'MBROGI E CONF'SION

Commedia in vernacolo vezzanese di

GIULIANO ANGELETTI




PERSONAGGI:

DON PROSPERO
CATO'
NICOLIN
GIUS’PON
LUIGIN
IL CONTE GIOVANNI P'LIZZON
PAOLINO
NATALINA
DON UMBE'
ARMIDA



PRIMO ATTO
SCENA 0

A luci spente, entra il commendator Giovanni P'lizzon.
Si siede al tavolino posto fuori sipario.
Sul tavolino saranno visibili un mare di pratiche ed il cellulare.

P'LIZZON
Coma? Tutia la manzia l'en stà contagià e r' vetrinario g'ià deciso d'amazzar'gia! E a me disè nicò come a me devo comportara!! Ma me n' quatro e quatr'oto a ve mando tutti a cà! E a la sverta! Preparè'na busta con di sodi 'n contanti, fè maslara i besti e portè la carne scontà ai masei!

(Posa il telefono, che però squilla di nuovo e risponde)

Coma? La gh'è sur mercà der gran andà a mara e voi a ne savè cosa fara? Comprelo e felo mas'nara, tamburi! E vendè la farina a meno! Anche se a V'zan per 'n anno i mangiu pan chi fa mara, cosa a m'en pò fregara?
Fè tuto chelo che a vò ito ...
Cosaaa?? A dovrei andarme a conf'sara perchè la se sposa me figia? Ma a san andà fora de zervelo?
A'n gò proprio tempo per chestia cosa ...

(prova a telefonare)

L'an ghè nissun ... ma cosa i avrà da fara ... cher prete così gneco ... ma a tutto l'a ghè 'n rimedio, a ghe mandrò na lettera.

(scrive la confessione)

A la scrivrò su 'n toco d' carta.
Mo a la spediso ...

(si avvicina alla cassetta postale, imbuca la lettera e in quel momento squilla il telefono e lui risponde)

Si? ...
(ed esce di scena).

(Buio in sala, attacca la musica - Traccia n.1 "Que serà, serà" di Doris Day)



Contemporaneamente si apre il sipario e quando sarà aperto tutto ... la musica andrà gradualmente a scemare, fino a cessare del tutto. A quel punto E SOLO A QUEL PUNTO ENTRERA' IN SCENA DON PROSPERO ed inizierà la commedia.


PRIMO ATTO
SCENA I
DON PROSPERO – PAOLINO – NICOLIN

Siamo in una sacrestia, Don Prospero si toglie i paramenti assistito dal chierichetto Paolino

DON PROSPERO
Ahi! Ahi! Che doloro! Che doloro! E per zunta 'sto tempo i'n m'agiuta!
'R colo in m'se zira pù! 'R brazo i me fa mara, i occiai i'n m' van pù ben e poi a ghe mancheva 'sto doloro novo: ecco i me pigia chi ... 'n zimo alla gambia ... e poi i va zù, pian, fin 'n fondo ai pè, a stò mara ... a stò proprio mara!

PAOLINO
Don, com'la va?

DON PROSPERO
Mara, proprio mara!

PAOLINO
La se veda! Assomigiè a 'n saco!
(e ride, rivolto al pubblico)

DON PROSPERO
Rida ... rida! Ma s'te g'avessi la me età!

PAOLINO
Ma voi a ne sè maistà zov'noto!

DON PROSPERO
Paolino, la manca 'r vin per la messa e me a son sicuro d'averlo misso. Carc'dun i l'ha bevù, me a son sicuro!

PAOLINO
A ne son stà me! Me a son 'n fanto e i fanti i'nen bevu, de vin!

DON PROSPERO
E mo chi l'è stà? La Catò no ... allora Nicolin!

PAOLINO
Si, si d'zerto gi'è stà Nicolin!

DON PROSPERO
Nicolin!! Nicolin!!

(entra Nicolin di corsa e alterato)

NICOLIN
A vegno ... ma cosa a gav'è, l'a v'a morso la tarantola?

DON PROSPERO
'R vin per la messa!

NICOLIN
Ma cosa a vorè dira, proprio ancò a n'ho portà 'na botigia nova!

DON PROSPERO
Ma carc'dun i l'ah bevù!

NICOLIN
E a me cosa a m'antressa?

DON PROSPERO
E allora chi a l'ha bevù?

NICOLIN
A sarè stà voi! Con chela testa ch'avartrovè!

DON PROSPERO
Me proprio no ...

PAOLINO
G'iè stà Nicolin ... Nicolin!

DON PROSPERO
Nicolin, la saressa mei non rauzara 'r gomito!

NICOLIN
... Me a'n gò b'sogno de bera ch'la roba lì ... me a bevo soro d'r vin bon, chelo d'uva

(tira fuori il fiasco e tracanna)

e non del cancheron fatto cor baston! Don Prospero, me ho sempre portà 'r vin per la messa, ma voi a vù sempre tracannà e me p'r zunta a'ne portevo sempre 'na botigia nova! Ber rengraziamento!
D'autro canto a 'n me avè mai dato 'n franco. Me a 'n renvango nienta, però a n'andè 'n ziro a dira che a 'n bevè, cando de nascosto a ve sgolè 'na botigia au giorno e p'r zunta a ufo! Ma ora i tempi gi'en cambià e a m'son fatto furbo: l'è za 'n pò d'tempo che con i sodi d'le elemosine a vò comprà 'r vin gramo, ma voi a 'n v'accorzè manco d'la differenza. E mò basta, a m'nvò sennò a perdè nicò 'n sagrestan. E mò a m'nvago ... a momenti a me scordevo: l'è arrivà 'na lettera da parte der commendator P'lizzon ...

DON PROSPERO
La ghe vò tanta pazienza a stara a'r mondo ... forza, lezian chesta nova: Nooo!! 'R commendator P'lizzon i m'a spedì 'na confession p'r posta e i vò anca che a gh' spedisso l'assoluzion!!
L'an s'è mai visto a'r mondo! Nicolin, andè a ciamarlo e diseghe de vegnire d' persona a confessarsi: ormai ha'n razunto 'r cormo!

NICOLIN
Va ben, p'r stavota a vago!!
(Esce di scena)


PRIMO ATTO
SCENA II
DON PROSPERO – PAOLINO - CATÒ

DON PROSPERO
Nicolin i va pigià così com'iè

PAOLINO
E zà! chell'mbriagon ...

DON PROSPERO
Ma cor l'è 'st'odoro de vin?

PAOLINO
(cercando di sviare il discorso)
Me a 'n sento nissun odor d' vin!

DON PROSPERO
Me a son sicuro ... i ne sarà miga stà ...

PAOLINO
Ssss ... a sento 'na vosa ...

DON PROSPERO
Na vosa??

PAOLINO
Siii! 'Na vosa dentro de me!!

DON PROSPERO
Dentro d'te? L'è la vosa d'la to anima?

PAOLINO
Si! E continuo a sentirla!

DON PROSPERO
Ma allora l'è la vosa du Signoro ...

PAOLINO
Ma no! g'iè u me stomego chi mugugna p'rchè a n'ho anca fatto la colazion!

DON PROSPERO
Ma 'nsoma! La te piasressa deventare preta?

PAOLINO
Mo a ghe devo pensara! E poi la gh'è la possibilità che a m'amaro ...

DON PROSPERO
Che t' t'amari d' cosa?

PAOLINO
A son alergico ...

DON PROSPERO
Energico! A 'u so! D'energie te ghe n'è tanta!!

PAOLINO
Non d' c'le lì! A son alergico ar fumo d'le candele! E chi de candele la ghe n'è sempre tantia, e poi p'r Santa Maria d' Vezan d'sovra e V'zan d'soto la me tocrai dira tre messe e conf'sare le veciette. Che barba!! Me a ne g'ho tanta pazienza ...

DON PROSPERO
Scherza coi fanti ma non coi santi!

PAOLINO
E poi, solo 'r preta? Me a ... mir'rei a carcò de pù ...

DON PROSPERO
Ma te ne vorressi miga studiarsubito da vescovo ...

PAOLINO
No, da vescovo no, me pà i me disa sempre che da grando, per far 'na vita bona, a dovrei fara 'r Papa o 'r tubista ...

DON PROSPERO
E da dove la sorta 'sta storia? E pr'chèproprio 'r Papa?

PAOLINO
Se a fago 'r Papa a son servì e riverì, a viag-rei 'n lungo e 'n largo senza tirar fora 'n franco e 'r posto de lavoro i ne m'lo portrai via nissun ... Così andrei 'n pension con 'r massimo d'lemarchette!

DON PROSPERO
Lassa perdre 'r Papa: ma pr'chè l'idraulico?

PAOLINO
Pr'chè a guadagn-rei 'n sacco de franchi con poga fadiga: tra 'na guarnizion e un sifon a podrei fare 'r prezzo che l'a me para, senza fatturara nienta, e poi anca fregara 'r governo, e poi quasi sempra 'n tubo a sortirei de metterlo anche alle sposine che l'a me ciamu!!

DON PROSPERO
Ho fin pavura che da te la 'n v'gnirà fora nienta, manco 'n frado!!

PAOLINO
No, frado no! Sempre scauzi, estade e 'nverno! E poi, tuto 'r giorno a domandar l'elemosine. Me a cognosso 'n frado che a forza de fare avanti e 'ndrè la g'en vegnù le gambia così storte, ma così storte che la parevu doi archi, e noi a lo ciamevu Frà Parentesi
(e sghignazza).

DON PROSPERO
Pogo d'bon!! T'sè fortunà c'a n'son to pà! Se n'no 'no sc-iaffon l'ant'lo leva manco 'r Padre eterno!

PAOLINO
A proposito de sc-iaffon, me pà ieri i m'ha gonfià coma n'orso!

DON PROSPERO
E pr'chè?

PAOLINO
I'u san tuti che i colombi de Ginetto i se posu spesso su 'nter prado d'la scola ...

