JAVOL SACRANON!

di

Nicola Pegoraro

Musica n° 1


Laboratorio chimico, una lavagna con formule, alambicchi vari, provette colorate, un tavolo con carte varie, in piedi, con una vistosa provetta, lo scienziato Albert Scandola Ghetomaezenzive figlio di padre veneto e madre tedesca

Musica prima roboante poi terrorizzante, luci piene

Scena 1 Albert 

Albert- (in scena e parla a se stesso) go da riuscire, devo, se ghe rieso l’umanità intera se ricordarà
de mì. Mi sarò el più grande, JA! l’immenso, l’incommensurabile, il maestro JA!!, l’unico, dopo de
ti (guardando il cielo), o al to fianco JAVOL!!. Devo riuscirghe. Siii, cosiii ecco. Gaspare, Gaspare
presto ‘ndemo qua, scattare, snell!

Scena 2 Entra a destra Gaspare assistente con gobba sulla schiena, muto.

Albert- Gaspare ecco, la formula, ecco bevi, bevi e cusì dopo te parli, bevi!
Gaspare non vuole bere 
Albert- bevi! Te lo ordino, o vuto diventare anca soto visto che te sì muto? (dà calcio a Gaspare)
Gaspare- beve, subito non succede niente, Gaspare è contento poi comincia a muoversi in preda ad una colica.
Albert- sii, ecco, Ja, il filtro le drio lavorare, (lo ausculta) deso le drio traversare el gargato ja, deso le rivà nea pansa, ja e deso…parla, parchè non te parli, parla, parla!!, Perché non te parli?
Garpare- non parla, si contorce sempre di più e corre via (esce a sinistra) in preda ad un forte mal di pancia.
Albert- shaize, a te go dito de parlare no de corare! Nol funziona gnancora, nol parla (mette la provetta sul tavolo accanto ad una caraffa di acqua)

Scena 3 entra al centro Eva (parla con forte accento tedesco)

Eva – Albert, mio picolo genio, che hai donato giuventù a tua madre, Albert, dove sei?
Albert- so chì mama dove vuto che sia?
Eva- oh! Albert guarda mio volto, dopo tua operazione sono tornata pampina.
Albert- par fora ma dentro.
Eva- Albert, zilenzio non rispondere alla tua mama, controlla il tuo sangue veneto.
Albert- Sì mama, ma parchè non te me ghe fato tuto ariano come tì.
Eva- caro mio picolo Albert, io ero giovane, picola, inesperta e tuo padre Beppe Scandola detto Nane, zporco traditore italiano ha portato mè sopra un prato e mi ha uzato violenza 1 volta 
Albert- ja
Eva- 2 volte 
Albert- ja!!
Eva- 3 volte 
Albert- jaa!!
Eva- 4 volte 
Albert- jaa!
Eva- 5 volte 
Albert- jaaa!!!
Eva- maledetto italiano, e poi è zcapato, niente 6 volta, catifo!! E cozi zei nato tù. Picolo filio mio, picolo cuciolo, per metà filio di veneto bastardo e per meta filio di pura ariana, e per questo ora tu sei Albert Scandola con nome di tuo padre ma sei anche Albert GHETOMAEZENZIVE. 
Ma ora tu mi picolo zienziato defi trovare modo per togliere tuoi sporchi geni veneti e diventare così puro ariano javol?
Albert- javol sacranon! Mama te si forte te si la meio ja. Eco qua mama, vedito ste formule, questo l’è el progetto della macchina par trasformare i geni veneti in geni tedeschi, ma ghe se on problemino.
Eva- quale picolo problema?
Albert- La formula la se sbaglià, e la và sistemà, e dopo ghe voe dele cavie, per gli esperimenti, ghe voe dele persone venete da trasformare in raza ariana heil.
Eva- javol mio genio. Non ezere grozo problema faciamo uno picolo campo di conzentramento
Albert- no mama non i te asa più farli
Eva- maledetto progresso, ma coza tu folere, uno uomo forte, una dona bela, coza cercare tu?
Albert- me serve on’omo semplice, che el lavora sui campi o, meio, nee stae
Eva- uno contatino!
Albert- no mama mi vui ...on boaro ja!
Eva- alora ze tu vuoi picolo boaro noi procureremo e quando tua picola testolina di genio farà pura razza ariana noi due conquisteremo
Albert- il mondo 
Eva –Javol!
Albert- sacranon!
Eva- e ora andiamo.

Scena 4 escono Eva e Albert dal centro; entrano a destra Cecilia e Clarinda, donne delle pulizie. 

Musica n°2

Cecilia- sienzati, tuti sienzati in sta fameia.
Clarinda- ma varda chi che casin che i asa.
Cecilia- tanto dopo pasa le femene a snetare. 
Gaspare- effetto wc n° 3 tira l’acqua e dopo entra da sinistra in scena sfinito.
Cecilia- Gaspare come vala, la se dura oncò vero?
Gaspare fa così e così
Clarinda- beato ti che non te parli, chissà cosa che te dirisi senò.
Cecilia- Non l’è mia stà stupido el genio a torse on asistente muto
Clarinda- cusì non parla e nesuni sa gnente vero. 
Cecilia- Caro el me sorseto da laboratorio, cuci cuci, varda cosa che te dago. (e dà un pezzo di formaggio a Gaspare)

Scena 5 Entra il maggiordomo Ambrogio centrale

Ambrogio- Cecilia, Clarinda allora vogliamo lavorare? Mi raccomando cerchiamo di mettere in ordine senza toccare nulla.
Cecilia- come femo a metare in ordine senza tocare gnente,
Clarinda- ghemo da zolare?
Cecilia- serto noialtre semo i angeli de sta casa.
Gaspare- imita un’angelo
Ambrogio- mai visti degli angeli cosi sciocchi
Cecilia- gha parla el sienzato
Clarinda- e sì che el sienzato l’è pena ‘ndà via, non lo savevo mia che i jera in dò
Ambrogio- non mi perdo in queste discussioni, con voi servitori, io sò di essere colto e non mi abbasso al vostro livello, io ho prestato servizio presso i migliori casati
Cecilia- o i migliori casari

Scena 6 entra Alka Heniken centrale

Alka- her capitenen
Clarinda- o eco che riva Alka Heineken la cuoca
Cecilia- La regina della scartoffen.
Ambrogio- non ascoltarle Alka, non hanno rispetto. 
Alka- er capitain coza cucinare per occi, forze una picola pozione di kanederli mit scartoffen?
Cecilia- ne toca sempre magnare scartoffen, mai na volta che la cambia modo de cusinare
Alka- forse a te non piacere kanederli, volere suppen mit wustel o spazle mit crauti?
Cecila- ma on piatin aio e oio tanto pa stare leggeri?
Alka- cibo tetesco non essere grasso, noi cuziniamo su strutto e non su olio di olifa 
Clarinda- le patate di Alka Heineken più le mandi giù più ti tornano sù.
Alka- ho capito cuzinerò come foglio io, come fuole grande cucina tedesca (esce centrale)

Scena 7 esce Alka Heineken al centro

Ambrogio- dovete smetterla di trattare male la signora Alka Heineken
Cecilia- più che Alka Heineken dovarisimo ciamarla Alka Selzer
Ambrogio- finitela voi due, che mi state facendo passare l’appetito
Celilia- se non te ghè pì fame te gaverè sen. 
Clarinda- Garpare, daghe da bere che el gà sen.
Gaspare- versa da bere la purga e la porta ad Ambrogio
Ambrogio- e comunque o grazie Gaspare ( Ambrogio beve) state attente a come parlate, che è ora di finirla con questo modo di trattare i vostri superiori i….iiii…ooooo.....uuuu (comincia ad avere problemi di stomaco) scusate ma devo andare o tante cose da fare ( ed esce a sinistra)
Gaspare- lo imita correndogli dietro.
Clarinda- curi,curi,curi.
Cecilia- Gaspare, ghe gheto dà l’oio?
Gaspare- si dimena contento 
Clarinda- Deso però la butemo via sta roba. 
Cecilia- Caro el me sorseto da laboratorio a teo ghè fato corare oncò vero.
Clarinda- Dai che ghemo da metare in ordine prima che torna i siensiati. 
Cecilia- Via sta roba… ma varda quanta polvare….o signore ….Gaspare, Clarinda a ghò cancella on toco de sta formula…e deso?
Gaspare- aggiunge dei pezzi di formula.
Cecilia- bon bon, cusì va ben, la se longa come prima.
Clarinda- e no ciò, anca mi so on siensiato, varda qua (e aggiunge altri pezzi alla formula) 

Scena 8 entra Albert al centro

Albert- (fuori scena) basta lavorare deso, (in scena) via done via che go da pensare.
Cecilia- alora ghe serve tempo.
Albert- e sì a ghò sta formula chi che non la gira….però, la ma pare diversa da prima…
Clarinda- noialtre se meio che ndemo vero!
Albert- si, si ve pure.
Cecilia- el ciama pure se el ga bisogno de noialtre. Gaspare ‘ndemo dai che el dotore el gà da laorare.
Albert- javol, stemo dacordo cusì.

