Turi d’o ciospu

di

Alfio Bonanno

Turi d’o ciospu
U pizzu

Turi d’o ciospu - Ristoratore
Cocimu - Garzone
Santu u scarparu - Mafioso
Zù Francu u Principi - Scagnozzo
Carmelu Lanterna - Maresciallo dei Carabinieri
Agatuccia - Cliente
Cammilina - Cliente

Scena: Piazza. Chiosco al centro; sullo sfondo il prospetto di un palazzo, a sinistra e a destra si esce dalla piazza o attraverso le quinte, o attraverso degli archi su colonne.


I
Turi d'o ciospu: (armeggia con bottiglie e bicchieri) Tom Cruis fici u film Cocchittail? e Turi fa u film Ciosputtail! (fa roteare in aria le bottiglie che finiscono miseramente a terra, con rumore di vetri rotti, o tenendo una latta sotto il banco del chiosco o facendo cadere le bottiglie in una cassetta imbottita a terra e producendo da fuori il rumore dei vetri rotti) ... mizzica... e menu mali ca non mi visti nuddu autru ca Tom Crùis... ma prima o dopu mi ‘mparu, com’è veru ca mi chiamu Turi d’o ciospu!
Agatuccia: Veni Cammilina pigghimini ocche cosa...
Cammilina: Si si... haiu na siti...!
Turi d'o ciospu: Le signorine gradiscono qualcosa di fresco e di sano?
Agatuccia: Si si... ma sopratutto di sanu... mi pari ca ‘ntisi scrusciu di buttigghi rutti....
Turi d'o ciospu: Ma quannu mai? Capaci ca occhedunu lassau curriri na buttigghia d’o barcuni...
Cammilina: Ma veramenti a mia mi passi ca u scrusciu vineva di cca.
Turi d'o ciospu: ..ocche piciriddu ca tirau na pallunata e rumpiu na vitrina...

II
Cocimu: (entra e va direttamente dentro il chiosco) zu’ Turi e chi ssu tutti ssi vitra ddoc’anterra?
Turi d'o ciospu: Pipita masculina ‘nto pizzu d’a lingua!
Agatuccia: E vabbeni... alla fini chi ci fa? A mia macari ogni tantu mi sciddica ocche piattu d’e manu...
Cammilina: Macari a mirciera ha travagghiari... no?
Cocimu: Si ma u zu’ Turi è ca s’allena ppi fari furriari i buttigghi ‘nta l’aria comu a chiddi de’ bar amiricani...
Turi d'o ciospu: (tra se e se) ...vureddu lisciu... auh non ti sa teniri nenti ‘nto stomucu ah?
Agatuccia: Cammilina, auma vinutu p’addubbarini a viviri ...
Cammilina: ...e inveci ni stanu addubbannu a chiacchiri!
Turi d'o ciospu: (con una mano torce un orecchio a Cocimu e come niente fosse si rivolge alle clienti) Allora, staumu dicennu: in cosa posso servirvi?
Cocimu: (controscena) ...’aricchi!
Turi d'o ciospu: Un mandarinetto? Uno sciampagnino?
Cocimu: ...’aricchi...!
Turi d'o ciospu: ...si non ti ‘mpari a ‘ntuppariti a vucca st’aricchi t’a scippu!
Agatuccia: E u lassassi a ddu mischineddu. Alla fini a mia non mi ‘ntaressa si lei rumpa i buttigghi
Cammilina: Appuntu... mi sta facennu pietà ddu muzzanteddu...
Turi d'o ciospu: Cocimu: ringrazia queste due gentili signorine picchì cci facisti pietà... ma si era ppi mia s’aricchia t’a faceva addivintari quantu a chidda d’o liafanti!
Cocimu: (massaggiandosi l’orecchia) ...aih! E menu mali allura ca non ci cuntai di quannu a buttigghia ci scappau d’e manu pattiu all’aria ammenzu a strada e piscau a machina d’e vaddia...
Turi d'o ciospu: Cocimu: tu fai chiù dannu d’o tirrimotu di Missina!
Agatuccia: E comu finìu?
Cammilina: I vaddia chi ci ficiuru?
Turi d'o ciospu: Ma nenti... chi m’auna a fari? Ma ancora u stati ascutannu a stu panzalenta?
Cocimu: Veru è! Non ci potturu diri nenti... siccomu u zu Turi subbitu si ‘nficcau sutta u bancu intra u frigorifuru d’e bibiti, chiddi scinneru furriaru, non truvaru a nuddu e si ni eru...
Turi d'o ciospu: ...e si qualcunu ancora n’o sapeva ora ci u dissumu a tuttu u paisi... (si morde le mani) si non fussi picchì fussi...
Agatuccia: e avanti u lassassi iri a Cocimu... chi ci cuppa si è sanu sanu?
Cammilina: E stassi tranquillu ca nuatri non ci u cuntamu a nuddu...
Turi d'o ciospu: Va beni va... chi dissumu ca vi pigghiauvu?
Cocimu: Iù mi pigghiai bellu scantu... e aricchi ancora mi doli... vossia a dda vota si pighiau na bella arrifriddatura...
Turi d'o ciospu: E certu... iù tuppuliava e tu non mi rapevi... mi lassasti stari ocche menz’ura, e menu mali ca mi vinni a grapiri u parrinu... si stava spranza di tia...
Cocimu: Ma virissi ca u parrinu iù u chiamai...
Turi d'o ciospu: e non mi putevi rapiri tu stissu?
Cocimu: Iù? A essiri sinceru quannu ‘ntisi tuppuliari di intra u frigorifiru subbitu pinsai ca erunu i spiddi e ghii a chiamari o patr’eparrucu...
Turi d'o ciospu: (mordendosi le mani) Uhhmmmm! Megghiu ca ti stai mutu e lassa parrari e clienti... Chi dissumu ca vuliti?
Agatuccia: Un seltz c’o limoni
Cammilina: A mia un teh friddu
Turi d'o ciospu: (mentre armeggia per servire) Ecco fattu... una ... e dui... E quannu sintiti a Cocimu ca cunta ssi fissarii non facitici casu...
Cocimu: Si... non facitici casu. Picchi iddu dici ca iù sparu chiu fissarii di na mitragliatrici automatica...
Turi d'o ciospu: Ca siccomu non è veru...
Cocimu: A virità è ca iù sugnu un carusu sinceru e lei non ci a fa a fari furriari i buttigghi...
Turi d'o ciospu: ... e certu pi chissu ssi maestru tu... e comu i fa furriari...!
Agatuccia: Quantu veni?

III
Santu u scarparu: (appena entrato insieme a Zu Francu u Principi) Nenti... offre la ditta...
Cammilina: ...ma...?
Santu u scarparu: Signurina chi fa? S’affenni si Turi ci offri sta bibita?
Cammilina: ...no...ma...
Agatuccia: ... non l’avissi a diri iddu si n’a offri?
Santu u scarparu: Mi meravigghiu! Parissi ca vi staiu facennu ‘n sgarbu...
Turi d'o ciospu: (cercando di riparare) Ma quannu mai don Santu...? I carusi forsi no ‘ntisuru ca ci u dissi: offru iù... (facendo segno di andare via) tuttu a postu, è statu un piacere... e mi pari ca avissuvu chi fari ora... non è veru?
Agatuccia: (cogliendo il messaggio) Già ... Cammilina t’u scurdasti? Amuninni se no ci arrivamu tardu...
Cammilina: .. ma unni?
Agatuccia: (tirandola via) ... ca dda! E comu t’i scordi certi cosi?
(escono)
Santu u scarparu: Turi: t’hava dittu ca quannu vegnu iù non m’a fari truvari a nuddu!
Cocimu: Comu a nuddu? E si non c’è nuddu chi veni a fari?
Zu Francu u Principi: (Quando parla borbotta velocemente in modo da rendere quasi inintellegibile quello che dice) E chi ora macari i pulici hanu a tussi?
Cocimu: (a Santu) chi è ca dissi? Ci l’havi ccu mmia?
Santu u scarparu: (fa cenno a Cocimu di avvicinarsi, appena è a tiro lo afferra per l’altra orecchia) Dissa le seguenti paroli: E chi ora macari i pulici hanu a tussi? E’ chiù chiaru ora?
Cocimu: Chiaru e limpidu comu all’acqua d’o baccalà... però mi lassassi ‘aricchia ca già ppi aricchi oggi haia datu abbastanza...
Santu u scarparu: Turi... ci l’hai spiritusu u garzuni, ah?
Turi d'o ciospu: Ma chi voli don Santu? No vidi ca u carusu è un pocu abbunazzatu?
Santu u scarparu: Hai ragiuni! Parramu fra di nuatri sperti allura....
Turi d'o ciospu: Comandi, qualsiasi cosa voli...
Santu u scarparu: E chi hai vuliri... Turi? Iù vogghiu ca tuttu ti va bonu... ca non ti succedi nenti o ciospu... ca tu stai sempri bonu di saluti... chissu vogghiu...
Cocimu: Mih! Zu Turi don Santu daveru un bravu cristianu è...
Santu u scarparu: E chi t’hava parsu, Cocimu? Iù haiu a cori sulu ca a genti sta beni e non ci succedi nenti...
Turi d'o ciospu: Certu già... comu sempri... ma d’altra parti macari iù mi pari (facendo capire che ha sempre pagato) ca na certa assicurazioni a vaiu mantinennu...
Zu Francu u Principi: ... e però a briscula cangiau..
Cocimu: Chi dissa?
Zu Francu u Principi: Ma chi è surdu chissu, co ogni vota addumanna chi dissi?
Santu u scarparu: ...eh... dissa ca a briscula cangiau... per così dire: i spisi aumentunu e iù vulissi ca tu si sempri o sicuru... vah... mi capisci?
Turi d'o ciospu: ...eccomu si u capisciu... dicemu ca l’assicurazioni scadìù e chidda nova costa chiossai...
Santu u scarparu: Tu picchissu mi piaci: picchì si un carusu sprontu e ‘ntilligenti!
Turi d'o ciospu: ..e tantu accussì per informazioni... d’assai aumintau?
Zu Francu u Principi: Eh Eh Eh... almenu d’o duppiu!
Cocimu: S’allena cco scoppiu? Ma chi senti a diri?
Zu Francu u Principi: Auh, menza cugnetta parramu cu rispettu se no ti rapu n’a presa d’aria n’o ciriveddu (estrae una pistola)
Cocimu: Matri santa! Ma chi è pazzu?
Santu u scarparu: (facendo riporre la pistola a Francu) Boni! Boni! E chi è? Avanti facemu i cristiani ranni!
Turi d'o ciospu: Ma don Santu... giustu capii? ...u duppiu?
Santu u scarparu: Esattamenti... u sai comu vanu sti cosi... i spisi aumentunu iornu ppi ghiornu... e non vulissi ca ppi mancanza di qualche tintu sordu a un certu puntu l’assicurazioni non vulissi currispunniri chiù... mi capisci averu?
Cocimu: Iù non ci haia caputu nenti...
Turi d'o ciospu: ...e ma u capii iù... non ti preoccupari Cosimu... chissi non su pinseri ca t’ha pigghairi tu... Ma, don Santu... u capisci ca ppi mia diventa quasi impossibili...
Santu u scarparu: Impossibili... chi paroli rossi... tu si spertu... si carusu...e trovi comu fari... anzi u sai chi facemu? Pi aiutariti inveci di passari na vota o misi, di ora in poi passamu ogne chinnici iorna, accussì a picca a picca... mancu ci fai casu... Tu priparimi i primi ca fra na menz’urata tornu, e poi ni viremu fra chinnici iorna. Va beni? A postu. Salutamu a tutti. Zu Francu, amuninni. (esce)
Zu Francu u Principi: Iù passu ogni chinnici iorna... e non ti fari attruvari impreparatu...
Cocimu: ...oddìu a capiri na parola di zoccu dici!...
Zu Francu u Principi: (mettendo l’indice davanti alla bocca intima a Cocimu di non parlare) Schhhh! (esce)