DON PROSPERO
Si ... ma te cosa t'è combina?

PAOLINO
Donca, tutti i giorni a ghe portevo 'r gran e loro i vegnivu sempre de pù

DON PROSPERO
Bravo! T'è fatto coma San Francesco

PAOLINO
Si ... prima a buttevo 'r gran 'n ter prado d'la scola, poi ho comenzà a metterlo 'n tle coppia e loro i s'amassevu e i se litighevu 'r mangime, chelle povre bestie! E così ho pensà de metterghe d'la colla p'r ratti, così tutti i colombi ch'la mangevu g'iarmanevu 'ncollà ... così ho dovù piarli tutti, ma mentre a stevo per portarli a cà per farli arrosto, g'iè arrivà Ginetto de corsa e subito i m'ha dato 'n sc-iaffon e dopo Maurì, Robè, i vigili e i carabinieri i m'han portà 'n caserma, poi l'è arrivà me pà che i ha pagà la multa e i colombi e dopo, a cà ...

DON PROSPERO
I t'ha riempì de sc-iaffon!

PAOLINO
Si: i m'na dato tanti ma solo pr'chè a 'm son fatto beccare!

DON PROSPERO
L'an gh'è de remission!!

CATO'
(entrando)
Pronti! Chi a gh'è la colazion: pan e latta. T'sè contento Paolino?

PAOLINO
E zerto che a son contento, armeno u Signoro i la sm-trà de mugugnara
(si mette a mangiare in disparte ai lati della scena, dietro una paratia).



PRIMO ATTO
SCENA III
ARMIDA – DON PROSPERO- CATO’ – NICOLIN - PAOLINO


Entra improvvisamente una donna in sacrestia, con uno specchietto per il trucco in mano, intenta a guardarsi e ad aggiustarsi il trucco.
Contemporaneamente parte la traccia n.3 "SEI BELLISSIMA" di Loredana Bertè, di brevissima durata e appena cessa Armida inizierà a parlare.

ARMIDA
Umbè, Umbè, 'n dove te sè?

DON PROSPERO
O signora! Ma 'n dov'la va? 'N pò d' rispetto! E abbassè la vosa, chi a 'n siam 'n piazza! Chi a san 'n ten posto de silenzio e de preghiera! E poi chi l'an gh'è nissun Umbè!

ARMIDA
Reverendo, reverendo scuseme. Me a zerchevo 'u so sostituto! A g'ho assolutamente besogno d'lù!

DON PROSPERO
Carmeva, a g'son chi me p'r agiutarva!

ARMIDA
L'an m' pò agiutara nissun! Solo Don Umbè i pò far carcò ...

DON PROSPERO
A son 'n preta nicò me. Diseme i vostri problemi ...

ARMIDA
A g'ho 'n fogo chi drento, 'n tormento, 'n caloro ... ho b'sogno d'lu! D'lu! Solo d' lu!!

DON PROSPERO
D'r vostro moroso?

ARMIDA
(alzando la voce)
'R me moroso in m' tocca pù!

CATO'
A lo capisso ...

ARMIDA
Cor'l'ha dito?

CATO'
Nienta. A parlevo tra me e me ...

DON PROSPERO
A vorè c'a parlo co'r vostromoroso?

CATO'
(Con la mano vicino alla bocca, rivolta al pubblico)
D' zerto che Giovanin g'iè d' bocca bona!

ARMIDA
A n'ho capì!!

DON PROSPERO
A vorrei tanto agiutarla!

ARMIDA
Solo Don Umbè i m' pò agiutara!!

DON PROSPERO
Me a n' son Don Umbè, ma a zerc'rò de fara der me mei!

CATO'
Me Don Umbè a'r cognosso solo de fama, ma non de persona.

ARMIDA
Ma alora cando i ven 'r me preta?

DON PROSPERO
Doman ...

ARMIDA
Alora artorno doman ... ma, diseme, a son bela?

CATO'
Bela coma 'r culo d'la padela!!

ARMIDA
La gelosia l'è 'na brutta malattia, me a son auta, a son bela, a g'ho d'le gambia ch' l'enu la fin der mondo, mentre te ... (e ride)

CATO'
Gelosa me! Ma ogni tanto mirte au specio! Giovanin j'era 'mbriago torso cando i sortiva con te 'nfatti appena g'iè rinsavì g'iè scappà coma 'u treno!

ARMIDA
Si! Te s' gelosa, p'rchè t'sè brutta coma 'n corpo!

(Le due si azzuffano verbalmente)

DON PROSPERO
Carmeva! Carmeva! ... agiuto ... agiuto ...

(Paolino lascia i biscotti ed entra di corsa)

PAOLINO
Dai, dai, Catò, daghe cor destro ... vun ... doi ... butla zu!!

DON PROSPERO
Paolino, fala f'nì! Te te ghe metti anca te!!

NICOLIN
Smet'ela! Smet'ela!

(Le contadine smettono)

DON PROSPERO
E meno mara!

NICOLIN
Ma cosa la v'è vegnù 'n menta? Picarse! Doi donia!! 'N sagrestia!! Ma a 'n ve vergognè??

CATO' e ARMIDA
(insieme)
L'è corpa so!!!

DON PROSPERO
De chi l'è la corpa l'an m'antressa! Domandè scusa au Signoro e andè via! Don Umbè gi'arriva doman, quindi artornè ...

NICOLIN
(Rivolto ad Armida)
Ma voi a sè la figia de Piè, chelo de Lozana! Chelo chi coltiva meza collina! E lè, l'è chela ch'la porta 'r trattoro?

ARMIDA
Si savessa com'a-uso la fresa, beu zov'notto!

NICOLIN
A m'ammaLUIGIN!

ARMIDA
E voi come a ve ciamè?

NICOLIN
Nicolin

ARMIDA
Mo a devo andara! A saluto tutti, meno la racchia!!

CATO'
Andevene via! E ringraziè che i v'ha sarvà Nicolin, se n'no a v' fago 'n brisa!!

(Nicolin e Armida escono di scena)

PRIMO ATTO
SCENA IV
PAOLINO – CATO’ – DON PROSPERO


PAOLINO
Zerto che, Catò, t' m'lè combinà proprio bela!

CATO'
Sentiam 'm pò: cos'avrei fatto?

PAOLINO
Te podevi darghe 'n gancio e pò anca 'n montante!

DON PROSPERO
Mo basta! La sagrestia la n'è 'n ring!

CATO'
Zio, quasi quasi a me scordevo: in giesa la gh'è 'r commendatoro P'lizzon chi s'è vegnù a conf'ssare

DON PROSPERO
Diseghe chi aspetta!

PAOLINO
Anzi, diseghe che i dovrà aspettara vinti minuti, pr'chè dopo 'r caffè e u latta, la ghe i b'scotti e chei a m'li voi gustare pian pianin ...

CATO'
Zerto che chelo i gh'ne deve avere di pecati da conf'ssara: già mandà 'n malora 'n sacco de zentia!

DON PROSPERO
Senta, Catò, se na pegura la s'è smarrì me a devo portarla a l'ovile.

CATO'
Si, ma dopo a ghe darei un par de sc-iaffon 'n ter muso!

PAOLINO
T'sè stà la so amante, eh? E lù i t'ha fregà, i t'ha fregà ... eh eh ...

DON PROSPERO
L'an se disu 'ste cosia!

PAOLINO
Ma si l'han capì tutti!
(Ammiccando, rivolto verso il pubblico)
Anca cheli d' l'ultima fila!

DON PROSPERO
E fan-la f'nì! La v'rità l'è che la me nevoda Catò la g'ha 'n brutto ricordo del commendator P'lizzon, la g'ha carcò ch'la ghe brusa!

PAOLINO
Me au sò cor la gh' brusa!


CATO'
Cher traditoro! Prima i te fa 'n sacco de mozzade, i te prometa nicò de portarte a l'autaro ...

PAOLINO
Tanto casin p'r n'autaro! Cosa te ghe devi portara, di fiori? A te ghe porto me a l'autaro.E in chelo che te vò andara, a quelo de sovra o a quelo de soto?

DON PROSPERO
A n' stemo parlando di nostri autari, Paolino!

CATO'
E dopo, i cognossa la Beppa, piena de sodi e p'r fatto che so pà i'era un 'ndustriale e in quatro e quatr'otto i l'ha sposà e me a son armasta chi a fara da perpetua a me zio.

PAOLINO
Oramai te sè passà de moda!

DON PROSPERO
Paolino! Te devi avere pù respetto!

CATO'
Me ho b'sogno d' caloro!

PAOLINO
Ma chi la te scauda? Oramai l'an te scauda pù nissun ...

NICOLIN
(Entrando)
Tuto a posto: la giesa l'è pronta p'r n'autra funzion. Buon giorno Catò, sempre bela fresca coma 'na rosa!

PAOLINO
Fresca la l'è de zerto: proprio mò l'ha dito che la g'ha b'sogno d' caloro ...

NICOLIN
Ven con me a zappara e t' vedrè che sui rivazzi te t' scaudi!

CATO'
La n'è ch'lo caloro lì ch'a voi, ma chelo d' l'amoro ...

PAOLINO
Ma t' gh'è proprio 'n ciodo fisso! L'amoro, Catò? Ma oramai t'se carna da brodo!

DON PROSPERO
Paolino! Smet-la! Cheste l'en cosia da grandi, l'en cosia da grandi! Te t'sè 'n fanto e i fanti i n'en capissu de donia!

PAOLINO
Ma! I sarà lù a capira de 'ste cosia, lù chi è sempre 'n giro vestì de nero e a predicare 'n qua e 'n là!

DON PROSPERO
Come t' p'rmetti! Basta, Paolino! A g'ho davvero paura che la vocazion l'a 'n sia per te!

NICOLIN
Signorina Catò, me p'r lei a farei proprio d' tutto! A g'argal'rei nicò vinti quintali de legna!

CATO'
P'r davero, Nicolin? E alora s't vò fara carcò pr' me azzenda la legna e dat' fogo!

