ACCHIMEDI CONTRU LI RUMANI
(comu la cunta lu zu Vitu, oggi e puru dumani)

Atto unico di

Antonio  Sapienza

Personaggi:

Zu’ Vitu Spiciali (cuntaturi di cunti a villa comunali)
Prisintaturi
Voce dal pubblico

Presentatore- Spittabbili pubbricu bonasera. Stasira lu zu vitu ci vunta a storia da cavalleria rusticana. Ascutati sori sori picchì mi pari che sia nirvusu assai. Assiuni!

Entra nella scena nuda lu zu Vitu, il quale cammina in scena pensieroso, come se fosse indeciso se parlare o no. Poi si decide: si parlerò)

Vitu – (al presentatore sottovoce) Vottini vaì esci subbitaneamenti, picchìci ci sunu mali fruscilie .Vaivai... e moviti, smamma..( Il presentatore,  mogio  mogio esce di scena . Vitu attacca

Vitu - Spittabile pubbricu, oggi dovevo parlarvi della storia della cavalleria rusticana, ma ho avuto notizia, pochi munuti fa, che c’è un o ca dici che è l’erede dell’autori e che se sgarru m’alliscia lu pilu. E siccomu mi parsi nu tipu do cuteddu facili, votu di bordu e vi cuntu a storia di Archimedi con tru li ronani, anche picchì penzu ca eredi ca n un ci ni sunu. Assuppu e accuminciu.
Voce- Ma quali iu aiu pavatu pi sentiri a cavalleria. Chi  mi stati cuntannu zu Vitu?
Vitu- Allura parri ‘nglisi? Vi dissi ca c’è causa di forza maggiuori. Comunque, si nun vi piaci susiti ssu culu d’a puttruncina e jetavinnji a passiari a villa.
Voce- Comu siti cauru oggi! Va bene ascutamu ssu ciuntu.
Vitu- Grazi assai, servu vostru (ironico, poi si gratta la gola e inizia). 

Vito -
All’ebbrica a lu Re di Sarausa
 - ca cusà picchì si chimava Tirannu -
ammentri ca si biveva na gazzusa,
qualcunu ci sciusciò sta notizia rara:
“A fariti verra, Roma s’appripara”.

Allur’u Re, pinzirusu, dissi: “Tannu
a stari friscu cu mi voli futtiri”.
E pigghiati tutti i citadini nto sonnu,
li fici armari di lanci e fucili,
pi combattiri contru ssi incivili!

Appoi chiamò lu ciambillanu pi diri
ad Acchimedi ca c’aviss’a parrari.
“Ccà sugnu! Eccellenza, mio Siri.”
Ci dissi lu grandi scienziatu,
ca era scuntentu e menzu ‘ncazzatu. 

Lu Re pigghiatulu co bonu “ ‘Mbari,”
-ci dissi- “ tu arraggiuni ca testa,
e non cche pedi, comu a tutti pari,
e allura ‘nventa qualcosa, comu usi
pi frimmari a ssi cusazzi fitusi!”      

“ ‘Ccillenza, ccu sarissi ssa genti lesta?”
“ Ma i rumani, mortisubbitania,
genti senza abbentu e assà mulesta.
Ca s’ammuccanu Cattagin’e i so’ cuscini,
e tutta l’Africa - senza cunfini!”

“Minchia!” - diss’u scinziat’a litania-
“Ssi cosi fanu girar’i pampasciuni,
ora ‘nventu na cusuzza ca l’annia.
Varda, a ssi gran minchiuni e vastasazzi,
ci fazzu varba capiddi e mustazzi!”

Penza ca t’arripenza a ogni gnuni,
di jornu di notti e di matina,
infin’anvintava com’un gran cannoni,
ca’ nto Castell’Uriulu lu piazzava
e cu  ‘n friscalett’i luntan’u camannava;   

‘o Casteddu ci ammucciò na mina;
alla marina ci muntò li so’ specchi;
appoi, si fici  veniri da Cina,
na para di razzi e ‘n cani mastinu,
e i mis’a va venitu, o dda vicinu. 

E comu si prisintanu ssi beddi spicchi,
mittiu in motu lu raggiu di la motti,
ca ci ‘mpristò Gugliemmu di Scandicchi.
Ma sbagghiò mira, e, tirati li summi,
fici minnitta di muletti e stummi.

(E subbutu nto telegiunnali d’a notti,
si ‘ntisi la prutesta arraggiata,
di l’animalisti e de so’ picciotti,
picchì s’ammazzavanu comu cani,
li pisci, allocu di li cristiani!)

Voce – Chissa è na pallunata granni comu na casa. A cchi n’ancucchiati zu Vitu, ‘n funnu, all’ebbrica chi c’era u telegiunnali?-
Vito – U teleggiunnali forsi ‘n c’era attunnu, ma di ddi scassa baddi ci n’erunu a quintali. Dunchi:

Ma Acchimedi dannisi na manata,
nta frunti, puntò li specchi da marina,
contro li primi navi di l’armata,
c’abbruciaru di na sorti di manera,
partennu da chiglia finu alla bannera.