IV
Cocimu: ...mizzica si capisci megghiu quannu fa scrusciu ca quannu parra!
Turi d'o ciospu: Ci mancava sulu chissa!
Cocimu: Però ssu don Santu... un veru signori! E poi attentu all’autri... voli ca non ci succedi nenti a lei...
Turi d'o ciospu: Cocimu: sveglia! U sai comu ci diciunu a chissu?
Cocimu: Comu?
Turi d'o ciospu: Santu u scarparu!
Cocimu: Nel sensu ca oltri a essiri un bravu cristianu fa di misteri u scarparu?
Turi d'o ciospu: Nel sensu ca ci ha fattu i scarpi a ocche cintinaru di cristiani!
Cocimu: ...appuntu...
Turi d'o ciospu: Appuntu chi? Non pinsari e scarpi... (fa con la mano il segno della pistola che spara) i scarpi... ci ha fattu i scarpi a un saccu di genti...
Cocimu: (capendo) Mihhh ! Allura è un malacarni...?
Turi d'o ciospu: Di chiddi piriculusi!
Carmelu Lanterna: (entra in divisa da carabiniere) Bon giornu a tutti, si po’ aviri un tamarindu?
Turi d'o ciospu: Prego si acomodi ca ci u fazzu subbitu.
Cocimu: Ma a vossia non l’hai vistu mai, chi è novu?
Turi d'o ciospu: Cocimu! E non essiri sempri comu un picciriddu...
Carmelu Lanterna: Non c’è offesa. Sugnu u novu maresciallu d’a caserma oggi è u primu iornu di serviziu e ancora o paisi non mi canusci nuddu.
Cocimu: U vidi ca era novu?
Carmelu Lanterna: Esattamenti... ma, scusati si fazzu u me misteri... mi passi di capiri ca aviti a chi fari cu qualcunu pocu raccomandabili...
Cocimu: E diri ca pareva unu bonu...
Turi d'o ciospu: Cocimu... ppi favuri...
Carmelu Lanterna: Uhm... capisciu ca ci pari mali a parrari... ma è u me misteri... e poi u maresciallu vecchiu mi lassu dittu quarche cosa... scummettu ca stauvu parrannu di don Santu u scarparu...
Cocimu: Mih! U ‘nsirtau!
Turi d'o ciospu: ...a chi t’ha fari u telegiornali a tia? Si peggiu d’o gazzettinu!
Carmelu Lanterna: Vardassi si voli na manu ci a pozzu dari...
Turi d'o ciospu: ...e poi mi trovu ammenzu a du’ fochi? Si lei non u pigghia, u metti in carciri e ghietta a chiavi a mia comu mi finisci?
Carmelu Lanterna: Non è ca ci pozzu diri ca tuttu va o centu per centu... ma si lei collabora ci dicu ca ssu problema nu livamu d’o menzu...
Turi d'o ciospu: E iù chi avissi a fari?
Carmelu Lanterna: Nenti. Sulu approfittamu ca ancora non mi canusci nuddu... ora mi vo levu a divisa e mi tegnu in incognitu... appena don Santu si presenta lei mi mannassi a chiamari e poi ci pensu iù. Si scrivissa u numiru d’o cellulari... Cocimu scrivatilu macari tu non si sa mai... e fidativi di mia!
Turi d'o ciospu: ...a vanti... e scrivemuni ssa cunnanna...
Carmelu Lanterna: (Detta il numero) Scrittu? Avanti ni sintemu appena si presenta ssu brav’omu... (esce)
Cocimu: Ha’ vistu? E ni livamu d’e ‘mpiccichi!
Turi d'o ciospu: Biatu tu e la to gnuranza... iù haiu a ‘mprissioni ca di un problema mi ni misi dui...!

V
Agatuccia: Si ni ìu ddu malasuttatu?
Cammilina: Non si vidi cca in giru...
Cocimu: Non vi preoccupati ca quantu prima n’o videmu chiù strati strati.
Turi d'o ciospu: Cocimu veni cca, fammi un favuri...
Cocimu: Subitu all’ordini...
Turi d'o ciospu: (finto calmo) Fai accussì, a scelta to... o vai prima ‘nto firraru e ti fa fari un catinazzu a forma di stuppagghiu e poi mi vo’ ccatti du chila di cimentu rapidu... o fai o cuntrariu... chi scegli?
Cocimu: ... ma no sacciu... ppi mia è a stissa cosa... ma chi ci ha fari c’o cimentu e u catinazzu a forma di stuppagghiu?
Turi d'o ciospu: (arrabbiatissimo) Prima ti muru ssa vucca sempri aperta e poi ci mettu un catinazzu e ghiettu a chiavi!!!
Agatuccia: Ma picchì si siddìa accussì cu Cocimu?
Turi d'o ciospu: Picchì ssa vucca non a sapi teniri chiusa mancu un sacunnu!
Cammilina: Va beni si è ppi nuatri non si preoccupassi non hama caputu nenti...
Turi d'o ciospu: ...e megghiu è si non ci trasiti ‘nta sta storia...


VI
Zu Francu u Principi: (precede Santu con aria da body guard...) Po’ veniri don Santu tuttu a postu.
Santu u scarparu: Salutamu a tutta la cumpagnìa... signorine di nuovo qui? E si vidi ca vi piaci a robba frisca...
Agatuccia: Veramenti staumu passannu di cca e desimu un salutu o zu’ Turi...
Santu u scarparu: Ah si! Bravu Turi... bravu! Non lassa scuntentu a nuddu... averu Turi? E a mia comu mi lassi a sta iurnata?
Turi d'o ciospu: E comu l’haia lassari don Santu? Ca cuntentu comu sempri... un attimu ca talefunu e mi fazzu purtari ... dda cosa...
Cocimu: (nel frattempo ha preso anche lui in mano il telefono)
Santu u scarparu: Turi... Turi... non facemu pubblicità...
Turi d'o ciospu: (visibilmente in imbarazzo)... non si preoccupi... sulu ca cca stu cosu mi duna occupatu... (vede Cocimu con il telefono in mano) A cu sta telefonannu tu?
Cocimu: ( non sa rispondere e articola dei suoni sconnessi)
Turi d'o ciospu: ... u capii u stissu... chiuri ddocu, chiuri ca ci haia a chiamari iù.... (volge lo sguado in alto sconsolato, per ispirarsi calma, ricompone il munero e nel frattempo rivolge sorrisi di circostanza a Santu) Pronto? Si iù sugnu Turi d’o ciospu... è ppi du fattu... dda cosa ca m’hava purtari... si si... s’a vinnuru a pigghiari... ora ci mannu a Cocimu e ci a po dari a iddu... si ... certu... si... arrivederci. (a Cocimu con intento) Cocimu vai unni sai e vo pigghia dda cosa ppi don Santu...
Cocimu: ...ma veramenti... non havunu a ristatu....
Turi d'o ciospu: Fai comu ti dicu iù: vai dda e vo pigghia dda cosa... mi spiegai o non mi spiegai?
Zu Francu u Principi: Si spiegau o non si spiegau?
Cocimu: Si ora ca parrasti tu ci capii tutti cosi u sai?
Zu Francu u Principi: Chi haia a pigghiari u ferru? (fa l’atto di prendere la pistola)
Santu u scarparu: Francu... Francu... e comu quarii subbitu subbitu... no vidi comu è u carusu... lassa fari a mia (estrae la sua pistola e la punta alla tempia di Cocimu e parla con dolcezza) U capisti zoccu ti dissi Turi? Ora vai, pigghia e porta!
Cocimu: (spaventatissimo) Si si si va beni: vaiu (fra se) non sacciu unni. Pigghiu (fra se) non sacciu cchi. E tornu... cuntenti tutti? (esce in fretta)
Santu u scarparu: Ah! Cu sti garzuni di oggi non si ci po’ cummattiri... non c’è chiù da spirtizza di na vota...
Zu Francu u Principi: No comu a nuatri ca semu sperti ppi daveru!
Agatuccia: Chi dissi?
Santu u scarparu: (con paternalismo) S’avanta... u carusu s’avanta...
Cammilina: Agatuccia chi fa? Ni nni iemu?
Santu u scarparu: Ma chi fa, è la mia persona ca vi disturba?
Agatuccia: Quannu mai don Santu? E’ ca avemu cosi di fari... e poi mi pari ca aviti affari tra di vuatri... nuatri megghiu ca ni ni iemu...
Zu Francu u Principi: Si megghiu! Aiutativi e ghitavinni di cca!
Santu u scarparu: Francu ... ma comu si zzaurdu certi voti... Comunque gentili signorine: se avete premura non vi trattengo... itavinni ... itavinni
Agatuccia: Appuntu: boni cosi a tutti, Cammilina caminamu...
Cammilina: Arrivederci...
(escono)

VII
Santu u scarparu: ... non mi fazzu cunvintu... c’è un aria strana nta stu ciospu...
Zu Francu u Principi: Si c’è qualche cosa ca non va iù sugnu prontu a fari focu!
Turi d'o ciospu: Ma chi diciti (visibilmente in imbarazzo) tutto normali comu o solitu...
Carmelu Lanterna: (entra vestito da mafioso come Santo) Salutamu a tutta a cumpagnìa... Turi comu finìu ccu ddu discursu?
Turi d'o ciospu: (farfuglia qualche risposta ma non sa che pesci pigliare)
Santu u scarparu: ... eccu chi era ca non mi sapevi diri... e lei egregiu amicu cu è ca fussi?
Carmelu Lanterna: E picchì ci avissi a dari a lei ssa cunfidenza di dirici cu sugnu?
Santu u scarparu: Turi... ma u senti comu arrispunni? Ma ci u dicisti cu sugnu iù? Ci u dicisti ca u ciospu già c’e cu t’u varda?
Carmelu Lanterna: Iù non hai bisognu di addumannari u nomu di tutti i scupastrati d’o paisi... non mi ‘ntaressa...
Santu u scarparu: Scupastrati? Allura vulissi affenniri!
Zu Francu u Principi: Chi fazzu pigghiu u ferru?
Santu u scarparu: Lassa stari...ca chiddi comu a iddu iù mi mangiu ppi mirenna... Allura... lampiuni... si po’ sapiri cu si e chi voi?
Carmelu Lanterna: Sugnu iù e vogghiu chiddu ca dicu iù!
Santu u scarparu: Allura hava essiri ca hava essiri! E va beni: prima di chiantariti du coccia di chiummu ‘nta ssa mirudda fracita ti informu ca iù sugnu don Santu dittu “u Scarparu” picchì ci haia fattu i scarpi a oltri centu fitusi cristiani cca o paisi, cumannu iù e mi cogghiu u pizzu di tutti i negozianti d’o paisi, di tutti l’affittuarii e di tutti i commercianti, e supra i canteri mi tocca u tri per cento e ne me magazzini s’hana forniri tutti i ditti... T’abbasta comu presentazioni? u capisti cu ccu ti mintisti? E ora ti ni fazzu pentiri macari ca nascisti!
Carmelu Lanterna: U sai chi ti dicu? Ora ca fusti accussì arucatu ca ti presentasti e mi facisti a lista di tutti mutuperii ca cummini na stu paisi... ti pozzu macari diri cu sugnu iù!
Zu Francu u Principi: Avanti (estraendo la pistola) spicciti a parrari ca dopo voli parrari idda ( mostrando la pistola) ... anzi si voli fari na bedda cantata!
Turi d'o ciospu: Cca semu! Ora ci appizzu a peddi! (si nasconde)
Carmelu Lanterna: Tranquillu Francu ca dopo ci n’è macari ppi tia... Iù sugnu originariu di cca, ma havi assai ca mancu ppi via d’o travagghiu... picchì purtroppu fazzu un malu travagghiu... nella vita sugnu semplicementi il signor Carmelo Lanterna
Turi d'o ciospu: (riemerge)
Santu u scarparu: U senti Francu? Allura fici bonu antura ca u chiamai lampiuni...
Zu Francu u Principi: Lanterna... lampiuni ...lanterna ... lampiuni ... (ride di gusto)
Carmelu Lanterna: Ridi ridi... scialiti ora ca fra un pocu chianci...
Santu u scarparu: Attia... lanterna ... parramu arucati picchì quant’è ca ti staiu astutannu.... Francu u capisti... astutannu...
Zu Francu u Principi: Lanterna ... astutannu ... lanterna ... astutannu ... (ride)
Carmelu Lanterna: Allura chi diciti a cumplitamu sta presentazioni oppuri finìu cca?
Santu u scarparu: Ppi mia a putemu finiri cca: si un lampiuni e ti chiamunu lanterna... chi c’è di sapiri chiù?
Carmelu Lanterna: Ti dissi nella vita privata sugnu il signor Carmelu Lanterna ... ma n’o me travagghiu sugnu u Maresciallu Lanterna, di sta matina in serviziu nta caserma di stu paisi... ora i presentaizoni i cumplitamu...
Santu u scarparu: Ma iù sugnu sempri don Santu u scarparu... e si aoggi haia a fari un autru paru di scarpi o novu maresciallu sugnu a disposizioni... Francu tenulu sutta tiru ca vogghiu aviri l’onori di puliziarammillu iù stissu ... o lampiuni
Zu Francu u Principi: Ora u pozzu nesciri allura u ferru? (estrae la pistola)
Turi d'o ciospu: (alla vista della pistola si abbassa ) Cunsumati semu!
Carmelu Lanterna: (Contemporaneamente a Francu estrae anche lui) Ah ah ah accura ca t’astruppii cu ssu giocattulu...
Santu u scarparu: Bravu lampiuni unu a unu e (estrae la sua pistola) palla a centru... unu sulu ni po’ pigghiari ma l’autru ti fa assaggiari du’ coccia di pipi niuru... ietta ssa pistola e fatti u segnu d’a cruci...
Turi d'o ciospu: Signori... ppi favuri arraggiunati...
Santu u scarparu: Mutu tu: tradituri... ppi tia ci pensu dopu... mali ca va u lampiuni ammazza a Francu e iù ammazzu o lampiuni... e poi sugnu ni tia non ti preoccupari...
Zu Francu u Principi: (rilette un po e poi abbassa l’arma) ... ma cu u dissa ca prima ammazza a mia? Signor Lampiuni a cu ci spara prima?
Santu u scarparu: Bestia isa ssa pistola... ca se no semu arruvinati tutti e dui...
Carmelu Lanterna: Giustu dici: siti arruvinati... e non ti l’ha pigghiari mancu ccu ddu muzzanteddu di Turi... picchì fusti tu a cantariti tutti cosi, ppi essiri troppu prisuntusu...
Santu u scarparu: ...e curti! Iù t’astutu e poi si ni parra...
Carmelu Lanterna: (Guardando oltre le quinte) Iù ti dicissi iveci di taliariti i spaddi...
Santu u scarparu: Ah quantu ti n’ha vistu televisioni? Chissu è un truccu chiù vecchiu d’a Bibbia...
Cocimu: (è entrato in scena e alla vista dei due sotto tiro si carica, raspa a tera come i tori infuriati e parte alla carica dei due a testa bassa gridando) Ahhhhhh....
Carmelu Lanterna: Iù v’ava avvisatu...
Santu u scarparu: Chi fu? (si gira di scatto)
Zu Francu u Principi: Chi c’è, chi è? (si gira di scatto)
Carmelu Lanterna: (agguanta alle spalle i due)
Cocimu: (si getta a terra e placca i due)
Santu u scarparu: e Zu Francu u Principi: (cadono faccia in avanti, si sente uno sparo e tutti e quattro rimangono a terra)
(dopo un attimo di scena ferma comincia ad uscire la testa Turi d'o ciospu: poi Carmelu Lanterna: si alza da terra illeso. Quindi Cocimu: si alza e controlla di essere tutto intero. Per ultimi si alzano Santu u scarparu: e Zu Francu u Principi: )
Santu u scarparu: Un corpu ‘ntisi: tintu carrabbineri mi sparasti!
Carmelu Lanterna: ( Tenendo in mano la pistola di Santu e tenendo entrambi sotto tiro con la sua pistola) Iù? Ancora tutti i proiettili cca haiu...!
Zu Francu u Principi: Pozzu diri na cosa iù?
Santu u scarparu: E fozza: chi ha diri?
Zu Francu u Principi: (gridando fortissimo) Aihahii!!! Mi sparastuvu ‘nta un pedi!
Santu u scarparu: Mizzica allura u coppu a mia mi partiu, pozzu cuntrullari?
Carmelu Lanterna: Ca certu, hava essiri babbu comu a tia... statti ddocu beddu mutu e pulitu!
Zu Francu u Principi: (raccogliendo la sua pistola da terra) A mia mi spari ‘nto pedi? E ora ti fazzu avvidiri! (spara nel piede a Santu)
Santu u scarparu: Armali di gebbia! E chi a mia mi spari? (saltella dolorante)
Carmelu Lanterna: Posa ssa pistola!
Zu Francu u Principi: (portandosi con le spalle al chiosco) Chi posu? Ora fazzu na stragi! Fermi tutti! (continua a sparare a Santu senza prenderlo)
Santu u scarparu: (Saltella su un piede per non farsi prendere il secondo) Fermu statti Cretinu! E comu finìu? Ni sparamu tra nuatri? (va a nascondersi dietro il maresciallo) Maresciallo m’arristau? E ora m’addifinnissi!
Carmelu Lanterna: Veramenti ti miritassi ca ti lassu a manu di Francu...
Santu u scarparu: Aiutu! Auh mancu d’a liggi unu si po’ fidari! Cocimu fermulu!
Cocimu: A chi ti fici ciauru di fissa?
Turi d'o ciospu: Mi fa diri a testa ca ci haia pinsari iù... Francu!
Zu Francu u Principi: Chi c’è?
Turi d'o ciospu: T’a pozzu offriri na buttigghia?
Zu Francu u Principi: Na coca cola, grazii...
Turi d'o ciospu: E veni cca a pigghiaritilla...
Zu Francu u Principi: A chi ti pari ca sugnu scemu? Iù mi furriu e chiddi mi sparunu...! Dammilla accussì...
Turi d'o ciospu: E va beni... comu dici tu... (assesta un colpo di bottiglia di coca cola, vuota ma verniciata di nero per sembrare piena, in testa a Francu) Il signore è servito... offre la ditta!
Zu Francu u Principi: (Sviene e cade a terra)
Carmelu Lanterna: Cocimu pigghia ssa pistola e ma porti a mia, Turi pigghia i manetti e attacca a tutti e dui...