DON PROSPERO
T'è fenì la colazion, Paolino?

PAOLINO
P'r forza: l'è fenì 'r caffè, 'r latta e tutti i giorni sempre meno: va a f'nira che doman a vago ai sindacati

DON PROSPERO
Alora sortì tutti che a devo conf'ssara 'r commendator P'lizzon: cando na pegurella ...

CATO'
'Na pegurella? chelo lì gi'è 'n peguron!

DON PROSPERO
Ma sempre 'n peccatoro ...

CATO'
Zerto che d'i peccati ine deva aver fatto proprio tanti ... nicò con me ...

DON PROSPERO
Nicò con te? Alora l'è vero chelo ch'i disu 'n ter Campo!

CATO'
Pecati veniali, lezeri! I omi i se devu 'ncoraggiara, dar loro 'na man ...

PAOLINO
'Na gamba ...

CATO'
'Na carezza ...

PAOLINO
'N baso ...

CATO'
'N'ocià ...

PAOLINO
'Na s-ciapa ...

DON PROSPERO
Autro che preta! Se t'vè avanti cossì te d'ventrè 'n diavo con i corni!

(Paolino corre per il palco mimando un toro)

PAOLINO
Ma la s'pò savera com'i ha fatto 'r commendatoro a vegnira così cargo de sodi?

CATO'
'N giorno p'r terra ar Capitro i a trovo 'n cito e con chelo i a compro 'n pomo. Invece de margiarlo i l'ha lucidà pr' benin e i l'ha rivendù a dusento franchi

NICOLIN
Ma n't chelo modo i ghe vonu come minimo cinquant'anni p'r d'ventar ricco!

CATO'
E 'nveza soro trei mesi ...

DON PROSPERO
Solotrei mesi?

CATO'
Si, appena trei mesi! Appena trei mesi, pr'chè 'n trei mesi i gh'è morto 'n zio chi g'aveva 'n America e i-ha eredità 'n sacco de sodi!

PAOLINO
Però poi i-ha sposà la Beppina, la figia d'l'industriala ... mega semo, però ...

DON PROSPERO
Basta con chesti d'scorsi! Fora tutti e fè l'entrare 'r commendatoro ch'au devo conf'ssare




(Escono tutti: parte la musica "TU VÒ FÀ L'AMERICANO". Don Prospero si mette la tonaca ed indugia un pò. Entra il commendator P'lizzon spaesato. La musica va a finire)

PRIMO ATTO
SCENA V
P'LIZZON – DON PROSPERO

P'LIZZON
Riverisco, Don Prospero ...

DON PROSPERO
Buon giorno, commendatoro, ho savù che a vorè riconciliarve con u Signoro!

P'LIZZON
A dir 'r vero a n'ho mai ligità con lù!

DON PROSPERO
Commendatoro, l'han gh'è da scherzarghe sovra, pr'chè i-è vegnù a conf'ssarsa?

P'LIZZON
Pr'chè me figia la s' sposa e me a dovrei far la comunion

DON PROSPERO
E allora andian au confessionalo
(Don Prospero da una parte e P'lizzon dall'altra del confessionale: sono separati da una grata)
Canto tempo l'è c'an ve conf'ssè?

P'LIZZON
Da cando ho fatto la Cresima

DON PROSPERO
Alora, cos'avrè 'n'tla coscienza?

P'LIZZON
La mè coscienza l'è a posto: parola d' commendatoro!

DON PROSPERO
A sè sposà?

P'LIZZON
Zerto, con la Beppina.

DON PROSPERO
Ma a n'avrè avù nissun'autra donna oltre la Beppina? Pr'chè chela la fussa 'na cattiva azion!

(Suona il cellulare. P'lizzon risponde: ovviamente è escluso dalla vista del prete)

P'LIZZON
Certo! Mille e zinchezento azioni! Mille e zinchezento azion con la Melinda!

DON PROSPERO
Mille e zinchezento consumazion con la Melinda? No, chesta l'a n'è de V'zzan ... e manco de Bottagna, a'n la cognosso; l'a n' sarà miga v'una de chellia milanesi ch' la vegnu d'estada: brutto figio d'n demonio ...


P'LIZZON
Comprara! Comprara a qualunque prezzo! Bionde ... Bionde!

DON PROSPERO
E cos'i g'ha, 'na cà d'appuntamenti, chesto figio de Lucifero?

P'LIZZON
Vendere! Vendere! Vendangie tuttia!

DON PROSPERO
Le donia l'an se vendu! La n'en miga d'le bestie! Chesto chi i'n lo vonu manco a l'inferno!

P'LIZZON
Problemi? Me a voi subito l'assoluzion!

DON PROSPERO
L'assoluzion? Finì prima la conf'ssion!

P'LIZZON
A pago 'n contanti!

DON PROSPERO
'N contanti? La penitenza l'an se paga con i sodi, ma con le preghiere!

P'LIZZON
Me a pago ventimila euro!

DON PROSPERO
Ventimila euro? Mmmm ... Però, a p'nsarga ben lame faressa proprio comodo 'na penitenza del genere: dopo tutto, gi-è lù che i m'l'ha offerta ...

P'LIZZON
E va ben! Trentamila euro!

DON PROSPERO
Trentamila euro? Allora farò aggiustare nicò le campane ...

P'LIZZON
A ciudo
(Chiude la comunicazione)

DON PROSPERO
Ciuso! E a g'stago! Però gi-en sodi d'la Curia; a penso d'non aver problemi con il Principale: lù d' zerto i capirà. Me a t'assolvo, ma solo per la cosia piccule.

P'LIZZON
Donca, dov'eru ar'masi?

DON PROSPERO
Ai trentamila euro. G'iè sempre dell'idea?

P'LIZZON
P'r forza: gli affari gi-en affari! Ah! A m'ero completamente d'scordà che me a son chi p'r conf-ssarme: donca, a posso comenzare a dire i mè peccà?

DON PROSPERO
A dir 'r vero, me a g'ho 'n'zà dato l'assoluzion, p'r chelo c'a posso ... ma ... se i s'è scordà carcò ... andè pure avanti: i s'è sempre comportà ben con i sò operai? Quanti i ghe n'ha?

(Squilla nuovamente il cellulare: P'lizzon risponde)

P'LIZZON
Dod's-mila! Ho ito dod's-mila e non vun de pù!!

DON PROSPERO
Allora lù i gh'n'ha pù che l'Arsenala! E con loro cosa i g'ha 'ntenzion de fara?

P'LIZZON
Vendra! Levar da mezzo!!

DON PROSPERO
Levar da mezzo? D'sgraziado!

P'LIZZON
Levar da mezzo e comprara, comprara, comprara!

DON PROSPERO
Ma che senso la g'ha assumerne di autri se poi i g'ha intenzion de ... farli fora?

P'LIZZON
Zerto! Cheste azion l'enu molto bone!

DON PROSPERO
A me, la ne m' paru proprio bone azion!

P'LIZZON
(Si volge di nuovo verso Don Prospero)
Cosa a disè, reverendo?
(E poi ancora al cellulare)
La n'enu bone azion. Allora vendè, vendè, vendè!

DON PROSPERO
Ma no! A vorè vendre le fabbriche e gettar la zentia 'n't 'na strada?

P'LIZZON
(Squilla di nuovo il cellulare)
'N Fornola, sì, proprio lì, 'n't la strada che porta ai Pradi.

DON PROSPERO
La sarà v'sin, ma l'è sempre 'na strada!

P'LIZZON
E dai Pradi zira, zira fino a Valeran ...

DON PROSPERO
Ma a nè pensè ai loro figi? Alle loro mogera?

P'LIZZON
Tutte 'n borsa! 'N borsa ho ito, anche a costo de perdergia!

DON PROSPERO
Ai Pradi l'an s'è mai perso nissun ...

P'LIZZON
Convertigia!

DON PROSPERO
Convertigia? Me a g'ho provà, ma lìè 'n pò dura ... e poi i fan nicò poga elemosina

P'LIZZON
In euro e dollari. Carcò anca in CCT! Mo a ciudo!
(Chiude la comunicazione)


DON PROSPERO
A ciudo 'na bella Madonna! Perdoneme, Signoro, ma cando a ghe vò a ghe vò ... chesto chi i n'è 'na persona! Gi-è 'u diavo!Me a ne posso darve l'assoluzion! Chi vaga da'r Vescovo, da'r Cardinale, da'r Papa 'n p'rsona! Me a 'n posso e a fago a meno di so sodi. E mò, finiam 'sta conf-ssion! I diga armeno il Gesù d'amore accesso!

P'LIZZON
Sacranon! A m'stevo scordando 'na cosa troppo 'mportanta! Grazie Don p'r averm'la arcordà! Cor l'era pù l'ultima parola che avè ito?

DON PROSPERO
L'amore acceso ...

P'LIZZON
(Squilla il cellulare)
Pronto, direttore, 'n merito a che'r mutuo azzeso presso la vostra banca, a vorei artrattare la condizion ...

DON PROSPERO
La condizion d'che cosa? D'la penitenza? Mirè, commendatoro, che p'r le penitenze l'han se trata ...

P'LIZZON
E 'nveza me a tratto! S'no a mando a monte tutto!
(Chiude la comunicazione)

DON PROSPERO
Voi a nè disdisè proprio nienta! Ormai chelo che i m'ha 'rcontà a l'ho sentì tutto e per l'assoluzion a'n gh'la posso dar tutta ... ma solo 'na parte ... p'r u resto i se rivolga a'r me Superiore ... A n' voi aver problemi, me, con chelo lassù! Lù i dovrà dira vinti pater, ave e gloria

P'LIZZON
P'rchè proprio vinti? Feme 'n pò de sconto. Magari solo zinche o sei?

DON PROSPERO No! Vinti e disan che a v'è andà anca troppo ben! Me ora a v'assolvo, ma solo p'r le cosia meno gravi. E mò andev'ne via
(Si alzano).