L’ammiragliu dalla so cabina,
tiligrafò a tutt’i corazzati:
“Vardativi da chiddu ca vi cummina,
ss’Archimedi, babbu sarausanu.
Servi na lezione di prima manu:

Cu tutti i grossi calibri sparati,
po’ dati l’assaltu a l’arma bianca,
cu du milla e cincucentu surdati!”
Accussì tutti li navi armarunu
lu gran pavesi e attraccarunu.

Ma na burdata d’o Re, a manu manca,
cintrò nto cori la Caiu Duiliu,
ca affunnò nto mari, da testa all’anca.
E tutt’i comandanti de corazzati,
s’arrunghiarunu bedd’ancazzati!

Voce – Grossa zu Vitu! Tannu chi c’eranu i cannoni?-
Vito – Ma c’eranu, sicuramenti, li sciavuni! Comu a tia!-
Voci – E cchi sentiti diri ca ci l’aviti cu mia? Ju li minchiati nun’i suppottu!-
Vito E allura pigghiati lu cappottu e fatti quattro passi di caminata, senti a mia!-
Voce – Ca ora ju dassi ardenza a vossia…-
Vito – E allura ascuta in silente silenzio, camurria! Dunchi:  

E appoi, pi scornu di l’Ammiragliu,
calò da l’alti  muri cittadini,
na speci i parancu cu nu firmagliu,
agganciò la so navi da vilera -
scunquassannula di na sort’i manera - 

po’ la isò  nta l’aria pi li curdini,
‘nfini la mullò di prua, e l’affunnò
assemi a li surdati e a li parrini.
“Basta”, dissi allura u Cumannanti,
“ca ci voli n’idea assà brillanti!”

Si tinni gran cunsigghiu ca decretò:
“Acchiamati Marcellu cu primura!”
Lo quali Cunsulu, d’attaccari pinzò
dalla masseria di massaru Turi,
sbirru, cunnutu e gran tradituri!

Accussì vosi la sorti e la vintura,
ca no giru di mancu na simana,
li romani satarunu li mura.
E scannarunu l’abitanti, mischinetti,
come se usa fari co’ capretti.

Acchimedi ca s’a visti d’a luntana,
pigghiò l’amara strada di l’esiliu,
pi cuppa di ssi figghi di buttana!
Mentri Marcell’u circav’ in tutt’i lati,
pi darici na fraccata di vastunati.

Ma nu marinaru di lu Duiliu,
scampatu d’a morti, u vist’i luntanu,
l’affruntò e ci dissi: “Pi Sant’Ersiliu,
tu affunnasti la me navi, ti rammenti?
e ora scappi senza pagari nenti?”

E pigghiata la daga cu ddu manu,
e furriat’all’aria, com’u ventu,
lu fiddiò tuttu, beddu e sanu.
Ma Acchimedi dissi, taliannulu stortu:
“Vili, tu ammazzi n’omu già mortu!”  

Accussì finiu lu commattimentu,
cu cchiù di decimila morti ammazzati, 
e cu rovini, chianti e tradimentu.
Po’ Marcellu, scunzulatu, po’ maceddu, 
misi u pedi supr’a mina ddo Casteddu! 

(E satau all’aria, finicchiu e beddu.)

Fine. Pubblico silente.

Vito – Grazie, nun vi scomodati cu tutti sti applausi…sennò v’abbruciunu i manu e…i corna, specialmenti a tia, testa di chiuppuru (guarda lo spettatore che fa la Voce) da vicaria.
Voce – Cchi dici a mia?-
Vito – No, a me soru o a me zia!-
Voce – Mi pareva…sintiti zu Vitu, u prossimu cuntu quali sarà?-
Vito – U prossimu? U prossimu sarà a storia di un puparu ca ci duna na passata di vastunati a un tizio cchiù unicu ca raru…ca tra ‘n centinare di spittaturi, s’armali, rumpi l’anima e i pampasciuni, comu ‘n tintu cacaturi, ca ‘n voli riturnari intr’o… cantru di Cattaggiruni. O ora ca mi pigghiai stu lussu, pi sta sira stujiativi lu mussu.-   

Fischi e pernacchie.   
   
Presentatore – (entrando frettolosamente) Boni, boni. Calma gessu e ghiacciu unto panaru! E ora, doppu sta eleganti tiritera, finiu viramenti la sirata, pi stasera. Allura v’annunciu e dicu solennamenti: bbona notti a cu si va a fari  na runfata; e, ai cchiù valenti ci dicu: alle zite facitici na… sirinata.
Bona notti a tutti.-

Escono di scena, al rullo di tamburi, saltellando.

Sipario.

Fine