mancià! Ti mancia! PEPPI (Chiama la
moglie) Mpillonia! Oh Mpillonia! U vò veniri accurdari a chistu? E’ nutuli ca
chianci; comu l’ha capiri ca di jiornu nun si vidinu; nun si vidinu! ANTRIA
(Smette di piangere, lo guarda e ci ripensa) Ti mantia! E ta tira i tata.
MPILLONIA Chi c’è, chi hai? ANTRIA (Gli corre incontro piangendo) U tuli ti
mantia tutti i tiddi! (Serio) Ma ta tira i tata! E veru? Tu brava ti? MPILLONIA
Ca certu figghiu mè! Si li po' teniri tutti nna panza? ‘Un chianciri ca sta sira
li cuntamu tutti! Cca, nna ssittamu fora ‘nna jittena e ‘un nni jiemu a curcari
si nun sapemu ca su tutti
ANTRIA (Allegro) Ti, ti u vogghiu tapiri! Comu tugnu cuntentu! LION (Entrano
Lion e Carlo) Eccoci qua! To (A Carlo) guarda, Andrea!
ANTRIA (A Peppi) E tu é tittu? (A Carlo) Bravu ti? CARLO
Umh!
LION Questo è Carlo! ANTRIA Tarlu? CARLO Carlo, Carlo! No tarlo. ANTRIA Pittì io
comu ritu? Un ditu: Tar-lu. Timunitu! MPILLONIA (Mpillonia, visto che Carlo ci
rimane male, cerca di spiegare) Non ti ci appricare Carlo, esso è cosine... LION
(Ad Andrea) Non è giusto Andrea, trattare così gli sconosciuti... ANTRIA (A
Luigi) Ti ditti? LUIGI Sconosciuti, stranii va, genti ca nun canusci. (A
Mpillonia) Ca comu fazzu a farimi Papa cu sti riscursa, mà! Mu vò riri? LION (Ad
Andrea) Questo è il mio fidanzato.
ANTRIA (Scoppia a piangere) Mi ri titti ca ti avii a maritari tu mia; tu
cuddatti? E ora tu tu mi è maritari, mu vo tiri? Mi nni vaiu; nun ti vegnu cchiù
Ta! (Passa accanto a Carlo e lo guarda) Tu, ‘un ti bravu. Tunnutu! (Ed esce)
CARLO Che a detto? PEPPI (Giocando sul frainteso) No nenti..., iddu, (Carlo non
capisce) il di lui va, (indicando dove è uscito Antria) si esprimi con nostro
linquaggio, che vole dire senza capelli; tonnuto va! Tonnere, da tonnare le
pecore... CARLO (A Lion) Tonnere, pecore; ma che linguaggio è il vostro? LION Su
Carlo non farci caso, papà si eprime con degli idiotismi legati ad altri tempi,
é così... come dire..., insomma è il suo modo di essere. CARLO (A Lion) Su, che
facciamo che giù, in macchina, aspettano. LION Sai mamma, stiamo andando in
città a vedere una commedia di un grande autore, e..., se si fa tardi, non state
in pensiero, gli amici di Carlo ci hanno invitati ad assaggiare le focacce al
ristor club. (Saluta baciando) Ciao Papy a più tardi. CARLO Arrivederci,
(Rimangono tutti meravigliati) e... una buona nottata. (Escono).
PEPPI (Toccandosi come per rendersi conto se è desto) Ma sugnu arruspigghiatu o
staju ancora rurmennu? MPILLONIA Cchiù forti, cchiù forti ti l’ha dari. Comu
rimpassulunisti! (Ironica) Allo matrimonio sula? Ma mancu si nni devi parrari!
La genti mormora! Ci accoppiamo a Luigino! Eh, noaotri cosine semo, caru
Ernesto; cosine! Passuluni! PEPPI (A Luigi che stava a guardare) Tu va sturìa,
ca certi riscursa nun li po' sentiri.
LUIGI Pà, pi dumani ‘un ‘nn’haju compiti, nun ti pigghiari collira. PEPPI Va
raci a manciari o cani allura, e u fa nesciri. (Esce borbottando) Comu ora
rincasa la signurina avemu a mettiri li carti ‘n tavula; nun facemu ca co quista
nisciuta, si accomincia una telenovelas, cioeni una serii di nesciute ca non
fenisceno cchioni? MPILLONIA (Triste) Cu sapi unni si la portanu la criatura
ora. Nun ci l’avii a fari andari sola! PEPPI Senti non cominciamo ora! E poi,
non l’hai ‘ntiso? Sono andati al tiatro; al tiatro, ma cos’è il tiatro? (Con
tenerezza) Ci vulissi andari tu quarchi vota? MPILLONIA (Timida, acconsente
abbassando il capo) Umh!
PEPPI E unni è ca nun vo iri tu! Ci scummettu puru a lu ‘nfernu! Ma, a lu
tiatru, nun ti prioccupari ca ‘nbrevi ti ci portu, e li biglietti di prima fila!