Scena 9 escono a destra Clarinda, Cecilia e Gaspare

Albert- La macchina trasgenica… mi la go fata anca vardea lì (indica un tavolino coperto con un lenzuolo) ma se stà formula che non va ben, ma la sé diversa….questo qua jaa, questa la va lì jaaa, e questa che roba sea, ma chi se sta…ma certo se mete questo chi e questo là e se sonta on toco e …scartoffen ghe so, ma sì, ghe so riusio, ma alora se vero che so on siensiato! La macchina transgenica il futuro ghe sò riuscio, devo provarla devo provarla ghò bisogno de na cavia jaaa. ma deso devo festeggiare Ambrogio, Ambrogio…

Scena 10 effetto wc n° 4 entra da sinistra Ambrogio provato

Ambrogio- il signore ha chiamato?
Albert- sicuro che te gò ciamà, dove jerito ‘ndà a finire? Asemo perdare, Ambrogio bisogna festeggiare, l’invenzione più importante la se fatta ciama tuti curi javol!… Sacranon 

Scena 11 esce Ambrogio a destra ed entra Eva al centro

Eva- coza ezzere tuto questo cazino, ziamo tuti difentati mati?
Albert- no mati no mati ma genii, mama ghe sò riuscio, gho inventà la machina trasgenica jaa. 
Eva- Ma alora tu essere genio sul serio, incredibile. Entrate voi e ascoltate parole di mio filio, di grande siensiato Albert Ghetomaesensive.

Scena 12 entrano Gaspare Clarinda, Cecilia da sinistra; Alka e Ambrogio da sinistra

Albert- voialtri si qua parchè oncò go fato la scoperta pì granda del secolo heil
Eva- javol 
Alka- avete scoperto nuovo tipo di scartoffen?
Eva- silenzio!
Albert- el mondo nol sarà più queo de deso heil!
Eva- javol! ( tutti insieme e tutti con il braccio alzato)
Alka- javol!
Cecilia- javol!
Clarinda- javol!
Ambrogio- javol!
Gaspare- si soffia rumorosamente il naso
Albert- signori podemo ricostruire la razza ariana.
Alka- questa essere grande cosa molto interessante.
Cecilia- a ti te intaresa qualcosa?
Clarinda- a mi nò 
Albert- un novo mondo ne speta, el mondo Ariano, heil sacranon!
Eva- javol, zacranon !
Alka- javol zacranon!
Cecilia- javol, sacranon !
Clarinda- javol, sacranon!
Ambrogio- javol, sacranon!
Gaspare- si risoffia rumorosamente il naso
Albert- signori ecco questa la se la grande macchina (toglie il lenzuolo e si vede un cassone pieno di luci lampeggianti collegato con un tubo ad un casco colorato) e questa la se la formula che solo el me genio xe riuscio a fare.
Cecilia- el so genio, ma se semo sta noialtre (guardando Clarinda sbalordita)
Eva- o mio picolo cuciolo i tuoi geni tedeschi hanno finalmente avuto sopravvento, tu sei piccolo zienzato.
Albert- di più
Alka- tu sei grande zienzato
Albert- di più
Eva- tu sei immenso
Albert- di più
Alka- tu sei un dio. ( musica n° 5 )
Albert- javol sacranon!! Però ghe se ancora on piccolo problema
Eva- ohhhh (sviene cadendo nelle braccia di Alka). 
Albert- me serve na cavia 
Alka- io defo andare in cucina, sento piccolo odore di bruciato (getta Eva nella braccia di Gaspare)

Scena 13 esce centrale Alka Heineken 

Albert- mi me serve na cavia, la vuio subito.
Albert guarda Gaspare e Gaspare si spaventa , getta Eva nelle braccia di Ambrogio e tenta di nascondersi.
Albert- no Gaspare grazie ma ti non te ve mia ben, con tuti gli esperimenti che te go fato a non so pì gnanca mi che geni che te ghè. Ghe voria on omo… 
Cecilia- mi so na femena
Clarinda- mi so come ea. Ambrogio l’è on’omo o sbaglio.
Ambrogio- se il signore comanda (getta Eva nelle braccia di Albert)
Albert- grazie Ambrogio ma ghe voe on’omo, de campagna, on’omo semplice (getta Eva nelle braccia di Ambrogio)
Eva- (Eva si sveglia un po’ rintronata) aine boaro heil
Albert- ja.

Scena 14 entrano al centro Bortolo e Primo Masato i giardinieri

Bortolo- scuseme paroni ma a ghemo provà sonare ma non ne ghà risposto nisuni, vaca onta. 
Primo- Con rispeto parlando, a ghemò portà el luame par l’orto.
Cecilia- distinti i signori.
Clarinda- raffinati diria.
Bortolo- el me scusa seo lù el sior Scandola?
Eva- nò, Ghetomaezenzive!
Bortolo- no grazie sto puito, i me gha pena fato on ponte, varda!
Primo- popà varda che non i se gai fermà fare i bisogni soto chel ponte lì.
Albert- l’odore se queo giusto
Bortolo- el poe dirlo le me vache le trato da signore 
Primo- e con rispeto parlando par fare el luame bon bisogna anca magnare ben.
Bortolo- co rispeto parlando vero fiolo
Cecilia- che classe.
Clarinda- dei cittadini
Eva- caro mio signore bucolico non ci ziamo prezentati io zono signora Eva e di cognome Ghetomaezenzive 
Bortolo- a l’era el cognome, la me scusa siora, mi son Bortolo Masato, e questo lè me fiolo Primo
Primo- mi par mae che vaga a sarò sempre primo, vero popà?
Cecilia- me parea che i se someiase 
Clarinda- ma sio veri o seo on esperimento ndà a mae?
Primo- a semo veri, toca po’
Bortolo- Primo, so con le man cha nialtri a semo gente raffinata, noialtri a semo i profesionisti del luame.
Cecilia- se sente che si dei profesionisti, e se vede da come el gà slevà so fiolo.
Primo- i me gà tirà su ben vero?
Clarinda- on campion, ma come gavio fato?
Bortolo- lo ghemo fato a palpo e tirà sù a naso.
Albert- Ambrogio offri da bere a ste brave persone, che la se quee che spetavimo.
Bortolo- grasie, on goto lo paro so de gusto.
Primo- basta che non teo bevi par Primo parchè el mio lo bevo mì
Clarinda- mama mia che simpatico.
Cecilia- da morire dal ridare, pecà che ghemo butà via la purga.
Clarinda- chissà senò con cosa che i concimava l’orto sti chì.
Albert- mama, ghemo trovà la cavia che sercavo.
Eva- naine, due cavie non una mio cuciolo.
Bortolo- grazie pal goto ma a vurissimo spandare el luame 
Primo- e anca spandare on gioso con rispeto parlando
Albert- sicuro, Gaspare porta fora i siori Masato che i fasa el so lavoro.
Bortolo- bon arivederci ( escono al centro )
Cecilia- e a risentirci (tappandosi il naso) 
Clarinda- veri profesionisti del luame, almanco dall’odore.
Albert- bene ghemo trovà le cavie, però deso me serve un donatore, una mente raffinata che doni volontariamente dei geni sani vero Ambrogio ?
Ambrogio- io, ma non sono proprio sanissimo, ho un piccolo raffreddore
Clarinda- Ambrogio, on’omo grosso come ti, cosa vuto che sia on pochi de geni (insidiosa e vipera)
Cecilia- te ghin’e tanti
Clarinda- se parchè mi non ghe servo senò ghin daria na sporta. 
Ambrogio- ma da piccolo ho avuto gli orecchioni
Cecilia- ma no varda che se vede appena (guardando le orecchie) te si guario ben
Eva- zu, zu adezzo basta chiaccherare, zederzi su sedia zenza fare capricci javol!
Albert- heil bene Ambrogio no sta preocuparte, non te sentirè gnente,... forse
Clarinda- se serve lo tegnemo fermo noialtre vero Cecilia
Cecilia- con piacere Clarinda.
Albert- e ora signori e signore via con il primo prelievo de geni tentato nella storia del mondo.

