Gira, mista e brélla
(L’ajè sempre quélla)

Due atti in VERNACOLO PESARESE di
 
FRANCO FERRI

da  una idea (anzi due) di

ANTONIO NICOLI
 
Opero silente.


ATTO  PRIMO


All’apertura del sipario la scena è vuota. La porta di lato è semiaperta. Voce fuori campo di Flora.

FLORA – (Da fuori a voce alta)…Sa t’chiapp a t’facc ‘na crescia…!! Puzza fòra…!! (Si odono forti colpi battuti a terra)

EDVIGE – (Sempre da fuori)…Floraaa, co’ te sucèss…??

FLORA – (Fuori scena)…Gnènt…A l’ajò sa cla gata dla Roscia…(Entra in scena con in mano una scopa)…Ch’i chiapasa ‘na cagarèla fulminant…!! Stà suzlona…Vèn déntra Edvige valà…e chiud la porta par piacér…

EDVIGE – (Entra)…Un minud sol…Ajo ancora da metta su el sofrétt e d’arfè i lètt…

FLORA – (Agitata) Madona…Ajò ‘n magon in t’el stomigh ch’an me va ne d’in so ne d’in giò…An c’è giorne…an c’è giorne che cla gatacia l’an vénga a lasciè ‘n ricurdén s’èl tapéd par i pid o in tl’angol del purton…!!

EDVIGE – (Cerca di calmarla)…Av pacènza Flora valà…

FLORA - …Pacènza un corne…!!

EDVIGE – T’èl sa  cum l’ejè fatt le besti…L’enn’ha ‘l cervèll…Le sènt la puzza e i la lascia ‘n do’ capita…

FLORA– Prò i la vén a fè sempre maché!…C’è ‘l curtil no…!! Fiola d’un chèn d’na gata…!!

EDVIGE – Mo, an t’ha détt un qualcò’ ma la Roscia…??

FLORA – Co’…?? Me parlè sa cla zaclona…Mo manca se m’l’ordina el Padreterne…(Cambia)…Met-te a séda Edvige valà…Me da certa gent a stagh a la larga più c’ha poss…

EDVIGE – A dciva acsé par dì…dle volt a discorra le rob le s’risolv…

FLORA – Se…Bonanott…!! Maché chi ha risolt l’è stèd sol la Roscia……A mo tant un giorne o clatre a la chiaparò ma cla gata…Minim minim a i romp l’oss del coll…

EDVIGE – Pòra bestia…

FLORA – Pòra bestia ‘n acidènt chi spaca…!! La fossa almanch ‘na gata seria, pulida, ubidiènt, de chi gatt insomma che darìa anca gust a téni par chèsa …Seee…Quaion…Propi bléna cla gata…Propi bléna…

EDVIGE – Ah…Se stè punt a t-dagh ragion…!! L’ajè sempre a ravaston da par tutt…D’inverne un po’ d’manch…Mo com l’ariva la stagion bòna…

FLORA – (Interrompe)…La và in amòr…!! L’ajà più fioj in gìr cla gata che ne dic cuvéd de sorc…

EDVIGE – Prò,  se la Roscia i la tnèssa un po’ piò déntra chèsa…

FLORA – Arcurdèv Edvige che le bèsti l’ejè più che part i ritratt di padron…Lia, la Roscia, l’ann’è ‘na santarléna…E la gata a forza de stè sa’l zopp, l’ajà imparèd a zupè…!!

EDVIGE – (Ridendo)…E la jarman freghèda…

FLORA – Guardè Marietta, ma me an me mèi piaciud da gì a caciè ‘l nés in ti fatt di atre…Prò se véd un cèrt via vai tutte l giorne de sopra…(indica) quand el marìd l’è a lavrè..E se magari par le schèl ce si imbattt in dle facc nov, ma un vén d’istint stè a véda ‘n do’ la entra tutta cla gènt…Specialmènt si è tutti om…e giuvnott !!

EDVIGE – E’ già…

FLORA – Ohhh…!! Lò, el marìd dla Roscia, el lavora in propi…Me an dégh…El guadambiarà anca bèn…Prò me an créd che possa bastè par tutt…Ve pér..??

EDVIGE– Ahhh…Quést l’è véra…Anca se me a stagh t’el congo-minio vicén ma’l vostre s’véd lo stéss el luss cla fa, e molt…Mo com la fa…??

FLORA – Com la fa…?? Al sò me com la fa…!! Lia…La Roscia…L’ajà le entrèd straordinèri…Trachè…!!

EDVIGE -   Le entrèd straordinèri…??

FLORA – E mo Edvige, svighièv una muliga…I stivéi de pèll, la borscietta de piton, la pléccia…vera… miga finta…Sa co’ i l’è pèga…Valà…Valà…

EDVIGE – Cèrt che a senti stè rob vén i stramulézz miga no…

FLORA – Mo quést l’è gnènt…!! E tutt i viagg cla fa…?? ‘Na volta a maréna, ‘na volta in t’i mont, ‘na volta maché, ‘na volta malà…

EDVIGE – Mo ‘l marìd an dic gnént…??

FLORA – E co’ l’ha da dì poracc…L’ha più corne lò che’n cést d’lumègh…

EDVIGE – -…E mo che schìf prò…

FLORA – Stà de fatt che gìra mista e brélla l’ajè sempre quella…E dai che te dai…da la cpòlla dvénta l’aj…Avé capìd  Marietta mia…!!...Mo…ajavévi bsogn d’un qualcò…??

EDVIGE - ...Veramènt se…a cerchèva ma Bonapart…El c’è…??

FLORA - …A bo…! Adess a guard eh…?? (Chiama)…Bonapart…??!! Oh Bonapart…??!! No…Ancora ann’è arturnèd…chisà ‘n do l’è gid a sbata la testa stè sgrazied…Po’ vè…(Mostra un cellulare)…ann’ha purtèd via manca el telefunèn …Ah mo quant l’artorna el me sènt…el sa cl’ha da essa sempre a dispozizion….Mo gnènt…mi fradèl Edvige, l’ha la testa dura com un madon…

EDVIGE – Dai su Flora…ann’è tant grèv…E che Pitron …mi marid…el m’ha détt che lo el bugh t’èl mur dalla signora Testa l’ha bèll e che fatt…e adèss s’aspèta sol che Bonapart el facia pasè da clatra part i  tub dl’aqua par i termosifon…e dop an so…comunque te di sta roba ma tu fradèll…che dop el sa lò co’ c’è da fè….

FLORA – Edvige…Me ann’ho capìd un gran che eh…!! Comunque a segn mache com fossa ‘na chiamèda…Ah…Mo quand mi fradèll l’artorna a tir un pèra de urle chi m’ha da senti sin mal port….

EDVIGE – Lascia perda valà Flora…Vàra che mi marid l’è cumpagn…anzi sperém propi che tutt’i dò in s’è incuntrèd  , parchè a st’ora iè sigur sigur a fè qualch’ bichierozz de vén da qualca part, invéc da lavrè…!!

FLORA – Ah…mo tant préma o dop l’avrà pur d’arturnè a chèsa a magnè…(Chiama di nuovo)…Bonapart…?? Oh Bonapart…Gnènt…!! Bèl punt Edvige a da v-nì anca el falegnèm par metta su na mensola tla botéga…E Bonapart l’ha da essa maché…(si altera)…porca putèna vigliaca…!!

EDVIGE – Dai…dai Flora an t’arabì……adèss a vagh via propi de prescia….e m’arcmand…avisa ma tu fradèll che’l bugh t’el mur l’è fatt…

FLORA - …Senz’atre, an dubitè…!! Approposid Edvige…

EDVIGE - …Co’ c’è adèss…??

FLORA – Edvige…a m’arcmand…par quél ch’s’è détt s’èl cont dla Roscia….

EDVIGE – Flora mia…mo se sa…zitti e mosca…!! L’ajè ‘na roba privèda nostra…Ciao adèss a vagh via de corsa….(Fuori).

Mentre l’Edvige esce, suona il cellulare delle chiamate. Flora risponde.

FLORA – Pronti…si…questa l’ajè la chèsa de Bonapart…L’idravlich…se…chi parla…??? La signora Bocchini…Ah…Boccini…se…No…e che adèss ancora an c’è…prò ajò scrétt la chiamèda…Se…Signora quand l’artorna mi fradèll al mand subit da lei….e se…sperém cl’artorna prèst alora….Se…Bongiorne….(Tra se)…Mo ‘n do’ se sarà cacièd st’imbecéll …machè la gènt la chiema e lò...chisà ‘n do’ l’è …

Entrano come fulmine a ciel sereno il maestro di Musica GANASCIA e CELESTINO figlio di Flora.

GANASCIA – (Entrando di botto e a voce alta)…Signora Flora…E’ fatta…!!

FLORA – (Sobbalzando)…Oh maestre a si vò…Madona che stolz…!!

CELESTINO – (Entusiasta)…Mama…Ajò fatt el pruvén….!!

FLORA – Davere…!!! Madunéna santa…Alora com è gida…???

CELESTINO – Ah…Par me bèn…Ann’ho sbajèd manca na ‘ nota…

GANASCIA – Mo se sa ch’è gìda bèn…A scherzémme…!! Anca parchè a c’era me sa lo’…ch’i dèva el tèmp sa’l bracc…Ahhhh…Mo i’l  chiapa de sigur…!!..E’ fatta…è fatta…!!

FLORA - …Celestén…arconta tutt ma la mama tua…Madòna a so tutta emozionèda miga no….

CELESTINO –E gnènt vè…Apéna arivèdi i c’ha fatt aspetè in t’un gran salon…

GANASCIA – (Interrompe)…Prò me e Celestén ann’avém aspetèd na mucchia…Quatre o cinqv or apéna…

CELESTINO - …E dop…i m’ha méss davanti ma ‘n microfon…e po’ i m’ha détt da cantè…Sa ‘na scuffia tla testa…

FLORA - …’Na scuffia…?? Mo co’ c’era i spiffre d’aria…??

GANASCIA – Mo no…Sora Flora…!! Tla scuffia se sentiva la musiga…!!

FLORA – Mo alora c’era anca l’orchestria…!!’??

CELESTINO - …No mama…!! An c’era nisciuna orchestria…L’era tutt registred…!!

FLORA – E dop…??

GANASCIA - …E dop, quand Celestén l’ha fnìd da cantè i I c’ha fatte el segn da scapè sa ‘na mèn…senza dì gnènt…acsé ve…(fa il cenno con la mano)…Com par dì…Fatt…tutt a post…è  andata benone…!! Sòra Flora…su fiol el girà dentra la televison…ITALIENS GOS TEILENT….L’ajè cuntènta…??

FLORA - ...El dmanda sa so’ cuntenta….Maestre Ganascia…an stagh più ‘n ti pagn dala cuntentezza….Me vèn tutt i stramulizz miga no…Piutost…ajavé fèm…???

CELESTINO – Mo no mama…ajavém magnèd un stuzighèn, préma da chiapè el treno…

GANASCIA - …Me veramènt un po’ de fèm a l’ajò…An so’ com’è…mo ma certa gènt, la tension nervosa par ‘n audizion…i fa pasè la fèm…ma me invéc la me vèn più grosa…

FLORA – Su…su maestre…ste bon e calme c’ha ve vagh a preparè un bel zabaion….

GANASCIA – (Con l’acquolina in bocca)…Sa i …wafer….??

FLORA – I vè pièc eh…I wafèr…???..Mo se…se… c’è anca i wafèr….

Flora esce a prendere una tazza con uovo e zucchero per fare lo zabaione…
Intanto squilla il cellulare della ditta. Celestino risponde.

CELESTINO - …Pronto…se…no…ancora an l’ho vést…se…Ajò scrétt la chiamèda…se…Bongiorne…

FLORA – (Rientrando, sbattendo lo zabaione)…Chi era ma’l telefon…??

CELESTINO - …La moj de Mazalamort….La cerchèva ma’l zi…

Durante questa scena dialogante la Flora farà veramente lo zabaione, quindi uovo tazza e zucchero.

FLORA – Oh…porca paletta…L’ajà telefunèd anca stamaténa prèst…Mo tu zi ancora an c’è…??(Chiama verso l’ufficio)…Bonapart…??!! Oh Bonapart…!!

BONAPART – (Risponde da fuori)…A so’ maché…Co’ c’è…??

FLORA – Ah…t’si arturnèd…Era ora…!! Vèn otra subit…!! (Attende nervosamente sempre sbattendo l’uovo per lo zabaione.)

BONAPART – (Entra da sinistra)…T’m’ha chiamèd Flora…??

FLORA – (Rifà il verso)…T’m’ha chiamèd Flora…!! (Arrabbiata sbatte )…L’è più de tre ora ch’a te chièm…!! Mo s’po’ savé ‘n do’ t’va a ravaston tutt’ el giorne…?? Maché c’è ‘n sacch e mèzz de chiamèd…!! La sora Cesira…el ragionìr Rossi…la serva del dott Testa…La moj de Mazalamort…senza cuntè l’Edvige par ch’èl lavor ch’t’ha da fè sa’l marìd sua…Pitron… !! Maché c’è ‘n sacch e mèzz de chiamèd…!!E po’ l’ha da v-nì anca el falegnèm…??

BONAPART…’Na maténa…!! Manca fossa la fìra d’San Nicola…!!

FLORA – (Sbatte)…E’ che tutt’i giorne l’è ‘na fìra…Mo par te…scansafadigh ch’an te si atre…!! (Da lo zabaione al maestro Ganascia e comincia a mangiarlo con una certa avidità)

BONAPART - …Mo Flora…t’m’ha mandèd a spustè anca la stufa a gas da la Celinda…?? (Vede lo zabaione)…Col’è zabaion…???...Flora…An ce sarìa anca par me…un arvanz…!

FLORA – (Pepata)…Cooo’…?? Par teeee…??...Ma te te da de volta el ciarvèll…!! El maestre Ganascia…

BONAPART - …De nom e de fatt…!!

FLORA – El maestre Ganascia, l’ha lavrèd dur par fè imparè el cant ma tu nipod…e donca l’ha da magnè…

BONAPART - ...Mo anca me a lavor dur…!!

FLORA – Co’ t’fa te…??...Te t’lavrè dur…??...Se…sa l’amigh tua Pitron…Ajalzè di pés tutt i giorne…!!

BONAPART - …Parchè ?? Ann’è véra…??

FLORA – (Acida)…I butilion d’vén ajalzè…!! …Trachè lavrè…!! …V’è vnùd i call in t’le mèn, par strégna i quartén e le fojétt…!! E po’ l’è méj ch’a staga ziténa valà…c’è i ospit…

BONAPART - …I ospit…mo chi è arivèd i parènt…??

FLORA – (Indica Ganascia)…T’èl véd o no…?? El maestre Ganascia l’è ospid nostre…

BONAPART – (Sorpreso)…Ah…Quésta po’ l’ajè nòva…!!

FLORA - …Fintant che Celestén an sfonda in t’èl mond del spetacol….el maestre el starà a chèsa nostra…!!