Voli diri ca di lu cappeddu, pizzina nni tiramu quarcunu di menu; eh, per la
curtura quisto e avotro! LUIGI (Entrando col cane al guinzaglio) Pà, u canu unni
u portu a fallu nesciri picchì ronna Bastiana rissi ca mi duna un corpu di
vastuni ‘n’testa comu vidi lu cani sciotu, dici ca ci va ghjisa sempri la amma
supra lu rampicanti davanti la porta e ci sta siccannu tuttu. MPILLONIA Ma ricu
iu stu cani pi forza l’avemu a teniri? Nni la strata nun ni pozzu cchiù: li
picciriddi si scantanu, va facennu lu bisognu unni egghjè, comu viri corchi
n’autra cani arma spittaculu, pi finu patri Vicenzu, l’autru jornu passannu, si
misi la manu davanti l’occhi! PEPPI E allura dicemu a lu sinnacu di fari
costruiri li gabinetti pi li cani, assignari un orariu di uscita quantu li
carusi sannu ca pi dda ura, nescinu sulu li cani, Eh! E pi quantu all’autri
cosi, mi dispiaci pi patri Vicenzu ma..., a piriddu, nun ci la pozzu... (Facendo
come se tagliasse). LUIGI Pà e finu a quannu u sinacu ‘un approva sta liggi u
cani unni u portu? PEPPI Ma quali liggi! Quali sinnacu! Chistu veru sagghijutti.
Portalu a punta ‘o paisi.
LUIGI ‘Nfina dda ‘n capu è ghjiri? (Esce borbottando)
PEPPI A chistu, senza nasciri, ‘un ci nni sta bona una! MPILLONIA E’ nicu u
picciriddu... PEPPI Ah, è nicu! E i ranni, cu su chiddi rui? Ca comu ci ricu ri
iri accattari lu pani ci vota lu stomacu? (Ironico) Ma papy! Ti sembra giusto
faremi vedere dalle mie amiche che vado a fare servizi? Ma papà, come osi! Farmi
vedere in giro a far compere; ma dico! Ma dico, iddu; mentri iu nun è putiri
diri nenti. E lu cappeddu, lu cappeddu! Mi lu voi diri a chi servi? Mi lu voi
diri, questi abilii, questi vuccati amari, queste nsaccate di malafiura cu li
pirsuna ca avanzanu li picciuli, a chi servi? A chi servinu tutti questi
sacrifici pi falli sturiari. (Ironico) Tinemu luntanu li carusi da li sacrifici,
nun ci facemu capiri nenti! E ora? Chi cosa ni hanno caputo ri la vita? Solo ca
allucentano quattro paroli spiccicannoli ‘n taliano? Quista è la di loro
curtura? Quisto è lo rispetto per il loro patre, (guardando Luigi) ca uno ci
dice al proprio figghio: <<vai a portare il cane a cacare>> scusanno la frase; e
illo ti arrisponne ca ci siddia? Quisto, quisto è lo rispetto?
LUIGI Talè mà, quantu portu u cani a punta ‘o paisi, viriti quantu a sta
firriannu pi dirimmi ca c’è ghjiri pi forza ju! (Esce col cane. Fuori vede
Andrea seduto che aspetta per contare le stelle, e rientra) Pà, viri ca ccà,
fora, c’è Antria assittatu ‘nna jittena ca aspetta a tia pi cuntari i stiddi,
chi c’è diri? PEPPI Dicci ca rumani sira si nni parra! (Luigi non si muove) A cu
aspetti? (Esce, e subito rientra). LUIGI Pà ci rissi puru ca ti roli a testa, e
un po' cuntari, ma ‘un voli sentiri nenti. Che fari? le fari trasiri, o nesci
tu? MPILLONIA Un ti siddiari va cunta fora ca ‘n tramenti mi arrisettu sti
quattru robbi avanti ca si munciunianu tutti. (Si sente donna Bastiana che parla
ad alta voce con Luigi) Tu rissi iu ca nun ni pozzu cchiù! (Ed esce per l’altra
stanza) VOCE FUORI SCENA Si po' sapiri unni sta ennu cu ssu cani? Talè, talè!
Arreri nno rampicanti! (Peppe esce) Eh no! Sta camurrìa nun po' durari, viriti
s’è manera signuri mè! (Ed entra) E’ pirmissu? PEPPI Picchì, già nun trasistivu?
VICINA (Adirata) Salutamu! Vustra mugghjieri nun c’è? PEPPI Scusati ma cu vi
l’ha dittu ca nun c’è?
VICINA A chiddu ca vjiu aviti sempri lu smanciu vui! (Adirata) Iu vi addumannavu
si vostra mugghieri è dintra. PEPPI Sintiti, ma chi vi ha mozzicato quarchi
tarantula e circati unni irivi arraspannu? MPILLONIA (Fuori scena) Peppi! Ma
ricu? Viriti sta gran tappinara! Pi ‘na pisciata di cani chi cosa sta
cumminannu!