VIII
Agatuccia: (entrando dal lato opposto a Carmelu e Santu) Ma chi sta succidennu?
Cammilina: Chi fu?
Santu u scarparu: Mizzica... ora n’apprufittu (scappa in senso contrario alle ultime uscite tentando di passare in mezzo)
Agatuccia: (intuendo l’intenzione di Santo tende il piede) Attia!
Cammilina: (idem come Agatuccia) Unni vai?
Carmelu Lanterna: (corre ad ammanettare Santu) Grazie signorine, siti megghiu di na squadra di carrabbineri!
Santu u scarparu: Non c’è chiù munnu! Macari sti signi si ci misuru ‘nto menzu!
Agatuccia: A ccui signa?
Cammilina: Marasciallu, n’u lassassi a nuatri pi un quartu d’ura ca ci u turnamu fattu a puppetti!
Carmelu Lanterna: Bella pinsata... pigghiatavillu, pinsatici vuatri...
Santu u scarparu: Auh! Chi stamu schizzannu? Sugnu a manu d’a liggi? E allura puttatimi intra ca almenu staiu chiù sicuru... cca c’è piriculu d’appizzarici a peddi! (trascina via il maresciallo) Ah, e a Francu puttatulu ‘nta n’autru carciri... non facemu ca m’u mittiti assemi ccu mia?
Turi d'o ciospu: Curaggiu Cocimu l’ultimu sforzu p’aoggi e poi sbagnamu...
Cocimu: Si si ... ma senza coca cola... staiu vidennu a ca a Francu ci ittau troppu pisanti...
(Mentre Cocimu e Turi portano via Francu svenuto si chiude il sipario)


FINE




Turi d’o ciospu

Plebiscito – Monfalcone 1 pari

Turi d’o ciospu - Ristoratore
Cocimu - Garzone
Iaffiu Llalla – Ragazzo mammurianu
Helfy - Ragazzo monfiano
Concy - Ragazza monfiana
Concy - Ragazza mammuriana

Scena: Piazza. Chiosco al centro; sullo sfondo il prospetto di un palazzo, a sinistra e a destra si esce dalla piazza o attraverso le quinte, o attraverso degli archi su colonne.


I
Turi d'o ciospu: (armeggia con bottiglie e bicchieri) Tom Cruis fici u film Cocchittail? e Turi fa u film Ciosputtail! (fa roteare in aria le bottiglie che finiscono miseramente a terra, con rumore di vetri rotti, o tenendo una latta sotto il banco del chiosco o facendo cadere le bottiglie in una cassetta imbottita a terra e producendo da fuori il rumore dei vetri rotti) ... mizzica... e menu mali ca non mi visti nuddu! ... autru ca Tom Crùis... ma prima o dopu mi ‘mparu, com’è veru ca mi chiamu Turi d’o ciospu!
Cocimu: E non mi diciti chiù di purtari cafè a domiciliu picchì sennò sfarfallu!
Turi d'o ciospu: (facendo finta di niente) Cocimu a facisti a cunsegna? Cca stava facennu un pocu di pulizia...
Cocimu: Si si... u ‘ntisi d’o scrusciu ca si sta puliziannu n’autra pocu di buttigghi... ora vo’ ghiettu i vitra rutti...
Turi d'o ciospu: A vulemu finiri ccu ssa storia ca iù rumpu i buttigghi?
Cocimu: ...e non sulu...
Turi d'o ciospu: lassa ca m’allenu bonu e u viri comu i fazzu girari i buttigghi!
Cocimu: Vabbeni, si... però no frattempu non mi mannassi chiù a purtari cafè ‘nto circulu di l’operai picchì se no mi licenziu ppi subbitu! Chiddi si ca sanu fari girari ... i buttigghi!
Turi d'o ciospu: Ma chi fu non ti trattaru bonu?
Cocimu: Non mi trattaru bonu? Mi ficiuru stari na pezza! Trasu ch’e cafè e ppi prima cosa accuminciunu a lamintarisi picchì era tardu e sicuramenti erunu friddi...
Turi d'o ciospu: ...e vabbè su’ vicchiareddi e si lamentunu tantu ppi lamintarisi...
Cocimu: Aspittassi, s’a facissi cuntari tutta: prima cosa ca si lamintaru senza ca ancora l’avunu assaggiatu... appoi cuminciaru a fari pulemica ppo zzuccuru...
Turi d'o ciospu: Ma picchì non ci u purtasti?
Cocimu: Comu no? Sulu ca, dici, siccomu su tutti cco diabeti vulevunu u zuccuru chiddu d’a farmacia...
Turi d'o ciospu: ...ca costa chiossai d’o cafè...
Cocimu: ...appuntu... dopo di chissu ci fu u fattu d’e cucchiarini
Turi d'o ciospu: Non ci purtasti!
Cocimu: C’i purtai, sulu ca vulevunu chiddi ‘mpacchittati a unu a unu...
Turi d'o ciospu: E non ci l’avemu?
Cocimu: Si, ma siccomu zuccuru non ci ni misuru iù non ci n’hava datu, iddi però ficiuru pulemica picchì dici ca erunu pavati e macari ca ne usaunu i vulevunu, iù tornu no muturinu, ci pigghiu, ci dugnu e iddi a fari pulemica picchì non potturu arriminari u cafè... insomma alla fini, a ura di pavari, si prisintaru tutti cu i carti di centu euru...
Turi d'o ciospu: generosi...
Cocimu: ...’mbrugghiunazzi! C’a scusa d’e sordi sani e ca iù non ci aveva u restu, dici di signari a cuntu ca poi paunu tuttu ‘nta na vota... u capìu chi bella cumpagnia spaccamattuna?
Turi d'o ciospu: In buona sostanza, comu dici u proverbiu...
Cocimu: ...nuttata persa e figghiu babbu! Chissi sunu cafè ca n’e paunu mancu fra tri anni!
Turi d'o ciospu: Comunqui, voli diri ca a prossima vota ci dicu ca s’u volunu u cafè s’u venunu a pigghairi cca.
Cocimu: Bravu! E pavunu prima di cunsumari...
Turi d'o ciospu: ...e già! Se no chissi oltri ca u cafè cunsumunu macari a mia...

