IL SUO POSTO NEL TUO CUORE

di

Francesco Chianese


PRIMO ATTO

SCENA 1


(Scena unica. Tipico soggiorno con due porte, una interna ed una esterna, ed una finestra. E’ autunno inoltrato e fa freddo, pertanto meglio se c’è un camino. 
Si apre la scena con solo Caterina che, vestita in lutto, lavora a maglia e nel contempo, con un piede, dondola la culla del nipotino che beatamente dorme).

CATERINA: (cantando) Ninna nanna, nanna ninna, nanna nonna dormi beddu di la nonna, dormi 
sogna e sta tranquillu, dormi beddu du me cori... (parlando) Si, dormi beddu; dormi almenu 
tu anima innocenti cu po farri. 
Dormi, e non aviri primura i crisciri, picchì è criscennu chi si capisciunu i cosi e venunnu
fora i guai. 
Non sa quantu mi piacissi essiri o to postu, non pinzari a nenti, non capiri nenti e non sentiri 
chiù stu spunnamentu intra o coru…. E non sa mancu quantu è bello essere ancora piccitti…
essiri ca testa completamenti fora i stu munnu…. Cetti voti mi veni di invidiari i pacci chi si
chiudunu ta loru paccia … o e babbi chi non capisciunu nenti e sunnu sempri contenti. Beati chiddi chi non sannu nenti….. (riprende a cantare) ninna nanna, nanna ninna.......

(entra in scena Peppino dalla porta interna)

PEPPINO: (alterato come per reagire) Caterina, mi veni i ccupari, mi manca l'aria, io ca non cià 
fazzu chiù, non è possibili continuari a campari così… non aiu chiù mancu a fozza di
parrari, non fazzu autru chi cianciri e a siccu picchì mi fineru purru i lacrimi. 
Ora però basta. Da oggi sava canciari vita. Basta sava a reagiri. 
Dopututtu, passaru già sei misi. 
Catarina, forza, priparami a camicia pulita, chidda da duminica, chi vogghiu nesciri.

CATERINA: E unni è chi vulissi annari?

PEPPINO: ...No sacciu, ma qualsiasi postu è megghi i chistu... anzi u sai chi dicu?... Nisciemu tutti 
e dui… anzi no…. tutti e tri: io, tu e sta criatura chi non avi cuppa. Megghiu ancora, u sa 
chi facemu? lassamu sta casa e non tunnamu chiu…

CATERINA: Troppu facili e bellu saria se si putissi canciari a realtà scappannu i casa. 
E poi, chi è tu scuddasti chi ha ancora nautru figghiu a cui badari?

PEPPINO: Si, nautru figghiu..., picchì unu non c'è cchiù (e scoppia in un pianto).

CATERINA: Cianci, cianci... beddu curaggiu ca mi duni... beddu masculu ranni da famigghia sini. 
Io oramai, aiu u cori così duru chi m'assumigghia a na petra chi non si può scalfiri e poi...
non aiu tempu pi ghittari acqua dall'occhi, io e pinzari a sta criatura chi ristò senza patri e a 
so matri chi ristò senza maritu.

PEPPINO: E ca avi a ristari Rosalia, nenti ava a canciari pi idda. Chista oramai e a so casa, e purru
si non c'è chiù Turruzzu, Rosalia pi mia è sempri comu na figghia (mentre parla, prende un
fiasco di vino da una dispensa e un bicchiere e lo pone sul tavolo)

CATERINA: E ora chi sta facennu?

PEPPINO: Mi staiu cunzannu a tavula, picchì no vidi? Dal momentu chi non pozzu nesciri da casa,
videmu si possu nesciri di sta testa, studdenumi cu vinu. (e incomincia a bere) (mentre
Caterina riprende a canticchiare)

PEPPINO: Si avia un problema, ni putia parrari cu mia... io, sempri un rimediu, na soluzioni cià
putia truvari... Avia probremi di soddi? e a costu chi m'avia vinniri sta casa e tuttu u me
terrenu e mi n'avia annari a travagghiari sutta padruni... A me figghiu sempri u putia 
aiutari...

CATERINA: E chistu, secunnu mia u mazzò... U so orgoglio, mai e poi mai avissi ciccatu aiutu a
niautri genitori.
Niautri poviri ignuranti semu... comu vulii chi iddu parrassi cu nui analfabeti... 
Io... u vidia, na picchicedda stranu a Turruzzu… u vidia preoccupatu…. ma pinzava ca so 
putissi essiri sulu stanchizza.... inveci, iddu, avia autru pi ta testa (e scoppia a piangere).

PEPPINO: Ou, a fimmina curaggiusa cu cori chi cia sumighhia a na petra chi non si po scalfiri.... e 
ora cianci comu na fimminedda normali. 
Cianci Caterina, cianci chi ti fa beni, sfogati, rumpi qualchi piattu o bicchieri ma sfogati... 
e poi bivi cu mia...

SCENA 2


(entra in scena Michele. In silenzio, si avvicina alla credenza e prende un bicchiere, poi si siede al tavolo vicino al padre e incomincia a versarsi del vino)

MICHELE: Quali vinu è chistu, chiddu vecchiu o chiddu novu, du culuri mi parrissi chiddu novu...
Cettu chi stannu fu l'annata bona pu vinu (beve) Si lassa biviri che è na bellezza.

PEPPINO: E tu... da quannu divintasti intenditori di vinu?

MICHELE: Na goccia, sempri l'è bevutu: a tavula e purru forra, picchì mi piaci u gustu… picca 
però… se nò mi gira a testa. Però ta stu mumentu sentu u bisognu di bivirni na picchicedda
in chhiù. Bhò? forsi sarà pu forti friddu chi ghittò stannu.

PEPPINO: Allura sarà pu friddu chi ti vidu cu l'occhi buttati... e a mia chi mi parria chi tu avissi 
cianciutu.

CATERINA: Ma Pippinu, ti parri u mumentu chistu?

PEPPINO: Catarina, lassimi parrari ora chi sugnu na picchicedda briacu, si nò finisci chi poi non 
parru chiù,…. e sunnu tanti i cosi chi u me corri voli sapiri.

MICHELE: Papà, io sacciu sulu chiddu chi sa tu. Me frati pi mia era a vita, l'esempio da imitare,
l'uomo d'affari più in gamba chi ci putia essiri ta stu schifu i munnu. 
Se vui sapissu quantu mi manca. Ma nenti autru sacciu.

PEPPINO: Io inveci sacciu chi iddu cu ttia parrava, chi ti cuntava ogni cosa, chi cu tia si confidava.
E sugnu sicuru chi tu sa picchì o cu spinciu mi... mi si mazza.

MICHELE: I debiti, papà... i debiti u spinceru...

PEPPINO: Comu i debiti, picchì i debiti. Io qualchi lira i patti l'avia mi cia dava. Picchì non parrò
cun mia, picchì, picchì...