PEPPI (Volendo calmare la vicina che, sentendo Mpillonia dire quelle cose, era
andata in escandescenza) No..., nenti! Sicuramenti... MPILLONIA Eh no! Puru cu
st’avutra? Ma a cu aspetta a ghjittalla fora! ‘Un ci vastava cummattiri cu cani,
ora puru ca atta! VICINA (Esplode rivolta verso la porta da dove fuoriescono le
voci) Nesci fora s’ha curaggiu, tinta zucculara! A mia, atta? (Si rivolge a
Peppi) E vui nenti ci riciti? Ma chi omu siti! Gran pezzu ri puddicinedda!
Sparti atta sugnu? PEPPI Sintiti, grandissima pecura arrinata, si nun vuliti
assaggiari (va a prendere un pezzo di legno che si trovava li vicino) una bedda
palacciunàta è megghjiu ca vi nni jiti ri unni vinistivu, oh chi vi pari! VICINA
Patri, figghju e spiritu santu! Nun vi faciva daccussì vastasi! Ma ora, comu
veni mè maritu...
MPILLONIA Ancora! E comu nesci l’unghjia sparti! ‘Nca va ca si t’acchiappu
l’occhi ti li scippu!
VICINA
(A Peppi) Jittati sangu vui e idda puru! (Si avvia per andarsene)
MPILLONIA
Veni cca! Cca a veniri! Ah, ti scanti! Ma sarvati l’hai nun ti prioccupari!
VICINA (Che se ne stava per andare, si avvia verso la porta della stanza dove si
trova Mpillonia) Ah, si! Ca nesci si ha curaggiu! (E, mentre aspettava, con le
mani ai fianchi, l’uscita di Mpillonia, si vede arrivare di sopra una gatta).
MPILLONIA Scappi? (Che inseguiva la gatta, si scontra con la vicina e cade per
terra) E vui chi ci fati ccà? Bottarisangu un motu mi facistivu pigghiari!
VICINA E iu ca pinsava... M’aviti a scusari ronna Mpillonia, siddu iu... Nenti;
tolgo il disturbo. Vi salutu ron Peppi e scusati siddu iu... (Va per uscire e
s’incontra con Andrea) Bedda matri! Cu è? ANDREA Botta ri tali! Mi fiti tantari!
MPILLONIA (Ancora a terra, meravigliata) M’aviti a scusari, iu nun sapìa... Ma
chi cosa è tuttu stu discursu? E poi, chi ci facìa dintra? ANDREA (Che guardava
Peppi) Amunììì! PEPPI Nun po' ettirììì! ANDREA Viri ca tiantu! PEPPI Chianci! Pi
mia, ti po' stricari ‘n terra, a cu ha fattu scantari!
ANDREA (Andando da Mpillonia che ancora è a terra) Ah, ti! Viri ca ta ballu ri
tupa! (Pausa) U tapitti? Tu tia parru! PEPPI (Esplode irato e lo insegue attorno
il tavolo e la moglie per terra) Oooh! Oooh! ANDREA (Correndo) Ma tomè, tunnutu
è! PEPPI Arreri! (Alla moglie) Talè, ti vò susiri e pripari, ca sta binennu
Luigi e manciamu? MPILLONIA E chi è sfurnatu è! PEPPI Sfurnatu si! Ca si fazzu
ancora navutri quattru gira, puru a chistu, (Facendo spaventare Andrea) mi
manciu! ANDREA (Spaventandosi) Tunnutu veru ti! (Triste) I tiddi... (piange) u
tuli... PEPPI Oh, bedda matri! Ci la vò jittari ‘na vuci a ssò matri, quantu si
lu veni a ritira? MPILLONIA Deciditi, è priparari, o è chiamari a ssò matri?
ANDREA (A Mpillonia) Ti mi rititti, prima prima! Ta nun mi ivamu a tuttari ti li
tiddi ‘un t’eranu; minsognira! ‘Un ti bravu! MPILLONIA Ci vò cuntari ssì quattru
stiddi, mentri iu priparu... (Entra Luigi portando un involto) LUIGI Pà, ca
ajiutami ca mi sta carennu! PEPPI Ma chi è ssà truscia? LUIGI Ma retti a nonnò!
MPILLONIA Rammi a matri (la apre adagiandola sul tavolo) PEPPI (Guardando dentro
la pentola) Ma chistu è miraculu! LUIGI Pà, veramenti chista è pasta chi sardi e
re finucchieddi. (A Mpillonia) Rici a nonnò unni l’havia sarbatu pi oggi, ma,
vistu ca eramu ‘o matrimoniu, va quariati pi dumani, rici. PEPPI Ma quali
rumani! (Odorando) Umh! Chi ciavuru! MPILLONIA U capivu, quantu a va quariu! (Ed
esce) LUIGI Mà iu puru a vogghjiu! (Vede Andrea che guardava alla finestra) Ma
chi fa chiddu? PEPPI Nenti, i stiddi! LUIGI E comu i fa? PEPPI Ma quali fa! Va
‘nchiui u cani e ti lavi i manu c’amu a manciari (Luigi esce) ANDREA Attai nni
mantau tiddi, (Triste) e ‘un li voli tatari, tomu fatemu? PEPPI Pi carità nun
chianciri, ca ora telefonamu o suli e ci ricemu ca si smovi; va beni? ANDREA Ti,
ti! Tomu tugnu tuntentu! (Pensieroso) Ma... u tuli ‘un t’è!