P'LIZZON
Don Prospero, prima de sortira, a posso salutare la Catò?

DON PROSPERO
L'è d'la a far colazion. A l'avviso me. Bona giornà (Esce).

P'LIZZON
Riverisco.


PRIMO ATTO
SCENA VI
P'LIZZON – CATO’ - NICOLIN


Entra la Catò. Musica: traccia n.5 "MOON RIVER".

CATO'
I ma dito me zio che carc-dun i zercheva de me.

P'LIZZON
Zerto, Catò, che la gh'era carc-dun chi zercheva de te: a son me 'n persona, il commendator P'lizzon e poi non dirme che t'en t'arcordi d'me! Dove passa Giovanni i lassa u segno!

CATO'
Che segno a vorè lassare, illuso?

P'LIZZON
Non dir 'na cosa p'r n'autra. 'Na vota t'me volevi ben, me a son sicuro che 'r to cuore ...

CATO'
'R me cuore i va ben, anzi benon! Gi-è 'n bona salute! E poi ... a son 'namorà ...

P'LIZZON '
Namorà, ma se 'na vota t' m'avi ito che, dopo de me, te 'n te saressi pù 'namorà. E chi la saressa chelo fortunà?

CATO'
Il signor Nicolin!

P'LIZZON
Commendatore? Nobila? Artista?

CATO'
No, contadin e sacrestan
(Va alla porta)
Nicolin! Nicolin! Ven chi che a g'ho b'sogno d'te!

NICOLIN
Te m'è ciamà, Catò?

CATO'
Milo chi l'omo di me sogni, d'r me destino!

NICOLIN
(Come per cercare qualcuno dietro di sè)
Me a n'vedo nissun omo c'or cestin!

CATO'
Dig-lo Nicolin, che a s'spos-ren tra pogo ... Dig-lo ar commendatoro d'r nostro sposalizio ...

NICOLIN
Sposalizio ... d' chi?

CATO'
De Nicolin e d'la Catò!

NICOLIN
Ma t' disi sur serio, Catò?

CATO'
Dig-lo Nicolin. Che omo, il Nicolin ... sano di sani principi, gran lavoratoro

NICOLIN
Donca, prima a met-rò 'nt'la stala la vacchia, poi a met-rò 'r vestido bon ... e la me puledra la s'met-rà 'r vestido bianco ... ma dopo a'n v'lo digo, chelo che a succedrà dopo

P'LIZZON
Ma a se proprio sicuri d' non arcontara d'legran balia, voi doi? Mira, Catò, che to zio i m'ha appena dito che chesto tamburo al posto d'r zervelo i g'ha di bighi da corsa!

CATO'
Pò darsa che 'n t'r zervelo i g'ha di bighi, ma p'r u resto i gh'l'ha de zemento armà!

P'LIZZON
Alora, se t'sè così sicura d' sposara 'r campanaro, me a t' prometto 'n beu regalo de nozzia: 'u giorno d'lo sposalizio me a v'rgal-rò un assegno di cinquantamila euro chi en quasi zento milion!

CATO'
Se a sposo Nicolin! E se a sposessi n'autro?

P'LIZZON
O Nicolin o nienta!

NICOLIN
Zento ... zento ... la ghe ven la fresa nova!

P'LIZZON
Zento milion, nè v'un de meno, nè v'un de pù ...

CATO'
Zento milion d' palanche. Zento milion d' franchi.

P'LIZZON
Catò, svegia! Cosa a t'è pià?

CATO'
Ma dai Giovanni, zerca de capirme, cando 'na povra crista come me, che l'a ne g'ha 'na palanca 'nt'la boza, la senta 'n annuncio d'r genere, coma minimo la ghe pigia 'n corpo ... ma t'se sicuro de chelo che t'è dito?

P'LIZZON
A t'lo meto p'r scritto

NICOLIN
Scriva tutto p'r filo e p'r segno: carta canta! Se t' me freghi, a t' spacco 'na vanga 'n t'la testa!

P'LIZZON
(Prende foglio e penna dalla tasca)
Me sotoscrito commendator Giovanni P'lizzon a m'ampegno a dara euro cinquantamila ai sposi 'r giorno d'r matrimonio in giesa fra la Catò Battolla e il signor Nicolin ... Nicolin coma?

NICOLIN
Nicolin Ratti!

P'LIZZON
Ah! Ah! Ah! Chesta sì che l'è bela! Dovrò ciamarve signora Ratti ... e cando t'avrè di figi te avrè la cà piena de ... Ratti! Allora ... pronto! Chesto fogio ten-lo te Catò. Mo a v' saluto e a s'arvedan ... alo sposalizio ... si gh' sarà ...

(Suona il cellulare ed esce di scena).

PRIMO ATTO
SCENA VII
CATO’ - NICOLIN

NICOLIN
Catò, l'è fata!

CATO'
Cosa la saressa fata, Nicolin?

NICOLIN
Noi a convoglian a giustia nozzia!

CATO'
L'unica cosa c'la vola da 'ste parti gi-en quattro sc-iaffon 'n t'r muso che te pii se 'n t'la smetti d'arcontara d'le mozade! Ma quali giustia nozzia?

NICOLIN
Ma le nostria, no?

CATO'
Te Nicolin, 'n t'r zervelo 'nt' ghe devi avere soro bighi da corsa, ma nicò d'l'autro! Ma cosa te t'se misso 'n testa! Che me, la Catò ...

NICOLIN
E i sodi dove t'li metti?

CATO'
Stà carmo che i zinquantamila euro au sò me dove a gi me-trò ... D' sicuro 'n tla me bozia. A g'lo dirò me a ch'lo semo, chi l'è la Catò!

NICOLIN
Ma mira che chelo lì i n'è semo: se t'en te sposi con me, nienta da fara! Prova a lez-re 'r papero ch'i ha scritto ...

CATO'
Lez-lo te ...

NICOLIN
Catò, t'lo sè che me ho fatto appena la quinta

CATO'
E proprio p'r chelo me a dovrei sposara v'un coma te? Piant-la Nicolin!

NICOLIN
Comunque t'è fato ben, Catò, a dirlo a c'lo lì.

CATO'
E cosa a g'ho ito?

NICOLIN
Che a g' l'ho de zemento armà!

CATO'
Ma smet-la!

NICOLIN
E alora ...

CATO'
E alora cosa?

NICOLIN
'U sposalizio ...

CATO'
Lassa fara a me e mira che chele palanche prima o poi i'arriv-ran a cà

PRIMO ATTO
SCENA VIII
CATO’ – NICOLIN – DON PROSPERO- PAOLINO

(Entrano Don Prospero e Paolino)

DON PROSPERO
Ma la s'po savere Catò cosa aspetè a farme le valigie? A lo savà che stasera a devo partira p'r convento d' San Prospero? Steme a sentira che l'è 'mportanto: p'r doi giorni l'a g'sarà 'n parrocchia 'n preta foresto: Don Umbè. Avè capì?

CATO'
Com' minimo i gh' la za ito dese votia! Andan, se n' nò i perda la carrozza
(esce con Don Prospero con Catò)

PRIMO ATTO
SCENA IX
NICOLIN - PAOLINO


PAOLINO
Gi-è andà 'r P'lizzon?

NICOLIN
Si, gi-è andà.

PAOLINO
Zerto che chei ricchi lì me a 'n gia capisso!

NICOLIN
Zerto che u Signoro i n'è stà poi tanto giusto: a P'lizzon 'n sacco de sodi e a tanta zentia con le boze sempre più viotia.

PAOLINO
Cos'te disi Nicolin? Mira che d' povri, da cheste parti, l'an ghe n'è poi tanti, l'unica povra c'a cognosso l'è me zia Balda.

NICOLIN
A proposito, com' la sta?

PAOLINO
L'è magra, ma la sta ben!

NICOLIN
E alora p'rchè t'è dito povra zia Balda?

PAOLINO
Antend'vo dir povra ... 'n tu senso de ... povra, p'rchè d'le votia la gà d'le vision ...

NICOLIN
D'le vision?

PAOLINO
Si, d'le vision. Sta a sentira: chela vota l'è 'ndà 'n giesa, coma sempre zinche o sei vota e, coma ogni vota, la s' metta davanti all'altar maggiore, p'rchè lè la se rivolge solamente ar Capo e la comenza, coma tuttia la votia, a pregara e a lamentarse: "Signoro - la disa - me a vegno 'n giesa zinche o sei vota au giorno e, ogni vota, continuo a domandarte la grazia de farme vinz-ra al Superenalotto, ma Tu ... nienta! A te prego d' farme vinzere al Totip, ma Tu ... nienta! Ma t' me vò dira p'rchè chelo senza Dio de Mauretto, chelo chi 'stà 'nter Borgo, le cosia la ghe van sempre ben? Gi-è pien de sodi, d' macchine, d' donnia e i 'n fa 'n belin tuto u giorno: e non far finta d' non saverlo - non - i' ne ven mai 'n giesa, manco p'r le feste comandà! P'rchè a lu tuta chela fortuna e a me nienta? A stò punto, a gò avu 'na vision ...

NICOLIN
'Na vision ... e chela vision?

PAOLINO
La vision du Signoro ch'i-è vegnù proprio lì, davanti a lè ...

NICOLIN
(Incredulo e quasi spaventato)
Proprio ... lì ... davanti a lè??

PAOLINO
Siii, proprio lì, davanti a lè, e u Signoro i ghe disa: "T' vò proprio saver p'rchè al Mauretto le cosia la ghe van tuttia ben?"

NICOLIN
(Curioso)
Si ... si ...

PAOLINO
"P'rchè lù i n' ven come te a rompirmi i baloti tutti i giorni!"

(Paolino esce di scena, mentre Nicolin rimane come annichilito e fermo, mentre parte la musica)

Traccia n.6: "RAPSODIA IN BLU". Contemporaneamente si chiude il sipario. Solo dopo la chiusura completa Nicolin potrà uscire di scena e la musica continuerà a suonare fino alla fine del brano).