Si aziona la macchina effetto macchina n° 6 

Albert- ecco, questi che vedì i se i geni de Ambrogio la so cultura, la so classe el so stile, tutto qua dentro.
Cecilia- savevito che el gaveva tute chee robe lì?
Clarinda- a non me so mai acorta.
Albert- Ambrogio sveiate, dai che se ora sveiate javol 
Eva- heil

Albert toglie il casco ad Ambrogio, il quale si sveglia lentamente poi si alza con leggeri tic

Albert- Ambrogio come steto, tuto ben!
Ambrogio- si certo, signore ai suoi ordini signore quando vuole signore poti, poti. (ed esce a sinistra saltando come un canguro. Eva salta sulla sedia)
Cecilia- ciò paron, teo ghe concià pae feste. 
Clarinda- sa prima el jera ciapà con le bombe, ma deso el fa pecà
Albert- on piccolo effetto temporaneo (Ambrogio sfila da sinistra a destra saltando)...spero. Comunque l’esperimento l’è riuscio (Ambrogio sfila da destra a sinistra saltando)... forse. Deso gho i geni de Ambrogio, e deso me serve la cavia heil
Eva- ne abiamo giusto, giusto due....
Cecilia- noialtre quà a ghemo finio, ‘ndemo vanti de sora (escono al centro)
Clarinda- e de corsa anca nel caso che i signori Masato non i ghe bastase 

Scena 15 rimangono solo Eva e Albert

Albert- semo a posto, ghemo i geni de Ambrogio e anca le due cavie.
Eva- bene mio picolo cuciolo, vieni in bracio a tua mama. (seduta sulla sedia)
Albert- ma si mama fame on poche de cocole.
Eva- ma zertamente mio picolo genio kate, kate, kate....(canta: unde raifiz, therazenne, undermitten skartofanten….)
Albert- o cara mama, quanto che te si bea, e chel slandron de me papà che el te ghà molà…
Eva- non ricordami tuo padre vigliacco, che ze io afere lui in praccio ora, una orechia gli strapperei 
Albert- aia!
Eva- uno braccio gli morderei 
Albert- aiaaa!!
Eva- uno ciuffo di calpelli gli strapperei 
Albert- aiaaa!
Eva- e poi con queste mie mani strapperei picola parte di suo corpo...
Albert- mama se meio che mì me alza fichè so tuto intiero..
Eva- o scuzami picolo cuciolo, ma quando penzo a tuo papà io difento catifa heil!!
Albert- javol mama, me so acorto.
Eva- ma torniamo a coze serie, cuando poziamo fare ezperimento?
Albert- l’esperimento tra poco, ma me serve n’altra roba mama e da tì.
Eva- ma dimmi mio picolo cuciolo coza poso dare per te, forze mia vita? (si alza dalla sedia)
Albert- no, me basta manco, scolta: ti vuto che mi diventa ariano come tì?
Eva- con tuto mio animo!
Albert- alora me serve …i to geni heil!
Eva- solo uno poco di geni ?
Albert- per la scienza mama e par to fiolo!
Eva- io donare a te tuti i geni che vuoi, per trasformare te in grande ariano e per conquistare il mondo!
Albert- heil ma prima devo far vegnere quà uno dei dò Masati
Eva- e miei geni?
Albert- dopo mama, dopo, so mì el siensiato!

Scena 16 entra al centro Alka Heineken con un grosso pollo morto in mano, un grembiule bianco sporco di sangue ed un grande coltello in mano.

Alka- heil signori penzavo di cucinare aine picolo pollo su forno mit kartoffen cosa dire?
Albert- ma Alka sempre con le kartoffen, magari con du zermuii e un fileto de olio extravergine?
Alka- naine olio, fa molto male a fegato, molto meglio kartoffen mit strutto mooolto più leggere un digeribili, cosa dire signora Eva?
Eva- o nobile cuoca tetesca, il mio palato zente il richiamo dela tua cuzina, perdona mio filio, non è colpa zua ma di zuo sangue italiano veneto
Alka- capisco, alora tuti dacordo per picolo pollo mit kartoffen o Albert vuole cualcoz’altro magari taliato a pezi?
Albert- no no va ben el polastro con le Kartoffen e magari on pochi de crauti, cara Alka Alka Selzer.
Eva- coza avere deto tu Alka Selzer? Filare via, schnell! Avere rizpeto per nostra cuoca pura tetesca di germania Heil

Scena 17 musica n° 7 escono al centro prima Albert poi, a braccetto, Eva ed Alka. Entrano a destra Ada e Marta Masato moglie e figlia di Bortolo.

Ada- a te si na fiola mata, n’dare in giro pa sta casa che la pare on casteo, e se i ne cata?
Marta- chieta sta chieta, se meio che i ne cata, a se un’ora che a sonemo e nesun ne risponde.
Ada- ma non bisogna ‘ndare drento cusì nee case.
Marta- chieta mama sta chieta, no sta agitarte, cosa me gao dito chel’omo la vestio da becamorto?
Ada- queo che jera tuto on tremaso e che el tirava la boca?
Marta- mama a ghinemo visto solo uno omo o sito rimbambia
Ada- co se vien veci cara se xe rimbambii e co se se sovani se sè sensa giudisio
Marta- sì cusì almanco nasemo semi e morimo ochi.
Ada- fala finia te digo, e dime dove che te me ghè portà, che chi non ghe se nesun.
Marta- chieta è, el me gà dito de ‘ndare in fondo, sol laboratorio; el sarà sto chi el laboratorio, se vede che el paron el fa el laboratore.
Ada- cosa mi intaresa mì del paron de sto posto, serchemo de portarghe da magnare a to popà e to fradeo che ghemo le vache da monsare in stala.
Marta- chieta si le monsemo si...ciò mama ma el paron de sto posto cosa falo?
Ada- ghin so qualcosa mi, i omeni i vien chi a portarghe el luame; bruscarghe la siesa, non so miga cosa chel fasa, i dise chel fa invension.
Marta- speremo che non l’inventa el luame finto se no la se fa magra par nialtri.
Ada- no sta preocuparte, par quante invension che i fasa non i farà mai el luame compagno de queo dee nostre vache.
Marta- cio ma varda quante robe che ghe sè, ciò e sta machina cosa sarisea?
Ada- asa stare non sta tocare in giro.
Marta- non la rompo no, seto cosa che la pare, la pare na machina par la permanente.
Ada- la permanente, quea che fa le paruchiere ae signore de cità.
Marta- proprio, i ghe mete sto capeo chi in testa e la machina la fa tuto.
Ada- si valà, tuto?
Marta- sicuro sta tenta che te mostro, le se senta quà, dopo le se mete sta bareta in testa 
Ada- varda che non te vai a far dani
Marta- sta chieta che non faso gnente, speta mì, dame che roba lì, el ga da esare el sciampo..
Ada- varda che non te fai dani
Marta- vito sto buso qua, li dentro ghe va el sciampo, gho capio tuto
Ada- almanco una che gai capio; e cosa vurisito fare, vuto farte la permanente?
Marta- ma dai mama, non ghe se nesun, ghe metemo poco e dopo tea faso a ti.
Ada- mi no cara, teo se che a too papà ghe piase l’odore dei me cavei, i ghe ricorda tanto l’odore dea Giselda, la vaca pì vecia che ghemo in stala.
Marta- sta tenta tì fa queo che te vui, mi vuio la permanente, quando sè che poso farmea senò?
Ada- bè vanti dai ma femo in presa, cosa goi da fare?
Marta- mi me meto sta bareta in testa, ti te struchi chel boton lì e dopo te buti dentro el sciampo so sto buso chì (si mette il casco in testa).
Ada- chisà che me ricorta, varda ti cosa che te me fe fare, eco che lo gho impisà, el fa on rumore che el pare on ventolon

Effetto macchina n° 8 A fatica e con varie esclamazioni di Ada la macchina viene messa in funzione e vengono versati i geni di Ambrogio su Marta e vengono prelevati i geni di Marta in una bottiglia.