PEPPI T’è, t’è ‘un ti cantari. ANDREA Tu ti tunnutu, mi pigghji pi pitta. PEPPI
‘Nca va (facendo il gesto) ca ci nni rassi una, co facissi ristabiliri tuttu
‘nta ‘na vota! ma cu mu misiru i morti?
ANDREA (Come se l’avesse preso vero lo schiaffo) Aih! Aiutu murivu! Tunnutu, mi
tuppiatti! MPILLONIA (Entra con la pentola seguita da Luigi con la tovaglia e
piatti in mano) ma chi ci facisti? PEPPI Chi ci fici... a cu? MPILLONIA Comu a
cu! ‘Un lu senti comu chianci? (Avvicinandosi ad Andrea per calmarlo) Chi c’è,
chi successi, Antriuzzu? ANDREA Mi tava ammattanu! Mi retti ‘na ‘ntaccata ri
vattunati! (A Peppi) Tunnutu!
PEPPI
‘Nca va ca ci nni rassi ‘na bedda chiarramata, ca ci facissi sviluppari la
scienza ‘nta quattru e quattr’ottu! (Alla moglie) Ricu iu, ciù vò purtari a ssò
mà!
MPILLONIA
(Ad Andrea) Amuninni, sluggiamu! (Sisente cantare. Sono: compare Filippo e zzù
Stefano)
PEPPI
(Alla moglie) Ma chista, nun è la vuci di cumpari Fulippu? Di poi ca ‘mpaciau cu
sò Mugghjieri è cchiù vivu di prima, e tutti li sfacinnamenti l’havi iddu!
MPILLONIA
Mi pari di sentiri la vuci puru du zzu Stefanu; chisti, si trasinu e virinu la
tavula cunsata, nun si nni vannu cchiù!
LUIGI
Mà, e nuautri, ammucciamu tutti cosi! (Guarda in giro) Ma unni?
MPILLONIA
Ccà! (Bussano) Ccà, ccà a matri; spicciati! (Indica sotto il tavolo. Bussano
ancora)
PEPPI
Emu avanti! (Bussano più forte) Trasiti, mancu! (Entrano i due) A quantu sentu,
vi vjiu cuntentu! E... comu mai da quiste parti? C’è cosi?
FILIPPO
Sa-sa sa-saluta-tamu, cu-cu cu-cu...
MPILLONIA
U jiacobbu c’è!
FILIPPO
Cu-cummari!
MPILLONIA
Ah, no! I citrola!
STEFANU
Bona sira a tutti!
FULIPPU
Chi-chi è, cu-cumpari! Chi chi fo-forsi la li-li-ggi pru-pruibisci di ca-ca
ca-ca ...
PEPPI
E l’urtima ‘nna mmanca!
FULIPPU
Ca-cantari?
PEPPI
Veramenti, ancora no! Ma pi chiddi comu a vui, stunati, lu statu ci avissi
dovutu pinsàri già da un pezzu. Ma... jiamu a nuautri; A ‘nzoccu debbo quista
fortunata visita? E vui, zzù Stefanu, nun è ca vinistivu... (Facendo segno di
soldi) pi li...; vi lu dissi ca si nni parrava lu prossimu misi...
MPILLONIA
Sempri... si siti furtunatu!
STEFANU
Chi veni a diri, scusati, si sugnu furtunatu? Spiegativi megghjiu.
LUIGI
Pà, pigghjiu u cappeddu pi fariccilu capiri megghjiu?
PEPPI
(Stefanu continua a non capire) No, nenti! (A Luigi che era andato a prendere il
cappello) Va posa ddocu, tunavutru!
FILIPPO
(Che annusava nell’aria) Ma-ma vu-vuavutri... (Come a volere indicare se
stessero preparando per mangiare)
MPILLONIA
(Subito) Ma quali manciari, cumpari! Nuautri manciamu ‘nna scurdata.
ANDREA
(Stava recandosi sotto la tavola) Tutta a tavula è!
PEPPI
No, nenti! Iddu rici ca è (toccando il tavolo) Tutta tavula, tuttu lignu
‘nzumma! Eh, u criaturi è anticchia ‘ntollaru!
ANDREA
Tè, (facendo un gesto) tunnutu! Ti telefonatti o tuli? Ah? Unni tu i tiddi?
PEPPI
(Ai due) U stati virennu? Allura, cumpari, ricitimi tuttu.
FULIPPU
E chi-chi ve-ve diri, ne-nenti. Ma-ma ma-ma, vu-vu...
PEPPI
(Alla moglie) Talè, pigghjia ru seggi, quantu ‘nn’assittamu, ca u tempu l’avemu.
FULIPPU
(Adirato) Ri-ricu sta-stavavu... (facendo segno di mangiare)
MPILLONIA
E ‘nsisti! Gna no, cumpari! E comu vi le fari capiri, cu la musica?
FULIPPU
Si-siccomu... (Indicando l’orologio che ha al polso)
STEFANU
(Spiegando) Nenti, mè cumpari, voli riri ca siccomu è l’orariu di manciari...
pinsava di veniri a truvari priparamenti di cucina, eccu!