MICHELE: Picchì i debiti eranu assai, caro papà, chi nemmenu tu cu tutti i to soddi, a casa e a terra 
putii copriri.

CATERINA: Ma comu arrivò a tanto si a fabbrica ciannava bona?

MICHELE: Ciannava, bonu dicisti mamma, ciannava... Poi vinni a crisi, u travaghiu cuminciò a
scarseggiari e i soddi a mancari. 
Arrivò o punto di licenziari alcuni operai e così ci vinni a mancari purru dda picca i manu
d'opera. 
U Statu però continuava a inchirlu di tassi chi iddu non potti chiù pagari. Purru i banchi ci
vutaru i spaddi non concedendogli chhiù prestiti...

CATERINA: E così pi salvari a fabbrica si rivolgiu e strozzini. Veru?

MICHELE: Si mamma, è proprio così.

PEPPINO: Micheli, e tu sapivi tutti sti cosi e a nui non dicisti mai nenti?

MICHELE: Ci pinzai e comu si ci pinzai vi bu dicia, ma Turruzzo mi dicia di stari tranquillu, 
picchì era convintu chi ci l’avissi fatta…. Inveci i cosi non annaru comu dicia iddu, e non
pagannu oggi, e non pagannu dumani, l'usurai ci purtaru l'interessi e stiddi finu a farlu
scoppiari...

CATERINA: E a distruggere na famigghia, anzi du famigghi: a nostra e chidda i Turruzzu..... 
E Rosalia? Chi faci Rosalia?

MICHELE: E cava a fari? E’ dispirata comu a niautri. Ma purru idda sava ormai rassegnari. 
A mia non fa autru chi chiamarmi Turruzzo, poi imbarrazzata, mi dici di scusarla picchì io 
ci ricordu troppu a so marito.

PEPPINO: E' un bruttu momentu pi tutti, semu tutti ta stissa barca e nemu aiutari l'unu cu l'autru. 

SCENA 3


(entra in scena Rosalia.Va a guardare il bimbo nella culletta)

ROSALIA: Chi fa u figghiu? Ha fattu u manzu o va fattu nesciri pacci?

PEPPINO: (cerca di sdrammatizzare diventando ironico) Ma quannu mai! Ha un figghiu chi è na 
meravighia, non sa sintutu pi nenti. Dommi chi è na biddizza e... runfa chi parri unu ranni.

ROSALIA: Sì, ma forsi è megghiu ca ora u svigghiu e u fazzu manciari. 
Anima nuccenti, vita mia, quantu l'è trascuratu ta stu periudu.

CATERINA: No svigghiari Rosalia, lassulu dommiri,... me mamma mi dicia sempri ca na
dummuta è megghiu i na poppata. E poi non ti parri pena mu risvighi? vaddulu, vadda
quantu è beddu, dommi comu n'Anciuleddu.

PEPPINO: A settiti Rosalia, settiti vicinu a nui e saggia stu vinu chi è a fini du munnu. 
Micheli, a pigghici nu bicchieri pulitu a to cugnata.

ROSALIA: No, no Michele, grazie ma lassa peddiri, già mi gira na picchicedda a testa... e poi non
aiu tanta siti.

PEPPINO: E picchì, u vinu si bivi pi siti? U vinu si bivi pi piaciri. E chiù ni bivi e chiu ni vo biviri,
zumma comu i ciliegi, una tira l'altra. Purru a pubblicità ta televisioni u dici, più ne mandi
giù e più ti tira sù.

CATERINA: Vidi ca sbaghi: da pubblicità è du caffè.

PEPPINO: Caffè o vinu, sempri niru è... E poi cara Rosalia nenti ti zigna to soggira? Idda u vinu su
bivi puru cu nasu.

CATERINA: U po diri forti: pi mia fussi, si potissuru peddiri tutti i butti du munnu. Mancu a puzza
pozzu sentiri du to vinu.

PEPPINO: Ciauru vu diri, no puzza. U vinu non fa puzza ma ciauru, specialmente u me cheni bonu
e chi fu fattu chi me pedi. Diccillu purru tu Micheli chi si intenditori.

MICHELE: Io dicu ca arrivò u mumentu mi vvi stati muti tutti dui… maritu e mugghieri. 

PEPPINO: … Ora me stari purru mutu. U sapiti chi fazzu inveci? mi fazzu na passiata all'aria frisca
(si alza e fa per uscire)

CATERINA: Aspetta…. sa nesciri, mettiti na giacca e supra chi fora… purru si no senti pu tantu
vinu ca ti sculasti… fa friddu e finisci chi ti buschi qualchi beddu raffridduri.

PEPPINO: A viditi, chi cori chi avi me mugghieri? Si preoccupa pa me saluti.

CATERINA: Ma quali preoccupata… terrorizzata sugnu. Si cadi malatu tu, semu tutti ruvinati
camuriusu comu sini.

(Peppino esce di scena)

CATERINA: Bha, forse è megghiu su picciriddu u puttu supra e u rigettu ta so culla. Ca' mi scantu 
mi pigghia friddu.

(ed esce di scena con la culletta in mano)


SCENA 4


(I due rimasti sulla scena, rimangono un pò in silenzio, Michele si versa del vino)

ROSALIA: Hai parlato con tuo padre della tua balorda idea di volertene andare da casa? O ti è
mancato il corraggio.

MICHELE: Come se fosse la cosa più semplice di questo mondo. Ho troppa paura di dare un nuovo
dolore ai miei vecchi. Eppure il coraggio lo debbo trovare. Se resto ancora qui… in questo
paese…, non avrò modo di trovare un lavoro, una sistemazione, qualsiasi cosa purchè mi
faccia sentire utile, realizzato. Io... non sono più un ragazzino. 
Tutto sarebbe diverso se ... Turruzzo... fosse ancora qui...

ROSALIA: …(con tono di rassegnazione) Ma Turruzzu non c'è più...

MICHELE: Turruzzo non c'è più da diversi mesi, e tutti noi dobbiamo farcene una ragione,
dobbiamo reagire, capire che non è più possibile contare su di lui. 
Tu per prima e … subito dopo ... io...

ROSALIA: Ed invece tu, vuoi andar via... lasciare tutti nello sconforto totale. 
Anch'io andrò via da questa casa se andrai via tu... Qui tutto mi ricorda Turruzzo. 
Sento ancora il rumore dei suoi passi, sento l'odore della sua pelle ed il calore delle sue
carezze. Solo la tua presenza mi dà conforto. In te rivedo lui, nel tuo modo di camminare,
nell'espressione del tuo viso e nel tono della tua voce. 
Quando sono vicino a te, sento che Turruzzo... non è mai morto.

MICHELE: (alzando il tono) Ed invece è morto… (pacato) Io lo capisco, ma capisco anche che
tutto questo è assurdo, così facendo non riuscirai mai a togliertelo dalla testa e la mia
presenza non ti è certo d'aiuto.