II
Iaffiu Llalla: Concy, chi fa t’u pigghi un scioppinu di birra?
Concy Mammuriana: Chi vivu birra cca panza leggia?
Iaffiu Llalla: Comu a panza leggia? Si stamu vinennu ora ora d’a quadara?
Concy Mammuriana: E chi è mangiari chiddu? Mancu na vaschetta di quarumi, ca appoi l’ultimu pezzu c’u offrii a Simonuccia a vita mia...
Iaffiu Llalla: Però macari tu a darici u megghiu pezzu di quarumi a to cucina...
Concy Mammuriana: ...ma chidda è a vita mia!
Iaffiu Llalla: ...si però iavi du annuzzi...
Concy Mammuriana: E chi voli diri? Non mangiunu macari i picciriddi?
Iaffiu Llalla: Chissacciu? Essennu na picciridda avissa mangiari cosi di picciriddi...
Concy Mammuriana: E difatti a quarumi ci a desi no menzu di du viscotta al plasmon...
Iaffiu Llalla: Mammoriri maomà! Iù di picciridi non ni capisciu nenti!
Concy Mammuriana: E’ picchì si masculu, chi n’ha capiri tu? Allura chi mi offri?
Iaffiu Llalla: Mammoriri maomà! Iù macari non ti capisciu... Ti dissi si voi na birra e mi dicisti no... ora voi na cosa... non mi fari cunfunniri!
Concy Mammuriana: Mammoriri maomà! Mancu u sacciu picchì mi misi cu ttia... dammi na cocco cola, va’ accussì arruttu...
Iaffiu Llalla: Zu Turi na cocco cola ppi Concy e menza birra ppi mia...
Turi d'o ciospu: E menu mali ca v’addicidistuvu... Cocimu pigghia a birra... signorina a coca cola a voli c’u limoni?
Concy Mammuriana: E chi ci passi ca mi doli u stomucu? Ma talia a chistu va’... Iaffiu... ma non ci n’erunu autri ciospi?
Iaffiu Llalla: Ma comu? U ciospu d’u zu Turi, mammoriri maomà, è u megghiu di tuttu u quarteri!
Concy Mammuriana: Mah... chi sacciu ... u limoni ...
Cocimu: Zu Turi allura a chiddu d’a birra mancu ci u dumannu si voli sali e limoni...
Turi d'o ciospu: Lassa perdiri... accaluoti appoi ci pari ca u stamu pigghiannu ppi fissa... anzi daccilla direttamenti ‘nta buttigghia e non ci livari mancu u pruvulazzu camasennò ci cangia u sapuri e non ci piaci...
Iaffiu Llalla: Concy, ma picchì andura dicisti ca non sai picchì ti mittisti ccu mia?
Concy Mammuriana: Iaffiu: na carusa comu a mia n’o capisci ca voli un principi azzurru? Tu certi voti no o principi... m’assumigghi a Gargamella... chiddu d’e buffi...
Iaffiu Llalla: Avaia, Concy... chi fa t’u scurdasti quannu ni canuscemu? Chi sirata romantica! Erumu o lungomari di ognina...
Concy Mammuriana: ...davanti o camiu d’e panini...
Iaffiu Llalla: ...iù era cca me cumpagnìa, n’auma pigghiatu un bellu paninu cco vustel, a porchetta, u pumaroru, l’ovu frittu e i patatini, cekap e maionesi...
Concy Mammuriana: ...ti scuddasti i cipuddi c’acitu e a ‘nsalata russa...
Iaffiu Llalla: ...e chi voi? Era talmenti ‘mprissiunatu di tia ca mancu u visti chi ci misi ‘nto paninu...
Concy Mammuriana: u pipi spezzi...
Iaffiu Llalla: ...chi dici?
Concy Mammuriana: ...ca ci mittisti macari u pipispezzi... comunqui iù macari ti taliava, era ch’e me cumpagni, Concy, Concy, e Concy...
Iaffiu Llalla: Ma vi chiamauvu tutti Concy?
Concy Mammuriana: Chi centra? E’ un dimintivu... erumu iù Cuncetta e quindi Concy, Giusippina tri oru tri oru ca u ti di oru n’a tombula ch’e carti ciciliani si chiama peri c’on ci apperica ‘nto mari autu diminutivo ... periconci.. e quindi Concy, appoi c’era Valentina chidda rossa ca cci diciunu Baconci... e quindi Concy, e l’uttima era Luana, chidda ca pigghia sempri cuntraminzioni...
Iaffiu Llalla: ...e chi centra Concy allura?
Concy Mammuriana: ...centra! Picchi pigghiannu sempri cuntraminzioni u vaddia ci diceva sempri:Concilia? E ci arristau u pecchiru “Concilia” ...e quindi...
Iaffiu Llalla: ...Concy...
Concy Mammuriana: Chi voi vita mia?
Iaffiu Llalla: ...no dicu a chiamauvu Concy macari a idda...
Concy Mammuriana: ..m’ava passu ca mi stavi dicennu qualche cosa di duci duci...
Iaffiu Llalla: E chi ci voli? Pi chissu ha mancari? ...na cosa duci... dunqui... a bioscia!
Concy Mammuriana: Avah... Iaffiu... chiù duci!
Iaffiu Llalla: ...a bioscia cco zuccuru... comu cci vaiu?
Concy Mammuriana: Lassa perdiri ca non è cosa to... u vidi ca haiu ragiuni ca u principi azzurru ancora non l’haia attruvatu?
Iaffiu Llalla: A chi va ciccannu u principi azzurru? Un pagghiazzu cco pigiama e ch’è capiddi longhi... talia a mia ... iù sugnu u to principi azzurru... amuninni va’ ca ti pottu a passiari a via Etnea e si mi dici a testa stasira ni nni iemu macari a bballari...
Concy Mammuriana: Si amuninni... però s’hama ghiri a bballari m’haia mettiri daccordu ccu Concy...
Iaffiu Llalla: E picchì? N’hama puttari macari a idda?
Concy Mammuriana: Chi centra? E’ ppi quantu ci dicu a me patri ca dommu ni Concy e si iddu talefuna idda ci dici ca sugnu o bagnu o staiu dummennu... se no comu ci vegnu a bballari?
Iaffiu Llalla: Ragiuni hai... amuninni
Turi d'o ciospu: Scusatimi... nenti vi stati scuddannu?
Iaffiu Llalla: Mi pari di no... Concy tu vidi si ti scuddasti a borsetta o solitu to...
Concy Mammuriana: Ca quannu mai? Cca ci l’haiu... Amuninni va’ t’u dissi ca stu ciospu non mi piaci...
Iaffiu Llalla: Salutamu...
Turi d'o ciospu: Senti o figghiu, va beni salutamu... ma “pavamu”... no?
Iaffiu Llalla: Bih... m’u stava scuddannu...
Turi d'o ciospu: ...sunu tri euru...
Iaffiu Llalla: aspetta ca videmu... (controlla le tasche e non trova niente) Mizzica... ci haiu sulu soddi sani...
Cocimu: Chissu hava aviri parenti o circulu... sicuru...
Turi d'o ciospu: E non ti preoccupari ca i scanciamu...
Concy Mammuriana: Mi chi sta facennu ppi tri euru... tinissa ddocu (li sbatte sul bancone)
Iaffiu Llalla: (riprendendo le monete e restituendole a Concy) Chi centra? Si ti dissi ca offru iù... (continua a cercare senza trovare)
Concy Mammuriana: (risbatte i soldi sul bancone) Ti dissi amuninni
Iaffiu Llalla: (riparte per riprendere le monete)
Turi d'o ciospu: (anticipa Iaffiu e intasca le monete) Sintiti, vuatri aviti na vita davanti ppi discurriravilla... iù intantu m’i pavu a cunsumazioni, vuatri spurugghiativilla...
Concy Mammuriana: Amuninni Iaffiu... (mentre si gira) ,...mottu di fami...
Iaffiu Llalla: (mentre si gira) ...chi genti pirucchiusa ca ci su...

III
Cocimu: Zu Turi, iù nesciu e i pigghiu a pirati a tutti e dui...
Turi d'o ciospu: Lassici perdiri... dici u proverbiu: a lavarici a testa o sceccu si cci perdi tempu, acqua e sapuni...
Cocimu: Ma du carusi accussì... ca a gnuranza si ci po scurciari cco cuteddu...
Turi d'o ciospu: E chi ci voi fari? U munnu è bellu picchì è variu ... talia a sti dui ca stanu arrivannu u vidi inveci chi su fini?
Helphy: (sia Helphy che Concy monfiana parlano con le vocali aperte e la cadenza annoiata dei figli di papà) Vieni Concy... prendiamoci una cosa...
Concy Monfiana: Antico... ma dove mi hai portata? Non ti piacevano i bar di via Monfy?
Helphy: Ma non sei stanca sempre delle solite facce, delle solite cose? Qua sulla via Plebiscito c’è più senso di avventura, di rischio... mi faccio un pieno di l’adrenalina...
Cocimu: ...m’ha scusari... ma di ssa cosa ca dissa lei non n’avemu...
Helphy: Hai visto Concy? Quant’è simpatico questo zotico?
Concy Monfiana: Si si! Hai ragione... sembra un mao mao...
Cocimu: Zzu Turi ma chi stanu parrannui ppi mia? Ora nesciu e i pigghiu a pirati a tutti e dui...
Turi d'o ciospu: Ma comu si ca perdi subbitu a pacenzia? Su ddu poviri fighi di papà... chi vo fari? Muzzanteddi crisciunu intra l’appartamenti comu i polli d’allevamentu e poi quannu nesciunu sunu spaisati...
Concy Monfiana: Ma Helphy... ci possiamo fidare della pulizia di qui?
Cocimu: Ma chi centra a pulizia? Chi v’arrubbaru u pattafogghiu?
Helphy: Lo senti? Lo senti? Ma che simpaticone...
Concy Monfiana: Si nella sua ignoranza alla fine ha qualcosa di tenero...
Cocimu: Teneru? E chi ci passi na fedda di carni di vitiddina?
Concy Monfiana: Ma senti, Helphy... visto che mi hai portata qui, perchè non facciamo qualcosa di trasgressivo?
Helphy: Tipo?
Concy Monfiana: Di sicuro qua sono tutti spacciatori... compriamo un po di fumo...
Helphy: Hai ragione! E siccome sabato al compleanno ancora non abbiamo pensato a un regalino, gli facciamo un pacchettino a ogni invitato...
Concy Monfiana: Forte! Vai ... vai...
Helphy: (chiama cofidenzialmente Cosimo) ‘Mbare... per avere un po di fumo che bisogna fare?
Cocimu: (lo guarda interdetto, guarda Turi che se la ride e poi esce da sotto il banco un mazzo di chiavi di motorino) Vadda chi fai o frati... ddocu arreri c’è u me muturinu...
Helphy: ...apro il bauletto e prendo tutto il fumo che voglio?
Cocimu: Ca quali? Vai ‘nto me muturinu, u metti a motu... e t’allippi ‘nta marmitta: ha vogghia a fumu... scarburatu ppi comu è...
Helphy: Ma...?
Cocimu: Ma ppi ccu ni scanciasti, sciamunitu? Zu Turi pozzu nesciri e u pigghiu a cauci?
Turi d'o ciospu: Ti dissi di non ci dari cuntu, lassa fari a mia. Carosi, che vi prendete? Una vippita o qualche cosa di arrusicare?
Concy Monfiana: Helphy hai ragione, qui è meglio di fare una gita in Sud America... c’è ancora gente allo stato primitivo!
Turi d'o ciospu: Mi scosassi signurina, ma a vuliti qualche cosa o vi pari ca semu o zoo?
Cocimu: T’u dissi ca a chissi ddocu ci passimu i scimmii d’a villa...
Concy Monfiana: Ce l’avete il kebab?
Cocimu: Chi è ssu cosu?
Helphy: Ci faccia due paninazzi...
Cocimu: Ma comu parrunu chisti?
Turi d'o ciospu: Di ssi cosi ca diciti vuatri semu momentaneamenti sprovvisti... non lo so qualche autra cosa? Da bere per esempiu?
Concy Monfiana: Me lo fa un Bloody Mary?
Cocimu: U brodu di mari? E chi semu a Trizza?
Helphy: Due Margarita?
Cocimu: ‘Nto ciuraru! Ma cosi normali non ni pigghiati vuatri?
Turi d'o ciospu: Insomma vinistuvu ‘nto ciospu hata addumannari cosi di ciospu, no?
Helphy: Faccia lei, ci dia qualcosa di tipico di questi posti pittoreschi...
Turi d'o ciospu: Fazzu iù? E va beni!
Concy Monfiana: Helphy: com’è eccitante stare qui... era da tempo che non mi facevi vivere una avventura così!
Helphy: E dire che siamo insieme da un sacco di tempo... saranno almeno... quanto? Due... due e mezzo...?
Concy Monfiana: Tre! Sono tre giorni precisi che siamo insieme... ti ricordi quando ci siamo conosciuti?
Helphy: E come me lo posso dimenticare... mi sembra l’altro ieri! Eravamo davanti al banco bar del ristorante Parco dei Re Borboni... quello carinissimo, che fanno il pane cunzato imitazione putia, a venticinque euro alla fetta...
Concy Monfiana: Già; tu eri con i tuoi amici e facevi finta che non mi vedevi ma si capiva che ti piacevo, noi le capiamo queste cose... si vedeva da come sbagliavi a dare i soldi al barista stavi offrendo tu e invece di settantacinque euro ne hai tirati fuori settecentocinquanta...
Helphy: Già... tu eri la più bella della compagnìa, tra le tue amiche ti vedevi solo tu...
Turi d'o ciospu: Ecco qua: tamarindo c’o bicarbonatu ppo signurinu e sciapagninu ppa signurina... addubbamuni...
Cocimu: ...’nto cannarozzu fausu!
Turi d'o ciospu: Cocimu!
Cocimu: Non ci pozzu fari nenti: mi fanu malusangu!
Concy Monfiana: Mi sembra che siano passati pochi giorni... eravamo io, Vale, Stefy, Rosy e Giuny...
Helphy: una bella compagnìa... tutti nomi trendy...
Concy Monfiana: Vabbè... tutti diminutivi vezzeggiativi... Io sono Concy perchè mi chiamo Concetta... ma è un nome vecchio... Vale la chiamiamo così perchè porta sempre un sacco di gioielli addosso, per dire: Vale assai... ma in realtà si chiama Concetta, nome vecchio! Stefy la chiamiamo così perchè è nata la notte di Santo Stefano... ma in realtà si chiama Concetta , nome vecchio! Rosy è perchè gli piace mangiare e rosica sempre... ma di fatto si chiama Concetta, nome vecchio! E Giuny la chiamiamo così perchè ha i labbroni grossi: un fungiuni va’... ma poi si chiama Concetta... nome vecchio!
Cocimu: Scusimi: ma tutti Cuncetta vi chiamati?
Concy Monfiana: Ma tu che vuoi? Antico! Le mie amiche sono le mie sorelline ine ine ine... e guai a chi le tocca!
Cocimu: E cu parra?
Concy Monfiana: Helphy! E non gli dici niente a questo?
Helphy: Si. Ora gli dico qualche cosa: (chiede a Cocimu di avvicinarsi facendo segno col dito e parla confidenzialmente con lui) Quanto debbo?
Cocimu: Tri euru... m’hava parsu ca avevi qualche cosa di diri!
Helphy: Dire? E che dovrei dire? (poi ad alta voce per farsi sentire): A chi sacciu? Concy, qui bisogna sapersi fare rispettare....