Ada- bon valà che la se ghà fermà, Marta, Marta scantate fora!! Sta chi la gha ciapà sono, varda varda ciò, el sciampo el gà cambià colore, meio che lo rimeta al so posto. E sta chì la continua dormire, Marta te svejto sucona che non te si altro.
Marta- buongiorno signora, posso esserle utile in qualcosa
Ada- me sa che sta machina chi non la gà mia lavà solo i cavei ma anca soto. Ciò inseminia, me toito pai figi?
Marta- scusi ma non capisco, io non la prendo per i fichi.
Ada- moeghea de parlare italian, che se te sente to pare
Marta- ma io parlo solo italiano, e papà è arrivato mio padre? (si alza) 
Ada- a signore, la permanente me gà rovinà la tosa, deso la parla italiano, e pensare che la jera inteigente.
Marta- come rovinato la ragazza, dovè la ragazza? Ma e queste cosa sono?
Ada- ma cosa credito che le sia, do scudee de cafelate?
Marta- ma cosa succede, perché ho le gonne, ma i capelli, non capisco più niente.
Ada- mì gho capio na roba, gho capio parchè i citadini i parla italian, parchè i se fa la permanente. Deso basta ndemo da to pare che le fora drio spandare el luame.
Marta- luame, luame è la cacca delle mucche?
Ada- ciamalo come che te voi basta che n’demo via e serca de movarte
Marta- si certo mi appropinquo subito
Ada- apr.. app..appro...apposto semo, se te sente to pare dire chee porolase lì, ‘ndemo movate.

Scena 18 escono a destra Ada e Marta ed entrano a sinistra Cecilia e Clarinda, circospette.

Cecilia- bon, non ghe se nesuni, Clarinda te poi vegnere dentro.
Clarinda- sito sicura, che el nostro paron el sia n’da via, parchè queo lì el ne dopara tuti come dei sorseti da laboratorio.
Cecilia- l’è nda via sì, vardea lì la so invension.
Clarina- E la dovaria cambiare el mondo

Scena 19 entra a destra Ambrogio tutto pieno di tic 

Ambrogio- si signore, prego signore, desidera signore.
Cecilia- varda chì come che lo gà ridotto Ambrogio, el và in giro che l’è tuto on tremaso e nol se ricorda più come che el se ciama, se come se el fusè sensa serveo.
Clarinda- nol ghinà mai vudo tanto ma cusì el fa pecà.
Ambrogio- si signore desidera, pop, pop, done popi popi
Clarinda- tien so le man, Cecilia, el gavarà perso la testa ma no le man. Curi curi caro
Ambrogio- signore popi, popi, desidera te cafè, mè, popi, popi?
Clarinda- el sarà sensa serveo ma le man le ghe se cresù

Scena 20 Ambrogio esce a sinistra

Cecilia- e se ghe rifasesimo l’esperimento e ghe butemo dentro queo che i ghe gà cavà magari el torna come prima
Clarina- te sì mata tì, non semo mia siensiate noialtre.
Cecilia- parchè secondo tì el nostro paron seo un siensiato? Te ricordito chi che gà fato la formula, semo sta nialtre
Clarinda- par scrivare du stramboti a caso
Cecilia- però i gha funsionà

Scena 21 entra Gaspare a sinistra

Cecilia- eco qua uno dei esperimenti del paron
Clarinda- poro sorseto da laboratorio
Gaspare fa le fusa a Clarinda
Cecilia- varda che pì che on sorseto el me pare on pantegan
Gaspare si risente e si allontana
Clarinda- dai poareto non sta tratarlo mae, to valà, varda cosa che te dao, on tocheto de fomaio
Gaspare è tutto contento
Cecilia- scusa Gaspare, non te trato pì da pantegan. Lo gheto visto Ambrogio?
Gaspare annuisce ed imita Ambrogio con i tic (popi, popi)
Clarinda- de tuti i tic che ga Ambrogio te ghe tolto sù i peso però.
Cecilia- noialtre pensavimo che se ghe fasevimo denovo l’esperimento magari el tornava come prima, cosa ghin disito?
Gaspare dimostra che non gli interessa molto
Cecilia- cusi non te intaressa gnente de Ambrogio?
Clarinda- poareto el me sorseto, nol gà gnanca tuti i torti, Ambrogio lo gà sempre tratà mae, ciò e se l’esperimento gheo fasesimo a Gaspare?
Gaspare fa capire a Clarinda che è impazzita
Clarinda- sicuro no Ambrogio el jera savio e deso l’è inseminio
Ceciliea- Gaspare l’è insiminio..
Clarinda- l’è muto, cusì dopo el parla
Gaspare non è molto daccordo
Cecilia- par mi si tuti mati, ma dato che semo dei siensiati anca noaltri tanto vae provare, basta che el paron nol se incorsa, cosa disito Gaspare?
Gaspare scappa non convinto
Clarinda- fidate se pal to ben
Clarinda- non me pare mia che el se fida tanto, se meio che endemo a convinsarlo.

Scena 22 entrano dal centro Albert, Eva e Bortolo

Bortolo- a non capiso cosa che serva vegnere drento in casa che semo drio finire de sluamarare in giro.
Eva- mio picolo contatino, tu esere stanco e magari ai uno poco di fame
Bortolo- a dirghe el vero a gò un slanguorio doso, parchè a spetaimo le femene che le ne portase do ciope de pan con la sopresa e on goto de clinto ma non le vedemo. Che co le brinco a ghe indriso i rissi con la baila co rispeto parlando.
Albert- le sarà qua tra poco, intanto ghe piaseo el me laboratorio?
Bortolo- belo l’è belo, ma tute ste robe cosa sele.
Albert- se el voe acomodarse on’atimo ja.
Eva- su quella poltrona comoda
Bortolo- (sta per sedersi ma quando sente la parola “comoda” si ferma e si alza). A ma mi stao ben anca in piè che so la comoda non me sento par gnente
Eva- prego zi zieda su bella poltrona
Bortolo- a non so mia stufo, magari dopo.
Eva- zi zieda zubito su quella poltrona!! E’ un’ordine ja!
Bortolo- se se par farla contenta, a so mi cosa che ghe voria par calmarla.
Eva- Albert, mio picolo siensiato preco.
Albert- sior Bortolo, amicone, a voevo farghe provare on capeo Ja
Eva – Javol!
Bortolo- se meio che meo prova parchè la se drio incasarse de novo, bon el me pare largheto.
Albert- nol staga preocuparse che el ghe sta ben jaa
Albert- bene, adesso che l’è sentà sulla macchina podemo procedere sito pronta mama?
Eva- javol!
Albert- heil inserire casco transgenico 
Eva- javol! (attacca un cavo dalla macchina al casco)
Albert- accendere macchina.
Bortolo- sio mati, cosa feo!
Eva- zito tu esere picola cavia da esperimento javol!
Bortolo- basta che non la se irabia se dopo non femo in tempo a vangare l’orto.
Eva- macchina funziona heil! (si accendono varie luci nella maccina e nel casco)
Albert- butarghe dentro i geni de Ambrogio, ma i me pareva de n’altro colore prima e attivare
Eva- javol (svuota una un liquido colorato con i geni di Marta )
Albert- heil!

Effetto macchina n° 8 la macchina si riattiva e così Bortolo assume i geni di Marta e dona i propri.