MPILLONIA
Allura m’aviti a scusari, vinistivu apposta pi manciari!
PEPPI
Cumpari, sbagghjiastivu mumentu, iu c’è cuntari quattru stiddi a Antria...
ANDREA
Tutti! U tintitti?
PEPPI
Luigi, ‘ncuminciati a cuntari, ca iu stajiu vinennu
ANDREA
Ah, ‘un hamu a mantiari tiù? (A peppi) Buggero, ti! Prima riti ama mantiari, e
ora...
PEPPI
(Ai due che stavano per capire) No, nenti, ‘un vu rissi antura, iddu è...
STEFANU
Cumpari, ‘un l’aviti caputu ancora ca semu di disturbu?
PEPPI
Ma quali disturbu, scusati! Pu manciari? Ma nuautri nun havemu probremi per lo
mangiare; avemu ‘na pignata maggica. (Stefano guarda meravigliato Filippo)
Mpillonia! Pigghjia la pignata e l a mostri a quisti due increduli. (Mpillonia
si abbassa a prendere la pentola da sotto il tavolo)
FILIPPO
(Meravigliato, a Peppi) Su-su... (indicando sotto la tavola)
PEPPI
Eh, la tinemu sempri pronta, cumpari!
(Mpillonia prende la pentola) Posala sulla tavula, quanto la metto al firrio, (i
due non capiscono) al lavoro, ‘nzumma! (Peppi fa finta di concentrarsi, parla
con voce misteriosa) Pignatuzza, pignatedda; cchiù ti vjiu cchiù si bedda; di lu
beni chi ‘nn’avanzu, pi lu focu chi ti scanzu, priparami ora un beddu pitànzu!
(Conta sino a tre ed apre la pentola sotto gli occhi dei due meravigliati) Eh!
Chi nni riciti?
STEFANU
Chi nni riciti? ‘Nn’aviti a vinniri sta pignata!
PEPPI
(Guardando la moglie) Vinniri? Ma quali vinniri! Scusati, allura nun l’aviti
caputu propriu, quista pignata non solo nni leva lu sfurniciamentu di ‘nzocco
manciari, ma duna la possibilità alla mia mogliere, non avenno pinseri di
cociri, di starisi stinnicchiata cu la panza all’aria dalla mattina ‘nsina a la
sira.
FULIPPU
Mi-mi mi-mi mi-mi l’aviti a vi-vinniri, cu-cumpari!
STEFANU
Certu, nni l’aviti a vinniri!
PEPPI
(Guardando la moglie) E la mia menza? (I due non capiscono) La mia mità ‘nzumma,
doccu, comu si dici, comu è ca fani senza la pignata? Ani? Comu fa ca non stani
cchioni a panza all’aria?
FULIPPU
Si-si sta na-na ‘nti-ticchia su-sutta ‘nca-capu! (Aiutandosi a gesti)
MPILLONIA
Sintiti, nun vi pigghjiati collira, ca iu, basta ca quagghjiamu nu hajiu
difficultà a comu stari.
STEFANU
A chiddu ca vjiu, vostra mugghjieri, probrmi nun ‘nn’havi propria, allura,
scusati, picchì nun ‘nna vinniti?
PEPPI
(Guardando la moglie) Iu...
STEFANU
Quantu vuliti?
PEPPI
E comu fazzu a dirivi quantu vogghjiu, nun è ca cummerciu cu li pignati,
scusati!
STEFANU
Facemu ‘na cosa, (A Fulippu) vui quantu ricistivu ca avanzavavu?
FULIPPU
Iu, fo-forsi su-sugnu lu-l’unicu a nun ava-vanzari ne-nenti di me-me me-me
cu-cumpari.
STEFANU
(A Peppi) Vi vulia livari, sparti di lu mè debitu, corchi avutru. ‘Nzumma, vi
stannu boni, (guardando nel portafoglio) oltri a livarivi lu me debitu,
cinqucentumilaliri?
MPILLONIA
(Quasi sviene) 'Na seggia, ‘na seggia; ratimi ‘na seggia! (Si premurano a farla
sedere) Acqua, acqua!
PEPPI
(Corre a prendere dell’acqua e gliela da) Un corpu di sangu ci facistivu veniri!
Eh, s’avia affizziunatu assai a la pignatedda. Ma, comu si soli diri: morti
c’avveniri prestu sia; nun nni parramu cchiù, eccuvi ccà la pignata; la pasta
però la lassati, a ricordu di l’urtima vota. (Svuota la pentola in una suppiera
e gliela da) Tiniti. e... un cunsigghjiu, nun vi stati sempri vicinu la pignata,
va sinnò vi ‘ngrassati quantu un porcu. Semu ‘ntisi?
FULIPPU
(Stefanu aveva allungato le mani per prenderla ed egli gliela toglie) Eh no,
cumpari! Chista mi la pigghjiu iu.
STEFANU
Ma comu, li picciuli li nesciu iu... (si avviano, con la pentola in mano,
litigando sino fuori. ‘Mpillonia che si era quasi ripresa, guarda Peppi e sviene
di nuovo).