IV
Iaffiu Llalla: (a concy mammuriana che lo segue) Concy!
Concy Monfiana: Si? Che fa ci conosciamo?
Concy Mammuriana: Senti, sciollira: lassa stari a Iaffiu se no ti straformu a facci a ghiangati!
Concy Monfiana: Helphy, ma la senti? Dille qualche cosa! Se no (freme) la graffio tutta!
Iaffiu Llalla: Ah... ah... ah... non sbagghiamu a parrari ca a Concy non si tocca!
Concy Mammuriana: (a sfottere) Matri! Staiu ttrimannu tutta!
Helphy: Senti zoticone vedi che a Concy ci basto io, va bene?
Iaffiu Llalla: Ora ci abbiu na sputazzata ca ci ‘ntuppu n’occhiu... polletto: occhiu a comu parramu!
Concy Mammuriana: E non niscemu d’o siminatu ca cca di Concy ci n’è una e Iaffiu m’abbasta e m’avanza!
Concy Monfiana: (intuendo) Oh! Che disguido!
Concy Mammuriana: Attia, accura ch’e mali paroli ca se no a casa ti ci arricogghi ‘nta quattru voti!
Iaffiu Llalla: Brava Concy! Accussi si parra! Talè a sti figghi ‘i papà... mi fanu un malusangu...
Helphy: Ma allora devo per forza usare la violenza!
Iaffiu Llalla: A violenza? Tu? Ma unni ha ghiri cu ssi peri chini di caddi?
Concy Monfiana: Ma vi dico che c’è stato un disguido!
Concy Mammuriana: E ci tonna ch’e mali paroli...!
Helphy: Ignorante: disguido vuol dire incomprensione, qui pro quo... ma comprati lo Zingarelli!
Concy Mammuriana: Auh! Zingarelli a nuautri non n’u dici va beni? Stu mortu di fami! Ma tu u sai cu su i cristiani?
Helphy: Non sparei... quelli che la domenica vanno a messa?
Iaffiu Llalla: E fa macari i battuti... dici Concy...
Helphy: Veramente Concy non ha detto niente...
Concy Monfiana: Ma è mezz’ora che cerco di dirvelo... Concy siamo due... ci chiamiamo tutte e due Concy... Capito?
Iaffiu Llalla: Veru è Concy?
Concy Mammuriana: Iù pozzu parrari ppi mia...
Helphy: E’ vero Concy?
Concy Monfiana: Ma si non l’avete capito? Sia io che lei ci chiamiamo Concy... tutto qui...
Concy Mammuriana: Allura non c’è bisognu ca ni sciarriamu?
Helphy: Certo che no...
Iaffiu Llalla: Piccatu... a me aoggi mi mangiaunu i manu...
Concy Mammuriana: A propositu di mangiari, non hauma vinutu ppi mangiarini qualche cosa?
Iaffiu Llalla: Ca si sti dui non si mittevunu nto menzu...
Helphy: Anche noi eravamo venuti per mangiare... ma non hanno Kebab... non hanno paninazzi...
Iaffiu Llalla: Si però non tonn’a accuminciamu ch’e mali paroli...
Concy Monfiana: Dice Helphy...
Concy Mammuriana: Comu si chiama u to zitu? Effi? Iavi un nomu cu na lettira sula... e so patri comu si chiama... Ggi oppuri Elli?
Helphy: Helphy, non per essere puntiglioso, è un diminutivo di Alfio...
Concy Monfiana: ...che è un nome vecchio...
Concy Mammuriana: Picchì chi ci avissa a diri a Iaffiu?
Concy Monfiana: E che fa ricominciamo? E poi saranno o no fatti nostri?
Iaffiu Llalla: No su macari fatti nostri, iù mi chiamu Affiu!
Helphy: Ma che coincidenza! Ci chiamiamo anche noi uguali...
Iaffiu Llalla: Avanti ora non facemu troppu puppetti...
Concy Mammuriana: Però chi cosa streusa: Iaffiu e Concy, Iaffiu e Concy...
Helphy: Helphy... prego...
Iaffiu Llalla: Effy effy va beni... comunqui ora ca ni spiegamu chi vulemu fari? Concy... a mè, ni l’hama pigghiari ssa cosa?
Concy Mammuriana: Certu. Però non essiri accussì zzaurdu ccu ssi carusi... in funnu in funnu non sunu mali mali...
Helphy: Grazie. Anche tu in fondo sei simpatica...
Iaffiu Llalla: Iù haiu a ‘mprissioni ca ci su petri ‘nta linticchia...
Concy Monfiana: E che vuol dire? Hai visto, Helphy che espressioni colorite... simpatico questo Alfio... rude ma simpatico
Iaffiu Llalla: Petri ‘nta linticchia... va... comu si po’ diri? Fetu d’abbruciatu...
Helphy: Ci capisco ancora meno...
Concy Mammuriana: No, Helphy u sai chi voli diri...ca havi l’impressioni ca c’è qualche cosa ca non va... ma non ti fari ‘mprissinuari è ca Iaffiu è un pocu gilusu di mia...
Concy Monfiana: Che bello! Helphy... tu non sei geloso di me... non mi fai sentire preziosa... (a Concy Mammuriana) Sei fortunata tu ad avere Alfio per fidanzato...
Iaffiu Llalla: ...modestamenti a parti, iù ppi gilusia fussi capaci di mangiarici u ficutu, a cu mi tocca a Concy!
Concy Mammuriana: Vadda Concy... punti di vista... secunnu me si futtunata tu ca hai a Effy ca è ‘ncarusu dilicatu e sensibbili...
Helphy: ...almeno qualcuno si accorge delle mie qualità...
Iaffiu Llalla: E iù tonnu arrebblicu ca l’aria non è netta...
Concy Monfiana: Alfio, perchè non gli insegni a Helphy a essere un poco come te?
Helphy: Ma Concy... che dici? Te l’immagini se io fossi come lui?
Concy Monfiana: (sospirando) E certo che me lo immagino...
Iaffiu Llalla: Ma picchì chi ci vulissi diri? Non sugnu bonu?
Helphy: Per carità... solo che ... vedi... siamo di due mondi diversi... per esempio... quando io telefono a Concy la chiamo cuccy cuccy... tu invece?
Iaffiu Llalla: ...putra!
Concy Monfiana: Che romantico!
Concy Mammuriana: ...’nsumma...
Helphy: Quando siamo in compagnia la chiamo amoruccio...
Iaffiu Llalla: ...iù anveci: attìa fimmina...
Concy Monfiana: Macho!
Concy Mammuriana: ...zzaurdu...
Helphy: E quando la vado a prendere mi faccio prestare la macchina da mio padre, quella nuova con l’aria condizionata e i sedili in pelle...
Iaffiu Llalla: Iù ci vaiu cu l’Esse Acca 300, cu me frati Micheli ‘nto menzu e tutti e tri senza cascu... e cacciamu!!!
Concy Monfiana: Avventuroso!
Concy Mammuriana: ...’nsumma assittata supra u parafangu...
Helphy: Quando sono sotto casa le mando un sms con un cuoricino disegnato e lei sa che sono sotto ad aspettarla
Iaffiu Llalla: Iù ssi soddi di l’sms non ci spennu picchì accuminciu a sunari u campanellu d’o muturinu a pattiri d’a via Plebiscitu fina a sutta a so casa e già idda sapi ca sugnu dda sutta...
Concy Mammuriana: ...si e u sapi macari tutu u quarteri!
Concy Monfiana: spettacolare!
Helphy: Per San Valentino porterò Concy al ristorante e gli regalerò una rosa e prima di tornare a casa un anellino di brillanti...
Iaffiu Llalla: Nuatri ppi San Valentinu ni lassamu accussì arrisparmiamu i soddi d’e riali e poi ni facemu ziti tri ghiorna dopu...
Concy Monfiana: Originale!
Concy Mammuriana: ...pricchiu...
Helphy: Il sabato sera a Concy la porto prima al ristorante e poi in discoteca a Taormina, siccome siamo stanchi prendiamo un taxi e la riaccompagno a casa.
Iaffiu Llalla: Nuatri o sabutu ni pigghiamu un paninu a stazioni, iemu a discoteca, n’acchiappamu cco buttafuori ca non ni fa trasiri e facemu succediri u finimunnu, appoi, quannu i vaddia ni lassunu iri, ni pigghiamu n’autru paninu e giostri e a Concy a pottu a casa ca a matina addoppu m’haia susiri prestu ca ahia puttari u cavaddu a curriri o viali dell’amori...
Concy Monfiana: Col cavallo nel viale dell’amore: che romanticismo...
Concy Mammuriana: ... eppoi s’appresenta a manzionnu sudatu, chinu di pruvulazzu e ca fa fetu di stadda...
Concy Monfiana: Helphy... ti devo dire una cosa...
Concy Mammuriana: Iaffiu, veni cca di latu ca t’haia a parrari...
Concy Monfiana: Ti devo dire che sto sentendo il desiderio di fare nuove esperienze...
Helphy: Tipo pausa di riflessione?
Concy Mammuriana: Havi un periudu ca mi sentu stritta stritta...
Iaffiu Llalla: ...e accattiti i robbi chiù lagghi... sarà ca ha ‘ngrassatu..
Concy Monfiana: Esatto... se ci prendessimo una pausa di riflessione cosa ne pensi?
Helphy: Beh... potrebbe fare bene al nostro rapporto...
Concy Mammuriana: Vulissi canusciri... vidiri autri cosi...
Iaffiu Llalla: E picchì non ti fai l’ucchiali? Capaci ca ti mancunu i gradi...
Concy Mammuriana: ...taliari cchiù luntanu...
Iaffiu Llalla: ... chi sacciu... t’accattu un cannucchiali...
Concy Monfiana: Allora è deciso. Magari per tornare a casa chiedo un passaggio a Alfio...
Helphy: Ma è impegnato con la sua Concy...
Concy Monfiana: Se il mio intuito non mi inganna... a Concy la devi accompagnare tu ...
Helphy: Ma che dici?
Concy Monfiana: Fidati...
Concy Mammuriana: Iaffiu... t’u dicu chiù chiaru: iù vogghiu ca ni lassamu!
Iaffiu Llalla: Accussì? A ‘ntrasatta?
Concy Mammuriana: Mi sentu chiusa ‘nta na iaggia...
Iaffiu Llalla: A chi eri na cardidda? Senti... non facemu ca canuscisti a quacchedunu autru?
Concy Mammuriana: No... chi dici? Ma comu ti veni ‘nta testa? Sulu ca haiu bisognu di aria, di tempu ppi mia...
Iaffiu Llalla: Boh? E cu ti capisci? Ma viri ca si c’è quacchedunu autru e tu m’a fattu i conna addiventu na bestia!
Concy Mammuriana: Ti dissi stai tranquillu, però lassamini!
Iaffiu Llalla: Ti vo lassu a casa...
Concy Mammuriana: Veramenti hava pinsatu...
Concy Monfiana: Alfio... scusa ... potresti acocompagnarmi a casa?
Iaffiu Llalla: ..ma veramenti...
Concy Monfiana: Siccome con Helphy ci siamo presi una pausa... che fa mi potresti riaccompagnare tu?
Iaffiu Llalla: ...e ma Concy...
Concy Mammuriana: ..e casumai a me m’accumpagna Effy... chi dici Effy mi poi accumpagnari?
Helphy: ...ma per me a disposizione ma...
Iaffiu Llalla: Senti Effy non fari u priziusu... non sulu ca lassasti a to zzita ora macari vulissi lassari chidda me a pedi? Avanti dacci ssu passaggiu e m’arraccumanu...!
Helphy: Se me lo chiedi tu... Concy... prego di qua... (escono)
Concy Monfiana: E tu il motorino dove ce l’hai?
Iaffiu Llalla: a dda mmeri...
Concy Monfiana: e allora dai... accompagnami...
Iaffiu Llalla: E amuninni... ma talia chi finìu bedda aoggi...! (escono, nel frattempo osserva Concy) mah... forsi forsi n’o canciu ci varagnai...

V
Turi d'o ciospu: Mi n’haia vistu cinima... ma comu a chissu mai!
Cocimu: Ma n’o capii... arrivaru accuppiati e si ni eru scuppiati?
Turi d'o ciospu: Chissi scuppiati c’erunu di prima... scuppiati ‘nto ciriveddu!
Cocimu: E lei ca mi diceva ca i figghi ‘i papà erunu megghiu di chiddi d’o quarteri...
Turi d'o ciospu: Ddocu hai ragiuni tu: su tutti na fatta! Iù m’avissa iucato zoccu è ghiè ca ca i carusi di quarteri erunu chiù sani di l’autri ma mi passi ca alla fini s’assumigghiunu assai...
Cocimu: D’autri polletti... N’o sanu mancu iddi chi è ca volunu... mi ciccava u fumu... trocati! I margheriti, u brodu di mari ma di unni venunu?
Turi d'o ciospu: Chiddu chi ciccava? I paninazzi?
Cocimu: Boh? Ca sarà ca ‘nta via Monfalconi u pani s’u mangiunu di n’autra manera...
Turi d'o ciospu: Si... s’u mangiunu d’o cozzu... Ca su ssi carusi di oggi ca arrisuttaru difittusi d’a fabbrica...
Cocimu: D’autra chi vuleva? U Kebabb... e chi fussi s’autra nuvità?
Turi d'o ciospu: Ca di comu u dissuru sarà ocche cosa di mangiari...
Cocimu: Kebabb... ma c’ha fari ... kebabb...
Turi d'o ciospu: Comunqui a propositu di Kebabb na cosa a sacciu e sugnu sicuru...
Cocimu: Ah si? E chi è?
Turi d'o ciospu: Ca ch’e babbi è megghiu non ci aviri a chi fari!