Albert- eco fato, deso qua dentro ghe se Bortolo (mostra un contenitore colorato), e qua dentro (batte sulla testa di Bortolo) ghe se Ambrogio. Bortolo, come stemo?
Bortolo- chieto, sta chieto che sto ben bel moreto.
Eva- esperimento è riuzito, tu zei mio piccolo zienziato
Albert- non so mama, ghe se qualcosa che non và.
Eva- piccolo problema di assestamento.
Bortolo- steo chieti, varda ciò che bel posto
Albert- speremo che i sia effetti temporanei.
Eva- non ti preoccupare non ti farà male
Bortolo- cosa male che sto da papa me sento na principessa
Albert- quà ghe se da preocuparse
Bortolo- ha signore mio, speta che me alzo da sta carega, proprio na giornata impegnativa oncò, e non la se gnoncora finia, si parchè pena che rivo casa go da monzare le vache, semo sempre soto nialtre femene.
Albert- ho ho, mama credo che ghe sia on problemino
Eva- vedo, forze deve adattarsi ai nuovi geni, chissa quale guerra dentro di lui, chissà quali nuove scoperte.
Bortolo- proprio bella ciò sta casa, come i so paroni, ciao, bel moreto.
Albert- le so scoperte le me preoccupa,
Bortolo- beh scuseme cari ma mi ghò de andar vanti, speta che me meto a posto (si accorge che non ha più il seno) ciò, ma me manca qualcosa, ma dove see ndà, e deso che sento puito a gho qualcosa in più (in mezzo alle gambe), ma cosa sucede, deso me ricordo, a voevo farme na permanente ma se resto cusì a so rovinà. La me bea pee morbida, senti che ruspia. Cosa ma gavio fato, bruti cativi.
Eva- non avere paura, bel signore… signora, bella cosa. Mio picolo genio sistema tuto
Bortolo- ghe convien se no a lo sistemo mì. Varda cosa che i me combina sti siensiati.
Albert- non sta preocuparte ti che a me preocupo mì. Se trata de spetare, on po’ de assestamento spero e dopo i geni de Ambrogio i vinsarà.
Bortolo- be voialtri ste quà a pensarghe sora, che mi go da ‘ndare dai omeni che i se drio sluamarare, con rispeto parlando.
Albert- no, no movarse, se meio che el staga fermo signor…ina Masato
Bortolo- ste chieti, ste chieti che mi faso queo che vuio e se vuio ndare fora dai omeni mi vao
Eva- coza tu volere fare, picolo italiano veneto, scnell zeduta e zilenzio heil
Albert- javol
Eva- adesso noi andiamo, tu zeduta e non muoverzi javol?
Bortolo- valà cara, sto chieta si ma sorate che non me movo no.
Eva- Cozi va bene ora noi andiamo come picoli soldatini a studiare la formula; an… sfai….trai….(escono a sinistra)
Bortolo- speremo che riva gli alleati a salvarme. (si siede sulla poltrona)

Scena 23 Escono Eva e Albert a sinistra - Entrano a destra Primo Masato e Ada Masato

Ada- oncò non ghin và drita una ciò. La tosa che deso la parla italian parchè la se gà fato la permanente e dopo sercavo to pare e non lo cato
Primo- mama, se giusto che te me cati mi par Primo
Ada- moeghea de fare el stupido e dame na man sercare to papà
Bortolo- steo chieti che so qua mì
Ada- vardate qua dove che te sì ma cosa fasevito qua?
Primo- anca parchè a ghe se ancora da finire de vangare.
Bortolo- ciò mi so quà parchè i paroni i ghavea bisogno de mì.
Primo- me se semo drio lavorare fora cosa feto quà
Bortolo- cosa ghin soi mi, i me gà fato sentare so chea carega lì
Ada- i te gha fato la permanente anca a tì, intanto te sì senza cavej, e po’ la permanente la se fa solo ale femene
Bortolo- parchè mi cosa soi?

Primo e Ada si guardano

Ada- on’omo te sì, vuto che non lo sai gnanca, con tute le volte che te me dopari…
Primo- ma te vedito come che te sì ?
Bortolo- a sarò omo par fora ma mi dentro a so na dona (si alza)
Ada- varda cosa che la fa la permanente, to fiola la parla italian, e ti te te movi come …come…
Primo- on diverso
Ada- i sarà anca diversi ma mì i me pare tuti precisi.
Borolo- ste chieti ste chieti, e ndemo sercare meo pà
Ada- ma se too pà le morto da ventani?
Bortolo- meo pà el ga da esare fora drio vangare 
Primo- mama mi non capiso pì gnente.
Ada- mi na roba la go capia, farse la permanente fa mae.
Bortolo- ste chieti ste chieti e ndemo sercare meo pà.

Musica roboante

FINE PRIMO ATTO 


Musica roboante

SECONDO ATTO

Scena 24 musica n° 9 entra a sinistra e cammina verso destra Marta Masato vestita come Ambrogio

Marta- finalmente ho trovato degli abiti adatti a me, ora sono a posto, o quasi (sistemandosi la camicia si tocca il seno) e a questo ci penso dopo. Farmi portare in giro la cacca delle mucche, a me che ho servito nei migliori casati? Sono impazziti questi quattro bifolchi, i professionisti del letame, ma guarda cosa mi doveva capitare.

Scena 25 musica n° 10 esce Marta ed entra al cantro Bepi Scandola padre di Alberto Scandola

Bepi- varda che casa che la se gà fato la signora Eva Ghetomaezenzive, muri xalo caca, colone de piera bianca, on casteo el pare. Certo che la servitù la asa desiderare, tuto sto afare de casteo e nesuni che me vegna versare, porca eva.

Scena 26 esce Bepi a sinistra ed entra Bortolo Masato a destra 

Bortolo- chietete, chietete i continua dirme, e intanto varda chì come che so vestia, ti dime se le signore de città le va in giro cusì dopo che le se ghà fato la permanente, insomma, nol sarà miga on vestito da done questo, bisogna che cata i me vestiti, i gha da esare da qualche parte, e speremo da catare anca el resto (ed indica il seno mancante) che me jero afesionà. Se la prima e l’ultima volta che me faso la permanente.

Scena 27 musica n° 11 esce a destra Bortolo ed entra Ambrogio al centro, poi Bepi a sinistra

Ambrogio- cuci cuci…
Bepi- Almanco uno che gai catà dentro sta casa porca eva
Ambrogio- il signore desidera popi popi, vuole qualcosa geee. (Ambrogio è molto rintronato a causa della macchina)
Bepi- e sto chi el saria on cameriere. Varda come che l’è vestio. A non capiso i siori, i se fà servire da gente vestia come i becamorti, mi se me servise on bechin a non saria mia contento.
Ambrogio- prego popi popi, serve qualcosa cuci cuci?
Bepi- qualcosa me serve ma go pensiero che te serva qualcosa anca a tì.
Ambrogio- desidera?
Bepi- varda chi che i gà asunto pa sparagare soa servitù, bon valà contentemose, mi so el signor Scandola, serco la signora Ghetomaesensive dove sea par piasere?
Ambrogio- Scandola... Scando..la...la. (indica a destra)
Bepi- a bon le par de là?
Ambrogio- Scandolalaaaa, Scandolaliiii (indica a sinistra)
Bepi- ma come deso lè lì, ma se el jera là, deso lè lì me disito dove che lè o me toito in giro? 
Ambrogio- Scandolalla, Scandolalli, scandolasu, scandolaso poti pite poti pito (Ambrogio esce cantando e ballando. Ruba il cappello a Bepi)
Bepi- El me toe pai fighi. Sto chì a furia de servire la signora Eva Ghetomaesensive l’è andà fora de testa, ma insoma ge se nessun in te sta casa?