FINE DEL I ATTO



SECONDO ATTO
SCENA I
GIUS’PON - LUIGIN

(Penombra. Entrano quatti quatti due ladri)


GIUS’PON
Ssss!! Fa pianin Luigin! Mira che se carc'dun la s' svegia e i se scovru gi-en dolori!

LUIGIN
A n' respiro manco dar culo, da la paura!

GIUS’PON
T' ghè paura? Me t'sè 'n omo o no? 'N ladro in g'ha mai paura! Mira puttosto d' trovara quarcò d' bon!
(Si mettono a cercare)

LUIGIN
Ho trovà, Gius’pon! A meto tutto 'ntu sacco.

GIUS’PON
Fa a la sverta, ch'la ne vegna carc'dun.

LUIGIN
A quatr'ora?

GIUS’PON
Mira che la ghè preti nottambuli e nicò carc'dun chine pò dormira.

LUIGIN
Me, r' preta a'n lo farei mai, la m' piasa troppo dormira ... ma, a proposito, tu sè che 'n collegio gi'an cambià diretoro!

GIUS’PON
Ma figurte se 'a sò cosa la succeda a Villa Andreini? T' gh'vò star zito o no? T'la vò ciudra o no la bocca? Mo roba.

LUIGIN
E me cosa sto fasendo? A proposito tu sè che la Maria, la mogera de Francè 'r secondino l'ha avù 'na fanteta? Appena i m'arpigiu a devo arcordarma d' farga 'n pensierin, 'na cuffietta, 'n par de guantin, 'nsoma carcò: 'n pò de rispetto verso i carcerieri, b'sogna sempre t'gnirsia bona.

(Man mano che trovano qualcosa lo infilano nei sacchi)


GIUS’PON
'Na cuffietta? O tronà, ma t' cognossi proprio tutti 'n galera, ma quanta votia i t'han pigià?

LUIGIN
I m'han pigià vinti, vintizinchia votia ...

GIUS’PON
Me ho finì, e te? Ma che socio a m' son pigià! A p'nsevo che t' gavevi 'n pò d'esperienza. Fama 'n pò vedere cosa t'è pià ...

LUIGIN
(Estraendo dal sacco)
L'esperienza l' an me manca. Me le carceri a gi-hò zirà tutia. La va ben chesto?

GIUS’PON
Au savevo me che t'eri semo Luigin, ma 'n t'n vedi chi è 'n messale?

LUIGIN
Mira che te sè stà tea dirma de piara carcò de bon!

GIUS’PON
Ma t' mu disi chi la compr'rà 'n mesale? La 'n sarà che drento au saco t' gh'è misso 'r zervelo? Ar-metlo a posto! Fama 'r piasera ... Miran cosa t' gh'è 'nfilà drento ... Uzervelo t' gl'è solo pr'chè gi-è attaccà ar colo, ma gi-è proprio avanezzo ... Ma cosa te te'n fè d'en secio?

LUIGIN
A dira 'r vero i me pareva d'argento. Mira che ar buio l'an s'ghe veda poi tanto ben!

GIUS’PON
Ma t'avrè pur visto che drento la gh'era u strazo da lavar p'r terra ...

LUIGIN
Non t'arrabbiara Gius’pon! Mira che mò 'nt t' pò proprio lamentara!

GIUS’PON
E mò cor l'è stà roba?

LUIGIN
'R cavagneto d' l'elemosina. D' solito i dovessa ess'r pien d' sodi ...

GIUS’PON
Ma 'n t'n vedi che g'è vioto? Cos't credi che i pretii n'u svioto appena dopo le funzion? Chei lì gi-en sempre affamà de sodi ...

LUIGIN
S'l'è p'r chesto ... nicò noi!

GIUS’PON
Ma a loro i ghi-a dan gratis, noi 'nveza b'sogna pigiargia 'ndova i-gien... 'Armeta tutto a posto e stà attento.
(Luigin rimette tutto a posto)
D' sicuro a podevu far 'na scelta pù furba

(Si odono passi giungere)

LUIGIN
Gius’pon ...

(Rumore di passi)


SECONDO ATTO
SCENA II
GIUS’PON – LUIGIN - NICOLIN


GIUS’PON
Chi la gh'è?

LUIGIN
La stà arrivando carc'dun ... Cosa-a fan?

GIUS’PON
La m'sembra de sentira 'n zerto odoro!

LUIGIN
Odoro de cosa?

GIUS’PON
De galera! E l'è tutta corpa tò! T'è fatto troppo casin!

LUIGIN
Te d' corpia te 'n voò mai, l'è sempre la mea! Ma mò cosa fan?

GIUS’PON
Senta ... me a m'anfilo chesta tonaca e te chela roba lì. Fa a la sverta. Nasconda i sacchi d'andrè ar confessionala ... Fan finta d' dira le orazion ...

(Gius’pon indossa la veste del prete e Luigin la cotta bianca del sacrestano. Si inLUIGINcchiano e fingono di pregare mentre entra Nicolin che accende la luce)

GIUS’PON
San Giovanni da la barba bianca

LUIGIN
Ora pro nobis

GIUS’PON
Santa Brera con le tette a pera

LUIGIN
Ora pro nobis

GIUS’PON
San Cirillo con l’afare a spilo

LUIGIN
Ora pro nobis

GIUS’PON
Santa Marinella che a gha sempre bagna so sorella

LUIGIN
Ora pro nobis

GIUS’PON
San Geron patron du sc-iaffon

LUIGIN
San Geron? Mai sentì! Epatrono d'cosa? Du sc-iaffon?
(sghignazza)

GIUS’PON
S'a sorto de sortire da chesta situazion a t'en dago tantia, ma tantia, che ...

NICOLIN
(entrando meravigliato)
Ma ... ma chi la gh'è chi a chest'ora?

GIUS’PON
Cosa te fè chi?

NICOLIN
Cosa fa chi? Mirè che me a son 'r sacrestano. La n'è ch' p'r caso a sè'r sostituto d'r nostro preta chi-è andà a fara u ritiro spirituala?

GIUS’PON
T' l'è dito ...

NICOLIN
Cosa avrei dito?

GIUS’PON
Che a son Gius’pon, don Gius’pon e chesto gi-è 'r chierichetto. Su, saluta ...

LUIGIN
Bona giornà. Me a me ciamo Luigin ditto LUIGIN.

NICOLIN
Sia lodà ...

LUIGIN
(Rivolto a Gius’pon)
Cosa dev'ess'r collaudà?

GIUS’PON
(Rivolto a Luigin)
Lodà, semo, lodà!!

NICOLIN
Ma l'an v' sembra d'ess'r arrivà 'n pò troppo presto, anca prima d'r canto d'r galo?

LUIGIN
'R galo d'r preta i 'n canta pù, a g'an tirà 'r collo proprio ieri.

NICOLIN
Cor' l'è successo a'r galo?

LUIGIN
'U Signoro i n'ha mandà prima che 'r galo i canti tre votia.

NICOLIN
Ma! ... S' l'è cossì! ... Ma coma avè fato a entrara che la porta d'la giesa l'era ciusa a ciava?

LUIGIN
Eh! ... Noi a g'han la ciava d' l'anima

GIUS’PON
I voreva dira che don Prospero i n' g'ha mandà la ciavia p'r posta

LUIGIN
Si, p'r posta prioritaria ...

NICOLIN
Ma armeno a l'avè bevù 'r caffe?

LUIGIN
Me no, e te ... e lù, don Gius’pon?

GIUS’PON
No, a'n l'an anca bevù.Ma se proprio a 'nsiste!

NICOLIN
Alora a vago d'la, a ciamara la Catò, la nevoda d' don Prospero, che la v' farà 'n bon caffè. Soro caffè o nicò d' l'autro?

GIUS’PON
No, la va ben 'r caffè.

LUIGIN
Zerto che s'la ghe fussa dei panetti con la mortadela!

GIUS’PON
Chesto gi-è 'n peccato d' gola ...

LUIGIN
L'a vorrà dira che pù tardi a m' confss'rò da lù, reverendo.
(Nicolino esce)
E mò? E mò, Gius’pon, cosa a fan?

GIUS’PON
Mò c'a san 'n balo ... la s' bala!!

LUIGIN
Ma la t' sembra 'r momento d' balara! Magari 'n tango, 'na mazurca?

GIUS’PON
Ma 'n t'n capissi nienta, non chei balli lì ...

LUIGIN Alora chei moderni. Canda ero pù zov'no si ch'ero bravo, prima d'r colegio!

GIUS’PON T' sè proprio duro! La ghe mancheva solo ch'n galera i fessu corsi d' ballo. Donca, dova a san armasti? A dovren continuara me a far 'r preta e te l'assistente s' n' no pr' noi l'an g'armana che Villa Andreini!


(Entra suor Natalina)


SECONDO ATTO
SCENA III
GIUS’PON – LUIGIN – SUOR NATALINA


SUORA
Riverisco reverendo! A son suor Natalina d'r convento de San Nicola. A penso che lù i sia chelo chi deva vegnira ar posto d'r nostro preta.

GIUS’PON
Si, proprio così. Ma coma mai la s'è rauzà così d' bon'ora?

SUORA
L'è la regola du nostro ordina. La se g' rauza appena la s' leva u soro, pr' cantara au Signoro e p'r preparara la funzion. A ghe domando 'na cosa, reverendo: i m' podessa conf-ssara?

GIUS’PON
Conf-ssarla? Come conf-ssarla? Conf-ssara me?

SUORA
E chi se non lù? Gi-è lù 'r reverendo p'r doi giorni o no?

LUIGIN
Zerto chi è lù! Ch' la s'accom-da 'n t'r confessionala, ch' lù ...

GIUS’PON
Ma t' sè semo?

LUIGIN
T'lè ito si o no ca san 'n balo, e alora ...