PEPPI
(Si avvicina a Luigi che contava le stelle alla finestra con Andrea, e fa
cadere, davanti a loro, dei biglietti da millelire) Luigi! Antria! Chi nni
pinsati?
ANDREA
Tanto pittuli! (A Peppi) Tu ti retti? I me tu? Ti tugnu tuntentu!
PEPPI
Ti li manna lu suli, mi rissi: dicci a Antrìa, ca chisti sunnu li picciuli di li
stiddi ca m’hajiu accattatu quista sira.
ANDREA
(Meravigliato) Allura nun ti mantià? E iu pintava ca ti l’avia mantatu. Tomu
tugnu tuntentu! Bravu è u tuli, veru?
PEPPI
Si, si certu! Ma ora ritorna a casa ca rumani nni parramu, va beni?
ANDREA
Ti, ti! Tomu tugnu tuntentu! Talutatimi! (Ed esce accompagnato da Luigi che si
sofferma un attimo)
LUIGI
Pà, o pà! Ma chi è stu riscursu ri picciuli? ‘Nca oar chiddu ‘un si addicca!
PEPPI
(Mpillonia si riprende) Mpillonia, comu staji? Ti sei arripigliata?
MPILLONIA
Chi mi senti strana! Ma... Unni sunnu chiddi? E la pignata di tò matri, unn’è?
PEPPI
Ma quali pignata di mè matri, a chissu pensi? Mancu, ca nni traseru
cinqucentumilaliri lisci lisci comu l’ogghjiu
MPILLONIA
‘Nca ora chiddi ‘un tornanu! Ma cu ti ci porta?
PEPPI
(Passeggia pensieroso; si ferma, ha una trovata) Senti chi facemu, pigghjia un
palluneddu ri umma, ri chiddu ca jioca Luigi, (a Luigi) Luigi, va pigghjia un
palluneddu ca u jiunciamu.
LUIGI
Chi mi pari stranu pà! A ghjiucari comu i nutrichi?
PEPPI
Va pigghja u palluni ti rissi! (Luigi esce) Pripara ‘n’anticchia di acqua
culurata di russu, comu si fussi sangu, la sdivachi dintra lu palluneddu, e ti
lu metti ccà, (Indicando) sutta la vesta ca ci pensu iu.
MPILLONIA
Ci pensi tu..., chi cosa? Nun facemu...
PEPPI
Nun ‘ncuminciamu cu: lu nun facemu! Fai chiddu ca ti dicu iu, ca mi vinni ‘na
bedda pinsàta pi l’amici ca si la ricurdirannu ‘nsina ca campanu.
MPILLONIA
(Entra Luigi col palloncino in mano) Rammi, rammi ‘a matri, sintemu chi havi
‘nna ddu ciriveddu (si avvia ad uscire) tò patri.
LUIGI
Pà, chi nni rici siddu manciamu? I megghjiu foru chiddi ca, ca scusa di lu
tiatru si eru a manciari ‘na bedda pizza!
PEPPI
Assettati, ca runani puru nuautri ci jiemu a lu tiatru, e poi ni nni jiemu a lu
ristoranti a manciari, avutru chi pizza! A la facciazza di cumpari Fulippu e a
la saluti di zzù Stefanu. (Si siedono; Peppi mette la pasta nei piatti, ed entra
Mpillonia) Tuttu appostu?
MPILLONIA
Avemu a vidiri ‘nzoccu a cumminari!
PEPPI
Nun ti scantari, locca. Manciamu ‘ntantu, ca lu pitittu mi sono fatto acito.
Dumani, cara mugghjieri, nni vistemo di festa e andiamo allo tiatro! Dda,
‘nn’assittamu ‘mprima fila comu li nobili e ni viremu lu spittaculu; eh, chi nni
rici?
MPILLONIA
A dir la virità, s’è pi lu spittaculu, ccà dintra nun ni ammanca propriu
PEPPI
(Mangiano) A Luiginu ci accattamu un beddu ascarettu, ru lillillulla...
LUIGI
A pizza, pà, a pizza, tu scurdasti?
PEPPI
A pizza, quannu niscemu di lu tiatru!
LUIGI
Mà, allura, rumani mi lassu lu piggiama di sutta?
MPILLONIA
E a scola? Quannu veni si nni parra
LUIGI
Nun ti pigghjiari collira ca dumani nun ci nnè scola; tu scurdasti ch’è
Duminica? Io finivu di manciari; mi va curcu, accussì agghjiorna prima dumani.
(Esce)
PEPPI
(Si sentono delle voci; sono i due compari. Peppi guarda la moglie. Bussano) Ccà
sunnu! Facemu finta di sciarriarinni; nun ti prioccupari ca è un truccu, basta
ca nun lu fa capiri. (Bussano ancora) Emu avanti! (Entrano; sono adirati. Peppi
inizia la lite con la moglie, i due rimangono senza parlare) Ti rissi ca a
scola, a chiddi, nun ci l’ha fari iri cchiù, u capisti?