Scena 28 entra al centro Eva Ghetomaesensive

Eva- inzomma, zi può zapere chi fà tuto questo cazino? (da fuori scena)
Bepi- sta vose mi la conoso porca eva..
Eva- zono quì chi è che mi vuole?
Bepi- ma non poe esare, la se tae e quae a come che la jera 40 ani fa, almanco par fora. Scusi sea la signora Eva Ghetomaezenzive?
Eva- sicuro io sono Eva figlia di capitano SS Gunter Ghetomaezenzive Javol!!!
Bepi- ma eva, porca eva, non te me riconosi?
Eva- ma chi zei tu, tua faccia non esere nuova, togliere ochiali, jaa, metere capelli (eva adopera una sciarpa di piume di struzzo e la appoggia sulla testa di Bepi) tu, sporco italiano traditore, tu abusato di me su prato per cinque, zole cinque volte poi scapato, tu sei Bepi Scandola.
Bepi- ebbene si te me ghe scoperto so mi eva, porca eva.
Eva- questa coza catifa non dire più.
Bepi- te ghe rason vaca eva, scusa eva, porca ...vacca.... come steto?
Eva- pene grazie, ma tu sporco viliacco perchè sei zcapato
Bepi- par to papà Eva, el me gaveva dito che se el me vedeva insieme a ti el me gavaria taià a fetine col peapatate porca...eva..rista.
Eva- e tu per paura di mio padre sei scapato?
Bepi- te capirè, el jera capitano delle SS.
Eva- e allora prezo paura di SS, ma le SS sono solo Servizi Segreti
Bepi- cosa Servizi Segreti le SS ma credito mì che Sia Semo? Quando che jero lì insieme a tì nell'erba...
Eva- questi ricordi feriscono mio cuore
Bepi- e te gho stretta una volta...
Eva- jaaa.
Bepi- e un'altra volta...
Eva- jaaa
Bepi- E ancora..
Eva- jaaa,.....e poi jaaaa e ancora jaaaaa!
Bepi- o fermate jaaaa, jaaa, mi me sosà fermà da on toco
Eva- ma ti sbagli Bepi, mi hai stetta altre due volte 
Bepi- No solo tre volte parchè el me amico Toni el faseva la guardia par vedare se rivava to papà, infatti el me gà ciamà e mi so scapà parchè jera drio rivare to papà
Eva- ma mio padre non ezzere arivato
Bepi- ma ti te ghe sentio che mi so andà via vero?
Eva- io avevo ochi chiusi travolta da passione, ho zentito come rumore di picolo cerbiatto correre veloce su prato, e poi, con nuovo vigore, con nuova forza tu hai amato me per altre due volte, con tutto tuo sex-appeal.
Bepi- el sarà anca sta sesso a pile ma le me pile le jera scariche, me sa che te ghe doparà le pile de qualcun altro. Deso me spiego parchè non gho pì visto Toni. Quel fiolo de un cerbiatto, fru, fru, fru.
Eva- così tuto il mio dolore per tua fuga è ztato zolo un malinteso, o mio piccolo bricconcello, io me avevo giurato di prendere tua orecchia e tirare forte...
Bepi- hai
Eva- dare grosso morso a tua mano...
Bepi- haii!
Eva- dare un grande calcio a tuo retropancia...
Bepi- haiii!
Eva- e poi con grande forbice (imita una forbice) tagliare tua macchinetta
Bepi- e no hè! Lassa stare mia grande, mia imensa machineta!
Eva- ma ora tuto pasato, la rabbia è scomparsa e ti perdono
Bepi- pa fortuna che te me perdoni senò cosa me fasevito 
Eva- ma tu non zai che quella notte di pazione ha portato dei frutti.
Bepi- cosa intendito?
Eva- picola sorpresa.. Albert vieni qui snell, muoversi heil!

Scena 29 entra Albert al centro

Albert- Javol sacranon, ecome che rivo.
Eva- questo Bepi e picolo fruto di nostra pasione.
Bepi- ciamalo picolo, porca eva.
Eva- bepi, sta atento a come parli, non dire più cuezte coze catife, cuezto è nostro filio, non vedi come ti somilia?
Bepi- a dire el vero el ghe someia de pì al me amico Toni.
Albert- ma cosa vuto dire mama, che questo l'è meo pà, queo che se scapà?
Bepi- no chealtro, mi so queo che se tornà, queo che se scapà l'è el me amico Toni, chel slandron.
Albert- a te si ti meo pà, me mama la gavea dito che quando che la te trovava la te gavaria ciapà par na recia.
Bepì- aii!
Albert- e dopo la te gavaria morsegà nà man
Bepì- haia, no da novo nò
Albert- e dopo na gran peà..
Bepi- aiii!
Eva- no Albert, non fare più male a tuo padre noi abiamo fato pace.
Bepi- speta ancora dirgheo che el me copa del tuto
Albert- pace, alora gnente taiare la machinetà?
Bepi- sta so con le man, che a qualcosa la serve ancora.
Eva- su basta fate picolo scambio di baci come familia ritrovata.
Albarte- papa, papà mio!
Bepi- fiolo, fiolo mio, o de Toni, fru, fru, finalmente se riunise la famiglia Scandola.
Eva- no Bepi, non famiglia Scandola, ma familia Ghetomaezenzive
Albert- Javol!
Bepi- se te permeti a sò mì l'omo dea fameia.
Eva- no tu zei il solo italiano veneto dela familia, in noi scorre sangue ariano.
Bepi- vedo che te sì ancora razzista.
Eva- io non esere razzista, io odio i razzisti, non sono io a ezere razzista, sei tù ad esere italiano veneto.
Bepi- va ben va ben ma come feto farme diventare ariano, sito forse na maga?
Eva- non io, tuo filio ti farà diventare ariano perchè tuo filio è un genio, guarda mia facia ha fatto un miracolo.
Bepi- on genio davero, a proposito de miracoli, visto che te si on genio a vuria parlarte dea me machineta non la gira pì come na volta, che metevo la prima, la seconda e anca la terza, deso si e nò che meto la prima ma sempre pi spesso a meto la retromarcia.
Albert- mi giusto tuto, mi go fato on mucio de invension

Scena 30 entra a destra ed esce a sinistra scappando Gaspare, inseguito da Clarinda e Cecilia.

Clarinda- fermate Garpare, ierimo drio scherzare, non te diventi mia come Ambrogio.
Cecilia- fermate dai sorseto che te dò on toco de formaio...scuseme n'demo via suito.
Gaspare- fa capire con un gesto eloquente la sua ferma intenzione a non fermarsi

Scena 31 entra a destra ed esce a sinistra Ambrogio tutto rintronato

Ambrogio- scandollallì, scandollallà popi, popi (finge di toccare macchinetta di Bepi)
Bepi- aia!

Scena 32 entra a destra Bortolo Masato vestito con gli abiti di Marta

Bortolo- o bene, i vestiti i me sta proprio ben, i se on poco larghi sol davanti ma le cotoe le me fa do bee gambete (alza le gonne contemplandosi le gambe, poi si accorge della famiglia Ghetomaezenzive che lo guarda) ma cosa gavio da vardare, a ve faso voia ha bruti luamari, so i oci dal banco che la merce la costa cara, anca par ti seto bel moreto (rivolto a Bepi) scuseme ma gho da andare a sercare dei tochi che me manca.

Scena 33 esce a sinistra Bortolo

Bepi- ciò ma sele queste le to invension? Parche a gò pensiero che la me machineta se meio che la tegna come che la sè!
Albert- no papà, questi i sé esperimenti
Bepi- n’daà a mae a ocio
Eva- sono esperimenti in corso, ma io vi lasio zoli, chissà quante cose avrete da dirvi.
Bepi- te ghe rason porca eva!
Eva- cuesta coza catifa non dire più heil!
Albert- javol!