ROSALIA: E perchè mai dovrei togliermelo dalla testa? Io con Turruzzo sono stata felice, e non ci
tengo a cancellarla questa felicità, anzi la custodisco nel cuore come il più prezioso dei
gioielli. 
E ti prego, aiutami in questo... ti prego Michele,...non andare via.

(Michele resta qualche attimo in silenzio, si alza, si avvicina alla finestra e guarda fuori.)

MICHELE: Fuori è incominciato a piovere, chissà se papà si è portato l'ombrello, quasi, quasi vado
a cercarlo per riportarlo a casa. Sono sicuro che avrà già fatto il pieno, in giro per tutte le
osterie. Povero papà, stravedeva per Turruzzo, anche per lui è stato un duro colpo.

ROSALIA: E per il suo bene e per il bene che vuoi a tua madre, devi restare.

MICHELE: Tu non ragioni, sei talmente scossa, che non ti rendi conto di dove finisce la realtà e
incomincia la finzione. Il tuo egoismo, il tuo dolore gioca con i sentimenti. 
Io non sarò mai Turruzzo, anche a volerlo essere e mai potrei prendere il suo posto nel tuo
cuore.
Tu ami un fantasma, un ricordo ed io, rimanendo ancora qui, vicino a te, non potrò farti 
altro che male. E un giorno mi odierai per averti assecondato.



SCENA 5


(dal di fuori si sente Peppino che urla)

PEPPINO: (gridando fuori campo) Catarina, Catarina, fatti bedda chi sugnu cu nu ospiti di riguardo

(Michele si accerta alla finestra)

MICHELE: E' papà…, piuttosto brillo, e con lui c'è Giovanni u mitateri, quello che ogni tanto lo
aiuta nel lavoro nei campi.

(sempre da fuori)

PEPPINO: (F.C.) Catarina, ti decidi a ghiapriri sta porta chi sta chiuvennu?

MICHELE:(dalla finestra) Papà aspetta che vegnu io a ghiapriri. 
(Si allontana per un istante dalla scena riapparendo con Peppino e Giovanni, visibilmente
brilli) Ma papà… i chiavi servunu pi ghiapriri puru a porta da casa e si non mi sbagghiu tu i 
chiavi i teni ta sacchetta.

PEPPINO: (visibilmente alticcio) Cettu chi l'aiu, vi parri possibili nesciri di casa senza chiavi? 
Ne usà ora picchì l'avia ciccari in to mazzu, e cu sta acqua chi cadia du cielu, rischiava di
fari bagnari cumpari Giuvanni.

GIOVANNI: (anche lui piuttosto alticcio) Salutamo signurinu Michiluzzu, m'aviti a scusari se
dugnu distubbu ta sta casa...

MICHELE: Nuddu distubbu dati vui...

PEPPINO: U vidi o figghiu, quant'é educato cumpari Giuvanni? (rivolgendosi a Giovanni) 
E a me nora chi fa na saluti?

GIOVANNI: Ca cettu! Dammillu u tempu. Salutamu signura Rosalia, m'aviti a scusari se dugnu
distubbu ta sta casa...

ROSALIA: Salute a vui, Giuvanni, siti u benvenutu ta sta casa...

PEPPINO: Ma quantu mi piaciti quannu vi faciti i complimenti.

(in questo momento entra in scena Caterina)

CATERINA: Ma chi complimenti e complimenti, ti dugnu io i complimenti. A mumenti cu tutti sti 
bbuci, svigghiavi u picciriddu.

GIOVANNI: Salutamu signura Catarina, m'aviti a scusari se dugnu distubbu ta sta casa...

PEPPINO: Cumpari Giuvanni, ma chi vi zigghiastu a poesia a memoria? Autri cosi ne sapiti diri?

GIOVANNI: Vui galantomu siti, don Pippinu, e io non mi staiu offinnennu pi chiddu cchi mi 
dicistu, e pi dimostrarvi chi sacciu purru autri cosi, vi dicu chista: Allura, salutamu compari
Pippinu, m'aviti a scusari se...

CATERINA: Scusatu siti mastru Giuvanni, anzi si pigghiati postu in tavola vi offru un bicchieri i 
vinu, anzi sibbidivi da sulu ca buttigghia e supra o tavulu.

PEPPINO: (prende posto davanti al tavolo insieme a Giovanni). Rosalia, non ti siddiari pigghicci 
un bicchieri a cumpari Giuvanni, anzi pigghini dui così ci fazzu compagnia.

CATERINA: Si, Rosalia, pigghini dui bicchieri, così ci fa cumpagnia a biviri! Comu si fina a ora 
la lasstu sulu.

PEPPINO: Ma ti vo starri muta na biniditta vota? Ma quantu parri? Chiudi sta buccazza in canturu
e lassimi campari.

CATERINA: Bivi e fughiti. Io è megghiu mi minni vaiu e non ti vidu. Con permessu Giuvanni!!!

GIOVANNI: (si alza) Saluti a vui signura Caterina, m'aviti...

PEPPINO: A settiti e bivemu a facciazza so...

(i due riempiono i bicchieri)

GIOVANNI: Signura Rosalia, pimmittiti chi vi fazzu un brindisi ?

ROSALIA: Con piacere, signor Giovanni.

GIOVANNI: E allura aviti a biviri cu nui, danni stu piaciri.

ROSALIA: M'aviti a scusari, ma io u vinu non rinesciu a gustarlu.

GIOVANNI: Vorrà diri chi o so postu bivi u signurinu Micheli.

MICHELE: Va beni, bivu io o so postu. (Prende il suo bicchiere già sul tavolo e lo riempie di 
vino) Allura, sintemu stu brindisi.

GIOVANNI: "E siccomu i ionna canciunu a secunnu comu è u tempu: è scuru quanno ghiovi, è
biancu quannu c'è suli, u cori allegro ava a tunnari purru si cetti fatti ti fannu passari a
valia... brindisi ci fazzu a bedda Rosalia.

PEPPINO: Bravu a me cumpari Giuvanni, e io chi sapia chi eri un poeta ? Nascisti pi fari i brindisi.

GIOVANNI: Ora se pimmittiti, ne vogghiu fari unu purru pu signurinu Micheli.

MICHELI: Permesso accordato.

GIOVANNI: E allura videmu un pò: "E siccomu cu tempu vannu via li bellizzi, magara i duluri 
hanna a passari. Tu sulu a bedda Rosalia pò cunsulari e siccomu si chiù bonu du meli... u
postu to sò cori a pigghiari... Micheli.

MICHELE: (ha uno scatto di ira) Stu brindisi no pozzu accittari. Nessunu sava a pimmettiri di
cacciari u nasu ta l'affari di sta casa, nessunu. Nemmenu vui Giuvanni, v'aviti a
permittiri ta un mumentu così delicatu.

GIOVANNI: M'aviti a scusari se vi recai offesa. Ma to paisi, non si fa autru chi parrari i chistu. 
Da quannu succidiu a disgrazia divintastu l'argomentu principali di tutti i discussi..... C'è
purru cu dici chi...