MPILLONIA
(Recita anch’essa) Chi cosa? Tu, si pazzu! Chiddi, sinu ca ricu iu, havi a
essiri si e tantu basta!
PEPPI
Ah, si! Allura ha cumannari tu ‘nna sta casa?
MPILLONIA
Ah! Ancora ‘un l’avii caputu? E si nun ti cummeni, chidda è la porta e ti nni
po' iri di cursa; u capisti? A cu aspetti?
PEPPI
Ah, accussì ta pensi?
FILIPPO
E bo-bonu cu-cumpari, la-la la-lassa-ssati iri!
PEPPI
(Sempre facendo finta di essere adirato) Vui nun vi mmiscati, ca su cosi nostri.
(A Mplillonia) Quindi iu mi nn’ ghjiri! (Prende un coltello che si trovava sul
tavolo) ‘Nca teni ccà, allura; ti fazzu a viriri cu è ca cumanna ccà dintra! (e
lo conficca la dove c’era la vescichetta piena di liquido rosso. A terra diventa
una pozza di sangue. I due compari si guardano esterefatti)
STEFANO
Pezzu r’armalazzu ri voscu! (Peppe pulisce il coltello con tutta tranquillità e
lo posa sul tavolo) Ma ti rendi conto ri chiddu ca cumminasti?
PEPPI
Ciù fazzu a vidiri iu, cu è ca cumanna!
FILIPPO
Cu-cu cu-cumpari, a vo-vostra mu-mu mu-mugghjieri ammazzastivu!
PEPPI
Ma quali ammazzari, (Mpillonia non si muove, sembra morta) casu mai, ci vosi
rari ‘na bedda lizioni; idda l’havi a capiri ca cumannu iu, eh, scusati!
STEFANO
(Guarda, meravigliato, la donna per terra in una pozza di sangue) Ma chi ci a
fari capiri doppu ca l’ammazzasti!
PEPPI
Ma quali ammazzari! Ancora? Ci vosi fari pigghjiari un piccolo cacazzu; ora a
fazzu rinasciri megghjiu di prima. (I due si guardano meravigliati) U viriti
chistu? (Mostra un fischietto che teneva in tasca) Vuavutri sicuramenti riciti:
è un semplici friscalettu; no! E’ un friscalettu maggicu! Ammirati chiddu ca
sapi fari. (Incomincia a suonare, e, a quelle note, Mpillonia, come se nulla
fosse successo, si va risvegliando come da un lungo sogno, sotto lo sguardo
incredulo dei due che rimangono imbambolati).
MPILLONIA
Unni sugnu? Ma chi ura sunnu? Chi mi sentu strana, e comu siddu avissi fattu un
sonnu longu cent’anni. (Si alza e si avvia verso l’altra stanza, sotto lo
sguardo sbalordito dei due compari)
PEPPI
U capistivu ora?
FILIPPO
Ve-ve ve-ve ve-veramenti no-no!
STEFANO
Iu macari! (Guardando verso dove è uscita Mpillonia) Sintiti, veramenti nuautri
aviamu vinutu... (Mostra la pentola) pi chista, ma vistu ca ci semu putissumu
fari nautru affari, chi nni pinsati si nni vinnissivu stu friscalitteddu? U
sapiti, hajiu a me mugghjieri ca havi lu pallinu di cumannari, servi ca ci
facissi pigghjiari macari iu ‘na para di cacazzi; eh, chi nni diciti?
FILIPPO
Ci-ci ra-rassimu ‘na-na ddumisticata a li mu-mu mu-mugghjieri e si-si ca-ca
ca-carmassiru ‘na-nanticchia.
PEPPI
Chistu, nun vi lu pozzu vinniri propria, ma mancu si mi rassivu...
FILIPPO
Navutri... cinqucentumila... liri?
PEPPI
Trattannusi ca vi l’hajiu a vinniri pi opira di beni... tiniti!
STEFANO
(Apre il portafoglio e paga ancora Peppi) Amuninni cumpari, emu armari turilla
cu li mugghjieri e ci ‘nsignamu comu si riscurri. Salutamu, e... salutatinni la
vostra signura arrivisciuta. (Escono).
PEPPI
‘Nca va, ca cu chisti dui avissi di chi campari di rennita. (Entra Mpilla)
MPILLONIA
Nun mi diri ca ci vinnisti puru lu friscalitteddu!
PEPPI
Tu chi avissi fattu? (Mostrando i soldi)
MPILLONIA
E si chiddi ammazzanu la mugghjieri?
PEPPI
Mali pi iddi!
MPILLONIA
E chi si tranquillu! E si eri opostu riddi?
PEPPI
Mali pi tia! Comu viri, iu, nun ci trasu propria: Anzi, u sai chi ti ricu?
Pigghjia lu cappeddu ca tiramu quattru pizzina a chi avemu sta possibilità
(mostrando i soldi). E pigghjia lu cappeddu, locca!
MPILLONIA
(Prende il cappello e vi mette i bigliettini) Ma sunnu sulu tri! Viremu a quantu
ammunta lu debitu, po' essiri ca li picciuli vastanu pi tutti. (Apre il primo
bigliettino) Vulcano del Pane!