BONAPART - …Mo…pèga…??

FLORA - ...Pèga co’…?? El maestre Ganascia l’è ‘n autorità in fatt de musiga…e l’è ‘n onor par te a ténle a chèsa nostra…

BONAPART – (Guarda Ganascia che continua a mangiare) Oh !!…Me de st’onor, an ce téngh propi par gnènt…!

GANASCIA – (A bocca piena)…Mo quést l’è ‘l colme…!! Me a sgobb un gran bèl pò par fè de vostre nipod, una stella della musica leggera…!! Sòra Flora…Questa l’ajè ‘n ofésa vera e propi…!!

FLORA - …Su, su maestre…Avé pacènza…mi fradèl l’è bon sol da discorra…Magnè…magnè…!! (Rivolta al fratello)…E te Bonapart…stà a sentì bèn ma me e ipra le orecch…Maché déntra sta chèsa…sta par véda la luc una voc nòva…

GANASCIA – (A bocca piena)…L’ajè già nèda…!!

BONAPART - …Bo…!! Me a sarò ignorant…mo de luc a végh sol le bolétt dl’ENEL…Ann’ho capìd un càvle…!!

FLORA – Te an t’ha da capì propi gnènt…!! T’ha da lavrè dur e basta, va bèn…?? Parchè i sold i va via a stuff…e c’ne vo’ i vagon…

BONAPART – E me…ajavrìa da lavrè…e dur…par…(Indica Ganascia)

FLORA - …Se sa…!! E senza fè nisciuna ironia…E’ chièr…??!! Mo co’ t’créd da cmandè te forsi…?? …Prova ‘n po’ a di ‘n qualcò’…Prova…!!?

BONAPART – (Mogio)…Me…me…

FLORA – Me, me e te e te…!! (Prende un foglietto dal blocco appunti)…Intant, chiapa la cassetta di fèrr e va a fè ste riparazion e a la svélta, che la gènt l’ann’aspèta i comod tua…I EURI ti vò guadambiè…?? Se…E alora lavora…!!

BONAPART – (Avvilito prende il foglietto)…Mo me a lavor…e che…(Indica Celestino)…s’ajavéssa ‘n garzon sa me…a pudrìa fè di lavor ch’i rendarìa el doppi…e…

FLORA – (Piccata)…E già…E Celestén…scond la testa tua imbotida de patèd, l’avrìa da gì a sturè i sciaquador, a gambiè le guarnizion ma i rubinètt e a mètta le scuffi nov in t’i scarigh di cèss…è véra…???

BONAPART - …E parchè no…??

GANASCIA – Mo sentì ma quést…?? Sentì ma sta madasa de stoppa…!!

FLORA - …E Celestén…il nuovo astro della canzone mondiale italiana americana…L’avrìa da fè ‘l garzon ma te…??

CELESTINO – E fèmm v’nì i call…??

GANASCIA – I call sarìa el manch…!! Celestén l’ha anca da sunè la chitara…(Rivolto a Bonapart)…E la chitara bon om, ann’è ‘na chièv inglés…!! O se sona el strumènt musighèl, o s’no…

FLORA – (Decisa)…Voiatre dò stè zitti e boni…c’è la Flora maché cla pènsa par tutti….!! Donca…(A Bonapart)…Celestén l’è da scartè…!! Mi fiòl sal maestre Ganascia jè sistemèdi…Me ajò da badè ma la chèsa…stirè cugia pulì…

CELESTINO – (Interrompe)…Ricéva la gent cla cerca ma’l zi…

FLORA – Propi…!!....E fè da magnè…??

BONAPART – (Mite)…Da magnè par…(Indica Ganascia)

FLORA – OH…!! Sentim anca quésta adèss…Sta a véda ch’a t’facc murì de fèm…

BONAPART – Gnanca i bò i murirìa de fèm…sa i piatt d’insalèda c’ha mand giò…t’me da sol quélla da magnè…!!

FLORA – (Ironica)…Toh…!!...Antonietto Cacciacannolo…!! El maestre dla cucéna…!! E co’ te vréss magnè…?? I sparag tutti i giorne o l’insalèda russa sa’l gavièl…??

BONAPART - …No…No…quést sarìa tropp…mo che almanch l’insalèda la fossa cundida tant e quant…

FLORA - …Anca questa ajò da sentì….e da mi fradèl po’…!! Guarda ‘n po’ se ‘l maestre Ganascia el s’lamènta…!?

GANASCIA – Vo’ sòra Flora…nun par détt…ajavé la mèn santa par cundì l’insalèda…

BONAPART – Se…Com cla coca del ristorant  “RIVA DEL MONTE IN COLLINA SUL MARTE”….

FLORA - …Sentém anca quésta adèss….com’è che sta coca la cundirìa l’insalèda…?? Sentém un po’….

BONAPART – (Facendosi coraggio)…Beh…ecch …alora….stà coca de stè ristorant…apunt …”RIVA DEL MONTE IN COLLINA SUL MARE ”….quand la va a mètta l’oli in tl’insalèda par i cliènt la canta….(Imita il gesto di versare l’olio velocissimamente)…”Pirulén ch’èl pirulèva”….Quand invéc s’ trata da metta l’oli in t’èl piatt d’insalèda par lia…Alora…Alora la canta acsé….”Pi – ru –lén ch-èl pi – ru- lè – vaaaa…” (Esegue il gesto lentissimamente)

FLORA – (Senza parole)…Mo quést…Mo quést l’è ‘l colme…!! (Arrabbiata)…Chiapa la strèda…la caséta  di fèrr e va a lavrè…magnauffa ch’an te si atre….Che s’no a t’facc asagè un qualco’ de più dur dl’insalèda….!! E no…Pirulén ch’el pirulèva….!! Pussa via sa…!! Sciaganid d’un bacucc…!!

Bonapart abbassa la testa e fa per uscire mestamente con la cassetta dei ferri in mano.

GANASCIA – Scusè sòra Flora....(fa il gesto di chiedere denaro sfregangosi il pollice e l’indice)...Mo dmaténa ce sarìa da gì a cumprè el stromento....

FLORA – Ah...se...Bonapart aspèta...!!

Bonapart si ferma interdetto e si volta.

FLORA – (Imperiosa)...Quant cè vò...??

GANASCIA - ...Trecènt par el stromento, i librétt sa la mosiga e i spartìd...Po’ dop ce sarìa el rimborso spese de ogg...L’audizion insomma....sarìa SEICENT...!!

BONAPART – (Sconvolto)...Seicènt...Co’...??

FLORA - ...Chisà co’...?? Seicènt euri no...!! Dai...dai...Sgancia i sold...!!

BONAPART - ...Mo me adèss ajò da gì a lavrè...!!

FLORA – E be...?? E sa quést...?? T’va a lavrè...prò préma tira fòra i sold...

BONAPART – Mo...!!

FLORA – (Dura)...Mo...Un corne...!! E dai alla svélta a tirè fòra ch’el portafoj sa...Tant al so’ che t’ha ‘n bèll organétt...T’ha riscoss l’atre iri...iri...stamaténa...me carén miga a dorme da pìd...

Bonapart mogio mogio toglie dalla tasca il portafoglio e consegna a Flora 600 euro. (Finti ovviamente).

FLORA – (Prende il denaro)...Questi iè par vò maestre...!! (Porge i soldi a Ganascia che intasca veloce)...E adèss par me...!!

BONAPART – Par te co’...?? La percentuèl par le mediazion...!!

FLORA – (Arrabbiata)...An fè tant el simpatigh sa me...!! T’vò magnè...?? E sa co’ compre la roba...?? Me, pregocredere, la spesa la facc a contant...El nom dla Flora l’è rispetèd...!! E i buff, fintant ch’a so’ viva me...dentra sta chèsa in se fà...Da maquà...!!(Strappa il portafoglio che Bonapart aveva ancora in mano e prende altri soldi)...A so’ me quél che costa par riempì cla panzacia tua...!!

BONAPART – Oh...Quésta po’...A magn com un gardlén...!!

FLORA – Dì piutost com un baghén...T’ha la budlèra sfonda trachè...!!

GANASCIA – (Che ancora mangia)...L’avrà el verme solitario...

BONAPART – Già...me ajò el verme solitèri...è véra...??Ehhh...pacénza...!! (Fa per uscire).

GANASCIA – Sòra Flora...(Fa il gesto di guidare l’auto)

FLORA – Ah...già...!!Bonapart aspèta...!! Tira fòra le chièv, me serve l’atonobil...

BONAPART – Propi adèss...!! Ajò’na sfilza de chiamèd...e anca distant...

FLORA – T’va a pìd...

BONAPART – Chisà com a facc...a pìd...!! Ajò da gì a Pantèn...a Muraja...a Candlèra...

FLORA - ...Chiapa el muturén...

CELESTINO – (Con indifferenza)...C’è da métta la benzéna...!!

BONAPART – Anca quésta adèss...!! E la casséta di fèrr...?? E i tub...?? In do’ i cacc...??

FLORA – A tracolla no...!! Co’, t’vergogn...?? L’è ‘l mestìr tuo se o no...?? E alora...

GANASCIA – E po’ acsé se risparambia el carburant...Arcordèv co’ l’ha détt el governe...Risparmiè le spés inutil...che s’no maché a seltém tutt per aria...Ambè...!!

FLORA – Vò maestre a chiapè sempre in t’el segn...Invéc mi fradèll sta campèna in la sènt...(Si rivolge a Bonapart)...Te si un scialaquèd e basta...e po’ vàra...méj ch’a staga zétta.

Bonapart si toglie ditasca le chiavi della macchina, poi avvilito esce di scena scuotendo la testa.

FLORA – (Continua a rimproverarlo)...E fà de prescia...!! An gì a bighèlon com è tu solit par le ostarì...Che s’no stasera a t’mand a durmi senza magnè va bèn...??

GANASCIA – (Prende le chiavi della macchina da Flora)...Adèss me e Celestén a gém fin a Rimini a cumprè ‘na chitarra, i spartìd e tutt quant, va bèn...??

CELESTINO - ...Acsé da dmaténa a poss cminciè a sunè !!

FLORA – Ohh...!! Quést se chièma parlè sa’l giudizi...!!

CELESTINO - ..Prò el zi, el preténd un po’ tropp...El vrìa ‘na mèn...da me...!! Chisà dop com a facc a sunè la chitara...?? Le mèn l’è s’arvéna sa le latt, i tub, la ruggina...!!

GANASCIA – (Deciso)...Maché sòra Flora, le rob le jè do’ sol...O Celestén el se dà ma la musiga, o ma i rubinétt...!!

FLORA – (Energica)...E me alora...?? An contarìa gnènt...?? Déntra sta chèsa a cmand me...Donca se fà quél c’ha voj me e basta...E’ chièr...!!??

CELESTINO – Ohhh...!! Quést se l’è parlè da cristièn...!!

GANASCIA – (A Celestino)...Dai, dai...adèss vèn sa me !! (Si avviano verso la porta)

FLORA – (Accompagna)...An fè tardi...amarcmand...!! Gì pianén e stè  atènti ma i semafor e mai stopp...!!

GANASCIA - ...Stè pur tranquilla sòra Flora...Celestén l’è ‘na minìra d’or ancora tutta da scuprì...e me...a la téngh da cont...Aproposid...savé qual’è ‘l mon de battaja che Celestén l’avrà quand el girà a cantè in t’i festivalli...??

FLORA – (Impressionata)...Oh madòna...Ann’avrà miga da gìa a fè la guèra...!!

CELESTINO - ...Mo no mama...!! I cantant jà tutti ‘n antre nom no...?? Il nome d’arte...!!

GANASCIA – Propi !!...Il nome d’arte...!! E quél de Celestén el sarà...”SCAIBLU’...”

FLORA - ...A l’amerighéna..??

CELESTINO - ...E no..!! In italièn vorresse dire...”Cielo azzurro” !!

GANASCIA – Alora...?? Co’vè pèr...??

FLORA – (Pensando)...Scaiblù....Scaiblù....Tocca féi la bocca...!!

GANASCIA – ...A sentirì le sbatud de mèn quand i t’i concert i dirà...”Signore e signori...lidès and gintilman...ecco a voi...SCAIBLU’...!!...Sòra Flora...!!
V-nirà giù i teatre da i urle, i fischi e le sbatùd de mèn...Parola del maestre Ganascia...!!

CELESTINO – (Gongolante)...Ajavrò un vestid a doppi pètt, sa disegnèd stèll e pianét...la camigia de pizz sa i merlétt e ‘l collétt a la Robespierre, e la gravata color aragosta...Eh...ma...Co’ t’dic...??

FLORA – (Contenta)...Oh...Madòna santa...A so’ tutta emoziunèda...!!

GANASCIA – Lasciè fè ma me sòra Flora...ma’l “manegèr”....sti cantant nov...e anca ch’i vécch, ...I avrà da murì d’invidia tutti de front ma Celestén – Scaiblù...!!

FLORA - ...A la faccia de Celentano...Toh...!! Cl’antipatigh d’un sgambarlèd...I starìa propi bèn se Celestén i facéssa basè la cresta !...Mo adèss gì...dai, che s’no a fè tardi...

CELESTINO – Ciao ma...!! (Fuori Celestino e Ganascia)

FLORA – Adio...Scaiblù dla maména tua...(Da sola ripensa)....Scaiblù...Celestén...Scaiblù....(Esce di scena con un sospiro)
La scena rimane vuota per un momento poi suona il campanello d’ingresso.   Flora esce per un momento ad aprire. Entra CLIENTE. (Cliente è un signore vestito in modo anonimo, porta un paio di occhialoni scuri cappello sugli occhi ed una sciarpa, ha con se anche una borsa tracolla il tutto  per non farsi riconoscere ed entra in scena guardandosi intorno in modo guardingo.)

CLIENTE – (Squadra Flora dalla testa ai piedi)…MMMmmmm….Bongiorne Signora….Me a sarìa v-nud maché da lei…par  ch’el lavor…

FLORA - …Ah…Se…Ch’i l’è ‘l falegnèm lei…??

CLIENTE – (Titubante)…Mmmm…se…dicém ch’a so’ ‘l falegnèm…!!

FLORA - ...Alora , par de qua….’n do’ c’è la botéga…

CLIENTE – Mo…subit…acsé…?? E…par el pagamènt…??

FLORA - …E…’Na maténa…Mo co’ l’ha prèscia…?! …A farém dop…Quand l’ha fnìd… e po’ bsogna véda s’vèn fora un lavor fatt bin bèn……Lei el sa com’è…la roba fata sa le mèn…toca essa precìs un gran bèl po’…specialmènt  sl’è de legn…Parchè sa la sega…L’è ‘n momènt…!!

CLIENTE – (Con intensità)…Ah…Par essa de légn…l’è de légn signora mia …’na maténa…In quant ma la sega…budrìa gi bèn…par cmincè…me pèr comunque un po’ poch …

FLORA – …Parchè an stà so è véra……?? E alora c’vo’ …un pèra de morsétt…

CLIENTE - …Apunt, a dicéva…le mén sol…l’en basta…’Na sega soltant po’…!! C’vo’ sigur  anca qualch morsétt…Prò pièn pièn …amarcmand…Mo…v-nirà a costè ,sigur de piò…!!