(resta qualche attimo in silenzio)

ROSALIA: C'è purru cu dici chi..., che cosa, continuate senza paura.

GIOVANNI: Sia ben chiaro chi io non c'entru affattu cun chiddu chi dici a genti.

PEPPINO: Io non ci staiu capennu nenti! Chi centrunu i genti ? Cu è che si pimmetti di parrari da
me famigghia ? E poi… chi hanno da diri ?

GIOVANNI: Assolutamenti nenti di mali... Malidittu u troppu vinu chi mi fa laggari a
bucca... Nessuno ha mai parratu mali i vui..... E' sulu chi a genti penza chi Micheli...
zumma comu l'è diri,... va chi Micheli eni.... innamorato di Rosalia e chi prima o poi
finirà pi mettirsi cu idda.

MICHELE: Ma chistu è assurdu. Non basta u duluri chi unu avi ancora friscu to cori, purru tutta a
bestialità da genti cuttigghiara e ridola ava suppurtari. (nervosamente riempie il bicchiere
di vino)

PEPPINO: Giovanni, forsi è megghiu si ora ni ritiramu ognunu pi propri casi. 
Iazziti, cammina chi ti ccumpagnu…. e strada facennu vogghiu chi mi cunti ogni cosa.

GIOVANNI: (si alza) Forse è megghiu si mi nni vaiu. Penzu proprio d'avirla cumminata na
picchicedda rossa. 
Salutamu, signura Rosalia… salutamu signurinu Micheli e..... non ci pinzassi a genti.

(Giovanni esce di scena e con lui Peppino).


SCENA 6


( Fra Michele e Rosalia cela per un attimo un imbarazzante silenzio.)

MICHELE: Giovanni è sicuramente una bravissima persona, peccato per quel difetto di bere molto
e di parlare a sproposito, e senza rendersi conto di quel che dice una volta che ha bevuto.
Pensa tu se le persone hanno tutto questo tempo da dedicarci. 
Certamente si è inventato tutto per farsi bello ai tuoi occhi.

ROSALIA: E se così non fosse ? E se ha veramente detto quello che la gente pensa di te..., di me?
E se tu fossi veramente....(si blocca)

MICHELE: ...E se io fossi veramente innamorato di te? 
E' questo quello che ti preme sapere? Vorresti sapere come mi comporterei o pensi che io lo
sia veramente? Rispondi, è questo quello che pensi?

ROSALIA: Io non penso niente, non ho niente da pensare. Capisco solo che sei molto teso, confuso
e che hai bisogno di riposo, di rilassarti un poco, insomma di non pensare a niente.

MICHELE: Scusami, non volevo ferirti... E' imbarazzante sapere di essere nel mirino della gente, e
poi ho paura... che possano in qualche modo mettere in dubbio la tua onestà.
E’ l'ultima cosa che farei quella... di farti del male.

ROSALIA: E allora non farmene,..... non preoccupandoti della gente e... restando qui per sempre in 
questa casa, insieme ai toui e.... me.



FINE PRIMO ATTO







SECONDO ATTO

SCENA 1


(La tavola è sparecchiata. La scena si apre con Michele seduto al tavolo con sopra una bottiglia di vino e un bicchiere mezzo vuoto che tiene in mano)

MICHELE: Un pò di pace… è solo quella che cerco, un pò di pace. 
Vorrei finalmente capire quello che veramente mi passa per la testa. Ho una strana
confusione… vorrei tanto saper prendere una decisione per mettere un pò di pace alla mia
mente… ma non sò assolutamente quale soluzione sarebbe migliore. 
Ho persino paura di guardare nel profondo del mio cuore, nascondendo a me stesso quelli
che sono i miei veri sentimenti. 
"Turruzzo" tu che hai deciso di dare un taglio ai tuoi problemi con la soluzione più semplice: "il suicidio"… hai lasciato me, qui nei guai. Cosa posso fare? Partire con la scusa del lavoro, ma con la vera ragione di non incrociare più lo sguardo con quella che fu tua moglie? O restare… per non far soffrire mamma e papà e… nel contempo accontentare Rosalia che non chiede altro per dar sfogo al suo egoismo, in modo che tu possa continuare a vivere nel suo cuore attraverso la mia vicinanza. 
No, questo non posso accettarlo... potrei... si... potrei anche innamorarmi di lei... e questo
sarebbe un guaio. Non posso sostituirmi a te. Ogni volta che sfiorerebbe la mia mano è la tua che toccherebbe, ogni volta che guarderebbe i miei occhi è te che cercherebbe e ogni volta che....

(il monologo viene interrotto dalla madre che appare in scena)


SCENA 2


CATERINA: Micheli, che fa tuttu sulu ca buttigghia i vinu parrata davanti a tia. E poi... cun cu
stavi parrannu. Io a nuddu staiu vidennu.

MICHELE: E io cu nuddu stava parrannu, mamma. Parrava sulu, comu e pacci. 
Parrava cun mia stissu.

CATERINA: E ... chi ti dicivi di tantu importanti ?

MICHELE: Tanti cosi. Parrava da me vita e da me sorte... e soprattuttu mi dicia chi vinni u 
mumentu i crisciri.

CATERINA: A mia mi pari chi si ranni abbastanza.

MICHELE: No fisicamenti.... Non sugnu chiù un picciriddu mamma, puru si tu e o papà mi 
considerati ancora tali. Aiu ormai na certa età e mi rendu cuntu chi non aiu un avveniri. 
Un travagghiu è chiddu chi mi manca, mamma, e vistu chi ca, ta stu paisi, ta tuttu u
meridioni non si rinesci a truvari,.... io decidì na cosa...

CATERINA: Micheli... non mi diri... chi dicidisti di pattiri e lassari sta casa.

MICHELE: Mamma, capisciu u duluri chi tu e u papà aviti ancora friscu to cori... ma... è proprio
pattiri, chiddu chi io è fari.... Non rinesciu a truvari nautra soluzioni.

CATERINA: (resta qualche attimo in slenzio, poi...) E quannu è chi vuristi pattiri ?

MICHELE: Prestu, appena possibili... Già mi misi in contattu cu alcune fabbriche di fora e parri
che è possibili truvari na sistemazioni ta una di chisti. Aspettu sulu a chiamata, chi putissi
arrivari da un mumentu all'autru.

CATERINA: Non putivi aspittari na picca prima.... forsi i cosi si sistemanu e tu pò finalmente
travagghiari to tò paisi.

MICHELE: Chista è fantascienza, mamma. I cosi cà vannu sempri peggiorrannu. Non esisti chiù a
via di mezzu: o sini riccu e quindi pò tranquillamenti incrementari i tò ricchizzi, o sini
poviru e costrettu a scappari du tò paisi pi non moriri di fami.

CATERINA: Ma cà u pani non ti manca. Chi ti facemu mancari ta sta casa ? Tu cà si u patruni.