PEPPI
E a chistu lu putemu sfardari; (la moglie lo guarda meravigliata) era ‘nta lu
pattu: lu so debbitu, e lire cinqucentumila.
MPILLONIA
Ca sarebbino lire duecentodiecimila. Arristaru: carnizzeri centusettantamila;
scarparu centuquarantamila, parrucchieri sittantamila, libraru sissantamila.
(Fanno i conti) In totto sonno quattrocentoquarantamila.
PEPPI
(Baciando a terra e in cielo) E sunnu finuti li debiti! Cu li sissantamila chi
restanu ni nni jiamu a lu tiatru; eh, chi nni pensi?
MPILLONIA
Eh, no! Resta lu mirciaru, lire novantacinquemila
PEPPI
E locca! Nun ci sunnu l’avutri cinqucentumila di lu friscalettu.
MPILLONIA
(Si sente una macchina a sirena spiegata. Peppi, seduto, guarda la moglie
preoccupato) E... ora? U viri comu finiu facennu scherzi pisanti? Avissi
prifirutu tirari pizzina di lu cappeddu ‘nsina a la morti, e no ca finia
raccussì. (Bussano, la moglie va ad aprire; Peppi rimane seduto appoggiato sul
tavolo: Entrano due carabinieri).
CARABINIERE
(Con l’accento nordico) Abita qui Giuseppe Bisonte?
MPILLONIA
Bisconte!
CARABINIERE
Ha ragione, sembrava bisonte. C’e una denunzia da parte di don Giuseppe il
calzolaio, il quale, asserisce che voi lo entrate ed uscite dal cappello, cos’è
questa storia?
MPILLONIA
E... la morti?
CARABINIERE
La morte! Ma di che morte parlate?
MPILLONIA
Allura... la sirena... la morti nun ha murutu cchiuni?
CARABINIERE
Senta signora, è inutile che lei cerca di deviare il discorso, questa è una
denunzia bella e buona!
MPILLONIA
Comu sugnu cuuuntenta! (I carabiinieri si guardano meravigliati) Peppi, Peppi, u
sintisti? (Ai carabinieri) E... la sirena? (I carabinieri non capiscono) La
sirena ca passau antura? (I carabinieri ridono. Entrano Lion e Carlo che
rimangono senza aprire bocca)
CARABINIERE
Scusate, si rideva, perchè è successo un caso strano: due compari camminavano
frettolosi, attraversando la strada distratti, ballavano, ridevano... a dir la
verità sembravano mezzi ubriachi, uno è stato investito ed è svenuto, lo hanno
accompagnato al pronto soccorso; l’altro (si guardano e ridono) poverino, forse
lo shock, prese dalla tasca un fischietto e si mise a suonare accanto all’amico
gridando di non toccarlo, perchè lui l’avrebbe guarito suonando il fischietto.
Poverino, lo hanno portato in manicomio.
PEPPI
(Che guardava ancora stupito, si alza, ride,prende un’altro fischietto che ha in
tasca ed inizia a suonare) Sunavanu raccussì? (Rifacendo lo stesso motivo di
prima)
CARABINIERE
(Si guardano meravigliati) Si, si! Proprio cosi! Ma... lei, come fa a sapere che
il motivo fosse quello?
PEPPI
Quantu sunnu li grana di la dinunzia?
CARABINIERE
Sono: lire centoquarantamila per il debito, più quindicimila di spese
giudiziarie, in tutto, lire centocinquantacinquemila.
PEPPI
Mpilla! Dona li grana a li brigatera
CARABINIERE
(Mentre Mpillonia da loro i soldi) Appuntati, semplici appuntati. Ancora non ci
ha risposto, però, alla domanda del suono del...
PEPPI
Eh! E’ ‘na storia longa, e a cuntalla, mi cridissi, ci nni voli; cercu di
fariccilla capiri ‘n quattru e quatr’ottu; s’avvicinassiru. (Si avvicinano tutti
a semicerchio, si abbasseranno le luci e l’occhio di bue su Peppi che sta
narrando la storia) Mè nannu, tanti e tantissimi anni fa, addivinu sapiri,
vuscienza brigateri, haviva un cappeddu di pagghia, anticu; haviva puru ‘na
grossa ciuccata di niputi; (i due si guardano) quannu vinia di la campagna,
tutti ci currivamu ‘ntornu, vulivamu li primizi di ogni tempu; ma, li primizi
sunnu sempri picca, putiva cuntintari a tutti? No! E allura faciva li pizzina cu
li nummari, pi quantu eramu li nipiti, e nni dicia: tu si nummaru unu; tunavutru
nummaru dui e accussi finu arrivari all’urtimu; pigghjiava li nummari, li
mittiva ‘nta lu cappeddu di pagghjia, e nuautri, picciriddi, prigavamu a San
Caloriu cu la spiranza ca niscivamu di lu cappeddu... (Non si va sentendo più la
voce, ma continua facendo intendere di raccontare ancora, mentre si va chiudendo
il sipario)
SI VA CHIUDENDO IL SIPARIO
FINE