FINE



Turi d’o ciospu
A Mafia Cinisi

Turi d’o ciospu - Ristoratore
Cocimu - Garzone
Chin Ku - Mafioso cinese
Kung Jett Uh - Scagnozzo cinese
Agatuccia - Cliente
Cammilina - Cliente
Maresciallu Scilipoti - Carabiniere

Scena: Piazza. Chiosco al centro; sullo sfondo il prospetto di un palazzo, a sinistra e a destra si esce dalla piazza o attraverso le quinte, o attraverso degli archi su colonne.


I
Turi d'o ciospu: (armeggia con bottiglie e bicchieri) Tom Cruis fici u film Cocchittail? e Turi fa u film Ciosputtail! (fa roteare in aria le bottiglie che finiscono miseramente a terra, con rumore di vetri rotti, o tenendo una latta sotto il banco del chiosco o facendo cadere le bottiglie in una cassetta imbottita a terra e producendo da fuori il rumore dei vetri rotti) ... mizzica... e menu mali ca non mi visti nuddu autru ca Tom Crùis... ma prima o dopu mi ‘mparu, com’è veru ca mi chiamu Turi d’o ciospu!
Maresciallu Scilipoti: Turi... mi fa diri a testa ca hava interveniri a liggi...
Turi d'o ciospu: Maresciallu, chi visti?
Maresciallu Scilipoti: Si a postu cc’a licenza?
Turi d'o ciospu: ...e si capisci!
Maresciallu Scilipoti: Distribuzione di bevande?
Turi d'o ciospu: A postu.
Maresciallu Scilipoti: Permesso per alcolici?
Turi d'o ciospu: A postu.
Maresciallu Scilipoti: Distribuzioni cibi cotti e confezionati?
Turi d'o ciospu: A postu.
Maresciallu Scilipoti: Spasciu di buttigghi rutti?
Turi d'o ciospu: A pos... chi dici?
Maresciallu Scilipoti: Di quantu buttighi rumpi o iornu, ci voli un cuntrattu per smaltimento di rifiuti speciali....
Turi d'o ciospu: Marasciallu: non si ci mittissi macare lei! Non sulu ca mi ‘ncuttùmu ca non sugnu capaci? Pi cummogghiu ci manca sulu a cuntraminzioni!
Maresciallu Scilipoti: Ma, scherzi a parti, picchì non ci levi manu e cerchi di fari bonu u to travagghiu ca ggià è abbastanza ?
Turi d'o ciospu: E si vidi ca lei, cu rispettu parrannu, è carrabbineri!
Maresciallu Scilipoti: Prima inquinamentu ambientali e ora offesa a pubblicu ufficiali?
Turi d'o ciospu: Chi centra? Sulu vogghiu diri ca lei non cunsidira ca si iù mi ‘mparu a fari furriari i buttigghi comu a Tom Cuisi ‘nto film appoi è tuttu di calata: a genti u vidi, si passa a vuci, s’arricogghiunu a centu a centu, poi a vuci s’allarga, arrivunu macari di Londra... di Nova Yocchi, di Pachinu...
Maresciallu Scilipoti: Mih! Hava arrivatu ‘nta Merica e ti ni tunnasti a Siracusa?
Turi d'o ciospu: Chi centra Siracusa? Pachinu... ‘nta Cina!
Maresciallu Scilipoti: A Pachinu fanu i pumaroru... Pechinu vo diri...
Turi d'o ciospu: Ca ddocu unni dici lei... s’arricogghiunu di tuttu u munnu e iù mi fazzu i soddi!
Cocimu: ...si di novu ccu ssa storia... Zù Turi lassassi perdiri ca chiddi s’arricogghiunu di dabbanna u munnu lei lassa curriri na pocu di buttigghi ‘nterra e chiddi p’a delusioni ci sdurrubbunu u ciospu a pirati...
Turi d'o ciospu: Eccu! Cca c’è n’autru disfattista tradizionalista: fussi ppi vuatri u munnu si firmassi! Menu mali ca ci su genti comu a mia ca ancora u fanu furriari...
Cocimu: (sottolineando) I fanu furriari...
Turi d'o ciospu: Chi vulissi diri?
Maresciallu Scilipoti: I buttigghi, dici Cocimu... i buttigghi...
Turi d'o ciospu: Ah! M’hava passu! Comunque arresta u fattu ca siti genti arretrati e retrogradi, ma iù vi fazzu vidiri ca a fama di Turi d’o Ciospu arriva finu a dabbanna u munnu
Cocimu: E di ca a tannu a fami di Cocimu si cogghi c’o saccu!
Turi d'o ciospu: Marasciallu non nu putissi arristari a Cocimu?
Maresciallu Scilipoti: E picchì? Si è lecitu.
Turi d'o ciospu: Ppi spubblicazioni di principali e falsità aggravati!
Cocimu: Ma picchì non è veru ca havi du misi ca non mi duna a misata? Chissu chi è spubblicaizoni o farsità?
Turi d'o ciospu: Non esageriamu... un misi va beni e ppi l’autru fusti tu ca no vulisti...
Cocimu: Zu Turi cuntamuli giusti i cosi! Marasciallu u sapi chi mi dissi? Ti cogghi tutti i cocci d’e buttigghi ti vinni o riciclu e tuttu chidu ca pigghi scuntamu d’o stipendiu... u capisci?
Maresciallu Scilipoti: Turi... Turi... veramenti veramenti è megghiu ca n’e potti avanti ssi paroli! Si voi un cunsigghiu: finiscila di rumpiri buttigghi, fatti u to travagghiu e dacci a misata a ddu muzzanteddu di Cocimu...
Turi d'o ciospu: Accussì v’o finìu! Tutti contra di mia! Ma veni u iornu ca v’addimostru ca haiu ragiuni!
Maresciallu Scilipoti: E quannu veni ssu iornu n’u fa sapiri... avanti salutamu a tutti ca sio fici taddu...
Turi d'o ciospu: E comu accussì si ni va? Nenti si pigghia?
Maresciallu Scilipoti: E pacenzia: ni misimu ca chiacchira e u tempu passau, haiu un appuntamentu a Custura... sempri problemi spuntunu... e ciccamu di darici abbastiu...
Turi d'o ciospu: Mi dispiaci... voli diri ca aprossima vota facemu duppia dosi!
Maresciallu Scilipoti: Vidi ca non m’u scordu! Salutamu
Cocimu: Arrivederci
Turi d'o ciospu: Bona iurnata

II
Cocimu: Allura, chi facemu?
Turi d'o ciospu: Ca chi v’o fari? ’Ntantu va ietta i buttigghi rutti...
Cocimu: (abbassandosi sotto il bancone e tirando fuori uno scatolone enorme) Appuntu... già u tonna a linchìu u scatulu? (facendo fatica a trascinarlo) Auh! Si vidi ca s’a allenatu assai aoggi...
Turi d'o ciospu: Senti: finemula ccu ccu ritornellu ca mi siddiai! Si aviti a testa all’antica e non capiti il sanu rinnovamentu non è cuppa mia! Oh!
Cocimu: (trascinando con fatica lo scatolone fuori) Iddu fa u rinnovamentu sanu e Cocimu carruzzia buttigghi rutti... Mah!
Turi d'o ciospu: (uscito Cocimu è tentato di riprovare con le acrobazie, prende in mano delle bottiglie, fa per iniziare e poi scuotendo la testa lascia perdere) ...non facemu ca appoi hanu ragiuni iddi... p’a oggi lassamu stari...
(silenziosamente, possibilmente vestiti un po all’orientale, entrano Cin Ku e Kung Jet Uh)
Chin Ku: Essele tu Tuli d’u Ciospu?
Turi d'o ciospu: Prego?
Kung Jett Uh: Tu capili o non capili?
Turi d'o ciospu: (titubante) ... quacche pilu l’haiu... ma a vuatri chi vi ‘ntaressa?
Chin Ku: ...non capili...
Kung Jett Uh: ...non capili...
Turi d'o ciospu: ...si ma non ciccamu pila ora... si po sapiri chi vuliti?
Chin Ku: Licominciamo da capo: noi celcale Tuli di Ciospu, essele tu?
Kung Jett Uh: Tu Tuli? Tu di Ciospu?
Turi d'o ciospu: A unu a unu: dunqui a cu circati esattamenti?
Chin Ku: Tuli.
Kung Jett Uh: Pelò..
Turi d'o ciospu: Ma tu sempri di pila parri?
Chin Ku: Plego, ascolta Kung Jett Uh...
Turi d'o ciospu: Comu si chiama?
Chin Ku: Kung Jett Uh!
Turi d'o ciospu: Ah! Cuncettu... allura è di cca d’e nostri parti... allura ni videmu tutti i matini?
Kung Jett Uh: No matini, no palti... io Kung Jett Uh no cuncettu ma: Kung – Jett – Uh... capile?
Turi d'o ciospu: ... e sempri cu sti pila... quindi tu ti chiami Cuncettu però a pizzuddu a pizzuddu... Cuncettu a cambiali... ppi modo di diri Cun Ce ttu...
Chin Ku: Blavo Kung Jett Uh, ma non questo ploblema, ploblema essele: chi è Tuli?
Turi d'o ciospu: Eh... appuntu chi è Tuli? Tulipanu? Tulio De Piscopo...
Kung Jett Uh: Mizzichin! Tuli... Tuli... No Tuli con la elle, ma Tuli con la elle... complendi o non complendi?
Chin Ku: Tu sapele chi èTuli? Tuli con la elle...
Turi d'o ciospu: Aspetta... no ca elli ma ca elli... Pecciò Tuli voli diri Turi... giustu? Turi di Ciospo... cioè Turi d’o Ciospu cioè iù medesimu
Chin Ku: Ah! Allola tu è Tuli!
Turi d'o ciospu: E si capisci! In carni ossa e mandarinettu al limoni...iù sugnu, Ma vuatri inveci ccu ssa parrata strana... a elli a postu da elli... ma di unni siti vuatri?
Chin Ku: Noi Cinis... capili? Cinis...
Turi d'o ciospu: Cìnisi in provincia di Palermu?
Chin Ku: No no no! Cinis... di Cina! Capili?
Turi d'o ciospu: Mizzica! Da Cina? Viniti da Cina?
Kung Jett Uh: Finalmente tu capili!
Turi d'o ciospu: E quindi aveva ragiuni iù! Ancora m’haia a ‘mparari e fari firriari i buttigghi e già sugnu famosu finu ‘nta Cina... Ora avissuru a veniri Cocimu e u marasciallu...
Chin Ku: (allarmato) Malesciallo? E pelchè Malesciallo? No bisogno... no bisogno...
Turi d'o ciospu: Comu? U marasciallu? U primu hava veniri! Autru! Iù ci u dissi ma iddu non mi crideva, ma ora s’hava calari i corna!
Kung Jett Uh: Tu no chiamale Malesciallo, solo dire chi è Tuli di Ciospu e no chiamale Malesciallo...
Turi d'o ciospu: Bravu! Accussì ci u dicu e chiddu non mi cridi! No: ora inveci u chiamu, vuatri vi faciti vidiri e iddu s’ha mangiari tutti i mutuperii ca m’ha dittu! Anzi aspittati ‘n’attimu ca u chiamu. (estrae il cellulare e compone il numero)
(Chin Ku e Kung Jett Uh confabulano tra loro)
Turi d'o ciospu: Prontu? Marasciallu... lassassi stari unni è e vinissi subitu ca ci fazzu vidiri na cosa... importanti certu importanti... vinissi. però subitu... Va beni va beni... cca sugnu ca u spettu. Fozza.
Chin Ku: Tu fale lo spelto ma non finile... noi tolnale...
Kung Jett Uh: Tolnale plesto e tu non fale più spelto...
(entrambi scappano in fretta)
Turi d'o ciospu: Aspetta ... ma unni sati iennu? Fermi fermi se no chiddu non ci cridi ... ma vadda a sti scunchiuduti prima fanu tutta dda strada da Cina finu a cca e poi si nni fuiunu comu e sciamuniti... tunnati cca... vi dissi tunnati ca ora chiddu mi pigghia ppi cretinu a mia...