MICHELE: Ma picchì non vò capiri. Aiu bisognu di sentirmi utili. U sacciu quantu mi vuliti beni,
ma vinni ormai l'ura di essiri indipendente, di non dover contare sempre ta l'aiutu di l'autri.
Du tò, du papà e di Turru...

(i due rimangono un pò in silenzio, intanto nella scena appare Peppino)


SCENA 3


PEPPINO: Chi è stu mortorio ? Non vi pozzu lassari un mumentu suli chi vi cuminciunu i crisi.

CATERINA: Pippinu, Micheli ni voli lassari. Voli pattiri… annari luntanu… pi cuminciari a 
travagghiari.

PEPPINO: Chi è sta storia Micheli, non aiu tantu cori pi sentiri sti tipi di barzelletti.

MICHELE: E chisti non sunnu barzelletti papà, è proprio così. E’ ciccari di darmi da fari, di
procurarmi un futuru dignitusu attraversu un travagghiu seriu e duraturu... chi ristannu cà,
ta stu paisi, mai possu spirari di truvari. Papà, tu chi si omu comu a mia, cecca di capirmi e
darmi... a to benedizioni.

PEPPINO: Io sugnu ignuranti e cetti voti, na picchicedda briaghu. Ma non sugnu orbu, e certi cosi i
capisciu da tanti piccoli particolari…. comu sguardi rubati o qualchi parola ghina
d'imbarazzo. Micheli, io e to mammma semu vecchi ma non rimbambinuti.

MICHELE: E con questo... ora sugnu io ca non capiscio. Chi vo dirri cu tutti sti giri di paroli,
parrimi chiaru che aiu a testa chi mi sta scoppiannu. Quannu mai io è dittu chi tu e a 
mamma siti rimbambinuti?

PEPPINO: Mai, ma la pinzatu... e ora nu sta dimostrannu non fidandoti di niautri, non dicennu
chiddu chi veramenti ti passa pi to cori.

MICHELE: E che cosa mi passa secunnu tia. Tu dissi chiddu chi veramenti mi turba. Aiu bisognu
di sentirmi veramenti liberu, indipendente e realizzato avennu un travagghiu sicuru. E' sulu
pi stu motivu e non autru, chi vogghiu pattiri.

PEPPINO: (ARRABBIATO) E allura, tu dicu io u veru motivu picchì tu vò lassari sta casa. U
motivo è ta ricercari te paroli di cumpari Giovanni, quannu dissi... zumma quannu parrò di
tia e di Rosalia...

CATERINA: E chi c'entra Rosalia...

PEPPINA: C'entra Rosalia... To fighhiu sta piddennu a testa pi so cugnata, e avi scantu di farri un
tortu a so frati chi non c'è chiù. E così, inveci d'affrontari a questioni da veru uomu, scappa
di casa comu na fimminedda.

CATERINA: Matri mia, Signuri fa chi chistu non sia veru...
(e cade afflitta su una sedia)

MICHELE: E chista non è a verità... U papà è ancora briacu da ieri sira. E siccomu cu viautri non si
po parrari, è megghiu chi nesciu...

(esce di scena sbattendo la porta)


SCENA 4


CATERINA: Quannu a svintura trasi ta na casa, na lassa chiù, e una non sapi mai quali sorpresa ci
pò riservari amcora u destinu. Io non sacciu chiddu chi niautri ficimu di mali mi si
accanisci a stu modu contru... Spiramu mi sinni và a chiù prestu sennò... sennò... è
megghiu minni cuminciamu ad abituari a campari cu idda.

PEPPINO: Piddiu a testa... Micheli piddiu a testa pi Rosalia e ora campa cu scantu. Non sapi
chiddu c’ava a fari... è cunfusu e sta confusioni to ciriveddu u sta puttannu a rovina.

CATERINA: Chi putemu fari niautri dui pi aiutarlu, iddu non ni duna ascolto. 
Mi scantu, mi scantu Pippinu chi faci qualchi paccia, comu a so frati Turruzzu...

PEPPINO: E niautri avemu a farri di tuttu picchì chistu non succeda. Micheli sta attraversannu un
bruttu mumentu, comu del resto tutti niautri ta sta casa, ma iddu ha avutu sempri un
carattiri deboli. E’ sempri statu un indecisu… lassava chi fussi so frati a decidere pi
iddu e chistu non ci fici beni. Ora, all'improvviso diventò ranni e tuttu ta un colpu si trova a
pigghiari decisioni che possunu trasformare a so intera esistenza . Non sapi chi pisci avi a 
pigghiari e niautri non l'avemu minimamenti influenzari te so scelti. Sulu così u putemu
aiutari, rispettannu i so scelti.

CATERINA: E si chisti sunnu sbagghiati, ch'ema a a farri ?

PEPPINO: Non è ditto che chiddu chi secunnu nui è sbagliato è effettivamenti sbagghiatu. A
sbaggiari putemu essiri niautri a considerari nostru figghiu sempri un picciriddu.

CATERINA: E a Rosalia? Chi c'ema a diri a Rosalia, insomma comu n'ema a comportari cu 
Rosalia ?

PEPPINO: Nenti, cu Rosalia n'ema comportari comu si nenti fussi. Purru idda avi a superari sta
crisi.

SCENA 5


(dal di fuori si sente una voce)

CARMELA: (Fuori campo) Signura Catarina, Signura Catarina....

CATERINA: E cu iè chi chiama ora? Ah, stu binidittu campanellu ca non funziona.

PEPPINO: (si avvicina alla finestra) Da pittegula di Carmela ci mancava purru. E' giovani, bidditta
ma già tanta pittegula da fari invidia a di pitteguli cu tanti anni di esperienza e spalli.

CARMELA: (dal di fuori) Signura Caterina, ma chi fa non senti o intra non c'è nuddu.

PEPPINO: (risponde dalla finestra) Un mumentu Carmela chi vegnu mi ti apru. Avemu u
campanellu ca no funziona. (a Caterina) Mi raccumannu Catarina, nessuna parola di
Micheli cu Carmela, chi da pittegula inchi u paisi. Ricorditi chi ieni chiù vilinusa i na
vipera.

CATERINA: E chi iera paccia chi parrava di me cosi cu estranii.

(Peppinu esce e rientra subito con Carmela)

CARMELA: Passava di cà, e dissi tra mia e mia: picchì non ci fazzu na visitedda a signura Catarina
e a so maritu? Dal mumentu chi iddi sunnu sempri intra? Cu sapi si hannu bisognu di
qualchi cosa o di qualchi subbizu intra. U sapi, signura quantu io vi vogghiu beni.

PEPPINO: Si, quantu u fumu ta l'occhi.

CATERINA: U sacciu, cettu chi u sacciu Carmiledda e ti ringraziu… ma ta stu mumentu non aiu 
bisognu i nenti. E poi, in ogni casu, c'è sempri me nora Rosalia che bada e subbizza da
casa.

CARMELA: Rosalia? e comu fa da mischinazza cu picciriddu chi avi... e cu u gran duluri to cori.