FLORA - …Capirà co’ sarà méi…Per di qua…da questa banda, prego!!

CLIENTE - …Dopo di lei signora…

I due escono di scena, pochi attimi di silenzio, poi trambusto:
Voci fuori scena concitate.

 FLORA -  Co’ t’fa…brutt spurcacion…D’un spurcacion…??? Ehhhh?? DElinguènt…At’dagh me a t’dagh….!! Imbecéll…Moramazéd….Ma come si permette…Io sono una signora…ECC. Ecc…(Anche a piacere).

 il cliente ha assalito FLORA che si difende riempiendolo di botte.
QUINDI RUMORE DI BOTTE, PUGNI CAZZOTTI  

CLIENTE – (Rientra in scena seguito da Flora che lo picchia)…Mo signora…madona santa …co’ la fa…???

FLORA - …Com co’ facc…?? Moramazèd d’un delinguènt d’un spurcacion…!! T’me métt le mèn adoss, e t’ha anca el coragg da dmandè co’ facc…???? MANIACO SESSUOSO….Mo par chi t’m’ha chiapèd dì…???

CLIENTE - …Mo com par chi t’ho chiapèd….?? Par la ROSCIA…chisà par chi t’ho chiapèd…

FLORA - …Mo me an so’ la Roscia…!! La Roscia la stà de sopra…Un pièn più in alt…!! Pezz d’un sumar…!!

CLIENTE – Mo com sarìa a dì…?? AHio …Ahio…!! (E’ tenuto da Flora per un orecchio)

FLORA – (Arrabbiatissima)…Insomma…brutt imbecéll ch’ann te si atre…Te capisc l’italien o no…?? La Roscia la sta de sopra….(Grida in faccia)…DE SOPRAAAA….!!

CLIENTE – Mo…Lei prò l’ajè roscia…!!!???...E alora….

FLORA - ....Alora cooo…???

CLIENTE - …Alora a pensèva che magari….!!

FLORA - ….Magari cooo’…??

CLIENTE - …Magari…ecch…a pudémmi combinè ‘n qualcò’…Ecch…!! Vést ch’a sém maché…senza ste a fè i scalén…an c’è manca l’ascensor…!!

FLORA – (Calmandosi)…Sènt ma me…Brutto pezzo d’un cafone…Pernicioso maniaco sessuomane e spurcacion….Sa’n t’va via…A te cianciangol tutt sa ste mi mèn che i becamort i t’ha da tirè su sa’l cuchiarén…T’ha capid…??

CLIENTE – (Nel pallone)…Se…se…Cla me scusi tant signora Roscia…!! (Fuori)

FLORA – (Grida dietro)…An so’ la Roscia meee….!! E poi sono RAMATA….!! Mo davér davér…C’è manchèva anca quésta adèss….!! (Rientra seguita da Edvige)

EDVIGE – Madòna Flora co’ sucéd…??

FLORA - …Co’ sucéd…?? Al so’ me co’ sucéd…Ste delinguent…ste moramazèd…spurcacion d’un spurcacion…

EDVIGE – Flora…sta calma su…sta calma…Met-te a séda e arconta tutt dai…!! T’vo’ béva ‘n bichìr d’aqua acsé t’archiap ‘na muliga…

FLORA - ...E magari…Ajò el còr ch’èl me scapafòra da la boca miga no…Oh madòna…Oh…Madona mia..!!

Edvige, esce un momento e rientra con un bicchiere di acqua che porge a Flora.

EDVIGE – Dai su…An fè acsé…!! Mo…co’ sarìa sucèss….??

FLORA - ...E’ sucèss che ch’èl …ch’èl….Insomma ch’èl tizi malé…al m’ha chiapèd par la Roscia…Ecch…!! E…E…el m’è saltèd  adoss…!!

EDVIGE - …Ma teeee….??...Che stomigh…!!

FLORA - ...Se…Propi ma me….!!...Cum sarìa a di “Che stomigh”…!!

EDVIGE –  (Rimedia)…No…no…A vlèva di’…Mo com è stèd posibil Flora….??

FLORA - …E co’ t’ho da dì Edvige…Me a credéva cl’èra ‘l falegnèm…!!

EDVIGE - …E invéc l’era un manigo sessuale…Mo pènsa te…

FLORA - …El giva da la Roscia, el gìva…T’ha capìd…??

EDVIGE - …Catto !! Ajò capìd se….Che vergogna…Mo an t’ha vùd paura …??

FLORA – …Chiiii…??? Meeee…?? No d’sigur…!! Anzi l’ha da ringraziè ch’ann’ho più l’età…che s’no caréna mia…a l’atachèva me… t’èl mur …valà…!! Comunque l’è tutta colpa de cla Roscia del cara…. Ah…mo tant ma cla gatacia a la chiap un de stì giorne…minim a romp l’oss del col !!

EDVIGE – Prò Flora te t’ha da stè calma...Parchè quélla malé cè modi cl’a te denunzia miga no...!!

FLORA – (Si accalora) ...E de grezia...Parchè motìv la me denunzia...?? Par avé dat quatre calc t’èl cul ma  cla spurcaciona dla su  gata cla và a piscè dapartutt...?? Cla staga aténta, parchè me a so’ bòna da de quatre calc t’èl cul anca ma lia...Ambè...!!

EDVIGE – Madona Flora..!!...An t’arabì acsé….Te fa mèl...!!

FLORA - ...E se...T’ha propi ragion Edvige...E’ méj ch’a staga calma...E che ogg a so tutt agitèda (Si fa aria con la mano)...Préma a me so rabida sa mi fradèl ch’ann’ha voja da fè gnènt...Adèss sa stè baghén d’un spurcacion… Po’ sa mi fiol che...

EDVIGE – (Agitata interrompe)Madòna ...Mo...è sucèss un qualco’anca ma Celestén...??

FLORA - ...Ancora no...! Mo ‘n qualcò’ sucedarà..Edvige...(calca) Mi fiol Celestén...anzi...”SCAIBLU’” ...in art...l’è...le par le par chiapè ‘l vol...

EDVIGE - ...E ‘n do’ ‘l và a fè l’aviador...??

FLORA  - ...Se...L’aviador...Più so...più so...!! L’aviador a paragon de mi fiol e com se’l volasa a raschion par tèra...!! Fa cont...!!

EDVIGE – (Sempre più sorpresa)...I l’ha chiamèd a CAPO SCAGNAVERAL tra i stronatigh...??

FLORA - ...Mo co’ t’ha capìd..Edvige!??...(Cambia)...Stà a sentì...Sgond te, co’l fà a chèsa mia el maestre Ganascia...Eh...?? Co’l fà...??

EDVIGE – (Contenta)...Celestén l’ha sfundèd...!!

FLORA – (Modesta)...Beh...propi sundèd ancora no...Prò s’incmincia a véda le crepacc...e prèst Edvige mia, el mur el cascarà...e la gloria...

EDVIGE – La Gloria sa la GHE maiuscola...??

FLORA – Propi...La Gloria...quella sa grilandra d’melavre  sla front...la entrarà dentra sta chèsa...!!

EDVIGE - ...E ‘na maténa...!! T’sarà cuntènta...!!

FLORA – (Se in piedi si siede)...Ah vàra...!! An stagh più in t’i pagn da la contentezza...!! Ahhh...mo me so’ sacrifichèda ‘n gran bèl po’...parchè a manténa ma’n maestre de musiga privéd, costa an so’ quant...

EDVIGE - ...Catt, a i créd...!!

FLORA - ...Prò quél che me fà gì in bestia...L’è mi fradèll...Miga el se rénd cont de quant costa manténa ‘na faméja....

EDVIGE - ...Av pacénza Flora valà...An tla chiapè...che i om jè tutti uguèi...
Be...Adèss a vagh...(Esce)

FLORA – Se...Ciao Edvige ...E grazie de tutt...!!

EDVIGE - ...E de co’ capirà...Ciao adèss...(Fuori)

Anche Flora esce. La scena rimane vuota alcuni istanti.
Poi ritorna Bonapart.

BONAPART – (Rientrando)...Flora a so’ maché...!!

FLORA – Ah...Bonapart t’si arturnèd...Era ora...Vara che me adèss ajò da scapè...Te donca adèss te stà maché a chiapè le chiamèd...Va bèn...??

BONAPART – Mo me ajò da gì...

FLORA – (lo interrompe a voce alta)...Da nisciuna part t’ha da gì...T’fa quél ch’a dégh me e basta...Mo davér davér...

BONAPART – Mo...an po’ stè maché Celestén sa’l maestre Ganascia....

FLORA - ....Celestén an c’è...e manca el maestre Ganascia...Jè gid a Rimini a cumprè el stromento mosigale per Celestén – SCAIBLU’...

BONAPART - ...E già…!! Sa i sold mia…!!

FLORA – Com t’ha détt…??

BONAPART – Gnènt gnènt…Aproposìd…L’è v-nùd el falegnèm…??

FLORA - …Se…l’è v-nùd el falegnèm…Prò ann’era el falegnèm…!!

BONAPART - …Com sarìa a dì…??

FLORA - …Sarìa a dì che te an te capìsc gnènt va bèn ??…Comunque adèss te,  te stà maché e basta… capìd…??

BONAPART - …(Rassegnato) Mo…Sa stagh maché…an poss gì a lavrè…

FLORA – Te chiap le chiamèd no…? Teston…!! E comunque me adèss ajò da gi via…Ch’ajò ‘n apuntamènt…

BONAPART - …E sa chi…??

FLORA - ...Mo sènt ma quést…?? Co’ t’importa ma te…?? Brutt cacianés…!!(Esce)

BONAPART - …Mo vàra te…!! Putèna vigliaca…me toca stè maché a perda el tèmp…invéc da stè in gìr a lavrè…Mo tant …??  Com a poss fè…?? Me toca dèj retta ma mi surèla…Che quéla malé…la me ména  miga no…Adèss po’ la se fisèda sa’l fiol ch’èl vo fè el cantant…e sicom cl’è stunèd com una campèna …l’ajè gida a to’ ma ‘n maestre de musiga privèd….E stò el se fa manténa a chèsa mia...magnèd, bud…e pasciud….ste cara de maestre Ganascia…de nom e de fatt….ch’inn’ essa ‘n colp anca ma lò…toh…!!

Entra Pitron, amico di Bonapart.

PITRON – (Entra sulle ultime battute)…Oh…A poss rentrè…?? O T’mand a murì d’un colp anca ma me…??

BONAPART - …Oh Pitron…!! No no…I colp inn’era par te, sta tranquill…!!Jèra par ch’èl moramazèd de Ganascia, ch’èl bòn a gnènt de mi nipod Celestén…e cla rompiscatol de mi surèla…

PITRON  - Ecch magari se t’arvanza un qualca colp in piò…dal ma me…ch’al mand drétt drétt alla mia cara moglie…L’Edvige…!!

BONAPART - …Ah…quaion…!! T’si méss bèn anca te se…!!

PITRON  - Ecch…!! Alora a végh che t’ha capìd la situazion…Chèr el mi Bonapart…Me sa l’Edvige ann’è poss piò….Trachè te…

BONAPART – Lascia perda valà…!! Tre person par chèsa cle te romp le scatol in continuazion part tutt quél che t’fa…Ann’è ‘n schérz valà…Dle volt me v-nirìa voja da piantè tutt e gì via…

PITRON – E già…!! E po’…’N do’ t- giréss…??

BONAPART - …Da nisciuna part….!!

PITRON - …T’véd alora…an c’è gnènt da fè…Tutt’i dò, a sém propi i t’èl cul del sacch…

BONAPART - …Com sarìa a  dì…??

PITRON - …Sarìa a dì che te sa tu surèla…e me sa mi moj…a la gém a chiapè sempre t’èl…Sacch….Tant par dila pulida…

BONAPART - …Pitron vara, tla po’ dì anca sporca…che tant la musiga l’an gambia….

PITRON - …Ecch…Apunt…(Cambia)…mo t’si da part te…??

BONAPART - …Se…iè gìd via tutti…Mett a séda dai…T’vò béva…??

PITRON – (Si siede)…Eh…Magari…me ce vrìa propi na’ goccia…almanch m’archiapa el morèl… Cèrt che maché…S’an gambia qualcò’…a gém a fnì mèl tutt do’ eh…

Bonapart prende un bottiglione di vino e due bicchieri (e versa da bere.)
I due ragionano fra di loro tra un bicchiere e l’altro.

BONAPART – E già…a sém propi sa’n pìd in tla fosa…Salute…(Beve)

PITRON -...Alla tua…(Beve)

BONAPART – …Porco boia…mi surèla l’ajà i occh dapartutt…e tutti puntèd adoss ma me…Sa vagh ‘na mulighéna fòra dla rotta…a sènt subit le mio…!!

PITRON - …E mi moj…?? La me conta anca l’eria ch’a respir !!

BONAPART – (Versa ancora da bere) Dai be’…fintant che cle dò sparvéngol l’èn c’è…

PITRON – (Beve)…Maché Bonapart…toca trovè ‘na soluzion…parchè me, ann’è poss piò… Dle volt…Dle volt me pèr da gì ‘n ti matt…Miga no…!!

BONAPART – (Beve e versa continuamente poi illuminazione)… …Com t’ha détt…??(Beve)

PITRON – Quand…??

BONAPART - …Adèss…co’ t’ha détt…??(Versa)

PITRON - ...Ajò détt che ormèi a vagh in t’ì matt …T’ha capìd…?(Beve)…VADO NEI MATTI…!!

BONAPART – (Beve)…Vara ch’an sarìa miga mèl com idea…

PITRON - …Co’…??

BONAPART - …Gì ‘n ti matt…!! (Si riversa da bere)

PITRON - …No…Propi ann’i la facc  a sted d-dria sa la testa…!!

BONAPART - …Mo par forza…(Beve)…lascia gì da béva…e stam a sentì…

PITRON – (Beve ancora)…A so tutt orecch…

BONAPART - …Noiatre ajavém da fè finta d’essa matt…!! (Beve con sguardo assente)

PITRON – (Beve ormai ubriaco)…Seeee…. cmincém a spachè tutt… butém i mobil da la fnéstra…dém fogh…

BONAPART - ...No..No…è tropp…acsé… a gém a fnì t’èl manicomi par davér…sa la camigia de forza…(Beve)

PITRON - …E alora a cmincém a mné…!!...Mo sèl sèri…Tachém a mné a destra e a mancéna… Me ma mi moj e te ma tu surèla…e po’ chi c’è…C’è…? ‘N do’ capida, capida…(Beve)

BONAPART - …Sta bon…Aspèta…aspèta…(Beve)…Sarìa anca una roba bén fata…prò dop…a gém a fnì in galera…Violenza intenzionale aggravata e continuata…(Versa da bere)

PITRON -...La sarìa legittima difesa…Trachè…!!(beve)

BONAPART - …Al so…Mo lori inn’el sa…e t’giréss in galera lu stéss…!!