GIUS’PON
Va n'là LUIGIN elassa che chest'anima la s'liberi di so peccati
(Si mettono al confessionale)
Donca, sorela, arcontè ... arcontè ...

SUORA
Ho pecà, reverendo, ho pecà ...

GIUS’PON
La misericordia divina ...

SUORA
Mò a comenzo dall'inizio. 'Na sera, canda ero amarà, la superiora la m' disa sa vorevo ... A nu sò sar posso dira ... 'n capucin 'n letto ...

GIUS’PON
Cor pan ...

SUORA
Ma cosa gi-à capì? No, soro 'r capucin e basta.

GIUS’PON
Ma sorela, pigiarsa 'n capucin 'n leto l'a n'è miga peccato ...

SUORA
No, ma forsa a m'avrè frainteso, 'r capucin gi-era 'r frado Albino!

GIUS’PON
E allora ...

SUORA
'R capucin gi-è entrà 'n t'la me cella e gi-à 'ncomenzà a dira: "Mens sana 'n corpore sano".

GIUS’PON
E cor' la vo dira?

SUORA
Che l'anima l'è sana se 'r corpo gi-è san. Ma lù i n'lo capissa 'r latin?

GIUS’PON
Eccoma se au capisso ... Ma ch'la vaga avanti...

SUORA
Alora, 'r frado Albino gi-è entrà 'n t'la me stanza, gi-ha comenzo a parlara 'n latino e i m'ha visità ...

GIUS’PON
Ma cher frado gi-era 'n dotora ...

SUORA
Zerto, 'n dotoro d'le anime, i g'aveva nicò 'n ber modo d' visitarma, forse la sarà stà l'effetto d'la frevia ... pr'chè l'a m'era aumentà u caloro ...

GIUS’PON
Ma, me a 'n son dotora, ma l'an me sembra caloro d' frevia ...

SUORA
Zerto che si, anzi, nicò u diavo i s' gh'è misso

GIUS’PON
U diavo o 'r frado Albino

SUORA
U demonio a lottevo p'r mandarlo via, ma la frevia ...

GIUS’PON
Eh si, la frevia la brusevu ...

SUORA
E mò i'm daga la p'nitenza, c'la sia giusta!

GIUS’PON
Eh si, sorella, chi lè l'an s'la cava con solo le orazion ... 'n che stanza la stà?

SUORA
'N t'la sessantanova ...

GIUS’PON
A pass-rò stasera a controllara, 'ntanto me a t'assolvo e và 'n pace.

SUORA
Amen. La mè anima l'è a posto, grazie
(esce).

LUIGIN
(Entrando)
Coma l'è andà, Gius’pon

SECONDO ATTO
SCENA IV
GIUS’PON – LUIGIN – CATO’

GIUS’PON
Ben, proprio ben. S' vago avanti così a d'ventrò vescovo ... e forsa nicò Papa.

LUIGIN
E la suora?

GIUS’PON
'Nsomma, a'n tu posso dira ... segreto prof-sionala ...

LUIGIN
T' sè proprio d'ventà preta, ma secondo te, si se pigiu, quanto i ne dan?

GIUS’PON
Forsa sei mesi; ma a me i' m' daran la condizionala p'rchè i ferri i'n mi han mai missi, mentre p'r te dod'se mesi i'n ti a cava nissun ...

LUIGIN Dod'se mesi ... a farei 'r primo d'l'anno 'n Villa. Te n' t' an-magini manco coma la s' ghe stà ben a mezzanotte: 'r panetton, la botigia, poi ognun d'noi i a'rconta i sò modi d'rubara. L'è coma a'rtrovarse tra amighi ... Ho 'mparà tanto da loro, a robara a le veciete e tant'autro ... solo ...

GIUS’PON Solo cosa?

LUIGIN Solo che a n' son sortì a rubara tanto ben pr' risolvere 'r problema! A dir 'r vero a son stà nicò sfortunà come canda ho rubà alle Poste ai Pradi, cand' i m'han visto gli impiegati, tanto bravi i m'han subito argalà chelo ch'la gh'era 'n cassa ... a stevo pr' sortira canda 'r direttora gi-è sortì da 'u so ufficio e i m'ha dito ...

GIUS’PON Ma cosa i t'ha dito, pogo d'bon ...

LUIGIN I m'ha nicò r-ngrazià, i m'ha lassà nicò 'r portafogio, solo che i m'ha dito che a dovevo darga la carta d'identità per portara a cà tutti chei sodi ...

GIUS’PON
E te?

LUIGIN
E me ha gl'ho data, g'ià fatto la fotocopia e i m'ha ardata, che brav'omo 'r direttora!

GIUS’PON
E poi cor' l'è successo?

LUIGIN
A son andà a cà, ma ... ho trovo i Carabinieri, peccato!

GIUS’PON
Ma mira 'n pò! Leveme d' n'torno stò tamburo!

CATO'
(Entrando)
Bona giornà, reverendo!

GIUS’PON
Chi 'nz-nocià! Così a confesso nicò te!

CATO'
A dira 'r vero me an' g'ho b'sogno d'ess-r conf-ssà! A son la n'voda e la perpetua di Don Prospero.

GIUS’PON
Piasera d' cognsorr-la! Che bela perpetua! Proprio con tutto a posto!

CATO'
Forsa proprio bela a nu sò s' la son, ma a posso piasera! Carc'anno fa a son arrivà terza a miss muretto!

GIUS’PON
Eri 'n tante?

CATO'
Trei. Però nicò a me i m'han dato la fassa "Regina con la gozza".

GIUS’PON
Con la gozza, e p'rchè?

CATO'
A m'la son fatta 'n colo p'r l'emozion. Adesso l'an m' succedressa pù, p'rchè 'n pò truccà a fago la me f'gura ... anca se 'r me reverendo ...... che la ghe piasa parlara latino i m' disa sempre "Naturam espellas furca tamen usque recurret". Gi-à capì, reverendo?

GIUS’PON
Coma no, s'ho capì! Ho fatto trent'anni de semenario!

CATO'
Ma trenta i n'en 'n pò troppi?

GIUS’PON
Eh, a vorevo vegnira subito vescovo.

CATO'
Ma la m' sembra che a ghe sia carcò c'an quadra. I m' faga vedera le sò man ...

GIUS’PON
Le mè man? P'rchè proprio le mè man?

CATO'
A gu digo dopo (Gius’pon porge le mani) A dira 'r vero l'an me sembru p'r nienta man da preta! Le man da preta l'an g'han de calli!

GIUS’PON
Ma a podesso ess-ra 'n preta chi lavora.

CATO'
E che lavoro, s'la s'pò savera?

GIUS’PON
Zerto che a s'pò savera! Me a robo!

CATO'
Robara?

GIUS’PON
S'curo! A robo le anime au diavo!

CATO'
Ma, a pensarghe ben i 'm' ... i m'aveva dito che 'r preta chi doveva vegnira i'era d'verso da voi. 'Na cosa l'ha m'è armasta 'n menta: i cavei pù ben missi.

GIUS’PON
I barbieri ancò gi-en sciopero

CATO'
Chi la me sembra ch'l'ha ghe sia carcò ch'la spuzza!

GIUS’PON
Me a 'n spuzzo. A m' son lavà nicò ieri.

CATO'
No, l'è n'autra spuzza ... Me a'n ghe vedo ciaro

GIUS’PON
LUIGIN, azzenda 'n pò la luce!

CATO'
No, me a ghe vedo pù che ben! Forsa nicò tropo! Ma lù gi'è stà diacono?

GIUS’PON
Zerto che sì! Me a son stà diacono, esagono, decalogo!

CATO' Senta, belo caro, te t'podressi piar p'r i fondelli tutti, ma non la Catò! La n'è pr' caso che te t' fè parte d'la banda d'la sacrestia? (Gira attorno al confessionale e rispunta col sacco) Ma chesto così'è?

GIUS’PON (Si getta in LUIGINcchio) P'r piasera, la sia bona! L'an me denunci pr'chè a g'hjo sete fi-gi da mantegnira, 'na mogera, 'na sos'ra, a devo nicò pagara la macchina e la carta igienica.

CATO'
Come, la carta igienica?

GIUS’PON
Si, la carta igienica! Me mogera l'ha gà sempre la "mossa d' corpo".

LUIGIN
(Entrando)
Ma a son svegio?? A n'ho mai visto 'na donna conf-ssare 'n preta!!

CATO'
E chesto alora i fussa 'r complice!

LUIGIN
No,me a son LUIGIN 'r chierichetto. Pian con le parolia!

GIUS’PON
LUIGIN, LUIGIN, han fatto 'na frità!

LUIGIN
L'è zà ora de mangiara? Alora p'r me sausizza 'n graticola ...

CATO'
Pu che la sausizza a ghè finirè voi 'n graticola, chela d'la galera! ... A meno che ...

GIUS’PON e LUIGIN (Insieme) A meno che ...

CATO'
A meno che lu, signor reverendo d'la mutua, i 'n faga 'na bela funzion tra dese m'nuti ...

LUIGIN
'Na funzion d' cosa?

CATO'
D' sposalizio!

GIUS’PON
D' sposalizio ... D'sposalizio d' chi?

CATO'
A t'lo dirò tra desa m'nuti. Prepareva. Mo a vago a ciamara i testimoni e chi a digo me.

GIUS’PON E LUIGIN
(Insieme)
I carabinieri!

CATO'
No. 'U commendatoro!
(Esce)

LUIGIN
Ma Bepe, cos' l'è successo?

GIUS’PON
L'è successo che p'r te e solo p'r te chela lì l'ha scroverto tutto!

LUIGIN
Sempra p'r corpa mea, tanto a gh'iò le spalle larghe!! E poi cos'ha scroverto d' così 'mportante?

GIUS’PON
Che me a 'n son 'n preta e te 'n chierichetto!

LUIGIN
Ma l'è vero o no?

GIUS’PON
Mò a san 'n balo e la s' bala e sperian che 'r Padreterno i n' daga 'na man...