PEPPINO: U duluri l'avemu tutti ta sta casa... a cuminciari i mia a finire o picciriddu intra a culla.

CARMELA: E Micheli? Comu mai non vidu a Micheli? Probabilmente sarà te stanzi supra?

CATERINA: No, supra c'è sulu Rosalia cu so figghiu. Micheli nisciu. E' fora a pigghiari na 
picchicedda d'aria.

PEPPINO: Si, picchì ca navi picca e c'è mi si ccupa.

CARMELA: U vitti subitu io. Appina trasì, chi ta sta casa c'era aria di bufera.

PEPPINO: Ma picchì chi vulivi truvari aria di libiciata o na iurnata di primavera in pienu autunnu?

CARMELA: Nenti di chistu, sulu chi m'avissi piaciutu trovarvi chiù tranquilli, chiù sereni, zumma 
chiù allegri.

PEPPINO: S'è sulu pi chistu ni putemu contari quattro barzilletti. A sa chidda du....

CATERINA: Pippinu ora bastò. Statti na picchicedda mutu e fammi reggiri.

CARMELA: Signura Catarina chi c'è chi v'abbatte ancora? U sapiti chi vi vognu beni e chi cu mia
putiti parrari.

PEPPINO: Si, cun tia e to stissu tempu cu tri quarti i paisi.

CARMELA: Menumali chi vui, don Pippinu aviti sempri vogghia i schizzari. U sapiti chi io sugnu
muta comu un pisci e chi quannu sacciu na cosa ma tegnu intra finu a quannu moru.

CATERINA: E chi te cuntari Carmiledda, chi autru avissa a succediri. Quannu a malasorti trasi ta
na casa na lassa chiù mancu a cannunati.

CARMELA: Voli diri chi ca si trova beni.

PEPPINO: E comu no? E niautri nenti ci facemu mancari.

CARMELA: Picchì… chi autru vi succidiu?

CATERINA: Nenti... sulu chi Micheli, proprio antura, sinni spuntò ca nuvità... chi sta casa ci sta
stritta e chi a voli lassari p'annari a travagghiari luntanu...

PEPPINO: (nervoso) E tu eri chidda chi non avii a cuntari nenti a nuddu. Chi non parravi di fatti
nostri cu estranii. Ci manca sulu chi ora ci cunti chi Micheli piddiu a testa pi so cugnata
Rosalia e... così ... ci cunzasti a tavula pu cuttigghiu.

CATERINA: A mia mi parri ca tavula cia cunzasti tu...

CARMELA: Chi è sta storia? Micheli.... Rosalia...

PEPPINO:...Nenti... chi ti riguarda. E poi non è veru nenti. Chistu è un pulici chi ni misi ta testa
Giuvanni u mitateri mentri tracannava vinu a beddu cori.

CARMELA: Picchì, chi vi cuntò du briacuni ?

PEPPINO: Nenti di particolari. Comunqui cosi chi riguardanu a me famigghia e non a l'interu paisi.

CARMELA: Faciti bonu a non parrari don Pippinu, certi cosi è megghiu tenirli riservati. Guai a
sbandierarli e quattro venti. Vui chi ni pinzati signura Catarina?

CATERINA: Io, non aiu propriu nenti i diri e pinzari.

CARMELA: E va beni, allora voli diri che a parrari c'è pinzari io. O forsi è megghiu di no, picchì si
parru c'è di trimari i carni. Vaia mi staiu muta e non sini parra chiù.

PEPPINO: Megghiu così stamuni tutti muti.

(cala il silenzio. I tre si guardano senza parlare per alcuni secondi, poi...)

PEPPINO: E chi fa non parri?

CARMELA: Allura è parrari?

PEPPINO: E cettu chi a parrari.

CARMELA: Vidissi chi parru.

PEPPINO: E parra Carmela, paarrraaaa.

CARMELA: E va beni parlo. Chiddu chi vui dicistu prima a propositu di Micheli e Rosalia è storia
vecchia chi io già sapia da tempu.

CATERINA: Chi vo diri Carmela, cerca di essiri chiara.

CARMELA: Viautri u sapiti... bhe, u sapiti... è inutili chi cuntinuo a mucciarllu. Io tempu fa ciavia
fattu un picculu pinzeri pi Micheli, picchì... va picchì... mi piacia.

PEPPINO: E chistu l'aviumu caputu. Va avanti Carmela.

CARM: Ah, l'aviu caputu! Comunqui, un giorno pruvai mi ciù fazzu capiri in tutti i modi possibili. 
Sapiti, io fimmina seria sugnu, e non è giustu chi mi sbilanci chiù di tantu. Tuttavia pruvai a
interessarlu, ma iddu nenti. Distrattu e impassibili comu na petra. Non capiu nenti o nenti
vosi capiri. Allura pinzai tra me e me: se un masculu giovane e siculu pi giunta, non si 
accorgi chi na fimmina bedda e attraenti comu a mia ci fa u filu, un motivo ciava a gnessiri.
O è interressatu all'autra sponda o nammuratu di n'autra fimmina. E così, investigando a
destra e investigando a sinistra, vinni fora chi Micheli avia na storia cu na fimmina
maritata. E u sapiti cu iera sta fimmina maritata?

CATERINA: No, no, cu iera Carmiledda, cu iera sta zoccula?

CARMELA: Sta zo... sta fimmina era... era... so cugnata Rosalia, a mugghieri i so frati Turruzzu, e
quannu iddu campava ancora.

PEPPINO: Ma chi sta dicennu??? Chisti sunnu calunnie.

CARMELA: Chista inveci è a verità…. Io stissu i visti, cu sti occhi, assemi chiu di na vota. E 
siccomu non sugnu pittegula comu diti vui, non ni fici parola mai cu nuddu.

CATERINA: Matri, matri, matri... matri, matri, matri... matri, matri, matri...

PEPPINO: E chi facisti? T'incantasti?... Ca a cosa è seria. Ca sava a vidiri chiddu chi sava a fari
senza peddiri a calma. Sava a ragiunari supra.

CATERINA: Si, mantinemuni calmi e videmu chiddu chi sava a fari.

PEPPINO: (prima calmo) Io ho deciso! (poi esplodendo) Pigghiu a tutti i dui chi trispidi du culu e i 
iettu forra i sta casa rispittata e onorata. Porci, sutta e nostri occhi, e io fissa chi non mi n'accuggì i nenti. Porci.... Ah povuru Turruzzu, speriamu chi mancu iddu s'accuggiu i nenti.

CARMELA: Calmatevi mastru Pippinu. Chi poi vi sintiti mali.

PEPPINO: E chi mi po fari chiù mali du dispiaciri chi mi dasti puttannumi sta notizia! Non sacciu 
chiù chi è pinzari. Se è chiù forti u duluri pi me figghiu Turruzzu o pi sta viggogna.

CATERINA: Matruzza bedda... e si Turruzzu era a conoscenza di... di sta tresca... Iddu a Micheli ci 
vulia beni assai, assai così comu ci vulia beni a Rosalia. Matruza bedda chi pinzeri orribili
mi venunu ta testa.