Scena 34 esce a destra Eva entra al centro Alka battendo il gong

Alka- zignori e pronto in tavola
Bepi- Oh ma sio mati batare in sto modo?
Alka- solo uno modo per informare che cibo è cotto
Albert- questo sé me papà, e questa la sé la coga Alka
Bepi- bene bene e cosa se magna oncò
Alka- una picola cosa cota su forno
Bepi- mi magno de tuto fora che i polastri e le patate
Alka- oggi c’è pollo, o vuole spezzatino?
Bepi- magno polastro. 
Alka- mit kartoffen?
Bepi- le patate non le me piase ma le kartoffen vò mato!
Alka- allora stasera pollo mit kartoffen

Scena 35 esce al centro Alka

Bepi- simpatica la coga
Albert- non ghin poso pì, va finire che diventarò na kartoffen anca mì
Bepi- asa perdare le patate e tornemo ala me machineta
Albert- caro papà, par la to machineta, a go na roba…
Bepi- sarà ma se la funsiona come i to esperimenti
Albert- non sta preocuparte, sto siroppo qua lè na bomba, se teo bevi la to machineta la diventa na ferrari.
Bepi- cio saria on bel colpo, da na skoda a na ferari, el salto lè longo
Albert- sicuro e deso bevi.
Bepi- speremo in ben (e beve lo sciroppo) 
Eva- (da fuori scena) Albert, Bepi prezto in zalotto che è pronto snell!
Bepi- deso rivemo e pareciate che gho na ferari in meso le mudande

Scena 36 escono al centro Albert e Bepi, entrano a sinistra Ada e Primo

Ada- insoma non ghin va drita una oncò, a molo la tosa par catare so pare e perdo anca ea, a te aso ti con to pare e te lo perdi
Primo- cosa vuto che te diga, el me se scapà el gà dito che lù el se vergogna a ‘ndare in giro vestio in chele condision lì
Ada- lamentarse che lo go sempre vestio cusì ben che el pare el principe dei boari.

Scena 37 entra a destra e sfila verso sinistra Marta Masato

Marta- finalmente mi sento a mio agio 
Primo- mama ma sea me sorea chealì, vestia da omo?
Ada- a vedarla la pare ea, ma a scoltarla non se diria mia.
Marta- posso esservi utile?
Primo- Marta, ma come parlito, in italian?
Ada- se stà la permanente, ghelo disevo mì che la fa mae. E varda come che la se vestia, dove i gheto mesi i to vestiti?
Marta- la signora forse intende quei quattro straccetti?
Ada- quatro straseti, che ghò vendù on sc’iapo de faraone par comprarteli!
Marta- signora bisogna evere cura della propria immagine.
Ada- l’immagine, a me immagino cosa che te fà too pà col te vede.
Primo- la gà rason mama, continuo dirteo che coi tempi che core l’immagine la se tuto, ciapa internet
Ada- inter cosa? Ma se te ghè sempre tifà pal milan?
Primo- la tecnologia mama, immagine vol dire internet e internet vol dire mercato e mercato vol dire schei.
Ada- e cosa centra l’inter coi schei?
Primo- mama scoltame, a podarisimo versare un sito tuto nostro par vendare el luame.
Ada- ma sito mato?
Primo- sarisimo i primi a vendare el luame virtuale, www. boasa. com, cosi diventemo i primi boari della rete. 
Marta- suo figlio è un genio complimenti signora.
Ada- a gò du fioi mati ma cosa sio drio dire.
Primo- on sito mama voio un sito.
Ada- sito semo, che se te sente to pare.

Scena 38 entra a sinistra Bortolo vestito come Marta

Bortolo- (da fuori scena) senti che i parla, forse go catà la me fameia.
Ada- o par fortuna che riva uno con la testa a posto.
Bortolo- chieti chieti, che so qua mì.
Ada- vardeo qua questa se l’immagine che conta in fameia, altro che sito sito..(solo adesso Vede Bortolo) ciò sito rimbambio? 
Bortolo- chieta, chieta, non te piaso mia che so on figurin?
Primo- mi pì che on figurin me pare che te fasi na figurasa.
Marta- devo riconoscere che i suoi abiti per quanto aggraziati non le confanno.
Bortolo- ciò becamorti te starè ben tì vestio da lutto.
Ada- ma cosa sio drio dire voialtri e come parlito ti, e parchè te vestito da femena.
Primo- l’immagine mama, l’immagine, boasa on line e ghe metemo la foto de papà la valchiria dei boari, e me sorea che deso la parle italian la fà ufficio affari esteri…
Ada- ma cosa disito afari esteri, questi i se afari de fameia, e po’ a vo fora ciapare nà sboconà de aria che me vien le anfe, me vien le scaldane. 
Primo- speta che te spiego cosa che gò in mente, le robe le cambia, bisogna butarse nella rete
Ada- ma butate anca sensa e chissà che te te neghi.

Scena 39 escono a destra Ada e Primo

Marta- che gente, che zoticoni
Bortolo- chieta chieta, zoticoni, boari par piasere, la se sempre la me fameia a go el steso sangue nee vene
Marta- e si vede, io e lei non abbiamo niente da spartire
Bortolo- epure pi che la vardo pi me pare de conosarla, e dopo me pare che la gai qualcosa che a mi me manca.
Marta- ma cosa guarda, e stia giù con le mani
Bortolo- e no cara, questa se proprio roba mia, e deso te me le dè
Marta- ma mi lasci, se ne vada
Bortolo- vien chi e dame le me robe
Marta- aiuto aiuto
Bortolo- chieta, sta chieta che tanto te brinco.

Scena 40 escono a sinistra Marta e Bortolo ed entra al centro Albert

Albert- cosa sio drio fare voialtri chi?
Cecilia- gnente gnente on poche de puisie
Clarinda- eco quà che ghemo finio (pulendo la testa di Gaspare)
Gaspare parecchio contrariato si alza e se ne và parecchio arrabbiato
Cecilia- se vero te ghe rason Gaspare, deso ghemo finio e ‘ndemo via tuti quanti
Albert- meio che go da fare deso
Ambrogio- poti poti gira gira el mondo

Scena 41 escono a destra Ambrogio, Cecilia e Clarinda.

Albert- bon finalmente so da solo, papà n’demo dai movate, e dime come vala la machineta?

Scena 42 entra al centro Bepi con una folta capigliatura bionda

Bepi- (da fuori scena) a dire el vero la machineta la se come prima, (in scena) ma ghe se degli effetti collaterali.
Albert- beee, si i sarà effetti momentanei, comunque non te stè mia male cusì.
Bepi- sarà, a to mama ghe piaso (e scuote la testa)
Albert- dai metate el camice che deso ghe cavemo i geni a me mama, mama, noaltri semo pronti.

Scena 43 entra al centro Eva

Eva- o mio picolo genio grazie per avere donato nuovi capeli a tuo padre, ma io desideravo altra coza....io volevo grande machineta non grande capelli, birichino comunque ora posso dare mio contributo a nobile causa
Albert- si mama, te cavemo i geni e dopo femo la razza ariana
Bepi- e la fameia Scandola governerà el mondo
Eva- non Scandola ma Ghetomaezenzive regnerà zu mondo.
Bepi- ma a sò mì l’omo de casa
Eva- tu zei picolo uomo veneto io zono grande dona tetesca, regina di impero Ghetomaezenzive.
Bepi- par mi contenta tì, me basta restare come ca sò.
Albert- no papa dopo te diventi ariano anca tì, vito quà ghe se i geni del boaro, e qua ghe metaremo i geni tedeschi.
Eva- adezo basta, fare picolo esperimento.
Albert- va ben mama, ti sentate quà e ti papa impisa la machina, te struchi chì e dopo te giri lì capio, pronti uno, due eee eee deso me spetè che gho da un impegno urgente 
Eva- ooohh! l’emozione. 

Scena 44 esce Albert a sinistra

Albert- (da fuori scena) no le scartofen heil.

Eva- ma tu Bepi hai capito come fare?
Bepi- sicuro, cosa ghe voe?
Eva- e alora faciamo picola sorpreza ad Albert
Bepi- alora sentate so, dunque se gira chì, se struca lì e cusi semo pronti par l’impero dei Ghetomaezenzive.... a dire el vero mi staria puito anca così, quasi quasi ghe faso mi el scherseto, dove sei i geni del boaro
Eva- alora ziamo pronti?
Bepi- de boto, ghe manca poco uno due e tree... 
Effetto macchina n° 12 parte la macchina
e deso ciapate sti geni veneti cusì femo la fameia Scandola...