LUIGIN
A dira 'r vero, 'r Padreterno come i sarà arrabbià con noi ... Ma si già perdonà 'u ladron, sperian chi 'nsorta a p'rdonara nicò noi ...

GIUS’PON
'Smett-la, stà zitto, che s'no a ten dago tantia, ma tantia che ... Manco a l'inferno i t' pigieran!!

LUIGIN
Va bè, oramai t' rasoni coma 'n preta. Pensa solo cosa la starà combinando chela squinternà d'la perpetua ...

GIUS’PON
D' zerto l'è pezzo d'na sos-ra.

LUIGIN
Non m' parlara d' sos-ra. P'r corpa sò ho dovù fara 'na cà rotonda!

GIUS’PON
Ma cos' t'disi, 'na cà rotonda? E p'rchè?

LUIGIN
P'rchè me sos-ra, canda la savù che a fevo la cà, la m'ha dito: "P'r caso l'an ghe saressa n'angolin p'r me?" E me allora a l'ho fatta rotonda!

GIUS’PON
A t' capisso ... Comunqua a'rtornando ai sos-ri, a penso che l'omo pù fortunà sia stà Adamo, 'r primo omo!

LUIGIN
E p'rchè?

GIUS’PON
P'rchè d' sos-re i'n gh' n'avù manco vuna!

SECONDO ATTO
SCENA V
GIUS’PON – LUIGIN – CATO’ – NICOLIN – P’LIZZON

(Entrano la Catò ben agghindata col bouquet,con Nicolin buffamente vestito in modo elegante e P'lizzon)

CATO'
Mo a ghe san! Lù, commendatoro, i s'meta v'sin ai sposi. I testimoni gi-en a posto (si dispongono). Pronti p'r la funzion ... Avanti!!!

GIUS’PON
Avanti, avanti ... E mò cosa a devo fara?

LUIGIN
La t'ha dito de tirarta pù avanti

CATO'
No, a n'avè capì 'n corno. Ho dito d'andara avanti con la funzion!

GIUS’PON
Carissimi sposi ...

LUIGIN
Gi-à parlà Don Abbondio!

GIUS’PON
Carissimi Nicolin e Catò ... La và ben cossì?

NICOLIN
La và tutto ben, ma chi faga a la sverta!

GIUS’PON
Com' mai?

NICOLIN
P'rchè ancò a devo andara a segara 'r fien

P'LIZZON
Povrà Catò, coma t' sè finì!

CATO' Povra Catò? Miga tanto, caro 'r me commendatoro P'lizzon! 'Ntanto arcord-ta la promissia
(Toglie dal reggiseno il foglio e lo mostra a tutti)
Chi la gh'è la to firma!

P'LIZZON
La parola d'r commendatoro P'lizzon l'è Vangelo!

NICOLIN
Speriam c'la sia Vangelo nicò la firma ...

(Entra Don Umbè Piatleto)

DON UMBE' PIATLETO
A posso entrara?

NICOLIN
'Ntanto a sè 'nzà entrà! Chi a-ssè?

DON UMBE' PIATLETO
A son Don Umbè, a devo sostituira 'r vostro preta!

SECONDO ATTO
SCENA VI
GIUS’PON – LUIGIN – CATO’ – NICOLIN – P’LIZZON – DON PIATLETO

CATO'
(Estasiata prendendolo a braccetto)
Chi faga come si fussa a cà sova!!

DON UMBE' PIATLETO
L'è 'na meravigia! Cos'i-en 'sti modi signorili! Dansa du te ... P'r te a son Umbè ...

LUIGIN
Umbè, alora noi a podan andara ... t'ghe pensi te ...

DON UMBE'PIATLETO
Cos'è tutta 'sta confidenza? Com' a ve perm-tè d' dara du te a'n ministro d' Dio? 'Ntanto cosa a stevi fasendo?

CATO'
Non generalizzian ... Armeno a tentevu, ma lù a penso chi sia ...

GIUS’PON
Quer preta chi ciamu ...

NICOLIN
Che chi gi-è stà arciamà pù vote ...

LUIGIN
Chelo che la zentia de Vezzan gi-à mandà via

DON UMBE' PIATLETO
L'eru cative lengue, cand'a gh'ero me, lassù le donia l'eru tanto contentia. A la messa la gh'era pien, tuttia la s' conf-ssevu e l'offertia d'la cassetta la sortivu fora e 'n canonica la fevu la fila ...

P'LIZZON
Ma i omi no, loro i n'eru contenti, gi-en stà loro ...

DON UMBE' PIATLETO
I omi si, gi-en stà loro, fi-gi d'r peccato!

P'LIZZON
E 'v Vescovo cosa i gh'a dito?

DON UMBE' PIATLETO
I m' gh'a tegnù pù d' n'ora e i m'ha dito 'n sacco d' bruttia cosa, ma poi ho zogà la me carta ...

GIUS’PON
Saressa ?? ... (Tutti insieme)

DON UMBE' PIATLETO
A g'hò portà 'na suoretta brasiliana...

LUIGIN
E lù? ...

DON UMBE' PIATLETO
E lù ... I m'ha fatto i documenti p'r tornara tra 'n meso ar borgo e senza perpetua

P'LIZZON
E p'rchè senza perpetua?

DON UMBE' PIATLETO
Le perpetue la n'en de primo pelo, anzi l'en pe-zo d'le sos-re: impiccione e la vonu savera i fatti d'autri ... Pensè che chela che a g'avevo l'andeva a 'rcontara che d'le pegorelle smarrì la vegnivu a trovarma 'n canonica e la passevu la nottia con me ... No, d' perpetua a n'en voi pù!

LUIGIN
E allora coma i fà p'r le pulizie e ... u resto?

DON UMBE' PIATLETO
P'r u resto a gh' penso da me, p'r le pulizie ogni st'mana 'na zov'nota, a turno, la và 'n canonica a far le pulizie e 'r letto ...

P'LIZZON
Nicò me le mè a gi-ò fattia!!!

DON UMBE' PIATLETO
D'sgraziado! A v'sè approfittà d' 'sta povra fanta. A v'sè pià zo-go di sò sentimenti!

P'LIZZON
Si. Ma solo 'na vota!

DON UMBE' PIATLETO
'R peccato gi-è peccato! Ma cosa a stevi fasendo?

NICOLIN
A me sposo!

DON UMBE' PIATLETO
E non feme rid-ra!!

NICOLIN
Con la Catò!

CATO'
Purtroppo l'è vero ...

DON UMBE' PIATLETO
Ven 'n'attimo d'là, che a t' devo parlara

NICOLIN
E mo me cosa a fago?

DON UMBE' PIATLETO
Fin a mò nissun la v'ha ordinà d'moverva!

(I due Catò e il prete escono e tornano abbracciati e sorridenti, mentre Don Piatleto porge a tutti un foglio e li fa firmare ed un altro foglio solo per Nicolin, che firma e restituisce)

DON UMBE' PIATLETO
Don Gius’pon, continuè la funzion e poi andè via ... 'r pù presto possibile ...

GIUS’PON
Carissimi Catò e Nicolin, a vorè sposarva?

CATO'
Si

GIUS’PON
E te, Nicolin?

NICOLIN
Nicò me, nicò me!

GIUS’PON
E allora, me a v' dichiaro novi sposi. La mo-giera la pò basara 'r marido

CATO'
Magari pù tardi ...

GIUS’PON
Armeno scambieve i anei!

NICOLIN
I anei a' n'ho fatto 'n tempo a comprargia, però mira cosa a t'ho argalà!

(La Catò apre la confezione e scopre che dentro c'è una zappa)

CATO'
Ma che a'rgalo gi-è, 'nt t' vergogni? 'Na zappa!!

NICOLIN
Ma l'è v'una d'le pù lezz-ere! Doman t'la provi!

(gius’pon toglie gli abiti talari)

GIUS’PON
Allora, la funzion l'è finita, noi artornian a cà ...

LUIGIN
E con u tò Spirito. Amen!

(Escono in fretta fra i saluti di tutti ed esce anche Don Piatleto)

CATO'
P'lizzon, fora i sodi!

P'LIZZON
'Na zappa! ... Che fin t'è fatto, Catò! Ma ogni promissa l'è 'n debito e Giovanni P'lizzon i fa sempra onora a chelo chi disa
(Firma l'assegno e lo porge alla Catò, che se lo infila in seno).

CATO'
Da chi i 'n scappa pù!

NICOLIN
La 'n fussa mei fara do assegni, mezzo a la Catò e mezzo a me?

P'LIZZON
Mo cà s'e sposà meteva d'accordo fra d'voi! Però a devo dir 'na cosa: chesta l'è la prima vota che P'lizzon i perda 'na scommessa e così tanti sodi. A stago proprio d'v-ntando vecio! (Esce sfogandosi)

CATO'
Me a scapo, a vago 'n banca a depositara!

(Esce la Catò)

NICOLIN
A scapo nicò me, a devo andara a preparara 'r trattoro!

(Esce Nicolin)

SECONDO ATTO
SCENA VII
CATO’ – DON PIATLETO – PAOLINO

DON PROSPERO
(Entra con la valigia)
Ciao, Paolino, com' l'è anda?

PAOLINO
Ben, ben, Don Prospero, tutto ben!

DON PROSPERO
Gi-è arrivà Don Umbè?

PAOLINO
Si, si, sia Don Umbè che Don Gius’pon.

DON PROSPERO
E 'sto Don Gius’pon d' che gi-esa gi'è?

PAOLINO
A dira 'r vero a nu so!

DON PROSPERO
Forsa a sarà mei c'a domando tutto alla Catò ... Ciam'la 'n pò ...

PAOLINO
Cosa a ciamo s'la n'ghè?

DON PROSPERO
Coma l'a n'ghe?

PAOLINO
No, l'è sortì, l'è andà 'n banca

DON PROSPERO
'N banca? A cosa fara? E Nicolin?