PEPPINO: No, no...chistu non l'avemu mancu a pinzari... Turruzzu,.... no, non murriu pi chistu.

SCENA 6


(entra in scena Rosalia e i presenti restano in silenzio)

ROSALIA: Ciao Carmela, da supra sintia Parrari, ma avennu a potta chiusa pu picciriddu ca dormi,
non riniscia a distinguiri i vuci.

CARMELA: Salutamu Rosalia...

ROSALIA: (si avvicina alla finestra) Bella giornata oggi, viene voglia di farsi una passeggiata a
respirare un pò d'aria pura.

PEPPINO: (tono disprezzante) Già, comu a Micheli c'avi un pezzu chi nisciu pi respirari aria pura, 
vistu chi ca eni inquinata.

ROSALIA: Ah, Micheli è già… uscito? Si sapia c'avia a nesciri u prigava si mi putia fari certi 
commisioni.

CARMELA: Se è sulu pi chistu, mi po dari a mia ... tantu staiu niscennu.

PEPPINA: E picchì l'avi a dari a tia... Vistu chi c'è na bedda iunnata, po approfittari pi nesciri... e
cu sapi, magari fora contra a so cugnatu Micheli, e du passi si ponnu fari assemi.

ROSALIA: Bhè, dopotutto non mi sembra una cattiva idea...

(all'improvviso Caterina scoppia in lacrime)

CATERINA: Basta, dicu basta, io non ni pozzu chiù...
(ed esce di scena piangendo)

PEPPINO: Pi mia ca l'aria divintò pisanti. Mi vaiu a farri na passiata e un pienu di chiddu bonu ta
tutti l'osterie du paisi.

(Peppino esce di scena)


SCENA 7


ROSALIA: Non rinesciu a capiri l'atteggiamentu improvvisu di me soggira e du tonu usatu di me 
soggiru. Parria chi l'avissuru cu mia.

CARMELA : Rosalia, non ci fari casu. Iddi ormai sunnu ranniceddi e ogni pilu ci pari na travi e 
così chianunu in cascitta.

ROSALIA: Sarà, ma mia mi desuru l'impressioni che l'aviunu cun mia. Comu si io c'iavissi fattu 
qualchi cosa.

CARMELA: Inveci tu non ci facisti nenti. Iddi veramenti, un motivu pi essiri incazzati l'hannu. Si 
tratta di Micheli. Tuttu a un trattu decidiu di lassari sta casa per annari a travagnari pi supra.

ROSALIA: Così Micheli decidiu di pattiri? E a tia cu ta desi sta notizia?

CARMELA: E cu mi l'avia a dari, a signura Caterina. Picchì, tu nenti sapivi di sta faccenda?

ROSALIA: NO, no, io nenti sapia. E poi cu mi l'avia a diri?

CARMELA: Micheli stissu. Magari ta un mumentu di sconforto.

ROSALIA: E Micheli to un mumentu di sconfortu, penzi, chi vinia a parrari cu mia? E poi picchì?

CARMELA: Bhè, dal momento chi siti in cunfidenza... cridia chi a tia ti cuntava chistu e autru.

ROSALIA: Sbagghiu, o mi parri chi tu sta alludendo a qualcosa?

CARMELA: Io a nenti alludo. E poi a cosa avissi alludiri. Scusa, picchì non ti dispiaci chi Micheli
avi a pattiri ?

ROSALIA: Certo che mi dispiace. Ma se vo sapiri se provu duluri pa so partenza, a risposta è no. 
Ormai aiu u cori collaudatu o duluri e nessuna cosa o partenza mi può procurari un duluri
chiu forti di chiddu chi mi procurò a morti i me maritu.
Tu semmai, avissi aviri pena pa partenza i Micheli, vistu chi tuttu u paisi sapi chi è da na
vita chi cin curri darreti.

CARMELA: Se è pi chistu, u paisi dici purru nautra cosa.

ROSALIA: Sintemu chi autru dici u paisi.

CARMELA: Dici chi Micheli non può essiri interressatu a mia picchì u so corri è sempri statu
impegnatu cu na fimmina maritata. E' sta fimmina maritata eri e si tu Rosalia, a mugghieri 
di so frati Turruzzu.

ROSALIA: Cu chistu s'arrivò o funnu. Micheli è sempri statu comu un frati pi mia, e nenti autru.
Picchì aviti a ghittari fangu supra a testa di genti chi già hannu problemi pi l'affari sò?

CARMELA: Bonu Rosalia, i chiacchiri sunnu sulu chiacchiri, lassili peddiri. Io u sacciu chi i cosi 
non stannu così. E comu a mia tutti i cristiani di buon senso sannu chi tu si sempri stata na
fimmina onesta...
U guaiu chiù rossu non è chistu. E chiddu chi sta malidicenza ciannò te ricchi di to soggiri.
E' chistu u veru motivu picchì sunnu infuriati cu tia e purru cu Micheli.

ROSALIA: Cos'altro deve succedermi ancora? A cosa chi chiù mi fa rabbia è chi me soggiri crideru
a sta favola, dimostrannu non aviri nessuna fiducia in mia e nemmenu di Micheli. 
Chi autru è fari se non chiddu di lassari oggi stissu sta casa?

CARMELA: Capisciu chi chistu è un problema assai rossu, e io non sacciu propriu chiddu chi te
diri. Probabilmenti io o to postu avissi fattu a stissa cosa... mi ni avissi annatu di gran cursa. 
Ma io na povira ignuranti sugnu...

ROSALIA: Andandomene io, forse Michele resterebbe ta sta casa vicinu e so genitori.

CARMELA: E così, turnassi a paci ta sta famigghia... Ma chisti sunnu cosi, comu si diciunu, 
ipotesi... Probabilmente Micheli si na va o stissu... o forsi no...

ROSALIA: Che farri Carmela? Non sacciu chiù chiddu ch'è fari. Chista oramai è a me famigghia. 
I me soggiri pì mia sunnu un padri e na madri. E poi, chista è a casa unni io stesi cu
Turruzzu. Sì, mi ni vaiu. E' megghiu si io scappu di ta casa. U me cori però sempri cà
resterà, finu a chi campu.... (e si nasconde la faccia con le mani)

CARMELA: Bonu Rosalia, ancora giovane sini e si purru na bedda figghia. Non ti sarà difficili
crearti na nuova famigghia.

ROSALIA: Non m'interressa aviri n'autra famigghia, è chista chi non mi piacissi perdiri.


SCENA 8


(in questo momento rientra Michele)

MICHELE: (si toglie il soprabito lo posa in un'attaccapanni e...) Ciao Carmela. 
(Carmela risponde con un cenno con la testa) Rosalia, a mamma e u papà sono sopra?

ROSALIA: La mamma sì, papà invece è uscito a prendere un po’ d'aria.

CARMELA: Era incazzato fotti.