PITRON - …Alora…Co’ s’po’ fè…??

BONAPART - ...Alora…Maché bsogna pensè…(Beve ed ha un intuizione)…Trovato…!! A fém finta d’essa senza testa…!!

PITRON – Com sarìa a dì…” senza testa”…?!

BONAPART- ...Senza…Senza  memoria…

PITRON - …Ajò capìd…! RIMBECILLITI…!!

BONAPART - …Se…Mo miga s’èl sèri…Par finta..!!

PITRON - …E co’ savrìa da fè…??

BONAPART – Di ‘n po’ Pitron…Te, nella tua beata ignoranza…t’ha mèi sentud a parlè del processo di “BRUNERI E CANNELLA”…??(Beve)

I due sono ormai alticci.

PITRON - …E co’ sarìa…?? (Beve)

BONAPART - …Donca..La sarìa ‘na roba capitèda dop la préma guèra mundièl…C’èra ‘n om ch’èl s’è chiamèva BRUNERI…prò l’era mort in guera…Cl’atre invéc ch’èl s’chiamèva CANNELLA, l’avéva pèrs la memoria…e dciva cl’era BRUNERI e no CANNELLA…è chièr…??

PITRON - ...No…ann’ho capìd un cavlè…Co’ centra sa noiatre el…el brulè sa la cannella…!!

BONAPART – Pitron…lascia gì da béva e stam a sentì…

PITRON – (Alticcio)…Alora…??

BONAPART - …Anca noiatre ajavém da perda la memoria…Ajavém da fè   finta da non capì…A sém dventèdi scèpi al’improvis…Acsé mi surèla e tu moj…le s’impresiona e le chiapa spavént…

PITRON - …Sarìa a dì che mi moj la s’artrova ‘n marìd scèp…e tu surèla un fradèll invurnìd…

BONAPART  - …Propriamènt…e stì dò…osia me e te…in s’arcorda più gnènt…ne com i s’chièma…ne com s’fa i lavor…ne ‘do’ i sta de chèsa…Gnènt !!

PITRON - …Acsé…qualch’d’un…Presempi…clè donn…Le c’avrà da curè…

BONAPART - …E par forza…che se no sarebbe “ABBANDONO DI INCAPACE”…e le girìa lori, in galera…

PITRON - …Chi…??

BONAPART - ...Mo com chi…?? Teston…!! Mi surèla e tu moj no…!!

Ormai praticamente ubriachi.

PITRON – E già…Putèna vigliaca…l’ejà ‘l dovér da curècc…parchè noiatre senza la memoria dentra la testa…an pudém fè più gnènt…e..e. com s’fa..??... Sa la salud an se schérza eh…!!...Mo…se…par chèsi l’en becca…??

BONAPART – Com sarìa a dì cl’en bècca…!! Le Becca…le Becca…T’avoja sle becca…L’important l’è partì sal pid giust…Sta a sentì…Fém acsé…Te te stà maché a chèsa mia…e me invéc a vagh a chèsa tua…e te…te…Co’ so’…t’pudréss dvéntè al’improvis un matematigh…Ecch…se…un ch’èl scriv sempre i numbre…sempre…dicém, che t’si…cos…malé…(Ricorda)...Cum s’chièma ??…AISTANN…


PITRON - …Chiii….???

BONAPART - …AISTANN…Tiston…!! An te cnosc ma Aistann…??

PITRON – An me pèr…!!...Co’ l’è ‘n tu parènt…??

BONAPART – Mo no…Aistann l’è un studios de matematiga…la vint anca unn premi famos…prò ma lò inn’i piacéva ‘n gran che ste premi…difatt el diciva sempre ma tutti ch’ i avevén dat un prèmi…NO – BEL…!!...T’ha capìd…??

PITRON – (Stralunato)…No…!!

BONAPART - …Apunt…Comunque te t’ha da scarabochiè i numbre e basta…e po’ t’ha da parlè …mo ascé…a casacc…Quél ch’te vèn in mènt…!!

PITRON -…Aspèta…Aspèta…Fam pruvè…Donca….(Ovviamente ubriachi)…Se A sta ma B…(Pensa)…e B stà ma C (Pensa)…Me…’n do’ l’è c’ha stagh…?? …Va bèn in ste mod…??

BONAPART – (Gran risata)…Madona t’me fa piscè adoss da’l rida…Alora…a stè punt…me a farò finta d’essa un cos…com un attor famos…Ecch se…a sarò… …quell di Montecchi e Cappelletti…A se…SCIACHESPIR…!!

PITRON -…Scusa sa…Mo chi sarìa ste Cappelletti…quél ch’èl vénd la pasta fresca in via Rossi…??

BONAPART – Mo Chiii…??

PITRON – Cappelletti…

BONAPART - …Mo no…Ignoranton…Montecchi e Cappelletti di Sciachespir…La storia de Romeo…El moros dla Giulietta di Varese…(cambia)…Stà a sentì…zucon…e impèra….(declama)…O Giulietta di varese…Sei tu mia Giulietta di Varese…?? Non senti tu come mi pulza il cu…il cu…cuor del tuo Romeo deviato…?? Vieni fra le mie brache …o vago fiore…!!

PITRON – (Ride ubriaco)…E te…stè rob maché…t’le dirà tla facia ma l’Edvige…?? Ma mi moj…??

BONAPART – Se…parchè ??…Miga a me vergogn…!!

PITRON - …A sigur…!! Sol che me ‘na scena acsé…an la voj propi perda…Me dispièc…mo me a voj véda tutt…magari dal bugh dla chièv…(Rifà il verso)…”Vieni tra le mie brache…o vago fiore…ma l’Edvige…!! (Ride di gusto)

BONAPART - …E me alora…Co’ ajavrìa da dì…ch’an poss véda ma la Flora a le prés sa Aistann…??...Stà a sentì…A c’arcuntarém tutt più tardi…parchè se te te stà maché…e me vagh a chèsa tua…La Flora e l’Edvige…de sigur le se telefona…

PITRON - …Par forza…almanch par savé co’ sucéd…!!

BONAPART – Ohhh…Adèss prò vèn el bel…parchè ‘na volta te e ‘na volta me, a c’metém a strilè…A voj ma Sciachespir…!!! A voj ma Aistan…!!! Insomma da sembrè dò matt ecch…Acsé…Ce s’incontra maché…A chèsa mia…

PITRON - …Scusa sa…Mo parchè sempre a chèsa tua…??

BONAPART - ...Parchè la Flora…com la fa sempre lia…la cmandarà  anca sopra ma tu moj…E quést par prém…Secondo, me a voj sistemè ‘na volta per tutte ch’el magnacia de Ganascia….

PITRON – Forza alora…Fém partì sta comédia…

BONAPART - Se…Se…dai… adéss a scapp subit  a chèsa tua…

PITRON - …E me maché…Toh…chiapa le chièv de chèsa…(da le chiavi)

BONAPART – (Prende la chiavi)…Te intant cmincia a scriva un po’ de numbre….Malà c’è la carta , le pénn…i color…tutt insomma…(Uscendo)…A t’salud…AISTANN…!!

PITRON - ...Adìò…Sciachespìr…!!

Pitrén si siede al centro della scena con una penna ed un blocco, comincia così a scrivere i suoi numeri. Squilla il cellulare della ditta, Pitrén è incerto se rispondere o meno. Poi risponde.

PITRON - ...Pronto…?? Qui è l’obitorio...Dica …Ha qualche cadavere da depositare depositando il deposito depositato…???...NO…!!...Bene…Ch’i s’ne frega…Bongiorne…!! (Chiude e riprende a scrivere i suoi numeri)

Flora rientra dal fondo chiamando il fratello.

FLORA – Bonapart…!! O Bonapart…(Vede Pitron)…E te…?? Co’ t’fa maché…??...Bonapart ‘n do’ l’è…?? (Chiama ancora)….BONAPART…!! An c’è…(A Pitron)…Pitron…O Pitron…A digh ma te…’N do’l’è Bonapart…

Pitrén continua a scrivere in silenzio i suoi numeri senza ascoltare ne alzare la testa.

FLORA – (Scuote Pitron per un braccio)…Pitron…ma te oh…!!

Mentre Flora sbigottita guarda Pitron, questi si alza indifferente e si porta al centro della scena e controlla i vari fogli che ha in mano.

PITRON – (Ragionando)…Donca…Se A sta a Bi…come Bi sta a Ci…Me, ‘n do’ l’è c’ha stagh…???...Tra A, Bi, o Ci…??? E’ relativamènt relativ…parchè sarìa tutt una relazion…

FLORA – (Interdetta ed un po’ impressionata)…Mo insomma Pitron…Co’ c’è…?? Co’ sucéd…?? Co’ t’fa…?? S’po’ savé ‘na bòna volta…???

PITRON – (La ignora)…Ufffaaaa…!!…Maché an s’po’ perda el fil…!! Alora…La teoria della pratica dice che l’effetto muratorio dell’elettromagnatequesto che me a magn ma st’atre…(continua a scrivere)

FLORA – (Energica)…Oh insomma…Co’l’è sta bufonèda…?! Bonapart t’l’ha vést se o no…??

PITRON – (Indifferente)…La terza potenza d’un numbre potènt…senza patènt…moltiplichèd par l’altezza dla chèsa de Biagiotti ch’èl sarà alt su par giò…2 metre…e divis par la metratura del negozi di Pensalfino…avrìa da fè…Venticinque…parchè se cinqv par cinqv…faaaa…? (A Flora)…Quant fa…??

FLORA – (Nervosa)…Venticinque…Mo…Par tutti i diavle dl’inferne…

PITRON – (La interrompe)…Già venticinque….Apposta la radiga squadrèda del del purton dla chèsa di Vittorio la v-niva sbajèda…!! (Si riporta al tavolino e si rimette a scarabbocchiare numeri)

FLORA – (Si comincia ad impressionare)…Oh…madunéna santa…!! Mo quést l’è gìd via sa la testa….(Chiama)….Celestén…!! Maestre Ganascia…!! In c’è…Jè gìd via tutti…Oh santarén del paradìs…Aiudèm Vò…(Guarda sottocchi Pitron)…A podrìa chiamè ma l’Edvige…Mo se Pitron el m’è salta adoss cum clatre imbecéll de préma…e po’ el s’aproféta de me c’ha so debole e indifesa…??...Bèl punt Pitron ann’è manca ‘n gran che…Alora l’era méj quél de préma…(Guarda di nuovo Pitrén)…Prò el sta bon…el ragiona par con sua…(Prende con cautela il cellulare)…Mo…el numbre…?? An m’l’arcord…(facendosi animo)…Pitron…fa’ el bòn…damme l numbre de chèsa tua…c’ha telefon ma tu moj…va bèn…?? El numbre…

PITRON - …Se…l’è propi quést…Séi…Ventiquatre, un, trentaséi e dic- dott…!!

FLORA – (Fraintende e compone il numero)…Séi, ventiquatre, un, trentaséi e dic – dott… (Attende)…Pronto…?? Edvige…?? Co’…Chi è…?? Chi parla…?? L’ENASARCO…! Oh…madona…Ajò sbajèd…!!(Chiude la comunicazione poi si rivolge a Pitron)…Te Pitron me sa tant che te sta dand i numbre…(Tra se)…Flora sta calma…an perda la testa…ragiona…(Pensa)…Ecch se…(Forma un numero tenendo sempre d’occhio Pitron)…PRONTI…?? Edvige…?? Oh…meno mèl…corr…corr subit maché…Co’…?? Co’ t’ha détt…Bonapart l’è malé…!!??...Ehhh…Chi sarìa…???... SCIAKESPIRE…????

PITRON – (Prontissimo)…Sciakespire…?? Al voj maché…!! Subit…!!

FLORA – (Sobbalza spaventata)…Se…Se…stà bòn prò eh…?!...(Al telefono)…Edvige…Edvige…Par favòr…vén subit maché…sa Bonapart…se…Madunéna santa…!! Còrr….Vola….!! (Posa il telefono, cercando di stare calma, e lentamente si avvia verso l’uscita)…A..A torne…subit…!

PITRON – (Con un certo nervosismo)…Voi signora restate QUI…Buonina, buonina e calmina, calmina…Fintant ch’an ariva SCIAKESPIRE…Va bèn…??

FLORA – (Impaurita)…Se…Se…com a vlé vo’….Pitron…

PITRON - …AINSTAN prego…!! (Si alza, si inchina, si risiede)

FLORA  - (Sgrana gli occhi dal terrore)…Se…se…sòr…ISTAN…!! A…A me poss métta a séda…??....Le gamb le me s’apiga…!!(Riprende in mano il telefono)

PITRON – NO…NO…No…No…El telefon a post, che se sona…el me dà fastidi…(Pensa a voce alta)….Donca…Se da ‘n albre casca ‘na mela…e par la regola dla gravidità…O parchè la s’è spicèda in quant che ‘l gamboll el s’è infraidèd…???...(A Flora)…Vo’..?? Co’ a pensè…???

FLORA – (Intimidita)…Meee…??...Gnènt…!

PITRON - …Com gnènt…???...A …me pièc…!! Toca avé ‘n idea fissa…O positiva o negativa, parchè…

Edvige entra precipitosamente.

EDVIGE - …Flora…!!

FLORA – (Va incontro ad Edvige)…Mo co’ sarìa sta maschereda…??

Edvige allarga le braccia.
Mentre Bonapart saluta gridando.

BONAPART – (Entra dietro Flora con un libro in mano)…Ainstann carissimo…!!

PITRON – (Come sopra)…Sciachespir…!!

Le due donne rimangono sconvolte, mentre i due cominciano a conversare.

BONAPART – (Sedendo)…Aistann arconta tutt…T’ha scopèrt la légg…?? Quélla gravidazionèl…!!

PITRON - …Ancora no…prò so a bòn punt eh…!! Te piutost…Com le va le pròv dla TRAGIGA TRAGEDIA…??

BONAPART – Ehhh…TRAGICAMENTE…Purtroppo…a so’ sol alla scena quinta….(Si alza)…Adèss a t’facc sentì un pèzz…(Apre il libro e declama)…L’ALLODOLA FU L’ARALDA DEL MATTINO…NON L’USIGNOLO…NE LA PASSERA…MA L’ALLODOLA… FOSSE STATA LA PASSERA, SAREBBE STATO MEGLIO PER TUTTI, MA PURTROPPO PASSERA NON E’...QUINDI ALLODOLA FU..…!! ORDUNQUE GUARDA AMORE QUALI INVIDE STRISCE ORLANO LE NUBI CHE GIU’ AD ORIENTE SI PARTONO…LE CANDELE DELLA NOTTE SONO CONSUNTE ED IL GIORNO GIOCONDO SI LEVA A PIE’ LIEVE SULLE MONTAGNOSE CIME SOFFUSE DI NEBBIA….BISOGNA CHE IO VADA E VIVA O RESTI E MUOIA… LA PASSERA ASPETTANDO INVANO.(Si blocca chinando il capo).