III
Maresciallu Scilipoti: Turi... ma si po sapiri chi succidìu? Vidi ca lassai na riunioni importanti... chi fu... ocche rapina? ...ocche richiesta di tangenti...?
Turi d'o ciospu: (è impacciato) ...no anzi era... va’ na cosa ca mi passava un piaciri... ma ora vabbè u sacciu comu finisci... lei non ci cridi e spatti si siddìa..
Maresciallu Scilipoti: Non capii na parola, ci cridi?
Cocimu: (ritorna con lo scatolone vuoto) Ora però ci a finemu ch’i buttigghi rutti va beni?
Turi d'o ciospu: A postu, e a frittata a ficimu completa!
Maresciallu Scilipoti: Senti Turi: si m’ha diri qualche cosa m’a dici se no mi ni tornu di unni vinni...
Turi d'o ciospu: ...e si ni turnassi, ca almenu mi sparagnu a pigghiata p’o funnu d’a giacca...
Cocimu: ... ci putissi capiri qualche cosa macari iù?
Maresciallu Scilipoti: Turi mi chiamau di urgenza ppi vidiri na cosa importanti e ora mi ni voli mannari senza diri na parola...
Cocimu: ... i buttigghi non ci furriunu boni... e u ciriveddu ci finìu di furriari completu...
Turi d'o ciospu: Cocimu non ti ci mettiri macari tu ca appoi m’a pigghiu ccu tia... Dunqui: v’u dissi ca addivintava famosu? Ora: stamatina si presentunu dui ca venunu d’a Cina e ‘nzittati a cu ciccava?
Maresciallu Scilipoti: Sintemu...
Turi d'o ciospu: circavunu a Tuli di Ciospu... cioè Turi d’o Ciospu... cioè iù!
Cocimu: E unni sunu ora ssi cinisi?
Turi d'o ciospu: E chissu è u fattu, mentri ca iù chiamava o Marasciallu chiddi pigghia e si ni ieru!
Maresciallu Scilipoti: Ma chi coincidenza! ‘Nta riunioni staumu parrannu propriu di cinisi... non è ca vi pozzu cuntari tuttu ma ci sunu ‘mpirugghi in vista... pi chiddu ca vi pozzu diri c’è ca ammenzu a tutti i cinisi ca stanu arrivannu a Catania ci sunu na pocu ca è megghiu ca si staunu a casa... eccu... no sacciu suddu mi capiii di zoccu dissi...
Cocimu: ...e beh certu ca si capiu...
Turi d'o ciospu: ...iù inveci non ci capii nenti... e in tutti i casi chiddi ca vinnuru cca erunu du cristiani per beni... e sopratuttu si parteru di tantu luntanu ppi circari a mia, signali ca aveva ragiuni iù ca prima o dopu addiventu famosu...
Maresciallu Scilipoti: Va beni, va’ staiu capennu ca cca c’è sulu di perdiri tempu, iù mi ni tornu a riunioni, e in tutti i casi si c’è problema chiamati... arrivederci. (esce)

IV
Cocimu: Putemu parrari di cosi serii?
Turi d'o ciospu: ... picchi chiddi ca dicu iù sunu fissarii... Avanti chi m’ha diri?
Cocimu: Lei havi ‘ntinzioni di rumpiri autri buttigghi pp’aoggi?
Turi d'o ciospu: Cocimu!
Cocimu: Senza offesa... picchì si è si ci dicu ca si vo ghietta lei, si è no iù avissi bisognu di arrivari n’attimu a posta...
Turi d'o ciospu: Perciò si è si o è no tu ha scumpariri... e vacci e lassimi ‘nta paci... abbasta ca sugnu u principali e poi non mi calcola mancu u garzuni... vai vai
Cocimu: U tempu di ritirari un paccu e sugnu cca (esce)
Turi d'o ciospu: U marasciallu non mi cridi, u garzuni mancu mi cunsidira... mi vinissi di rumpiri tutti cosi!
Chin Ku: Tuli! No lompele no lompele ciospu!
Turi d'o ciospu: Ah, ora spuntati vuatri averu? Prima mi faciti accucchiari a mala cumparsa... E poi chi ci ‘ntaressa a lei si vogghiu rumpiri tutti cosi?
Kung Jett Uh: Ascoltale capo Chin Ku, tu no lomplele!
Turi d'o ciospu: Parrau u zu Cucettu... e comu dicisti ca si chiama u to principali? Cincu?
Kung Jett Uh: Celto, capu Chin Ku ha detto e tu ubbidile!
Turi d'o ciospu: Cincu... e l’autri tri unni sunu?
Chin Ku: Non capile cosa tu dici...
Turi d'o ciospu: Cincu dicisti, no? Cca siti dui suli e ci ni mancunu n’autri tri... comu i cuntati i nummira a Cina ? Unu e dui cca, tri quattu e cincu non ci su...
Chin Ku: Io non capile ma tu semblale tloppo spilitoso!
Kung Jett Uh: Che faccio, esco katana?
Turi d'o ciospu: Bravu: nescitinni di Catania, ca ci fai chiù cumpassa... voli diri prima fanu tantu spittaculu e poi scumparunu! A chi puddicinedda siti?
Chin Ku: Cosa essele puddicinedda?
Kung Jett Uh: (esce un dizionario tascabile) Contlollale subito (sfoglia) ...ecco pullicinella: maschela napoletana di buffone sfoltunato che plendele semple legnate!
Chin Ku: (si infuria) Ah nawaia too ku zaru!
Turi d'o ciospu: Chi è chi ci accuzzaru?
Kung Jett Uh: Capu Chin Ku allabbiato, assai allabbiato, tu detto lui buffone, offesa illepalabile!
Turi d'o ciospu: Ma quannu mai... ci ni sunu tanti puddicinedda strata strata e nuddu s’affenni... unu chiù unu menu... ci dici ca non si preoccupa...
Kung Jett Uh: Capu Chin Ku io implessione che Tuli chiesto scusa...
Chin Ku: ...accettate scuse ma non lipetele più offesa se no io e Kung Jett Uh uscile Katana!
Turi d'o ciospu: Regolare: si vi sintiti affinnuti vi ni nisciti di Catania... acqua davanti e ventu d’arreri...
Chin Ku: Ola basta! Tloppo chiacchiela! Tu chiudi bocca e ascolta miei oldini!
Turi d'o ciospu: Oldini...? Ah voli diri ordini... vuliti ordinari quacche cosa? Bravi bravi...e d’altrocantu vi pattistuvu d’a Cina è giustu ca assaggiati qualche specialità dìo ciospu... allura chi vi pozzu favuriri?
Chin Ku: Io volele ciospo!
Kung Jett Uh: Tu dale a noi ciospo!
Turi d'o ciospu: Uh! E comu vi ittati... v’a dari tuttu u ciospu? E chi eruvu camiddi...
Chin Ku: Cosa camiddi... altra offesa?
Kung Jett Uh: (sfogliando il vocabolario) no trovo camiddi...
Turi d'o ciospu: Sentu a diri: e comu ci a faciti a vivirivi tutti i cosi d’o ciospu? Ca facemu chiossai di centu specialità... e chi eruvu camiddi? Va’ cammelli... ppi vivirivi tutta ssa roba...
Chin Ku: Cammello? Tu dile a me cammello?
Turi d'o ciospu: Si... cioè no va’ vogghiu diri...
Kung Jett Uh: Onolevole Chin Ku: esco katana...?
Turi d'o ciospu: E diciditi o figghiu nesci o non nesci non è ca po stari ogni minutu: nesciu o non nesciu nesciu o non nesciu... s’ha nesciri di Catania nesci e bon viaggiu...e chi schifìu!
Chin Ku: Detto schifìu... contlolla...
Kung Jett Uh: (sfoglia il dizionario) ...no schifìu... no c’è schifìu...
Turi d'o ciospu: Ca comu non c’è... si u stati facennu vuatri tuttu ssu schifìu... ‘nsumma chi vi pigghiati, si po’ sapiri?
Chin Ku: Tu dare me ciospo!
Kung Jett Uh: Dale ciospo e no fale chiacchiele!
Turi d'o ciospu: E comu diciti vuatri.... Però u vogghiu a vidiri si siti daveru capaci di calarivi tutti i spicialità d’o ciospu... di unni accuminciamu? Un classico: mandarinetto al limone... (comincia ad armeggiare)
Chin Ku: Ma che stale facendo?
Kung Jett Uh: Folse fa lito di sconfitta e saluto...
Turi d'o ciospu: Ecco qua, numero uno: mandarinetto al limone, assaggiamu e poi mi diciti chi vi ni pari...
(i due titubanti prendono i bicchieri ed assaggiano)
Chin Ku: Buono sapole, ma ora tu dare a noi ciospo si o no?
Turi d'o ciospu: e alleggiu alleggiu... chi tuttu ‘nta na vota po essiri... era bonu u mandarinettu? Ora passamu o prossimu: sciampagninu! (ricomincia ada armeggiare).
Kung Jett Uh: Lui fa di nuovo lito, folse pelchè noi due quindi anche lito deve essele due...
Turi d'o ciospu: Ecco servito lo sciampagnino! Assaggiamu, assaggiamu e poi viditi chi è u ciospu....
(nuovamente i due bevono)

V
Agatuccia: (Entra con Cammilina e nota i due stranieri) Cammilina: robba estira c’è oggi; talè chi chi su’ vistuti beddi...
Cammilina: Ma cu su’? E’ a prima vota ca vidu turisti cca o quarteri...
Agatuccia: Bon giornu Zu Turi, chi ci sta facennu canusciri i nostri specialità a sti du turisti?
Turi d'o ciospu: (ai cinesi) E cca c’è un beddu bicchiri di Tamarindo cco bicarbonatu... Calamu! Care signorine, hata sapiri ca sti dui vinnuru apposta da Cina e circaru a mia! E quannu ci dissi chi vulevunu assaggiari, dici ca volunu tuttu u ciospu! Almenu c’è qualcunu ca apprezza u me travagghiu... no comu a certuni ca sanu sulu darimi cunsigghi e rimproveri...
Cammilina: Piacere. Iù sugnu Cammilina e chista è a me amica Agatuccia, vuatri cu siti?
Chin Ku: Piacele, Chin Ku...
Kung Jett Uh: Kung Jett Uh, onolevoli signoline...
Agatuccia: Boni accuminciamu... mancu ni canuscemu e già ni chiamau signolini? Signa ci po essiri dda celibri sciollira di to soru va beni?
Chin Ku: Ma che dile? Voi no signoline?
Cammilina: Attia, coso itticusu, non sbagghiamu a parrari ca se no ti fazzu abbulari di Catania!
Kung Jett Uh: Anche tu katana? Anche tu guelliela?
Agatuccia: Ma comu parrunu chisti? E non t’annaculiari tuttu ccu ssu bicchieri di Tamarindu... capaci ca m’u ietti di ‘ncoddu ... ssu cosu tingia...
Chin Ku: Tingia? Cosa essere Tingia?
Kung Jett Uh: Lolo pallale male nostla lingua folse volele dile che lolo essere guelliele Ninja!
Chin Ku: (spaventato verso Agatucci) Ninja?
Agatuccia: E si capisci ca tingia!
Cammilina: Tingia certu ca tingia!
Kung Jett Uh: Anche tu Ninja? Capo folse essele necessalia pausa di liflessione..
Chin Ku: Penso anche io! Tuli, è la seconda volta che ti fai difendere, plima da Malesciallo e poi da guelliele Ninja... ma la plossima volta io voglio Ciospo e basta, mi litilo ma tolnelò!
Kung Jett Uh: Tolnelemo!
(escono di corsa)
Agatuccia: Ma chi ci pigghiau?
Turi d'o ciospu: E chi ni sacciu? E’ a sacunna vota ca fanu accussì... fina ca su suli su du pezzi di pani appena vidunu a cocchedun’autru accuminciunu a puliciarisi e si ni vanu... Boh?