PAOLINO
Nicolin gi-è sur trattoro

DON PROSPERO
Sur trattoro? Ma si ava n'zà arà tutto!

PAOLINO
Si, sur trattoro. Si avesse visto che furia i g'aveva d' scappara da la funzion!

DON PROSPERO
Che funzion?

PAOLINO
'U sposalizio, no?

DON PROSPERO
Forsa l'ha m'ha fatto mara 'r panetto c'ho mangià sur treno ... A zerco d' capira, ma a'n g'sorto. Chi la s'è sposà?

PAOLINO
Ma coma, i 'nu saveva? La Catò e Nicolin!

DON PROSPERO
Forsa l'ha m'ha fatto mara nicò 'r goto d' vin c'ho bevù a la stazion!

CATO'
O zio, te sè arriva! I esercizi i-en andà ben?

DON PROSPERO
Catò, set-te 'n-attimo c'a devo capira e te Paolino va d'là 'n momento. A devo parlara da solo con me 'n-voda.

(Paolino esce)
La 's-pò savera cos'l'è 'sta storia du sposalizio?

CATO'
O zio, set-te nicò te! T'è savù le storie di ladri d' la sacrestia?

DON PROSPERO
E certo che ho letto ...

CATO'
Gi-eru doi e l'autra sera gi-en vegnu nicò da noi ...

DON PROSPERO
T' disi davvero?

CATO'
Eccoma, 'r fatto gi-è che Nicolin i già trovà 'n sacrestia, vun i s'è fatto passara p'r preta e l'autro i s'era mi-sso la to tonaca e ch'l'autro u so chierichetto. Ma me 'n quatro e quatr'otto, ho subito 'nteso ch'la gh'era 'n'ambrogio e p'r non far-gia andara a finira 'n galera ho dito al fauso preta d' sposara me ... Poi gi-è arrivà Don Umbè.

DON PROSPERO
E Nicolin? Ma p'rchè? A parta il fatto che 'u sposalizio i n'è valido!

CATO'
Proprio p'r chesto a l'ho fatto, però P'lizzon i gh'è cascà ... Te t'arcordi che i m'aveva fatto firmara 'na carta ...

DON PROSPERO
E t'm l'è dito, si che t'm l'è dito, zerto che voi donnia a'n savè sempre vuna pù du diavo. Però, visto ch'i-è stà n'ambrogio, a t'ordino d' dara 'ndrè i sodi a P'lizzon.

NICOLIN
(Entra con una valigia e piuttosto elegante)
Ciao, bela mo-giera , pronta p'r viaggio?

CATO'
P'r ... p'r cosa??

NICOLIN
P'r viaggio d' nozzia, p'r la luna d' miele!

CATO'
Mira, semo, che chi l'an gh'è nissun viaggio de nozzia e manco la luna d' miele e manco i sodi!

NICOLIN
Ma ... i'n t'l'ha dato l'assegno?

CATO'
Si, l'assegno i m'l'ha dato, ma u sposalizio i n'è valido p'rchè ... ho savù adè che Don Gius’pon i n'era 'n preta vero, ma n'imbrogion!

SECONDO ATTO
SCENA VIII
CATO’ – DON PIATLETO – P’LIZZON

(Entra P'lizzon di corsa e arrabbiato)

P'LIZZON
Bosardi! A m'avè 'mbrogià! 'R preta gi-era fau-sso! I doi i-en stà arrestà e voi eri d'accordo! A-ssè doi lestofanti! Ar-dema l'assegno! Me a ci-amo l'Arma e a v' fago arr'stara nicò voi e a v' mando 'n galera e a butto via le cia-via!

DON PROSPERO
Ar-daga l'assegno! Signor P'lizzon perdonè mè n'voda! L'è 'stà 'n zogo d' fanti!!

P'LIZZON
'N zogo d' fanti! 'Na bella faccia, i g'ha! A d'nuncio nicò lù, p'r estorsion, a g' mangio nicò la canonica e a'r fago andar viadar Vaticano!

DON PROSPERO
Me a son innocente! A n' savevo nienta, proprio nienta! L'era lù c'la feva l'offerta! Bon Dio, perdonelo!

P'LIZZON Dio gi-è infinitamente bon e i la perdon'rà, ma la le-zza no! A-voi v'derla sur lastrico! A-voi tutto, nicò l'orto d'la Curia e mò tira fora l'assegno!

(La Catò tira fuori l'assegno)

NICOLIN
(Fra sè)
Au savevo me ch' l'andeva a finira co-ssì

(Entra improvvisamente Don Umbè e sfila l'assegno alla Catò)

DON UMBE'
'U sposalizio gi-èvalido, ecco i fo-gi sottoscritti proprio da lù signor P'lizzon e così i sodi i devu a'rtornara a chesta povra fanta ...

P'LIZZON
Ma la n'è possibile!

DON UMBE'
Chesta l'è la sò firma e 'n presenza d' testimoni e mira nicò 'r noma d'r preta: Don Umbè e l'an se scappa!

CATO'
Oh che bello!

DON PROSPERO
O Santa Provvidenza!

P'LIZZON
Chesto gi-u diran i avvocati!

DON UMBE'
I so avvocati, ma ch' i'n m' fa-ga ridra! Me puttosto, brutto 'mbrogion, a la denuncio e a gh' mang-rò tutto! Le sò fabbriche e nissun preta i spos-rà pù sò fi-gia!

P'LIZZON
Me fi-gia la s' dovrà sposara 'n gi-esa!

DON PROSPERO
Fè puttosto l'elemos'na e andè via! Ancò a son largo d' manega ...

P'LIZZON
Me a'n v' dago nienta!

DON UMBE'
A n'laè nienta e alora m'a vago dai Carabinieri

P'LIZZON
Si, si, ma solo p'r benedirla!

DON UMBE'
O a benedira la vostra cella a Villa Andrein!

P'LIZZON
Che cella! Signor preta! Lù gi-è for d'testa! I m' da-ga retta! Chi s' fa-ga visitara!

DON UMBE'
Me a so d'n zerto grano e d' zerte manze (e fa il segno dei soldi)

P'LIZZON
Fan co-ssì: Zento euro i van ben?

DON UMBE'
P'r me i podessu nicò andara ben, ma a'r Principale a nu so ...

P'LIZZON
Disè voi la cifra ...

DON UMBE'
Disan domila euro p'r la gi-esa e quattromila p'r la Curia.

P'LIZZON
Fan zinc'zento p'r la gi-esa ... zinc'zento ... zinc'zento p'r la Curia.

DON UMBE'
Dusento p'r la gi-esa, zento p'r la Curia e quattromila p'r me.

P'LIZZON
Gi-è 'n furto, ma a gh' devo stara!

DON UMBE'
E mò ch'i vaga e sp'rian ch' chelo la-ssù i assolva i sò peccati ...

(P'lizzon esce di scena ed entra Armida)

SECONDO ATTO
SCENA IX
CATO’ – DON PIATLETO - ARMIDA


ARMIDA
Don Umbè, ho peccà! A v-oi espiara le m' corpia! Ch' m' pigia ... I guarda! A m' son portà anch' i ovi!

DON UMBE'
Ma bela me fanta, a g'ho 'r colesterolo...

DON UMBE'
A 'n posso! A son sotto stretta sorveglianza d'r Vescovo!

ARMIDA
Ma solo 'na vota!

DON UMBE'
A'n posso! Ho sposà la gi-esa!

ARMIDA
A g'avè 'r coraggio d'abbandonarma a'r mè tormento! La-sseme armeno 'n argalo!

NICOLIN
A t' dago 'sta zappa?

ARMIDA
Grazie, ma coma l'è le-zzera!

NICOLIN
Doman a t'la fago provara!

ARMIDA
Nicò subito!

NICOLIN
Noi andian!

(Escono di scena mano nella mano)

SECONDO ATTO
SCENA X
CATO’ – DON UMBE’ PIATLETO - DON PROSPERO


CATO'
Zio, e me p'r espiara le mè cor-pa andrei a fara la perpetua a Don Umbè p'r 'n pò d' tempo ...

DON PROSPERO
La sarà mei che p'r 'n pò d'tempo a v' riunì 'n preghiera e lontan dai preti. Ma diseme, don Umbè, coma t'sè cambià ... T'm sembri 'n pò 'n-veccià! 'N t' sembri manco pù te! T' m' sembri Mario, to frè gemello! Anzi, comai stà? visto che t'm'lè fatto artornara 'n menta!

DON UMBE'
Non aver timora, a son me Don Umbè! T-sse te, caro collega, che t' devi cambiara i spe-ccieti e me frè Mario ... i stà ben, beato lù! Senza problemi 'n Versilia!

DON PROSPERO
Si, si, l'è vero! Mo a m'artiro, a son proprio stracco, a m' fago 'na camomilla e a m'en vago 'n letto (Esce di scena)

SECONDO ATTO
SCENA XI
CATO’ – DON UMBE’ PIATLETO

CATO'
Ma 'r me sposalizio gi-è validosi o no?

UMBE'
Non t' preoccupara ... A Nicolin a g'ho fatto firmara nicò l'annullamento du sposalizio e mò t'sè cosa a fa-go? A t' portrò 'n vacanza!

CATO'
E se i n'-scovru? La firma t's-è sicuro?

UMBE'
Non solo ho imità ben la firma, ma ho nicò usà 'r timbro d' me frè.

CATO'
E se tò frè i s'ancazza?

UMBE'
I s'ancazza??? Lù i doveva 'nza ess-r chi da 'm ber pò de tempo ... e 'n-vezza chissà 'n-dova gi-è!

CATO'
Bravo Umbè, andan, andan a Roma!

(Il prete si toglie subito la tonaca e sotto la tonaca si scopre ... che Don Umbè è forse suo fratello Francè)

FRANCE'
A Roma no, a sian troppo v'sin al Principale! A t' porto a Parigi!

(Si abbracciano e lanciano in aria i soldi ed escono di scena)


SIPARIO