Le due donne sempre all’ascolto con occhi spalancati e bocca aperta.

PITRON – (Applaude)…Ostio…t’m’ha lascèd a bocca larga….!! Te, te si el più méj ator ch’c’è ogg in t’el mond….

BONAPART – (Gongolandosi)…E po’ quést ann’è gnènt…!! T’ha da sentì el pèzz de quand Romeo l’è sotta el terazz dla Giulietta di Varese…

PITRON - …E co’l fa malé sotta !?

BONAPART – Co’l fa…??!! Te fa cont ch’è nott…è cald e c’è la luna péna…La Giulietta di Varese l’ajè tutta mezza spujèda…insomma sol sa’l sutanén no…….E Romeo l’è invéc de sotta in mézz a le frasch, anca lo sol sa la canotira…(Cambia)…Prò me sa che acsé…  an s’capésc bèn…

PITRON - …Com sarìa a dì ch’an scapésc bèn…Me a so’ già tutt imbirid…

BONAPART - …A voj dì che acsé la scena l’an fa efètt….Parchè toccherebbe ricreare l’ambièntazion e l’atmosferiga….(Pensa)…Ce vrìa ‘na  controfigura de la  Giulietta di Varese….(Squadra dall’alto in basso Flora ed Edvige)…No…L’enn’ha la corporatura adatta….(Poi a Pitron)…Ecch…TE invéc …t’podréss gì bèn…

PITRON - …Mo co’ t’si matt…?? Me…la part dla Giulietta di varese…!!??

BONAPART - …Mo no…!! Co’ t’ha capìd…?? LA CONTROFIGURA no…!!...Fém acsé…Dla c’è na schèla bella alta…Te t’mont in alt…e me da sotta a t’facc sentì ‘n antre pèzz de commedia…(Fuori a testa alta)…Procedamus…!!

PITRON – (Lo segue al volo)…Madòna an stagh piò in t’i pagn par sentì ste pèzz d’amor…

I due sono fuori.
(Pausa lunga)) Le due donne sono senza parole.

EDVIGE – (Si siede disperata)…Madòna…jà pèrs el cervèll…Jè dventèdi matti…!!

FLORA – (Perplessa)…Mmmmm….Sarà…!! Me sa tant ch’i è imbriègh…!!

EDVIGE – (Tragica)…Te te dic acsé par fém coragg…Jè immatidi traché…!!

FLORA – Ann’èl dì manca par rida…!!

EDVIGE – I rinchiudarà ma mi marìd in …in t’una chèsa do’ s’cura ma i matt…!!...A so’ rovinèda….(Piange)

FLORA – (Energica)…E no…!! Quést an sarà mèi…Tra i matt inn’ha da gì…Girìa de mèzz la reputazion nostra…

EDVIGE – Allora…Co’ l’è c’ha fémm…??

Flora si alza, poi si avvicina all’uscita dove sono i due uomini  esce un attimo poi ritorna con circospezione.

EDVIGE – Mo…Co’ i fa…??

FLORA – (Ad Edvige)…Sssstt…!! Pitrén l’è in cima ma na schèla…tla testa l’ha ‘na madasa de stoppa fatta a treccia….E Bonapart par tèra ch’i dic…”GIOLIETTA DI VARESE” !!!

EDVIGE – (In preda alla disperazione) I s’è immatid …Flora…Iè matt… !!!

FLORA – Adèss Edvige stà calma…e fém lavrè el cervèll…(Pensierosa)…Ce fossa almanch Celestén sa’l maestre Ganascia…(Decisa)…Stà a sentì…Par adèss a i lascém sbizarì com i vò lori…Slè ‘na sbornia i pasa…Se invéc…

EDVIGE – (Si dispera)…T’vedrà…l’è com a digh me…!!

FLORA – (Continua il discorso)…Se invéc ann’è ‘na sbornia…a i fém curè…Prò senza fè savé gnènt ma nisciun…

EDVIGE – Se…Ce mancarìa anca quést…Tant i ce vo’ bèn da stè part…

FLORA – Giust…manch se sa fòra da stì mur…e méj l’è…Specialmènt s’i ‘l vén a savé la Roscia…Sarìa ‘n disatre…sarìa…!!

EDVIGE – ...E parchè…??
 
FLORA - Parchè me, ma la Roscia a la voj mandè via da maché…Per motivi di dubbia moralità…e invéc adèss sa tu marìd e mi fradèll ch’i ha pèrs la testa al’improvis…Insomma….la Roscia la pudrìa anca  mandè via ma noiatre…Per altrettanti evidenti motivi…T’ha capìd…??

EDVIGE - …No…!!

FLORA – Ecch…Apunt…lascia perda valà…!!

Rientrano a questo punto Celestino e Ganascia.

CELESTINO – (Entrando a voce alta)…Ma…!! Ajavém cumprèd i CD de Segovia…

GANASCIA – (Con in mano una busta con i cd)…Iè ‘n spetacol…!! A sentirì che roba…

FLORA – (Lamentosa)…Oh Celestén…Fortuna che t’si arturnèd…!! T’savéss co’ è sucèss ma’l zi e ma Pitrén…!

CELESTINO - …I s’è fatt mèl par lavrè…!!

GANASCIA – Par forza…Bè che te bè…jè sempre duri…!!

FLORA – Vò  Ganascia stè zétt…!!

EDVIGE – L’enn’è rob che v’interessa capìd…??

CELESTINO - …Alora ma…? Co’ jà fatt…??

FLORA – Ja pèrs la testa…!!

GANASCIA - ...A valà!!…Al savéva me…Magarì jè gìd a perda la testa anca lori… par la Roscia…!!...Ah mo c’né tanti ehhh…!! Che vergogna…!!

FLORA – (Si altera un po’)…Madòna Ganascia…S’iprì ancora cla bocacia…(Minaccia) …La boca vostra l’ajà da stè chiusa…!!...Aprìla sol par magnè e basta…!!...

GANASCIA – (Abbastanza seccato)…Quand’è acsé…A tolgh el disturb e a métt in pratiga el sugerimènt…(Esce)

CELESTINO – (Si spazientisce)…Oh…insomma… mama…S’po’ savé ‘n qualco’…?? Co’sarìa sucèss…??

FLORA – (Indicando)…Sochiùd la porta malà…e guarda…!! Mo an te fè incorgia prò…!!

EDVIGE - …Fa pièn pièn…!!

Celestino si dirige nell’altra stanza, (Esce quindi di scena) dopo pochi secondi (30) rientra abbastanza preoccupato.

CELESTINO – …Mo…jè rimbecillidi…!!?? (Fa cenno con la mano)

FLORA – (Rassegnata)…Me sa anca ma me…!!

EDVIGE – (Piagnucola)…Tu zi…L’era a chèsa da me…El fèva…ROMEO…!!

CELESTINO - …Chi ….????

EDVIGE – Mo se…Romeo…!! Quél dla Giulietta di Varese…SCIACHESPIR, cl’l’inglés…mèzz francés…Guèsi tadésch…!!

FLORA – (Sbattendo le mani)…E Pitrén…invéc l’era a séda malé…ch’èl cuntèva i numbre e féva cos…AINSTANN…!!

CELESTINO – Ah…mo alora jà bud…!!

FLORA - …Veramènt an me paréva…In puziva par gnènt de vén…!!

CELESTINO – (Molto sicuro)…Alora l’è ‘na menesia…!!

EDVIGE - …Madòna…Mo è grèv…??

CELESTINO – (Sempre sicuro)…El più dle volt no…Toca pruvè sa le manir gentil… e dèi da magnè, bon e sostanzios…par via del fosforo clà da gì t’el cervèl e in più le vitamine e le proteine ch’i da l’energia…E po’ jà da stè a ripos…Capìd…??

FLORA – Te Celestén t’avév da studiè da dotor…Trachè…!!

CELESTINO – (Borioso)…Alora, me d-cirìa da fè acsé…TANTO RIPOSO più CIBI ABBONDANTI E SOSTANZIOSI CON FOSFORO E VITAMINE…!! Tra ‘na mesèda jè guarìd…!!

FLORA – (Preoccupata)…C’è ‘na roba prò…è chi vo’ stè sempre insièm…!!

CELESTINO – (Sempre sicuro)…Embè…?? An c’è da preocupèss…!! Con le buone maniere, a i fém capì che par magnè e durmì ognun sta a chèsa sua…e se po’ i vèn voja da incuntrèss…

FLORA – (Interrompe)…I s’incontrerà maché…A chèsa nostra…

EDVIGE - …Distànt dai maldicènt e i cacianès….

FLORA – …E specialmènt distant, molt distant da cla bugata dla Roscia…Sta putt…Oh…Co’ a stèva par dì…!!

CELESTINO - …Mo…Un momènt…Adèss ch’ai pèns…!!...Se…Se el zi e Pitron jà da stè a riposo…El lavor di lori do…Chi è ch’èl fa…??

FLORA - …TE…!!

EDVIGE - …E già…!! Insièm sa’l maestre Ganascia…!!

CELESTINO – (Molto preoccupato)…Meeee….??...Un bèl càvle d’lavor ajò fatt a parlè…!!

FLORA – Su su Celestén dai…(dolce)…in fond in fond…l’è sol par un po’de giorne, miga par la vita…!!

EDVIGE – Propi pensèd bèn Flora…Ganascia al post de Pitrén…Celestén al post de Bonapart…Acsé s’arforma la coppia…

FLORA – Che tra l’atre l’ajè anca più giovna e svélta…!!

CELESTINO - …Miga tant…!!

FLORA – (Convincente)…Voiatre a radopiarì la clientela…!!

EDVIGE - …Lori i la triplica…trachè…!!

CELESTINO – (Disperato)…Mo me ajò da cantè…!! Com a facc a lavrè…??

FLORA – …Embè…?? Miga t’si da par te…C’è ‘l maestre Ganascia …Acsé te Celestén mia  te lavor e te cant… el mastre Ganascia el s’ingegna da murador,…E in più, el t’insegna a cantè…(Dura)…Se ‘l vo’ ste a magnè a chèsa mia l’avrà da fè acsé…che s’no…el girà t’un chèl paés…Mo davér davér…!!

CELESTINO – (Si siede poco convinto)…Mo chi m’avrà fatt aprì la bocca ma me…

FLORA – (Fa per uscire)…Adess Edvige a gém a spighè la situazion ma’l maestre Ganascia…

EDVIGE - …E Bonapart…??...E Pitron…??

FLORA – Ai lascém ‘n do’ jè…!! Préma o dop i v-nirà fòra, s’i vo’ magnè…!!

Le due escono impettite.

CELESTINO – (Disperato si arrabbia con se stesso)…Mo vara te che raza de pèza de schiafa de fregadura….Sa stèva zétt ann’èra méj…!!?? …’N acidènt ma me e quand ajò apèrt la bocca…!!


ATTO SECONDO
 
Sono passate alcune settimane.

Bonapart è comodamente seduto e sta facendo colazione è vestito da attore con camicia a sbuffo e pantaloni attillati.
Entra il maestro Ganascia vestito da lavoro e con la cassetta di ferri in mano.

GANASCIA – (Mogio si rivolge a Bonapart) …Bongiorne….A fè clazion…?? Iè boni i biscott…è véra…??

BONAPART – (Indifferente)…Se…i po’ stè…A i vlé asagè…??

Ganascia si avvicina ai biscotti e fa per prendere l’ultimo biscotto rimasto, ma viene anticipato da Bonapart che molto velocemente prende e mangia l’ultimo biscotto.

BONAPART - …Toh…!! Che pchéd…!! L’era l’ultim…Me dispièc propi…Mo savé ch’i è boni ‘n bèl po’ ‘n bèl po’…!!??

GANASCIA - …Catt…A i créd…

BONAPART – …Bsogna ch’a dégga ma la Flora da gì a cumprè ‘n antra scatola de stì biscott…!!...Savé ch’me da gust un gran bèl po’ a magnèi a la maténa…

GANASCIA - …Al so…Al so…!!

BONAPART – Par noiatre attori di teatro classico, c’vò roba legera…aposida…Quand un el  recita, an pò magnè el pèn…(sfotte)…El pèn va bèn par chi lavora sa i bracc…Recitè “la Giulietta di Varese” l’è ‘na roba romantiga e delichèda…E c’vo’ i biscott aposìd par renda l’atmosfera scenica più dolcia, ve pèr…?? ...” Le parole che escono sussurrate dalle labbra devono essere…lievi…friabili…zuccherose…!! E sti biscutén maché iè propi specèl…!!

GANASCIA - …L’è véra …se…L’è propi véra…Prò…’n armanéssa un…ogni tant anca par me…

BONAPART - …Mo Ganascia…Miga s’po’…Vò a lavré pesant…A fè el muradòr…par vò c’vo’ el pèn e i fichion a stuff…!!

GANASCIA - …Che po’ i fischion inn’è manca tant cundid…

BONAPART – (Sfotte)…Mo sarà méj no…?? A magnè la roba tropa condida, va d’in so el colesteroglio….Lo dice la parola stessa…COLESTEROGLIO…Ossia olio col-estero…olio che va all’estero…e che po’, in definitiva, el va fnì  tla panza vostra maestre …Capid…??

GANASCIA - …Miga tant…!!

BONAPART - …Comunque adèss gì a lavré…forza…che s’no a farì tardi…e dop par giunta a chiapè anca i sbrontol da Celestén e la Flora…Via…!!

GANASCIA – (Si avvia mogio verso l’uscita)…L’è dura ‘n bèl po’ a lavrè…(Fuori)

BONAPART – ...Ann’avé da scordè che il lavoro nobilità l’uomo…Lavrè dur…maestre…lavrè dur…che più lavorate e più vi nobilitate…(Pausa, tra se)…Lavora, lavora…ch’te fa bèn ma la salut…E intant adèss toca ma me e fè ‘l pascià…!!

Osserva l’uscita di Ganascia, gli fa un gestaccio, fa poi un gesto come per fare entrare a qualcuno (anche con un fischio), da una porta che è dietro la bottega entra Pitron che ha assistito di nascosto alla scena…fa per dire qualche cosa, ma dei rumori lo rimandano ancora nascosto dove era prima. Bonapart sente chiamare  e finge di recitare.
Entra la Edvige dalla porta principale.

EDVIGE – ...Floraaaa…!! Floraaa…a so me…C’è la porta aperta maché…(Dolce)...Oh…Bonapart…Co’t’fà…?? Mo la Flora l’an c’è …??

BONAPART – (Finge)…Bonapart…?? E chi sarìa…??

EDVIGE – …Oh Mariavergìn…j archiapa la grisi…!!...(Dolce)…A vléva…A vléva di…A se…Sciachespire…avete faciuto clazione…?? Vi è abastato il da mangiare…??

BONAPART – (Con distacco)…Se…an c’è malacc…Prò i biscott jè fnidi…!! E la Flora l’an c’è…Com a fém sa i biscott…???...Se la Flora l’an c’è…?? Parchè i biscott jè fnidi…!!