VI
Cammilina: Comunqui ora ca semu cca ‘ntantu vivemu...
Turi d'o ciospu: Giustu... chi facemu?
Cammilina: A mia na spuma di cafè.
Agatuccia: A mia na fragola.
Turi d'o ciospu: Pronti... (armeggia) ecco qua... e cca c’è a fragola...
Cocimu: Zu Turi si n’hana vistu Giappunisi in giru?
Turi d'o ciospu: E’ inutili ca ci fai a ripassata ca stavota haiu testimoni oculari: (alle due) giustu?
Cammilina: Veru è
Agatuccia: Dui. E non erunu giappunisi, erunu cinisi.
Turi d'o ciospu: Ha vistu?
Cocimu: E va beni... tantu piaciri! Voli diri ca almenu, si pighiau qualche cosa di sordi, mi pava a simanata...
Turi d'o ciospu: ...a propositu! U vidi? ‘Nta cunfusioni mancu mi pavaru...
Cocimu: Vabbè... va’... tutti i scusi su boni l’importanti ca non mi pava!
Agatuccia: Ma veru è. Patteru comu du saittuna...
Cammilina: Di chi staumu parrannu normalmenti a chi accuminciaru a fari Tingia... Ningia ... Tingia ... Ningia , ca sa chi vulevunu diri, e poi di un trattu pigghia e si ni scapparu di cursa...Boh?
Cocimu: ‘Nsumma o di rittu o dei chiattu iù sta simanata non ha vidu mancu c’o cannucchiali...
Maresciallu Scilipoti: Saluti a tutti, ossequi signorini... Turi ora putemu parrari cu calma... s’hana vistu chiù l’amici?
Turi d'o ciospu: Ppi cu dici? P’e cinisi? Eccomu si s’hana vistu! E lei arriva cco so comutu! Si vineva un minutu prima i videva.
Maresciallu Scilipoti: Ma dimmi: esattamenti chi vulevunu?
Turi d'o ciospu: E chi sacciu? Iù ci addumannai si vulevunu qualche cosa...
Maresciallu Scilipoti: E iddi?
Turi d'o ciospu: ... iddi, non qualche cosa... tuttu u ciospu mi dissuru! S’u ‘mmaggina?
Maresciallu Scilipoti: Stranu! Ma u sai picchì t’addumannai? Hai presenti ssa riunioni ca hama fattu aoggi? Benissimu: la notizia è ca ci sunu un pugnu tra tutti i cinisi ca arrivunu ca inveci di circari travagghiu cercunu di accatarisi casi e putii ppi farici fabbrichi clandesitni e pi vinniri sulu iddi, pensa ca na putia, mintemu ca tu a pavi milli euru o misi di affittu, arrivunu iddi e p’amuri di pighiarasilla tini pavunu dumila... a sti livelli va’ l’importanti ca l’unichi a vinnri sunu iddi, capisci?
Cocimu: In pratica na mafia a postu di n’autra mafia...
Agatuccia: Non ci abbastava chiddu ca c’era d’u nostru?
Cammilina: Perciò ora ni tocca sumputtari macari a st’autri?
Maresciallu Scilipoti: Ma vaddati, chista comu l’autra a sumputtemu si a vulemu sumputtari, camasennò ni mettemu o versu tutti, ni fidamu d’a liggi e i mannamu e casi chisti e chiddi...
Cocimu: Belli paroli! Ma i castagni d’o focu lei i vulissa livari ch’e manu di l’autri!
Maresciallu Scilipoti: Iù vi dugnu a me parola ca arreri non mi tiru! Ma tunnamu o nostru... Turi, quannu ssi cinisi t’addumannaru tuttu u ciospu tu chi pinsasti?
Turi d'o ciospu: Ca avunu aviri i panzi comu a chiddi d’o camiddu! Comu si fa a vivirisi tuttu chiddu ca c’è ‘no ciospu?
Agatuccia: ... ma dittu accussì...
Maresciallu Scilipoti: Brava signurina: lei u capìu subbitu! Turi, e si per esempiu ti vosuru diri ca si volunu accattari tuttu u ciospu?
Turi d'o ciospu: Mizzica! Non ci hava pinsatu...
Cocimu: E iddu basta ca pensa a fari furriari i buttigghi... appoi si ci levunu u ciospu di sutta u nasu mancu si ni accorgi!
Turi d'o ciospu: Cocimu è inutili ca fai u maestru! A storia a sapevi macari tu ma mancu a tia ti ci ìu a testa...
Cammilina: ...ma si pozzu diri a mia, si capìu zoccu volunu, ma ppi piscalli comu si fa?
Maresciallu Scilipoti: Mi stati dicennu ca si c’è genti iddi scumparunu, giustu? Allura per prima cosa lassamu a Turi sulu
Turi d'o ciospu: Grazii tanti, ah! Siti un pugnu di amici... e su chiossai i pugna ca l’amici...
Maresciallu Scilipoti: No Turi, non mi capisti, sentu a diri ca iddi hana cridiri ca non c’è nuddu, però, si tu t’a senti, iù m’appostu e accussì macari Cocimu, si ti voli dari na manu, iddi venunu,, ci fai diri esplicitu chi volunu, e na vota ca iù u sentu che mè aricchi, e ci siti du testimoni... u iocu è fattu!
Cocimu: Pi me va beni!
Turi d'o ciospu: Ma iù chi arrisicu?
Maresciallu Scilipoti: Non ti preoccupari picchì iù sugnu cca, mi pozzu mettiri macari sutta u bancuni...
Turi d'o ciospu: E avanti, pruvamu... chista è a vota bona ca ci appizzu a peddi!
Agatuccia: e nuatri ci putemu dari aiutu?
Cammilina: Si putemu essiri utili...
Maresciallu Scilipoti: Vuatri? Uhmmm... putissuvu fari chistu: mittitivi ‘n mantali e faciti a finta ca travagghiati ccu Turi e stati intra u ciospu, turi a stu puntu ti fa attruvari fora e fai in modu ca iddi s’a cantunu esplicitamenti, iù sugnu sutta u bancuni, Agatuccia e Cammilina stanu intra u ciospu e mi cummogghiunu...
Cocimu: E iù unni mi mettu, supra u cantaranu?
Maresciallu Scilipoti: No.... tu ti putissi mettiri sutta ssu scatuluni, votulu sutta supra e teniti prontu a interveniri si volunu scappari
Cocimu: Bonu, ora ci fazzu du puttusa ppi taliari e m’ammucciu (esegue posizionandosi sulla sinistra del chiosco)
Maresciallu Scilipoti: Carusi, vuatri mittitivi i mantali e tu, Turi o fatti na passiata ca appena ti vimunu sicuru ca ti ‘ncagghiunu..
(ognuno prende il posto assegnato)

VII
Turi d'o ciospu: Avanti... o iemini a fari astruppiari... (esce verso la sinistra un attimo di silenzio e subito rietra trascinato per il bavero dai due malviventi cinesi) Auh! alleggiu... non c’è bisognu ca m’ammuttati... sacciu caminari... stati tranquilli...
Chin Ku: Finile di schelzale!
Kung Jett Uh: Tenele bocca chiusa e ascoltale!
Turi d'o ciospu: Cunnutu si parru! Ma si po sapiri chi vuliti?
Chin Ku: Già detto ma tu fatto finta di no capile!
Kung Jett Uh: Capu Chin Ku detto volele ciospo e tu liempito noi di tloppi bicchieli di acqua cololata!
Chin Ku: Chin Ku enolme dolole di panzela
Kung Jett Uh: Kung Jett Uh collele più forte di fellali e non allivale nemmeno a polta di bagno... tellibile umiliazione
Chin Ku: E anche tellibile fetole, più di polci molti...
Turi d'o ciospu: nel senso di maiali assai...?
Chin Ku: no ploplio molti... defunti... impossibile lesitele tutto palazzo plotestale noi tloppa velgogna...
Kung Jett Uh: Ma ola tu pagale pel tua fulbelia
Turi d'o ciospu: Auh! Chi mi vuliti fari?
Chin Ku: Folse niente se tu fale blavo. Ola palliamo.
Turi d'o ciospu: E ci pari u mumentu di iucari o palluni?
Kung Jett Uh: No pallegiale: pallale con la elle... quelle due dentlo ciospo chi essele?
Turi d'o ciospu: Nenti... i dui ca travagghiunu ccu mia, accussì m’arriposu... ogni tantu
Chin Ku: Ma non potele sentile nostli discolsi...-
Turi d'o ciospu: ... non vi preoccupati, iddi su dui comu di famigghia! Zoccu sacciu iù sanu iddi
Chin Ku: No saggio fidalsi di donne, ma che tu non saggio gia capito si ela da prima volta… Tu dici che si tappale olecchie con dito
Turi d'o ciospu: Carusi… pacenzia (le due eseguono) In bona sostanza si po’ sapiri chi vuliti da me vita?
Chin Ku: Tu dai a me ciospo!
Turi d'o ciospu: Accussì? T’u ‘mpacchettu e tu potti?
Kung Jett Uh: Tuli non fale spilito
Chin Ku: Io complale tuo ciospo o con buone o con cattive, tu dici me quanto vale e io dale doppio, tu non dale a me ciospo e io chiamale Kung Jett Uh con sua katana!
Turi d'o ciospu: Catania si ci permetti non è di Cuncettu ma di nuatri catanisi!
Chin Ku: Tu celvello ancola meno che pollo! No Catania, ma KATANA cioè spada samurai di popolo guellielo cinese! Con Katana...
Turi d'o ciospu: ...mi passa u scantu ppi na simana!
Chin Ku: (fa esercizio di iperventilazione e gesti di concentrazione per calmarsi) Tu finisci di fale buffone e dale a me ciospo se no sentire tutta potenza di mafia cinese
Turi d'o ciospu: Senti Cincu, iù ti capisciu, t’addumannu scusa p’e cursi ca ti facistuvu, ma d’o ciospu non si ni parra. E’ u me travagghiu, a me vita... si tu dugnu a tia poi iù chi fazzu?
Chin Ku: Noi non intelessale cosa fai tu, noi intelssale che avele ciospo e poi altlo ciospo e poi tutti ciospi, tu dai a noi o ti piacele o non ti piacele e poi ti allangi.
Kung Jett Uh: E se dici di no: ...
Turi d'o ciospu: ...katana... u capii ma non po essiri u stissu...
Chin Ku: Tu non avele chiala la situazione?
Kung Jett Uh: Tu non paura di mafia cinese?
Turi d'o ciospu: No no anzi... parrannu ccu licenza mi sta finennu peggiu di vuatri dopo tutta dda bibita ca vi vivistuvu...
Chin Ku: E allola?
Kung Jett Uh: Esplimiti!

VIII
Maresciallu Scilipoti: (appare con la pistola in pugno sulla sinistra del chiosco, Agatuccia e Cammilina restano sulla destra) A stu puntu è megghiu ca mi esprimu iù!
Chin Ku: Chi è questo che spunta di ciospo?
Maresciallu Scilipoti: Maresciallo Scilipoti, per servirvi... e ora stamu beddi fermi e chi manu all’aria!
Kung Jett Uh: Capo mi pale ola di scappale...
Chin Ku: Folza da questo lato (tentano di forzare sulla destra dove c’è Turi)
Agatuccia: Fozza Cammilina fimmamuli (si precipitano a fare barriera insieme a Turi)
Cammilina: Di cca non si passa!
Maresciallu Scilipoti: Fremmi! Vi dissi di starivi fremmi!
Kung Jett Uh: Malesciallo, noi di Cina... no di Mongolia!
Cocimu: (nel frattempo camminando sotto lo scatolone si pone sulla traiettoria dei due per ostacolare la fuga)
Chin Ku: Dall’altlo lato, plesto!
Kung Jett Uh: Allivo!
(si precipitano entrambi ma inciampano sullo scatolone cadendo)
Turi d'o ciospu: Pigghili!
Agatuccia: Acchiappili!
Cammilina: Fremmili!
(tutti e tre si precipitano sui due e li immobilizzano)
Maresciallu Scilipoti: Vi dichiaro in arresto, e cu tuttu chiddu ca ‘ntisi che me stissi aricchi stati tranquilli ca di unni vi ‘nchiudunu ponu ittari a chiavi!
Turi d'o ciospu: Grazii maresciallu, mi salvau u ciospu!
Maresciallu Scilipoti: Dovere... ora aiutatimi a mittirici i manetti.
Turi d'o ciospu: Dassi cca...
Agatuccia: Bravu marasciallu...
Cammilina: Accussì si fa...
Maresciallu Scilipoti: Grazii ma si non m’aiutauvu vuatri non si ni faceva nenti. Comunqui ora mi pottu a sti du’ brav’omini, arrivederci. (esce)
Agatuccia: Arrivederci...
Cammilina: Arrivederci...
Turi d'o ciospu: Grazii ancora... E grazii macari a vuatri...
Agatuccia: Ppi chiddu ca ficimu...
Cammilina: Comunqui, voli diri ca a prossima vota ni offri qualcosa a gratis...
Turi d'o ciospu: Mah... chi diciti ni nni iemu? Mi pari ca non ni stamu scurdannu nenti...
Cocimu: (da sotto lo scatolone con voce flebile) ...fossi na cosa v’a stati scuddannu...
Agatuccia: Cu parrau?
Cammilina: Boh? Ca non c’è nuddu...
Cocimu: (come sopra) ...c’è...c’è... qualcunu c’è...
Turi d'o ciospu: Chi c’è occhedunu arreri o ciospu? (va a guardare)
Cocimu: (come sopra) ...acqua.... acqua...
Agatuccia: ...arreri o ciospu?
Cocimu: (come sopra) ...acqua.... acqua...
Cammilina: ...’nto menzu d’a chiazza?
Cocimu: (come sopra) ...focherellu...
Turi d'o ciospu: (battendosi il pamo sulla fronte) ...Cocimu... u scatuluni..
(Corrono tutti a recuperare il povero Cocimu)
Cocimu: (appare a terra contorto e dolorante) Focu! Motti subbitania a vuatri! A non n’aveuvu unni irivi a sdurrubbari? Tutti ‘ncoddu di mia?
Turi d'o ciospu: Scusa Cocimu, ma ‘nto preiu n’auma scurdatu di tia... comunqui grazii macari a tia, all’ultimu fusti tu ca i fimmasti... comu ni putemu sdibbitari? Chi hai bisognu?
Cocimu: Siti tri giustu?
Agatuccia: ...una dui e tri...
Cocimu: E allura pigghiati tri cucchiarini...
Turi d'o ciospu: ... ti fazzu tri cosi di viviri accussì t’arripigghi?
Cocimu: ...ca quannu mai... pigghiati i cucchiarini e arricugghitimi di ‘nterra ca sugnu pizzudda pizzudda...

FINE