MICHELI: Immagino. Prima di uscire ho avuto una discussione con i miei, e sicuramente ci 
saranno rimasti male.

CARMELA: Purru niautri ci ristammu mali a sapiri chi tu vo lassari stu paisi.

MICHEL: E così, già ne siete a conoscenza.

CARMELA: E certu, to madri, da povira donna era così dispirata chi si cunfidò cu mia. U sa tu
quantu mi voli beni to matri, quasi fussi na figghia o na nora fedele.

ROSALIA: Anch'io ho delle novità...

CARMELA:.... Ma non sunnu novità importanti. Lassa stari chi ci cunfunni a testa a Micheli.

MICHELE: Quali sono queste novità?

CARMELA: .... Nenti, è così afflitta chi non sapi chiddu chiddu penza.

(in questo momento entra in scena Caterina, ma i presenti non si accorgono della sua presenza)

MICHE: E cos'è che pensa in questo momento.

ROSALIA: Penso... penso... che è meglio che sia io ad andare via.

CATERINA: E inveci io dico chi di sta casa non si ni va nuddu, o almenu non è chistu u mumentu.
I cosi sanna a mettiri in chiaru. 
Si Micheli ni voli lassari pirchì all'improvviso voli fari u ranni avi a capiri chi non è
scappannu chi si diventa ranni ma aiutannu a cu avi bisogno, e niautri... avemu bisogno di
tia,..... Micheli. 
E u stissu vali pi tia, Rosalia... purru si forsi sbagghiasti... si ti comportasti mali ed è veru
Chiddu chi ni cuntò Carmela... un motivo ci sarà… ed è chistu chi vulemu sapiri. 
Tu apparteni a sta famigghia e ta sta famigghia vulemu mi resti.

MICHELE: Picchì, chi ti cuntò Carmela?

CARMELA: Io nenti... nenti di così drammaticu...

CATERINA: Comu nenti ? E ti parri nenti sentiri diri chi me figghiu Micheli avia comu amanti a
so cugnata? E no ora.. chi so frati non c'è chiù... ma purru prima quannu ancora campava.

MICHELE: chi è sta storia Carmela. Ti risulta tuttu chistu?

CARMELA: A mia no, io dissi chiddu chi cuntunu i cristiani

CATERINA: Ma si a mia mi dicisti chi vidisti chi to stissi occhi?

CARMELA: Io così dissi? ... voli dirri chi mi sbagghiai... forsi vulia diri chi sti pittegulezzi i sintì
cu sti ricchi.

MICHELE: Carmela, ringrazia chi si fimmina, picchì si tu fussi masculu t'avissa a schiacciatu a
testa comu si fa chi vipiri vilinusi.

ROSALIA: Non capisciu chiddu chi vulivi otteniri cu sta malvagità. Carmela, mi fa tanta pena.
Sentu chi tu soffri ancora chiù di mia . Io aiu u cori a pezzi, ma mi cunforta sapiri chi c'è
genti chi mi voli beni, ma tu, cattiva comu sì, sula sini e sula si destinata a ristari, e vidi che
non è bello essiri suli, non è bello cianciai sapendu chi non c'è nuddu a darti un fazzulettu
mi ti sciughi i lacrimi.

(cela un attimo di silenzio)

CATERINA: Carmela, forsi è megghiu mi ti ni va a casa.

CARMELA: Si, penzu propriu che è megghiu...


SCENA 9


(ed esce di scena con Caterina che l'accompagna all'uscita)(fra i tre cala un imbarrazzante silenzio... Michele si siede e fa per riempirsi un bicchiere, mentre Caterina dalla porta d'ingresso si porta lentamente verso il suo posto)(non fa in tempo nessuno a parlare che entra in scena
Peppino)

PEPPINO: (con tono severo a Michele) A ca si tu. Non eri chiddu c'avia lassari sta casa? allura a
quannu sta partenza?

CATERINA: Pippinu, vidi chi non è chiù u casu... tuttu chiaremmu

PEPPINO: Chiaristu chi? chi è chi chiaristu?

CATERINA: Tutti cosi chiaremmu, o forsi non chiaremmu nenti... picchì mi parri chi sia io chi tu,
c'ema ciccari scusa a to figghiu Micheli e to nora Rosalia.

PEPPINO: Scusa? E i chi? Io non ci staiu capennu chiù nenti.

ROSALIA: No, mamma, viautri non v'aviti a scusari i nenti.

PEPPINO: Ma almenu mu diciti di chi m'è scusari?

CATERINA: Chi sia io, chi tu, cridemmu a da brugnuna di Carmela mittennu in dubbiu a serietà di 
Micheli e Rosalia. Tuttu chiddu chi ni cuntò è tuttu fausu.

PEPPINO: Disonorata... ora capisciu. A cuntrà fora te scali chi ciancia. A chiamà e idda senza
mancu mi mi vadda ta facci, si misi a curriri pi te scali. Si l'avissi saputu prima... l'aiutava
io a scinniri di scali... cu quattru cauci to culu.

MICHELE: Se c'è qualcuno che deve scusarsi, quello sono io. Mi sono comportato da stupito
decidendo di... scappare, invece di ... affrontare i miei sentimenti. 
In fin dei conti qualcosa di vero c'è in quel che pensano le persone. 
Io... io amo Rosalia. Ma lei ama un ricordo.

(Cala un attimo di imabarazzante silenzio)

CATERINA: Bhè, (rivogendosi a Peppino) forsi è megghiu si niautri annamu supra a vidiri chi faci 
u picciriddu.

ROSALIA: No mamma, io pensu inveci che giustu mi ristati ca.

PEPPINO: E va beni, vo diri chi ristamu.

ROSALIA: Forse è come dici tu Michele, che io sia legata ad un ricordo. E forse è anche vero che
io non potrò mai amare altro uomo come ho amato Turruzzo.
Ma come vedi, ci sono troppi forse di mezzo, e fra i tanti forse, metterei che io stia per 
innamorarmi di te. E se questo può essere un problema... sono sempre pronta a lasciare
questa casa.

PEPPINA: Di sta casa non nesci nuddu. A mia mi parri di capiri chi sti dui figghioli si vonnu 
veramenti beni. E se è così, non vidu chi c'è di mali. A vita ava a continuari.
I morti sanna rispittari ma purru suttirrari. U passatu è passatu e viautri aviti a viviri u
prisenti. Siti ancora giovani e non putiti campari sulu di ricordi.

CATERINA: Pi na vota, ci dugnu ragiuni a me maritu. Sugnu sicura chi puru Turruzzu fussi 
cuntentu si du cielu, vi ridissi assemi. Ma... chistu aviti a gnessiri sulu viautri dui a
deciderlu.

MICHELI: Ho paura di sbagliare ancora... ma io... credo... che non partirò più.

ROSALIA: (avvicinandosi a Michele) Ed io... che non lascerò mai questa casa.

PEPPINO: E io chi v'è dirri? A ecco: Se son rose fioriranno.


F I N E