EDVIGE – E madona…un momènt…!! Ai vagh a cumpre me……che tant ajò da scapè ‘n antra volta…

BONAPART – (Fa cenno a Flora di andarsene)…Che la vadi…vadi…vadi…An voj essa più disturbèd…Ho necessità di restare solo, in  solitaria solitudine per prepararmi alla commedia dell’AMLETO…!!

EDVIGE - …Co’ fè…??

BONAPART - …Voi non potete accomprerdermi….!! Amleto l’è un principe…(Declama)…”Essere o non …essere…Questo è il dilemma…!!”

EDVIGE – (Fraintende)…E co’ centra adèss l’Emma…a l’avé vista par chèsi…??

BONAPART - …Mo che Emma e Emma…!!...Il DILEMMA…ovverosia il problema d’Amleto…Capìd…??

EDVIGE - …No…

BONAPART – Dunque cara signora…signora o signorina…??

EDVIGE – Signora…

BONAPART –  (A bassa voce)…Signora….!! ??...Mo chi l’è ch’èl matt ch’èl va spusèd…??

EDVIGE – (Un po spaventata)…Com…com te dic…??

BONAPART - …Gnènt…gnènt…Donca a dicéva che…L’Amleto l’è ‘na tragedia…da piagna…alora me a la trasforme in t’una cazèda da rida…Quand Amleto el taca el monologh…”Essere o non essere”, me a gambi argomènt…Amleto l’avrà tra le mèn un bèl brocol invéc del teschio.

EDVIGE -  (Si spaventa)...El teschio…???...Oh Gesù Giuseppe e Maria…mo co’ c’è i mort…??? (In quel momento suonano il campanello d’ingresso)…E adèss chi è…??? Miga sarà i mort…!!

BONAPART - …Se…iè i mortacc vostre ch’i vèn a portè via ma vò…Gì aprì valà…!!

Edvige  esce inebetita di scena poi rientra seguita da un elegantissimo commendatore. Che altri non è che il cliente entrato nel primo atto, il quale non riconosce il posto ove è stato parecchio tempo prima.Comunque si guarda intorno con sospetto.

EDVIGE – (Meravigliata)…Ch’èl…ch’èl s’incomodasa….

COMMEND. - …Carissimo maestro….!!

BONAPART - ..Illustrissimo commendatore…!!

COMMEND. - ...La prego esimio ed eccelso maestro di scusare questa mia non preannunciata visita…Ma ho saputo sa…??....Anche se lei nella sua modestia voleva a tutti i costi mantenere  segreto questo suo segretissssimo segretato segreto…

BONAPART - …Non ho ancora terminato e purtroppo….E’ un segreto !

COMMEND. - …TACCIA…!! TACCIA….Non dica nulla la prego…Ma si vocifera che ella staresse rielaborando …L’Amleto…!!

EDVIGE - …Ma vò…Commendatario…al cnoscé ma st’Amleto…??

COMMEND. – (A Edvige)…Ssssssttt…!!

BONAPART - …Ebbene si…Sarà un Amleto  in chiave satirico Pop- art CULINARIA !!

EDVIGE - …Madòna…!! Anca le parolacc me toca sentì…!!

COMMEND. – (Ad Edvige)…Mamma mia quanta ignoranza….!! …Signora…CULINARIA è l’arte dei fornelli…dei manicaretti lecca baffi…!!

EDVIGE - …Madòna…E co’ sarìa i manicarotti – lecca –puffi….???

BONAPART – (Alza la voce)…Se vuole egregio commendatore posso farle ascoltare il brano da me rielaborato…

COMMEND. – Fantastico…in prima assoluta…!! (Indica Edvige)…Ma questa donna ignorante zotico - zaclona può assistere…??

BONAPART - …Eh…Ormei la c’è…(Ad Edvige)…Prego si assideri…!!

EDVIGE – Eeeehhh???

BONAPART - …A séda…La s’metta a séda…!!

EDVIGE – (Inebetita)…Com…??

COMMEND. - …Cla pogia el cul malé…!!(Forte)

EDVIGE - …Ahh…se…se…

BONAPART - …Mi scusi commendatore……Preparo l’ambientazione AMLETICA… (Esce un attimo e rientra con in mano un bel cavolfiore)…Ecch…Quést par l’atmosfera…!!

EDVIGE - …Mo quèl a l’avéva da cogia par stasera…!!

COMMEND. – SSssssstttt….Ma per favore….(A Bonapart)…Prego..!!

BONAPART – (In posa teatrale declama)…Cavolo o non cavolo…Questo è il problema…!! Se sia peggiore al naso sentirne l’odore nauseabondo, oppur decidersi col cor in pena a mangiarlo…??...Mangiare – dormire – sognare forse…Ma cosa sognare quando siamo impregnati di odori immondi che ci trattengono …E’ la puzza, che tanto prolunga la vita ai nostri tormenti. Chi vorrebbe cambiare quel vile piatto di cavolo cotto troneggiante quale immondo essere che è li a te innanzi a sgomentar la nostra volontà???...Così ci fa vigliacchi la coscienza, così l’incarnato desio di piatti prelibati è fatto smorto dal verdognolo aspetto di cavolo cotto. (Si avvicina ad Edvige)…Ma silenzio ora, ecco la vaga cuoca…Donna…ricordati di gola i miei peccati nella tua cucina eccelsa. (Pone il cavolo in mano ad Edvige).

COMMEND. – (Applaude estasiato) Grandioso…Sublime…incommensurabile…!!

Suona insistente il campanello della porta d’ingresso.

BONAPART – (Si indigna)…Ma NO…No..no…Questa an ce vléva…!!

COMMEND. – Ma chi disturba così…!!?...Non è possibile…!!

Edvige si reca ad aprire. Entra la contessa.
La contessa è vestita in modo molto elegante e raffinato. Con una bella e vistosa borsa al braccio  che appoggia entrando  e poi dimenticherà.

CONTESSA – (Si rivolge al commendatore)….Mio caro…ti ho ritrovato finalmente…(Appoggia la borsa*) Birichino, birichino…Volevi tenerti tutto per te questo novello astro sporgente del mondo della tragedia classica moderna comica….birichino….

COMMEND. – (Baciando la mano alla contessa)…Mia dolce contessa…ma che dice mai….Era mia premurosa intenzione presentarle al più presto il nostro sublime artista…

CONTESSA – (Presentando la mano da baciare a Bonapart)…Oh…quale gioia al cor m’infonde poterla conoscere sublime maestro….

BONAPART – Quale onore Contessa averla qui…in quest’umil dimora…

COMMEND. - …Ove aleggia la musa divina….

CONTESSA - …La prego…DECLAMI…DECLAMI….DECLAMI….!!!

Bonapart prende dalle mani di una imbambolata Edvige il cavolo.

BONAPART - …Cla daga ma me….!!(Poi comincia di nuovo declamare)…CAVOLO o non CAVOLO….questo è il problema…se sia peggiore….ecc ecc…

Entra all’improvviso Edvige.

FLORA - ...E na maténa la gènt...Edvige co’ t’fa maché…??

EDVIGE - …Co’ facc…?? Booo…?? Ann’el so co’ facc…ajò ‘na confusion in tla testa…

FLORA - …E sti sgnor maché chi sarìa…?? Oh insomma s’po’ savé co’ sucéd a chèsa mia…???

CONTESSA – (Seccata)…Oh…ma un po’ di silenzio perbacco…e contegno perdiana…!! …Il grande ed esimio maestro ci stava testè declamando la sua opera, che la mia persona e la persona del signor commendatore stavamo, noi si…  beandoci nell’udire…

FLORA – (Riconosce nel commendatore il precedente cliente)…Chi ‘l sarìa quest…?? Un commendatario….mmm…ma me an me pèr…

Il commendatore, vistosi inaspettatamente riconosciuto cerca in fretta di svignarsela.

COMMEND. - …Bene…Gentile Signorina Contessa, direi a questo punto di togliere  il nostro disturbo….per lasciare l’esimio maestro al profondo studio del  commedioso testo…

CONTESSA - …Ma…in verità non avendo ancora ascoltato nulla di…

Il commendatore spintona la contessa verso l’uscita.

COMMEND. - …Ma lo ascolterà…eccome se lo ascolterà…tra pochi giorni ci sarà la prima teatrale…e poi la seconda…bene…ossequi a tutti quanti…ai più vicini ed ai più distanti…Tante…ma tante care cose….(Fuori veloci entrambi).

Flora ed Edvige rimangono interdette, e Bonapart (Sciachespir) un poco si altera.

BONAPART - …Ecch..?? Ajavé vést….?? A m’avé spaventèd ma’l commendator e..e ma la contessa…Propi quand a stèva par recitè el monologh dl’Amleto…Che po’ el sarìa el moros dla Giulietta de Varese…(A Flora)…Vo’ a cnuscé ma la Giulietta de Varese …se…??

FLORA - …Booo…Me a cnosc ma la Giulietta Rovelli…

BONAPART - …Chiiiii….????

EDVIGE - ...Se…la Giulia Rovelli…la fiola de Demetrio…quél ch’el vendeva le sment al merchèd…che tutti il chiamèvne BON-pés…Quand ajèrmi ragazz, noiatre a chiamémi Giulietta ma lia…!!

BONAPART - …NO…No…e no…!! Ann’è lia capìd…!! Questa l’ajè la Giulietta di Varese…Che forse l’ann’è manca de Varese toh…!!...Che dop in t’ultim la se maza sa na vipera invelenèda…parchè la ved ma Romeo…mort…che po’ ann’è mort…!

EDVIGE - …Oh…Madòna che confusion disgrezieda….!!

FLORA - …E po’…??

BONAPART - …E po’…gnènt…an se sa…Mo co’l’è c’ha vlé savé voiatre donn…ignoranti…Mo miga maché  a stém a vénda i figh in piaza…savé…!!

EDVIGE – (Si risente)…Ohhh…Stè atènti a com a parlè sa…!!!

FLORA – (Cerca di calmarla)…Edvige…so…sta calma…

EDVIGE - …Se…calma…el m’ha da portè rispètt ecch…Me a so’ la moj de Aistan…miga a so na zaclona…

FLORA – (La allontana)…Se…se…Adèss prò a gém…che me v-nud in mènt da fe na roba…

BONAPART - …Ecch…se…Brave – Bravissimeeee…!! Gì a fè’n gìr cl’è méj…Io…SCIACHESPIR…invece…rimarrò qui a studiare e ristudiare il testo in vista della prima…Ah…Vist ch’a gi via… comprè i biscott..ch’i è fnid…Capìd…??

FLORA - …A…se…se…

Bonapart si posiziona nella scena da un lato e comincia a declamare. Dall’altro lato invece Flora ed Edvige, parlottano tra di loro, trovano la borsa ci guardano all’interno e trovano dei documenti. Flora osserva poi rimette tutto a posto.

FLORA -…Dai Edvige, vén sa me che sa fém svélt…ai chiapém…

EDVIGE - …Mo… a chiapém…ma chi…?

FLORA - …MMMMM….Par me  Edvige c’è ‘n qualco’ ch’an quedra…e me caréna…an so imbecélla dai…

EDVIGE - …Mo Flora…co’ t’da i numbre del lott anca te adèss…??

FLORA - …E no caréna…me sa’n te dispièc  i numbre del lott ancora ann’i dagh…dai camenna che a te spigh tutt par la strèda…dai…!!

EDVIGE - …E se…parchè me ann’ho capìd un gran che….

FLORA - ...E caménna…Movte…!! (Fuori entrambe veloci)

Bonapart aspetta che le donne escano di scena, poi va loro dietro per sincerarsi dell’uscita. Infine si rilassa e chiama l’amico nascosto.


BONAPART - ...Vèn otra Pitron…!!

PITRON – (Esce ridendo di gusto)…Ann’ho mèi ris acsé…!!...Par poch me se sloga ‘na ganascia…!! Mo te com t’ha fatta a stè sèri…??

BONAPART - …Eeeh…Caro mio…A so ‘n artista néd…!! Piutost…T’ha vést che sorpresa c’ha t’ho fatt…??

PITRON - …El commendator…e la contèssa…Roba da murì dal rida…Mo ‘n do’ ti ha trovèdi…??

BONAPART - …Iè dò ator diletant…d’una compagnia maché de Pésre….La…la…Piccola….(Pensa)…Vara te ch’an me vén el nom…

PITRON - …Sarà costèd ‘na mucchia…

BONAPART - …Mo no …capirà…I m’ha dat da fè ‘n lavor in t’i cèss del teatre nov ch’i a fatt in via dell’Aquebrontolo…

PITRON - …E ‘n do’ sarìa…??

BONAPART - ...Drìa la caserma…E quand era ora da paghè, ch’a so gìd a riscoda…acsé parland  e v-nud fora che quel ch’el fa el comendator, l’ha la moj, tre fioli e la soc-ra in chèsa…

PITRON – Oh…purétt…el sarà ‘n martir…a tribolém noiatre sa na dona sola pa…lo purtén sa cinque…el s’insciapirà del tutt…!!

BONAPART - …Apunt…Alora me ajò arcuntèdi dl’imbroj c’ha ce sém inventèd  par stè un po’ in pèc…E lò el m’ha détt ch’èl vléva provè da fè cumpagn…Acsé ajò detti…me a t’ facc un po’ de scont in ti cèss nov del teatre se te, che t’si ‘n ator, t’invènt un qualcò’ par chiapè par el nés  ancora de piò  ma la Flora e ma l’Edvige capìd…??

PITRON - …E tac…è v-nud fòra el commendator e la contessa…Propi ‘na bèla pensèda vara…

BONAPART - ...Sol ch’i a fatt tutt acsé a la svélta…che vara an me so’ manca incort…iaveva da insésta de più t’el schérz, specialmènt quand è arivéd la Flora….

Suona insistentemente il cellulare della ditta.

BONAPART - …Dai Pitrén rispond te….

PITRON - ...Se…(Pausa)…Pronto ?? Ha qualche cadavere da depositare…?? …No…qui è la società … Eh…Chi è…??(A Bonapart)…L’è ‘l commendator…el vo’ parlè sa te…!

BONAPART - …Pronto…??...ecch…se…Ai vléva dì…che magari s’ la fèva ‘na mulighéna più longa…A ce divertémmi de più…no ?... Com…?…Com sarìa a dì…cl’è stèd arcnosciud…??...E da chi ??...Da cla signora cl’ajè arivéda in tl’ultim…!! Ajò capid…Se... mi surela…La Flora…!!...E se…Co’ c’è stéd…?? Un sgambi de persona…??...Mi surèla l’ajavrìa sgambièd ma lei…par el falegnèm…Oh…madona che confusion…!! E comunque, senza fèla tanta longa… se la Flora ma lei la cnosc anca de vésta…maché la question la gambia…E alora anca ste nostre schérz el cmincia a dventè pericolos!!…Pronto…Pronto….??...La chius…!!...Bo…!!

PITRON - …Co’ l’avrìa détt…

BONAPART - ...Eh…L’ha détt che la Flora…I l’ha arcosciud…

PITRON - …Oh Signor…I l’ha arcnosciudè..??!! E com l’ajà fatt…??