La macchina si ferma ed entra da sinistra Albert

Albert- ma gavio fato tuto sensa de mì, ma sio mati mama, mama, steto ben? Non la me parla pì
Bepi- la voeva farte na sorpresa
Albert- ciamea sorpresa, non la parla pì
Eva- cosa gavio vaca onta, a non se poe gnanca poejare in pace che suito gavì da rompare i totani
Bepi- jera meio se non la parlava 
Albert- mama ma come parlito, in veneto, tì?
Eva- ciò so le man dal banco ti, e come vorisito che parlase in italian, varda che mì a so un boaro rispetà, noaltri ‘ndemo in giro a sluamarare da generasion, parlare in italian, ma soi semo?
Bepi- Albert la to invension se incredibie.
Albert- ma cosa sucede, come se posibie.
Eva- a ghin so qualcosa mì vaca onta, e cossa xea ‘sta coa de pantegan? E pò aseme ‘ndar fora che go l’omo drio spetarme pa vangare l’orto, e po varda chi come che me gavì vestio, tratare così la gente come mì, mì che sò un boaro de onore, speta che vaga tore na baila dopo ve faso vedare mi l’italian dove che ve lo meto
Albert- ma dove veto fermate chì, papa jutame ciaparla prima che la fasa dani
Bepi- cori cori che tea ciapi, pì dani de tì nol la ghin fa de sicuro

Scena 45 musica n° 13 escono a sinistra Albert, Eva e Bepi entrano a destra Gaspare Clarina e Cecilia, Gaspare svenuto

Cecilia- bon se n’dà via tuti, podemo vegnere dentro
Clarinda (trascinando Gaspare)- vito che con le bone se otien tuto.
Cecilia- a te ghe ghe molà na paca.
Clarinda- tanto peso de come che el jera ridoto nol poe diventare, e deso jutame chel pesa.
Cecilia- però a furia de formaio el se ga ingrasà
Gaspare fa un mucchi di vesi e si agita
Cecilia- senti che casin chel fà par fortuna che l’è muto
Clarinda- basta deso, serchemo de movarse prima che riva gente
Cecilia- ma seto come fare?
Clarinda- non sarà mia difisie, meteghe in testa chea piana lì, bon e deso gira chel boton lì, bon quando che te la impisi te ghe buti dentro ...eco, sto brodo chi, chi dentro ghe se queo che ghe manca ad Ambrogio.
Cecilia- meo ricordavo pi ciaro sto brodo chì, comunque te si ti la siensiata.
Clarinda- bon semo pronti alora via

Effetto macchina n° 14 si accende per l’ultima volta la macchina e Gaspare assume i geni di Eva 

Scena 46 entrano da destra Ada e Primo Masato

Ada- te go dito de molarghea con sta rete 
Primo- la tecnologia mama, ha non te capisi gnente
Ada- a te capirè tuto tì
Cecilia- ghe mancava solo che rivase sta fameia de mati
Clarinda- proprio deso che somo sol pi beo

Scena 47 entrano da sinistra Marta e Bortolo Masato

Marta- insomma tenga giù le mani, la vuole smettere
Bortolo- sta chieta cara, sta chieta, mi vuio solo queo che se mio
Cecilia- varda cosa che me toca vedare, el ghe core drio a so fiola
Clarinda- e vestio da femena
Ada- Bortolo cosa feto ghe metito le man doso a to fiola?

Scena 48 entrano da sinistra trafelati e correndo Albert e Bepi

Albert- via via che la se diventà mata
Bepi- varda chi cosa che te ghè combinà

Scena 49 musica n° 15 entra da sinistra Eva con un badile in mano

Eva- se ve ciapo
Bepi- calmete, fermate
Eva- fermate ti moreto che te indriso i rissi

Tutti scappano e cominciano a rincorrersi con vari incroci ritovandosi alla fine

Scena 50 entra dal centro Alka con coltellaccio e pollo morto in mano. Suona il gong.

Alca- Silenzio tuti fermi che disturbate mio lavoro molto delicato.

Tutti si fermano

Alka- alora voliamo fare zilenzio o devo fare uno grande spezatino?
Albert- noaltri tasemo ma digheo a ea che la se ferma
Eva- ti tasi che se te ciapo

Musica n° 16 si sveglia Gaspare che è diventato un novello Hitler

Gaspare- Ainfart heil doberman hail!!!
Cecilia- Gaspare el parla
Clarinda- xera mejo se el taceva.
Alka- o main furer ( e si getta ai piedi del novello Hitler)
Albert- maledette a gavì creà on mostro
Gaspare- ain sfai trai heil ...... ( e comincia a gridare in pseudo tedesco )
Bepi- sto chi lè drio diventare mato del tuto, mi taio la corda
Eva- dove credito de ndare moreto
Bortolo- e deso ti dame la me roba
Marta- aiuto che ricomincia
Ada- Primo ciapa to pare che l’è diventà mato. Ti assa stare to fiola, brutto cinofilo.
Albert- voiatre do se ve ciapo
Clarinda- Cecilia se meio che scapemo anca noaltre.
Gaspare- Scaiza, von scartoffen (scrolla via Alka e esce marciando) ain sfai trai Heil
Alka- (si alza in piedi) O mio furer cozi ritorneranno i fazti di nostra grande nazione tetesca

Scena 51 entra da destra Ambrogio

Ambrogio- giro giro tondo poti poti
Alka- giù le mani bruto bastardo io fare di te spezatino
Ambrogio- gira gira forte (esce rincorso da Alka)

Scena 52 Gaspare e sotto la macchina Ghetomaezenzive con Albert a fianco vestitito col camice bianco

Albert- bon e con questo ghemo finio, tuto se tornà come prima, podì vegnere dentro deso

Scena 53 entrano da sinistra Clarinda, Cecilia ed Ambrogio

Ambrogio- eccole la servitù, dicono di essere pentite
Clarinda- seo ancora inrabià con noialtre?
Cecilia- voevimo solo jutare Gaspare
Albert- par sta volta non ve faso gnente ma la prosima volta
Cecilia- come prosima volta non vorà mia rifare gli esperimenti?
Clarinda- non ghe se mia bastà al casoto che el gà fato?
Ambrogio- vi conviene tacere.

Scena 54 entra dal centro Eva

Eva- cuale cazoto? E’ stato solo picolo erore ma ora mio picolo bravo filio a zistemato tute cose sono fiera di te, vaca onta!
Cecilia- el gha sistemà tuto vero Ambrogio
Ambrogio- quasi, poti poti

Scena 55 entrano Primo e Bortolo Masato

Bortolo- noialtri ghemo finio fora, podevimo finire anca prima
Primo- ma ghe jera solo Primo e prima non se vegnù
Cecilia- Eco uno che se resta compagno.
Clarinda- sempre simpatico

Scena 56 entra dal centro Bepi ancora con i capelli lunghi

Bepi- ciò Albert e i me cavei quando se che tei sistemi?
Albert- tei sistemarò sì.
Bortolo- chieti, chieti che te ste ben anca cusì bel risseto.

Scena 57 Entrano da sinistra Ada e Marta Masato

Ada- grasie dotore che el me gà postà la tosa, non la se mia a poimbo ma penso che la se ciaparà
Marta- sorate mama che mi me sento roboante
Ada- ecola che la taca con le parolase.

Scena 58 entra dal centro Alka

Alka- Coza preparo per cena cuesta sera?
Eva- Cuesta zera ziete tuti ospiti di famiglia Ghetomaezenzive con una spezalità tetesca
Bepi- e nò Eva. Porca Eva. Sta sera si ospiti della famiglia Scandola e magnè na specialità veneta!
Albert- grasie papà, gnente scartoffen evviva
Alka- e coza cuzinare di cuzina veneta?
Bepi- sta sera se magna crema di mais e pesce veloce del Baltico
Albert- cosa?
Bortolo- grasie ma mi a vo casa magnare seto risseto.
Bepi- cosa gavio capio a magnemo poenta e bacalà.
Albert- e deso tuti in tola

Scena 59 escono dal centro

Alka- o mio Furer, to eri rinato e ora zei andato via, adio mio Furer, adio miei sogni di gloria.

Scena 60 esce dal centro Alka

Gaspare si alza, si stende poi ritorna goffamente a camminare come un grande topo di laboratorio, poi si guarda in giro e:

Gaspare- aine svai trai Heil, aine svai trai Heil 

Musica n° 17 esce marciando.


Musica n° 18

FINE