BONAPART – Ah…Ann’el so…El m’ha détt…Ch’c’è stèd un sgambi de persona…Mo…ann’ho capìd un gran che…

PITRON – E…Alora…??

BONAPART - …Alora adess maché Pitrén…S’an vlém gì a fnì in ti guèi gross un gran bèl po’…Me a dégh che bsogna anticipè e a la svélta el rientre alla normalità…

PITRON - …Mo acsé de bott…?? E com s’fa…??...Madòna santa…!!

BONAPART - …Stà calme su…Sta a sentì ma me…Me v-nùd ‘n idèa…Ormèi l’è quindic giorne ch’a purtém avanti sta bufonèda de Bruneri e Canella… e prima o dop tocarà fnila no…??

PITRON - ...E ardaila sa ste brulè sa la canèla…

BONAPART – Vara Pitron…Sta a sentì ma me…Ste fatt ch’el comendator el sia stad arcnosciud da la Flora…L’è’l segnèl che noiatre do…me e te…Bonapart e Pitron…Jà da smétta da essa come Bruneri e Canella….Nella fattispece Sciachespir e Ainstan…E sa d’arturnè a essa Bonapart e Pitron…Capid…???

PITRON – Mmmmm…Miga tant…!

BONAPART - …O insomma…Bsogna arturnè nurmèl…Quéi de prèma…Te, t’artorne a essa Pitron…el marid dl’Edvige…Quel ch’èl fa el murador…E me aiartorne a essa quel c’ha ièra e a so…Osia…Bonapart…l’idralich…el fradèl dla Flora…

PITRON - …E…E com a fém…??

BONAPART – Ohhh…Cum a fém…?? Semplic…A fém finta da durmi…adèss, machè…subit…!!

PITRON - ...E po’…??

BONAPART - …E po’, quand  ariva cle donn… a ce svighiém pièn pièn …e a fém finta ch’an sia  sucèss gnènt…Tutt nurmèl…Insomma, ajavém da fè créda  che par me e par te l’è quindic gione fa…!!

PITRON - …Sarìa a dì ch’èl tèmp ann’è pasèd par gnènt …

BONAPART - …Proprì acsé…!! …Alora…adèss sta a sentì ma me…Ricapitoliamo…Tra un po’ le nostre beneamate, angeliche, delicate donne, l’è artornarà maché …E co’ le trovarà…??

PITRON - …Co’ le trovarà…?? Booo….!!

BONAPART - …Mo com booo…?!! Teston…!! Le trovarà me e te a séda maché…Indurmentèdi…E alora…magari le ce chiema no…(Imita)…” Ainstan…?? Sciachespir…??

PITRON - …E…e … noiatre ajaprém i occh…

BONAPART - ...Esatto…mo pièn pièn…e po’ ajavém da fè anca la facia imbambolèda…Ajavém da caschè da le nuvol…Co’ c’è…?? Chi è…?? Co’ è sucéss…?? Pitron…La menesia nostra, l’ajèra d’pasagg…com i storne…Ogg i c’è…Dmén in c’è piò…!! T’ha capid…??

PITRON - …Se..Se…Ajò capìd…sol…sol che ce sarìa un problema…

BONAPART - …Che Problema…??

PITRON - …E che me…miga a so fè finta da durmì…!!

BONAPART – E capirà..!! Co’ c’vò…! Basta che t’chiud i occh…!!

PITRON – (Prova e tiene la bocca aperta)…Va bèn acsé…??

BONAPART – …Chiud cla bocca…la me pèr un forne…

PITRON - …Mo…ann’ho da sarnuchiè…?

BONAPART – Mo co’ t’vò sarnuchiè…bamblon…An t’ha da durmì par davér…T’ha da essa come un quand l’ha fatt un operazion…quand l’è fnid l’efètt dla dormia…Ecch…fa com a facc me valà…!! (Si mette a dormire per finta).

Da fuori scena si sentono in le voci della Flora e dell’Edvige che rientrano.

PITRON – (Si alza e va ad ascoltare)…L’ejè lorle…

BONAPART – Dai Pitrén…Ai post de combatimènt….!!

PITRON – (Imita la tromba)…PA – PAPA’ – PARAPARAPARAAAA….!!

BONAPART - …Invurnìd…dorma…dorma….

I due fingono di dormire. E finalmente entrano in scena Flora ed Edvige.

FLORA -…Vén déntra Edvige…(Vede i due)…Va maché ‘n do’ jè tutt do…

EDVIGE - …Toh…!! I dorma i angiolétt…Dì Flora…Ai vlém dè la sveja…

FLORA - …No…no…ancora no…lascia fè ma me…(Si avvicina ai due addormentati)…Sciachespirrrr….(Dolce)…Bonapart…!!

EDVIGE – (Dolce)…Ainstannn….Pitronnn…!!

BONAPART – (Aprendo piano gli occhi)…Co’…co’ c’è…???

PITRON – (Apre gli occhi)…Chi è…??

BONAPART – (Si tiene la testa tra le mani)…Ohhh…la mi testa…Mo Flora…co’ è sucéss…??...Pitron…Co’ t’fa maché…??

PITRON – (Si finge imbambolato)…Odiooo…Me gira tutt…Oh Edvige…

EDVIGE – (Con finta dolcezza)…Ciao…Pitron…!!

FLORA – (Ironica)…Te durmìv Sciachespir…???

BONAPART – (Si finge sorpreso)…Chiiiii…??? Sciachespir…?? E chi sarìa…??

FLORA - …O…scusme tant…A vléva dì…Bonapart…Mo qualca volta a me confond…Prò anca te, t’si buff…’Na volta a t’ho da chiamè Sciachespir…’na volta Bonapart…

EDVIGE – (A Pitren)…E te lo stéss…’Na volta Aistann…Na volta Pitron…

PITRON - …Co’…??  Di un po’ Bonapart…Co’ jà chiapèd ma stè donn…??

BONAPART - …T’vo’ véda che jà chiapèd un colp de sol…

FLORA – (Con finta dolcezza)…Ma noiatre no d’sigur…El tèmp par ste t’èl sol par noiatre an c’è…Vera Edvige…?? E da quindic giorne ch’a stém drìa ma voiatre…

PITRON – E…Parchè…??

EDVIGE – Parchè te…chèr el mi Pitron…T’avév pers la testa…(Si altera)

FLORA – (La calma)…Edvige, sta calma…ann’i tratè mèl…i po’ archiapè ‘n arcaschèda…Propi adèss che s’incmincia a véda i segn dla guarigion!!

BONAPART - …Me Flora, ann’ho capìd un bèl gnènt….

PITRON - …E meee…?? Co’ sarìa sti segn dla guarigion…??

BONAPART - …Già…E co’ sarìa par giunta…Quindic giorne ch’a stè drìa ma noiatre…

FLORA - …E’ sucèss che voiatre dò…acsé de bott…ajavé pèrs la testa…

EDVIGE - …E già…!!

BONAPART - …Sta a veda Pitron che adèss l’è c’incolpa d’avé l’amiga…

PITRON - …Se…magari la Roscia…

FLORA - …La Roscia lascièla stè ‘n do’ l’ajè par piacér…’Na roba a la volta…!

EDVIGE – E comunque è capitéd tutt dò stmén fa….Co’ sia stèd an se sa…

FLORA - …Te Bonapart t’ha cmincèd a sgagè che t’er Sciachespire e t’gìv a la cerca de l’Amletto sa la Giolietta di Varese….

BONAPART – (Sorpreso)…A cerchèva ma chiiiii….????

EDVIGE - …E te Pitron invéc te stèv a fè tutti i giorne i cont…da la maténa a la sera…e me …me a t’avéva da chiamè…Ainstan….

PITRON - …Co’ fèva meeee…???

FLORA – (Ironica)…Purtinéni…in s’arcorda più gnènt…

EDVIGE – (Ironica)…Mo par forza Flora…jè ancora sotta scioch…!!

BONAPART - …E co’ sarìa ste scioch..? Un malann nov…??

PITRON - …Miga s’atacarà…!?

FLORA - …Adèss a ve spiègh…quindic giorne fa v’ha chiapèd la grisi…par el tropp lavor…

BONAPART – Aah…Quést an po’ essa…Noiatre a sém tajèdi sa’l scorcèll par lavrè…Vera Pitron…??

PITRON – Par noiatre el lavor l’è tutta salud…!!

EDVIGE - …E invéc ajavé fatt…”Cracchète”…!!

FLORA – Propi…Ajavévi scordèd tutt…Celestén l’ha détt ch’era ‘na…menesia…

PITRON - …E el dotor co’ l’ha détt…??

BONAPART – Ecch se…parchè tante l dotor el c’avrà vést…Tastèd, busèd in tle spall…misurèd la presion…

PITRON – Guardèd la lingua sl’ajèra sporca…

EDVIGE – I dotor in serviva…parchè la vostra la jèra una malattia speciale…

FLORA - …Ecch se…!!...E magari i dutor i ve podrà servì più avanti…è vera Edvige…??

EDVIGE - …E già…!!

BONAPART - …Ah…me pièc toh…!!...A stagh mèl…moribond…più dlà che de quà…sa’n pìd in tla fosa….

PITRON - …E I becamort dria ma la porta…e ann’avé pensèd da chiamè subit el dutor….E co’ ajavévi paura da spénda i sold…?? C’era la mutua no…??

FLORA - …I dotor jà da fè anca tropp par chi sta mèl par davér…e par voiatre dò…in serviva…(pausa)…par adèss…

BONAPART – (Si altera)…E no…!! T’ha capìd…? Lascia pur chi crépa sti dò vechiacc…!! A quést ajavé pensèd…??!

FLORA – (Fingendosi addolorata)…Se t’savéss quant a t’n’ho fatt…!!

EDVIGE – (Fingendosi addolorata)…E me…?? A me so’ squaièda a forza de piagna…A so dventèda più sciutta d’na canocchia….!!

FLORA – (Come sopra)…Voiatre a pudé anca non créda…Prò Celestén e Ganascia i c’ha vést a lavré dur par voiatre…

EDVIGE - …E già…Dmandè la lori…!!

BONAPART - ...Un momènt…adèss me vèn un dubbi…!!Se me a stèva mèl…chi ha lavrèd al post mio…

PITRON - …Anzi…al post nostre…

FLORA - ...Celestén e Ganascia…

EDVIGE – I va sostituid durant la malattia…Celestén l’ha fatt l’idraligh e Ganascia el murador…

BONAPART - …E daila sa sta malattia…Me a stagh bèn t’èl vo capì se o no…??

PITRON – A stém bèn com i zulén…

FLORA - …Adèss a stè bèn…

EDVIGE – Préma invéc….

BONAPART - …Me a vagh in t’i matt…Mi nipod ch’el lavora ann’i poss créda…e Ganascia…

PITRON - …Ganascia ch’èl fa el murador l’è ‘l colme par davér…me fa rida sol a pensè…

FLORA - …So, so…adèss, la facénda vostra la s’meterà a post…è véra Edvige…

EDVIGE – Ah…sigur…e tutt par el méj…!!

BONAPART – Mmmm….sarà…!! Comunque adèss noiatre a gém a butéga…chisà che diavle l’avrà combinèd mi nipod …in sti quindic giorne che me an c’era…

PITRON - ...E manca me a c’èra…!!

Entrambi escono di scena.
Pausa silenziosa. Le due donne osservano uscire i due uomini.

EDVIGE - …Mo Flora…dop tutt quél ch’è capitéd…A lascém perda tutt acsé…??!

FLORA – (Ironica)…Lascia fè ma me Edvige…la VENDETTA…l’ann’ha prèscia…!!

Suona il campanello d’ingresso.
Flora va ad aprire.
Alcuni attimi poi rientra seguita dalla pomposa contessa.

CONTESSA - …Mi scusi tanto signora…Mi scusi tanto questa mia rintré…ma nella mia uscita precedente mentre visitavo ed ascoltavo estasiata il sublime maestro ho distrattamente dimentigato la mia begh…la mia borsa…

FLORA – Ohhh…T’ha capìd Edvige…?? La contessa la s’è scordèda la borscetta…La contessa…

EDVIGE - …Se…Questa maché l’ajè contèssa come me…(Alla contessa)…Mo bèda gì valà…!!

CONTESSA – (Risentita)…Ma signore…!!...Io son tornata a riprendere la mia borsa con all’interno le mie private robe…cioè cose…pure preziose…e voi due entrambe ambedue mi trattate col  pesce sulla faccia…?? Proprio non capisco…

FLORA - …(Ironica)…Ah…L’ann’ha capìd…??An sarà par chèsi el pès de chi pendaj ma i urécch ch’i va tapèd i bugh dle trombe del pistacchio…??!!

CONTESSA – (Offesa)…Non le permetto questo tono…

EDVIGE - …T’ha capìd Flora…?? La contessa l’an permétt…

CONTESSA - …NO, non le permetto assolutamente…

FLORA - …Arcurdèv bèn contessa ch’ a si a chèsa mia…e maché chi permette o non permette…a so’ me…E’ ora ch’a calé la grèsta va bèn…CONTESSA..??

CONTESSA – Lei non sa con chi sta parlando…!!

EDVIGE - …Guardè contessa…Che ‘n ochièda dentra ma la borsa a l’avém data co’n credé…

FLORA - …E se vo’ a si contessa…Me a so la favorita del re del Bangladesc…e lia la fiola del maragia de Mompracèn…Va bèn…??

CONTESSA – Signore…io non permetto questo tono rustico e villano…Voi non sapete proprio con chi avete a che facere…

FLORA - ...A nooo…?? Vo’ caréna an si la fiola dla Catolla…?? Vostre pédre ann’è Ristide, de sopranom detta anca Sbangiola par via che quand l’alzèva un po’ troppe l gomit el fèva l’altaléna da un marciapìd a clatre…??

CONTESSA - …Ma come si permette…Non le permetto…???

EDVIGE - …Ah…ma quaioni prò…A savé sol di…”NON LE PERMETTO” ??? Mo parlè piutost com a magnè…!!

La contessa qui ha una trasformazione e scatta in piedi se è seduta.

CONTESSA - …Adèss basta…!!

FLORA – Oh…La contessa la s’è risantuda…

CONTESSA - …(Arrabbiata)…Mo se sa…an ve permétt d’ofénda ma mi pèdre e mi mèdra…me all’ocasion a so’ essa anca n’ artista…mo quand do’ befèn com a si vo’ le cimènta ‘n po’ tropp…alora me a gambi personagg…a quand a gambi personagg vo’ dì ch’ajavé pasèd i limit dla pacènza…!!...Insomma a vlé savé la verità anca slà vé pudrà scotè…??

FLORA – Sentém un po’ sta verità…Sora contessa…(Fa un inchino)

CONTESSA – Madona…a girè tutta Pésre an s’trova d’sigur do stregacc pégg de vo’…Se Dante Allinghieri el fossa ancora viv…an savrìa propi in che giron dl’inferne cacièv…(Con rabbia)…L’avrìa dovud scriva ‘na comèdia nova sol par voiatre do’….

EDVIGE - …Oste…!! T’ha sentìd Flora…Dante Allighieri…La contessa la s’è istruida…

FLORA - …Ajò sentìd…ajò sentìd…dì un po’ contessa…A si gid a scola da la BUGHI…???

CONTESSA - …El bugh…a l’avé fatt voiatre dò’…Bonapart e Pitron i v’ha chiapèd par el cul…e vè sta bèn com un capott nov…toh…!!

FLORA - …Mo lascia gì valà…bugata…Noiatre bèla gioa… ajavém fatt finta da créda…Mo figurte te, se Bonapart e Pitron i po’ chiapè par el cul ma la Flora e ma L’Edvige…Se propi t’èl vo’ savé…A vlémi  propi véda com la gìva a fni sta commedia e le comediant del par vostre…

CONTESSA - …Io sono un attrice…l’arte ce l’ho nel sangue…

FLORA - ...E adèss co’ fè i sarmon…?? A fè parte dl’esercito della salvezza…?? E la banda…?? Parchè d’regola c’è anca la banda, sa la tromba, la cornetta e la grancassa…

CONTESSA – (Minacciosa)…Adèss a vè son me la grancassa s’an la fè fnìda…!!

EDVIGE – (Ironica)…A vlé sunè la grancassa…?? Provè a sbata la testa contra cla porta…a sentirì che rimbomb…!!

CONTESSA – (Sfotte)…An vrìa se rumpissa la porta…!!

FLORA - …E già…ajavé ragion…Sa cla testa dura ch’ajavé…(Si dirige verso il fondo per aprire la porta)…Ecch contessa…A pudé scapè senza pericol da rompa la porta…!!

CONTESSA – (Si avvia verso l’uscita molto arrabbiata)…Se tutti al mond i fossa come vo’…

EDVIGE - …Se starìa in paradìs se starìa…tra i sant…!!

CONTESSA – (Sulla porta)…Me se da morta ajavéssa da gì in paradis e trovassa ma voiatre do’…a faria domanda da gì a l’inferne…(Esce veloce)

FLORA - …E alora gì a l’inferne…Intipatiga d’una zaclona…Com’è contessa…el cul an ve balla piò…!! El ve sé ritiréd da la fifa…???...Alora l’è méj ch’a stè a la larga da chèsa mia capìd…??...E gì a murì d’un colp…Contessa…!! (Cambia tono e si rivolge ad Edvige)…Mo pènsa te che raza de gènt s’ha da incuntrè e Edvige…??

EDVIGE - …E già…vara porca boia a so’ incagnèda netta…a so’ imbufalida…!! Sa chiap ma qualch’d’un …al magn viv…!!

FLORA -  Giust…Alora me pèr propi el momènt adatt par gì a regolè i cont sa tu marìd e mi fradèll…Dai…Gem…

Le due fanno per entrare nella bottega, ma in quel momento dalla porta entra la ROSCIA !

ROSCIA – …E’ parméss…!??

FLORA - ...Avanti…!! E adèss chi è…??...Oooohh…!!

ROSCIA - …Scusè sa i entre senza essa stèda invitèda..!! Ann’è t’èl mi caratre gì a fè le discusion a chèsa di atre…Prò stavolta ajavé pasèd el segn…!!

FLORA - …El segn de co’ …???

EDVIGE – L’ajavrà da fè qualca ambascèda par cont dla gata…

ROSCIA - …Propi acsé…!!

FLORA - …E alora sl’ajà da fè ‘n ambascèda, la pudéva gì adiritura a Roma…I dic, Edvige, che a Roma c’è i gatt a stuff…de tutt le razz…

EDVIGE - ...E se c’è i gatt a stuff, alora ce sarà a stuff anca i dotor di gatt …!! Magari più in gamba…e specializèdi par curè le brignocol…

FLORA - …Quelli cle s’forma sa le tachéd dle scarp…

ROSCIA - …Oh caréna…me ann’ho voja da scherzè par gnènt…T’ha capìd…??

FLORA –…E manca me  ajò voja da scherzè… ??...Donca,  dcì quél ch’ajavé da dì e a la svélta, che noiatre  ann’avém el tèmp da perda…

ROSCIA - …E invéc el tèmp al trovarì e com…O a me stè a sentì fin in fond o s’no…!!

FLORA - …O s’no…??

EDVIGE - …O s’no…??

ROSCIA - …O s’no a métt sta facenda in tle mèn de chi sò me…

FLORA - …E de grezia…chi sarìa sto’…??

ROSCIA - …Sarìa ‘n avochèd sa i fioch sarìa…capìd…??

FLORA - …E nooo…!! T’ha capìd Edvige…La signora la vo’ métta l’avochèd…

EDVIGE - …Se…Quello delle cause sballate…!! (Ridono)

ROSCIA - …O insomma…ajavé da lascè in pèc  ma cla gaténa mia capìd…??

FLORA - ...E vo’ a ajavé da insgnè ma cla gatacia vostra da lascè gì da piscè in t’èl spigol de chèsa mia…

ROSCIA - ..E no vaaa….!! La mia FRI- FRU…stè spurcarì an le fa…!!

EDVIGE – E già !… Sta a véda cla usa i Lines com i fiulén…

FLORA - …Se…i lines…malé c’vo’ n’sciur da damigèna…Trachè i Lines…!!

ROSCIA - …Insomma…me an so v-nuda maché par essa portèda in gìr, mo par avisèv, che se la facénda la s’ripét, a v’denuzi ma tutt’le do’…

FLORA - …A denunziè ma chi…??...Ma mee..?? Ma lia…?? Mo lascia gì valà…

EDVIGE - Dì un po’ Roscia, co’ t’và cercand rogna…??

ROSCIA - …Alora…Préma de tutt me a me chièm OSVALDA, e no Roscia…

EDVIGE - …Davére ??...Mo se tutti i te chièma Roscia…!!

ROSCIA - … I me chièma Roscia, prò me a me chièm Osvalda va bén…?!!

FLORA - …Alora sta a sentì ma me OSVALDA – ROSCIA…Co’ t’va cercand rogna…??

A questo punto la Roscia ha un tentativo di reazione rabbiosa.

ROSCIA – (Alza la mano come se volesse picchiare)…Ajavé da ringraziè ch’ann so’ a chèsa mia che s’no…!!

FLORA - …Che s’no…Co’…?? …Mo lascia gì valà…!!

ROSCIA – (Arrabbiata)…Madòna…!! An sò propi chi me ténga a dév un père de schiafon…!!...Un pròn vè…Pam pam…!!

FLORA – (La affronta)…E t’avréss anca el coragg da ricorra ma  le mèn…?? E déntra a  chèsa mia par giunta…??...Prova…Prova a tuché ma l’Edvige cl’ajè anzièna…Prova…??...A t’chiap par le orecch e a te svrucch la facia com na caramela GOLIA !!!

ROSCIA - …Oh…Non vi preoccupate…Io non mi vago a sporchire le mane con voglialtre due…anzie vi avviso che se non la smettete tutto questo andarerivieni, vi arriva un ciaccagnocco cadacranio in quelle teste svoide che girate a tondo per una settimana…

EDVIGE – E na maténa com te parle bèn Roscia…E ‘n do’ t’ha impared anca te  a parlè il tagliano dalle MAESTRE SPIE ???

ROSCIA – Mamma mia quanta grezzura…Mo ….Ajavé un specch a chésa…?? SE…alora guardèv ogni tant…acsé a pudé vèda che raza de gènt a sit…!!

EDVIGE - …Mo sènt ma questa…?? E  TE…??...Chi t’créd da essa…Dì…??

ROSCIA - …Me a so’ quél ch’a so’…prò an vagh sigur al merchèd a compre le scarp e i vestid… ME…!!

EDVIGE - …E nooo…!! T’ha sentud Flora… ??..La SIGNORA la va a la botiqque…

FLORA - …Se…la botiqque d’BARBARANCIA…el stracér, quél ch’èl stèva a pantén…

ROSCIA – (Si arrabbia)…Adess ajavé propi pasèd i limit dla pacènza…Guardè che s’a m’incagn bin bèn a facc brutt eh…

FLORA - ...Madòna…me tréma le sacocc da la fifa me tréma…Mo bèda a gì valà…BEFENA…
ROSCIA – Befèna ma meee…??

FLORA - …Se…ma te…Befèna e bugata…Toh…!!

EDVIGE - …Par nun dì de pegg…(pausa)…Dì un po’ OSVALDA…che mestir te fa te caréna…??

ROSCIA - ... Va’l a dmandè ma tu marid che mestìr a facc…lo il sa bèn il sa…E comunque  sono  casareccia casalinga…!!

FLORA - …Gia…Casareccia Casalinga dispereda…Sarìa a dì…Guèsi putt…Oh…Co’ stèva par dì…!!

ROSCIA – An te permetta sa…an te permetta da fe certle insinuazion…che me a t’port par davér in tribunèl…

FLORA - …Oh…sta  a sentì Roscia…Fa’ n po’ quél ch’te pèr…basta che adèss t’va fòra di minchion, che noiatre ajavém da fè…

ROSCIA - …Ajavé da lascè stè ma cla gaténa mia capìd…??

FLORA - ...Vara…Osvalda…me a t’dégh una roba sola…Sa incontre, anca par sbaj ma cla gatacia tua….A t’èl giur sora la testa de di fradèll Bonapart…Me a la chiap, e po’ ai tir el col com fussa ‘n galnacc….Va bèn…?? E adèss via par piacér…dai su…

ROSCIA - …Te prova…prova,  a tuchèla ma la mi gaténa…Prova…

FLORA - …Insomma t’ha da gì via …t’ha capìd …?? Se o no…??

ROSCIA - …A vagh…a vagh…mo an fnisc maché…Ci vediamo in tribunale…ci vediamo…!! (Esce)

EDVIGE - …Mo lascia gì valà…(Gridando)…Giamblena…!!

FLORA - ...(Grida)…Zaclonaaaa….!!

EDVIGE - …Bugataa…!!

FLORA - …SCROFFA…!!!....

EDVIGE - …Basta Flora…Basta…an t’arabì acsé…Che t’vén un infart …miga no…??!!

FLORA - …Oh…finalmènt…a me so’ sfughèda ‘na muliga…parchè ancora Edvige mia l’ann’è fnida…

EDVIGE - ...E già…Adèss gém a fè i cont sa chi do’ malà….(pausa)…Me a so’ pronta…

FLORA - ...Anca me a so’ pronta…!!

EDVIGE - …Alora gém dai…

Le due donne entrano con fare minaccioso nella bottega dove si trovano Pitron e Bonapart. Scemano lentamente le luci di scena (mezze luci), musica. Dopo un po’ le luci ritornano alla normalità (sempre musica) sulla scena vuota.

PROLOGO FINALE

Attraversano mestamente la scena Celestino ed il maestro Ganascia entrambi in abiti da lavoro. Celestino idraulico, Ganascia muratore.Escono dalla parte opposta. Poi entrano (da dove sono usciti Celestino e Ganascia), Edvige e Pitron. Pitron ha una vistosa fasciatura intorno alla testa ed il braccio sinistro ingessato.

EDVIGE – (Chiama)…Floraaa…Flora a so’ maché…!!

PITRON - ...Permesso…!!?

FLORA – (Entrando)… Oh…Edvige…ajò fatt eh…!!

PITRON - …Bonaparte el c’è…??
FLORA - …No…l’è gid a giughè a palon…e po’ el giva a balè…
Entra Bonapart, ha una vistosa fasciatura sulla testa ed il braccio destro ingessato.
BONAPART - …A so’ maché…A so’ maché…!!
EDVIGE - …Alora…?? Cum va Bonapart…??
BONAPART - …Com va…?? Bo…!! Te Pitron …Com va…??
PITRON - …Nsomma…Pudrìa gì méj…!!
BONAPART - …Ecch…sentìd…?? Pudrìa gì méj…
FLORA - ...Eh…Mo madòna…a v’lamentè sempre com i fiulén…E capìrà…per un piccolo incidente sul lavoro…
EDVIGE - …Che tra l’atre po’ anca capìdè…
PITRON - …Specialmènt si te tira le sedi … i tavlén…i martèi…e..
BONAPART - …E le chièv inglés…
FLORA - …Se, adèss basta prò eh…! Stè a sentì ma me invéc…Alora…Celestén e Ganascia iè gid a lavrè e iartorna stasera, me adèss a scapp sa l’Edvige, ch’ajavém da fè…
BONAPART - …E mee…??
FLORA - …Te te sta maché sa Pitron…
EDVIGE – Catt…a t’lo purtèd aposta…acsé el te fa compagnia…
BONAPART - …E co’l’è ch’a fém in dò maché…??
FLORA - …Ah…Mo te si dur de comprendoni….C’è da ricéva ma la gent…e risponda ma’l telefon…
EDVIGE – …Chèsimèi i cercasa ma ‘n idravligh o ‘n falegnèm…an sarà tant dificil no…??
BONAPART - …Va bèn va bèn…Tant varà maché com a sém mèssi…An pudém fè ‘na mucchia d’movimènt…E’ véra Pitron…??
PITRON - …Ah…bo…me an so’ gnènt…!!
FLORA - …Ecch…se…bravi…Alora adèss me e L’Edvige a gém via…Oh…ragazi…stè in campèna eh…!!! (Fuori)
Bonapart e Pitron, ora rimangono soli. Silenzio.
PITRON - …Toh..!! T’ha sentìd…??
BONAPART - …Co’…??
PITRON - ...Com “Co’ “??...(Imita)…Oh ragazi stè in campèna…com se le cmandasa lorì…!!
BONAPART - …Beh…efetivamènt…le cmanda lorle…no…??...Te co’ t’dic…??
PITRON – (Alterato)…Insomma…insomma…me a dégh che(si calma)…SE…le cmanda lorle…se…
BONAPART – Ah…vara te com le c’ha ardott…fortuna cl’ejèra el sesso debole…
PITRON – Colpa tua…L’ajè tutta colpa tua…
BONAPART – Colpa mia…?? E parchè…??
PITRON - …Te t’avud l’idea de…Bruneri e Cannella…
BONAPART - …Dì tutt quél ch’te pèr…L’ajè stèda ‘na grand idea…Almanch a ce sém divertìd…T’vò béva…??
Prende da bere, bottiglione e due bicchieri (Come può)
PITRON – Se…dam da béva valà….(versa)…T’ha ragion a ce sém divertid…quand ajarpèns…ancora a rid…
BONAPART – E che me fa mèl a ipri la bocca…che s’no ‘na bèla risèda a la faria anca adèss….!!
PITRON – Stà bon…stà bon…an me fè rida valà…che me se spaca la testa dal mèl…
BONAPART - …Se…Se…Che po’ quand’è la fén…”GIRA, MISTA E BRELLA…L’AJE’ SEMPRE QUELLA…!!”….A la salud…(beve)
PITRON - …A la tua…!!
                                      
MUSICA

SIPARIO

FINE